ʻO KA ʻEPISETOLE HOʻOLAHA ʻALUA A PETERO 2:21 - Ka Baibala Hemolele

²¹ Inā ua ʻike ʻole lākou i ka ʻaoʻao o ka pono, e aho nō ia, ma mua o ko lākou ʻike ʻana, a ma hope iho haʻalele i ka ʻōlelo hemolele i hāʻawi ʻia mai na lākou.

ʻO KA ʻEPISETOLE HOʻOLAHA ʻALUA A PETERO 2:21 Iomraidhean Croise

KA BUKE O NĀ HALELŪ 125:5

ʻO ka poʻe kāpae ma ko lākou ala keʻekeʻe, E alakaʻi pū aku nō ʻo Iēhova iā lākou me ka poʻe hana lapuwale; A he malu nō ma luna o kā ʻIseraʻela.

KA BUKE O NĀ HALELŪ 85:8

¶ E hoʻolohe aku nō au i ka mea a ke Akua a Iēhova e ʻōlelo mai ai; No ka mea, e haʻi mai nō ʻo ia i ka malu no kona poʻe kānaka, a me kona poʻe haipule; Mai hoʻi hou naʻe lākou i ka mea lapuwale.

NĀ ʻŌLELO AKAMAI A SOLOMONA 12:28

Ma ke ala pono ke ola, Ma ko laila kuamoʻo nō hoʻi, ʻaʻole e make.

NĀ ʻŌLELO AKAMAI A SOLOMONA 16:31

He lei nani ke poʻo hina, Ke loaʻa ia ma ka ʻaoʻao o ka pono.

KA WĀNANA A ʻEZEKIʻELA 18:24

¶ “Akā, i ka wā e huli aʻe ka mea pono mai kona pono aʻe a hana ma ka hewa, a hana hoʻi ma muli o nā mea inaina ʻia a ka lawehala i hana ai, e ola anei ia? ʻO kona pono a pau āna i hana ai, ʻaʻole ia e ʻōlelo ʻia aku; i loko o kona hewa āna i hana ai, a i loko o kona lawehala āna i lawehala ai, e make nō ia i loko o ia mau mea.

KA WĀNANA A ʻEZEKIʻELA 23:13

“A laila ʻike akula au ua haumia ia, hele pū hoʻi lāua i ka ʻaoʻao hoʻokahi;

KA WĀNANA A ʻEZEKIʻELA 3:20

“Eia hoʻi, inā i huli aʻe ke kanaka pono mai kona pono aʻe, a hana hoʻi ma ka hewa, a waiho iho au i ka mea e hina ai i mua ona, e make nō ia; no kāu ao ʻole aku iā ia, i loko o kona hewa e make ai nō ia, ʻaʻole hoʻi e hoʻomanaʻo ʻia kona pono āna i hana ai; akā, e hoʻopaʻi aku au i kona koko ma kou lima.

KA WĀNANA A ʻEZEKIʻELA 33:13

“Aia ʻōlelo aku au i ka mea pono, e ola ʻiʻo nō ia; inā e hilinaʻi ʻo ia ma kona pono iho, a hana hewa hoʻi, e pau nō kona pono i ka hoʻomanaʻo ʻole ʻia; akā, no kona hewa āna i hana ai, e make ai nō ia.

ZEPANIA 1:6

“A me ka poʻe i hoʻi i hope mai o Iēhova aku; A me ka poʻe ʻaʻole i ʻimi iā Iēhova, ʻaʻole hoʻi i nīnau aku nona.”

KA ʻEUANELIO I KĀKAU ʻIA AI E MATAIO 21:32

“No ka mea, i hele mai nei ʻo Ioane i o ʻoukou nei ma ka ʻaoʻao o ka pono, ʻaʻole naʻe ʻoukou i manaʻoʻiʻo iā ia; akā, manaʻoʻiʻo ka poʻe luna ʻauhau a me nā wāhine hoʻokamakama iā ia; a iā ʻoukou i ʻike iā ia, ʻaʻole ʻoukou i mihi ma hope me ka manaʻoʻiʻo iā ia.

KA ʻEUANELIO I KĀKAU ʻIA AI E LUKA 12:47

“A ʻo ke kauā i ʻike i ka makemake o kona haku, ʻaʻole hoʻi i hoʻomākaukau, ʻaʻole hoʻi i hana ma muli o kona makemake, ʻo ia ke hahau nui ʻia.

KA ʻEUANELIO I KĀKAU ʻIA AI E IOANE 15:22

“Inā ʻaʻole au i hele mai, a ʻōlelo aku iā lākou, inā ʻaʻole o lākou hewa. ʻĀnō hoʻi, ʻaʻohe o lākou mea e uhi ai i ko lākou hewa.

KA ʻEUANELIO I KĀKAU ʻIA AI E IOANE 9:41

ʻĪ maila ʻo Iesū iā lākou, “Inā ua makapō ʻoukou, inā ua hewa ʻole ʻoukou; akā, ke ʻōlelo nei ʻoukou, ‘Ua ʻike mākou;’ no ia mea, ke koe nei ko ʻoukou hewa.”

ʻO KA ʻEPISETOLE A PAULO KA LUNAʻŌLELO I KO ROMA 7:12

No laila, ua hemolele ke Kānāwai, a ua hemolele hoʻi, ua pono, ua maikaʻi ke kauoha.

ʻO KA ʻEPISETOLE A PAULO KA LUNAʻŌLELO I KO GALATIA 6:2

E hali kekahi o ʻoukou i nā mea kaumaha a kekahi, pēlā ʻoukou e hoʻokō ai i ke kānāwai o Kristo.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:2

Ua ʻike hoʻi ʻoukou i nā kauoha a mākou i hāʻawi aku ai iā ʻoukou ma ka Haku, ma o Iesū lā.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:14

e mālama ʻoe i kēia kauoha i kīnā ʻole, me ka hala ʻole, a hiki wale aku i ka ʻikea ʻana mai o ko kākou Haku ʻo Iesū Kristo;

ʻO KA ʻEPISETOLE A PAULO KA LUNAʻŌLELO I KO HEBERA 10:26

¶ A inā e hana hewa kākou me ka ʻae o ka naʻau, ma hope iho o ka loaʻa ʻana mai iā kākou ka ʻike ʻana i ka ʻōlelo ʻoiaʻiʻo, ʻaʻohe mōhai hou no nā hala;

ʻO KA ʻEPISETOLE HOʻOLAHA A IAKOBO 4:17

No laila, ʻo ka mea i ʻike i ka hana pono, ʻaʻole naʻe i hana, he hewa nō ia nona.

ʻO KA ʻEPISETOLE HOʻOLAHA ʻALUA A PETERO 3:2

i hoʻomanaʻo ʻoukou i nā ʻōlelo i ʻōlelo ʻia ai ma mua, e ka poʻe kāula hemolele, a me ke kauoha a mākou, a nā lunaʻōlelo a ka Haku, ka Hoʻōla.

ʻO KA ʻEPISETOLE HOʻOLAHA A IUDA 1:3

¶ E nā punahele, i ka wā aʻu i hoʻoikaika ai e palapala aku iā ʻoukou i ke ola nui, he mea pono iaʻu ke palapala aku me ka nonoi iā ʻoukou, e hoʻoikaika nui ʻoukou no ka manaʻoʻiʻo i hāʻawi mua ʻia mai na ka poʻe haipule.