ʻO KA ʻEPISETOLE HOʻOLAHA ʻALUA A PETERO 2:3 - Ka Baibala Hemolele

³ A no ka puni waiwai, e kūʻai nō lākou iā ʻoukou, me ka ʻōlelo wahaheʻe; ʻaʻole hoʻi e hoʻokaʻulua loa ko lākou hoʻohewa ʻia, ʻaʻole e hiamoe ko lākou make.

ʻO KA ʻEPISETOLE HOʻOLAHA ʻALUA A PETERO 2:3 Iomraidhean Croise

KA BUKE NO IOBA 6:27

“ʻOiaʻiʻo, ke hoʻohina nei ʻoukou i ka mea makua ʻole, A ke ʻeli iho ʻoukou i lua no ko ʻoukou hoalauna.

KA BUKE O NĀ HALELŪ 18:44

A kuʻi ka lono oʻu, e mālama koke mai nō lākou iaʻu; E hoʻolohe mai nō iaʻu nā keiki a kānaka ʻē.

KA BUKE O NĀ HALELŪ 66:3

E ʻōlelo aku i ke Akua, “Nani kou kupaianaha i kāu hana ʻana!” No ka nui o kou mana e hoʻolohe ai kou mau ʻenemi iā ʻoe.

KA BUKE O NĀ HALELŪ 81:15

“Inā ua huli mai hoʻi ka poʻe i huhū iā Iēhova, A ua mau loa nō ko lākou manawa.

KA WĀNANA A ʻISAIA 5:19

Ka poʻe i ʻōlelo, “E hana wikiwiki ʻo ia i kāna hana, I ʻike mākou; E neʻeneʻe hoʻi a hoʻokō ʻia mai ka manaʻopaʻa o ka Mea Hemolele o kā ʻIseraʻela, I hoʻomaopopo mākou!”

KA WĀNANA A ʻISAIA 56:11

ʻO ia, he poʻe ʻīlio pōloli wale, ʻAʻole i ʻike lākou i ka māʻona; He poʻe kahu hipa lākou hiki ʻole ke hoʻomaopopo; Huli nō lākou a pau i ko lākou ʻaoʻao iho, ʻO kēlā mea kēia mea i kona waiwai paneʻe, ma kona wahi iho.

KA WĀNANA A ʻISAIA 60:22

“E lilo auaneʻi ka mea ʻuʻuku i hoʻokahi tausani, A ʻo ka mea liʻiliʻi i lāhui kanaka ikaika; ʻO wau, ʻo Iēhova, e hoʻowikiwiki nō au ia i kona manawa.”

KA WĀNANA A IEREMIA 6:13

“No ka mea, mai ka mea ʻuʻuku o lākou a ka mea nui o lākou, Ua makeʻe waiwai lākou a pau; A mai ke kāula mai a ke kahuna, Hana ma ka wahaheʻe kēlā mea kēia mea.

KA WĀNANA A IEREMIA 8:10

“No laila, e hāʻawi aku au i kā lākou poʻe wāhine na haʻi, A me ko lākou mahina ʻai no ka poʻe hou e noho iho ai; No ka mea, ua makeʻe waiwai kēlā mea, kēia mea o lākou, Mai ka mea ʻuʻuku o lākou a i ka mea nui; A mai ke kāula a i ke kahuna, Hana nō kēlā mea kēia mea ma ka wahaheʻe.

KA WĀNANA A ʻEZEKIʻELA 13:19

“E hoʻohaumia anei ʻoukou iaʻu i waena o koʻu poʻe kānaka no nā piha lima o ka bale, a no nā ʻāpana berena, e pepehi i nā ʻuhane ʻaʻole e pono ke make, a e kāohi ma ke ola i nā ʻuhane ʻaʻole e pono ke ola, ma ko ʻoukou wahaheʻe ʻana i koʻu poʻe kānaka i lohe i ko ʻoukou wahaheʻe ʻana?”’”

MIKA 3:11

Ua hoʻoponopono ka luna ona no ka uku, A ua aʻo aku kāna mau kāhuna no ke kumu, A ua wānana kāna mau kāula no ke kālā; Akā, e hilinaʻi lākou ma luna o Iēhova, i ka ʻī ʻana aʻe, “ʻAʻole anei ʻo Iēhova i waena o kākou? ʻAʻole e hiki mai ka ʻino ma luna o kākou.”

HABAKUKA 3:3

¶ ʻO ke Akua kai hele mai, mai Temana mai, A ʻo ka Mea Hemolele mai ka mauna ʻo Parana mai. Sila. Uhi mai kona nani i ka lani, A ua piha ka honua i kona hoʻoleʻa.

MALAKI 1:10

“ʻO wai lā ka mea o ʻoukou e pani wale i nā puka? ʻAʻole ʻoukou e kuni makehewa ma luna o kuʻu kuahu. ʻAʻole au i ʻoluʻolu iā ʻoukou, wahi a Iēhova o nā kaua; “ʻaʻole hoʻi e maliu au i ka mōhai na ko ʻoukou lima mai.

