ʻO KA ʻEPISETOLE HOʻOLAHA ʻALUA A PETERO 2:4 - Ka Baibala Hemolele

⁴ No ka mea, inā ʻaʻole i aloha mai ke Akua i nā ʻānela i hewa; akā, kiola nō iā lākou i lalo i ka pō, me ka paʻa i nā kaula o ka pouli, i mālama ʻia ai no ka hoʻāhewa ʻia;

ʻO KA ʻEPISETOLE HOʻOLAHA ʻALUA A PETERO 2:4 Iomraidhean Croise

KA BUKE NO IOBA 21:30

“No ka mea, ua waiho ʻia ka poʻe hewa no ka lā pōpilikia, A e lawe ʻia mai lākou no ka lā e inaina ai.

KA BUKE NO IOBA 4:18

‘Aia hoʻi, ʻaʻole ia i hilinaʻi i kāna poʻe kauā, A hoʻoili nō ia i ka hewa ma luna o kona poʻe ʻānela;

KA BUKE O NĀ HALELŪ 78:50

Hoʻomākaukau ihola ʻo ia i ke ala no kona huhū, ʻAʻole ia i kāohi i ko lākou ʻuhane mai ka make mai; Akā, hāʻawi nō ʻo ia i ko lākou ola i ka maʻi ahulau;

KA WĀNANA A ʻISAIA 14:12

“Auē kou hāʻule ʻana mai ka lani mai, E ka Hōkūloa, ke keiki a ke kakahiaka! Ua kua ʻia ʻoe i lalo i ka honua, ʻO ʻoe, ka mea i hoʻoʻauheʻe i ko nā ʻāina.

KA WĀNANA A ʻEZEKIʻELA 5:11

‘No laila, ma koʻu ola ʻana,’ wahi a Iēhova ka Haku, ‘ʻoiaʻiʻo, no kou hoʻohaumia ʻana i koʻu keʻena kapu, me kou mau mea i inaina ʻia, a me kou mau mea hoʻopailua; no laila, e hoʻēmi au iā ʻoe, ʻaʻole e aloha koʻu maka iā ʻoe, ʻaʻole hoʻi au e menemene aku iā ʻoe.

KA WĀNANA A ʻEZEKIʻELA 7:4

‘ʻAʻole e aloha koʻu maka iā ʻoe, ʻaʻole au e ahonui iā ʻoe; akā, e hoʻoili au i ka uku no kou mau ʻaoʻao ma luna ou, a ma waena aku nō ou kou mau mea inaina; a e ʻike nō ʻoukou ʻo wau nō Iēhova.’

KA WĀNANA A ʻEZEKIʻELA 7:9

‘ʻAʻole e aloha koʻu maka, ʻaʻole hoʻi au e ahonui; e uku au iā ʻoe e like me kou mau ʻaoʻao, a me kou mau mea inaina ʻia i waenakonu ou, a e ʻike nō ʻoukou, ʻo wau nō Iēhova ka mea i hahau.

KA ʻEUANELIO I KĀKAU ʻIA AI E MATAIO 25:41

“A laila, e ʻōlelo aʻe ia i ka poʻe ma ka lima hema, ‘E ka poʻe i ʻāhewa ʻia, haele ʻoukou pēlā mai oʻu aku nei i loko o ke ahi mau loa, i hoʻomākaukau ʻia no ka diabolō a me kona poʻe ʻānela.

KA ʻEUANELIO I KĀKAU ʻIA AI E MATAIO 8:29

Aia hoʻi, kāhea maila lāua, ʻī maila, “He aha kāu iā mākou nei, e Iesū ke Keiki a ke Akua? Ua hiki ʻē mai nei anei ʻoe e hana ʻeha mai iā mākou ma mua o ka manawa?”

KA ʻEUANELIO I KĀKAU ʻIA AI E MAREKO 5:7

kāhea aʻela ia me ka leo nui, ʻī aʻela, “He aha kāu iaʻu, e Iesū, e ke Keiki a ke Akua Kiʻekiʻe Loa? Ke pāpā aku nei au iā ʻoe ma ke Akua, mai hoʻomāinoino mai iaʻu!”

KA ʻEUANELIO I KĀKAU ʻIA AI E LUKA 10:18

A ʻī maila ʻo ia iā lākou, “Ua ʻike au iā Sātana e hāʻule ana e like me ka uila mai ka lani mai.

KA ʻEUANELIO I KĀKAU ʻIA AI E LUKA 8:31

Nonoi maila lākou iā ia i hoʻokina ʻole ʻo ia iā lākou e hele i ka hohonu.