KA ʻEUANELIO I KĀKAU ʻIA AI E MATAIO 23:14

“Auē ʻoukou, e ka poʻe kākau ʻōlelo a me nā Parisaio, nā hoʻokamani! No ka mea, ua pau iā ʻoukou nā hale o nā wāhine kāne make; a ke hoʻolōʻihi nei ʻoukou i nā pule i mea e ʻikea ai. No ia hoʻi, e loaʻa uaneʻi iā ʻoukou ka make nui loa.

KA ʻEUANELIO I KĀKAU ʻIA AI E LUKA 18:8

“Ke haʻi aku nei au iā ʻoukou, e hoʻopono koke mai nō ʻo ia iā lākou. Akā hoʻi, i ka hiki ʻana mai o ke Keiki a ke Kanaka, e ʻike anei ʻo ia ma ka honua ia manaʻoʻiʻo?”

KA ʻEUANELIO I KĀKAU ʻIA AI E LUKA 20:20

A kiaʻi akula lākou iā ia, a hoʻouna aʻela i nā kiu e hoʻokamani iā lākou iho he mau kānaka pono; e hoʻohihia iā ia i kāna ʻōlelo, e hāʻawi aku lākou iā ia i ka lima a me ka mana o ke kiaʻāina.

KA ʻEUANELIO I KĀKAU ʻIA AI E LUKA 22:47

¶ A iā ia e ʻōlelo ana, aia hoʻi, ka lehulehu, a ʻo ka mea i kapa ʻia ʻo Iuda, ʻo kekahi o ka poʻe ʻumikumamālua, hele aʻe ia ma mua o lākou, a hoʻokokoke nō ia i o Iesū lā e honi iā ia.

KA ʻEUANELIO I KĀKAU ʻIA AI E IOANE 2:16

ʻōlelo maila ia i ka poʻe kūʻai manu nūnū, “E lawe aʻe i kēia mau mea mai kēia wahi aku; mai hoʻolilo ʻoukou i ka hale o koʻu Makua i hale kūʻai.”

ʻO KA ʻEPISETOLE A PAULO KA LUNAʻŌLELO I KO ROMA 16:18

No ka mea, ke mālama ʻole nei ua poʻe lā i ka Haku iā Iesū Kristo; akā, i ko lākou ʻōpū iho nō; a ma ka malimali a me ka ʻōlelo hoʻomaikaʻi, ke hoʻowalewale nei lākou i nā naʻau o ka poʻe noʻonoʻo ʻole.

ʻO KA ʻEPISETOLE LUA A PAULO KA LUNAʻŌLELO I KO KORINETO 2:17

No ka mea, ʻaʻole mākou e ʻānoninoni i ka ʻōlelo a ke Akua, e like me kekahi poʻe nui; akā, ke ʻōlelo nei mākou i kā Kristo me ka manaʻo pono, ʻoiaʻiʻo, no ke Akua mai, i mua hoʻi o ke Akua.

KA BUKE ʻALIMA A MOSE, I KAPA ʻIA KĀNĀWAI LUA 24:17

¶ “Mai hoʻokeʻekeʻe ʻoe i ka pono o ka malihini, ʻaʻole hoʻi i ke keiki makua ʻole, ʻaʻole hoʻi ʻoe e lawe i ke kapa ʻaʻahu o ka wahine kāne make i uku pānaʻi.

KA BUKE ʻALIMA A MOSE, I KAPA ʻIA KĀNĀWAI LUA 32:35

‘Iaʻu nō kā hoʻopaʻi aku, a me ka hoʻouku; E hoʻopaheʻe auaneʻi ko lākou wāwae; No ka mea, ua kokoke mai ka lā e pōʻino ai lākou, Ua lalelale mai nā mea e hiki mai ana ma luna o lākou.’

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:5

ʻAʻole mākou i lawe i nā hua ʻōlelo malimali, ua ʻike ʻoukou; ʻaʻole hoʻi i ka hoʻokohu o ka makeʻe waiwai; ʻo ke Akua ka Mea ʻike.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:3

A i ka wā e ʻōlelo ai lākou, “He pōmaikaʻi, he malu;” a laila, loʻohia koke ʻē mai lākou e ka make, me he haʻakokōhi lā o ka wahine hāpai; ʻaʻole hoʻi lākou e pakele.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:3

ʻaʻole e lilo i ka waina, ʻaʻole e kipikipi, ʻaʻole hoʻi ʻālunu wale; akā, e ahonui, a e hakakā ʻole, ʻaʻole hoʻi makeʻe waiwai;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:8

Pēlā hoʻi nā puʻukū ʻekalesia, e pono e noho kūoʻo, ʻaʻole alelo lua, ʻaʻole lilo i ka waina nui, ʻaʻole hoʻi ʻālunu wale;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:5

a me ka hoʻopaʻapaʻa huhū ʻana a nā kānaka naʻau ʻino, me ka lako ʻole i ka ʻōlelo ʻoiaʻiʻo, e manaʻo ana hoʻi, ʻo ka waiwai ka manaʻo i ke Akua; e hoʻoʻokoʻa ʻoe iā ʻoe iho iā lākou.

ʻO KA ʻEPISETOLE A PAULO IĀ TITO 1:11

E pono ke hoʻopaʻa ʻia ko lākou mau waha, ko ka poʻe i hoʻokahuli i ko nā hale ʻokoʻa, me ke aʻo ʻana aku i nā mea e pono ʻole ai iā lākou ke aʻo, no ka waiwai ʻino.

ʻO KA ʻEPISETOLE A PAULO IĀ TITO 1:7

No ka mea, e pono e hala ʻole ka luna kiaʻi, he puʻukū lā hoʻi ia no ke Akua; ʻaʻole hoʻokuli, ʻaʻole huhū, ʻaʻole lilo i ka waina ʻaʻole mokomoko, ʻaʻole puni i ka waiwai ʻino;

ʻO KA ʻEPISETOLE HOʻOLAHA MUA A PETERO 2:8

He pōhaku e ʻōkupe ai, a he pōhaku hoʻohihia hoʻi»,” i ka poʻe i ʻōkupe i ka ʻōlelo, ka poʻe hoʻolohe ʻole; e like me ke koho mua ʻana.

ʻO KA ʻEPISETOLE HOʻOLAHA MUA A PETERO 5:2

E hānai ʻoukou i ka poʻe o ke Akua i waena o ʻoukou, e kiaʻi ana, ʻaʻole no ka hoʻokoi ʻia mai, no ka makemake nō; ʻaʻole hoʻi no ka puni waiwai; akā, no ka manaʻo pono.

ʻO KA ʻEPISETOLE HOʻOLAHA ʻALUA A PETERO 1:16

No ka mea, ʻaʻole mākou i hahai ma muli o nā ʻōlelo wahaheʻe i ʻimi akamai ʻia, i ko mākou hōʻike ʻana aku iā ʻoukou i ka mana, a me ka hiki ʻana mai o ko kākou Haku ʻo Iesū Kristo; akā, he poʻe ʻike maka mākou i kona nani.

ʻO KA ʻEPISETOLE HOʻOLAHA ʻALUA A PETERO 2:1

¶ He poʻe kāula wahaheʻe kekahi ma mua i waena o nā kānaka, pēlā nō e hiki mai auaneʻi kekahi poʻe kumu wahaheʻe i waena o ʻoukou, na lākou nō e hōʻike malū mai i nā manaʻo kūʻē, e make ai, e hōʻole ana i ka Haku nāna lākou i kūʻai mai, a e hoʻoili ana i ka make koke ma luna o lākou iho.

ʻO KA ʻEPISETOLE HOʻOLAHA ʻALUA A PETERO 2:9

ua ʻike nō ka Haku e hoʻopakele aʻe i ka poʻe haipule mai ka hoʻowalewale ʻia aʻe, a e hoʻāna ʻē hoʻi i ka poʻe hewa, no ka lā hoʻokolokolo i hoʻopaʻi ʻia mai lākou.

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.

ʻO KA ʻEPISETOLE HOʻOLAHA A IUDA 1:15

e hoʻokolokolo mai i nā mea a pau, a e hoʻāhewa mai i ka poʻe ʻaiā a pau i waena o lākou i nā hewa a pau a lākou i hana hewa ai, a me nā ʻōlelo paʻakikī a pau a ka poʻe hewa i ʻōlelo ʻino aku ai iā ia.”

ʻO KA ʻEPISETOLE HOʻOLAHA A IUDA 1:16

ʻO ia ka poʻe ʻōhumu, ʻoluʻolu ʻole, e hele ana ma ko lākou kuko iho: haʻanui ihola ko lākou waha me ka ʻōlelo hoʻokano aku, mahalo aʻela hoʻi i ko ke kino no ka uku ʻia mai.

ʻO KA ʻEPISETOLE HOʻOLAHA A IUDA 1:4

No ka mea, ua komo maopopo ʻole mai kekahi poʻe kānaka i hoʻohewa mua ʻia mai ma kēia hoʻopaʻi ʻana, he poʻe ʻaiā, e hoʻolilo ana i ke aloha o ko kākou Akua i mea makaleho wale; a e hōʻole aku ana hoʻi i ke Akua i ke Aliʻi hoʻokahi, i ko kākou Haku iā Iesū Kristo.

ʻO KA ʻEPISETOLE HOʻOLAHA A IUDA 1:7

E like me ko Sodoma poʻe a me ko Gomora hoʻi, a me ko nā kūlanakauhale e kokoke aku ana, i lilo like me lākou nei i poʻe moekolohe, me ka hahai aku ma muli o nā kino ʻē, ua hoʻolilo ʻia mai nō lākou i mea hōʻike, e ʻehaʻeha ana i ka hoʻopaʻi ʻia ma ke ahi ʻaʻā, mau loa.