KA ʻEUANELIO I KĀKAU ʻIA AI E IOANE 8:44

“Na ko ʻoukou makua ʻoukou na ka diabolō, a makemake nō ʻoukou e hana i nā kuko o ko ʻoukou makua. He pepehi kanaka ia mai ke kumu mai, ʻaʻole ia i kū ma ka ʻoiaʻiʻo; no ka mea, ʻaʻohe ʻoiaʻiʻo i loko ona. Inā ʻōlelo ʻo ia i ka wahaheʻe, ʻōlelo nō ʻo ia i kāna iho; no ka mea, he wahaheʻe ʻo ia, a ʻo ka makua hoʻi ia no ka wahaheʻe.

ʻO KA ʻEPISETOLE A PAULO KA LUNAʻŌLELO I KO ROMA 11:21

no ka mea, inā i hoʻokoe ʻole ke Akua i nā lālā maoli, e ao o hoʻokoe ʻole ʻo ia iā ʻoe.

ʻO KA ʻEPISETOLE A PAULO KA LUNAʻŌLELO I KO ROMA 8:32

ʻO ka mea i ʻauʻa ʻole i kāna Keiki ponoʻī, a hāʻawi maila iā ia no kākou a pau, pehea lā e ʻole ai ia e hāʻawi lokomaikaʻi pū mai me ia i nā mea a pau?

KA BUKE ʻALIMA A MOSE, I KAPA ʻIA KĀNĀWAI LUA 29:20

“ʻAʻole loa ʻo Iēhova e minamina mai iā ia; akā, a laila e hoʻaʻā ʻia ka inaina o Iēhova a me kona huhū i kēlā kanaka, a e kau ʻia mai ma luna ona nā hōʻino a pau i kākau ʻia ma loko o kēia buke, a hōkai aku ʻo Iēhova i kona inoa ma lalo aʻe o ka lani.

ʻO KA ʻEPISETOLE HOʻOLAHA ʻALUA A PETERO 2:11

Akā, ʻo nā ʻānela, ʻo ka poʻe ʻoi aku ka ikaika, a me ka mana, ʻaʻole lākou i hōʻike aʻe i mua o ka Haku i ka manaʻo hoʻohewa iā lākou.

ʻO KA ʻEPISETOLE HOʻOLAHA ʻALUA A PETERO 2:5

ʻaʻole hoʻi i aloha mai i kēlā ao kahiko, ʻo Noa wale nō kāna i hoʻōla aʻe, ʻo ka walu nō ia, he mea hōʻike ma ka pono, a hoʻouhi mai i ke kai a Kahinaliʻi ma luna o kēlā ao o ka poʻe ʻaiā;

ʻO KA ʻEPISETOLE HOʻOLAHA ʻALUA A PETERO 2:9

ua ʻike nō ka Haku e hoʻopakele aʻe i ka poʻe haipule mai ka hoʻowalewale ʻia aʻe, a e hoʻāna ʻē hoʻi i ka poʻe hewa, no ka lā hoʻokolokolo i hoʻopaʻi ʻia mai lākou.

ʻO KA ʻEPISETOLE HOʻOLAHA MUA A IOANE 3:8

ʻO ka mea e hana ana i ka hewa, no ka diabolō nō ia; no ka mea, ua hana hewa mau ka diabolō, mai kinohi mai. No ia mea, ua hōʻikea mai ke Keiki a ke Akua, i hōkaʻe aku ai ʻo ia i kā ka diabolō hana ʻana.

ʻO KA ʻEPISETOLE HOʻOLAHA A IUDA 1:13

he mau ʻale o ke kai i kūpikipikiʻō, ke huahuaʻi aʻela i ko lākou hilahila iho; nā hōkū lele hoʻi; ua hoʻomākaukau ʻia no lākou ka pōʻeleʻele o ka pouli mau loa.

ʻO KA ʻEPISETOLE HOʻOLAHA A IUDA 1:6

ʻO ka poʻe ʻānela i hoʻomau ʻole ma ko lākou ʻano kahiko, akā, i haʻalele i ko lākou wahi i noho ai, ua hoʻāna ʻē ʻo ia iā lākou i loko o nā kaula hao mau loa ma ka pouli, no ka hoʻokolokolo ʻana o ka lā nui.

KA HŌʻIKE ʻANA A IOANE KA HAIPULE 20:10

Kiola ʻia akula ʻo ka diabolō, nāna lākou i hoʻowalewale, i ka loko o ke ahi a me ka luaʻi pele, kahi o ka holoholona a me ke kāula wahaheʻe, a e hoʻomāinoino mau ʻia lākou i ke ao a me ka pō, ia ao aku ia ao aku.