ʻO KA ʻEPISETOLE HOʻOLAHA ʻALUA A PETERO 2:19 - Ka Baibala Hemolele

¹⁹ Haʻi maila lākou, he luhi ʻole ia no lākou lā; akā, e luhi ana lākou iho ma lalo o ka hewa; no ka mea, ma ka mea i pio ai kekahi, ua hoʻoluhi ʻia ʻo ia ma laila.

ʻO KA ʻEPISETOLE HOʻOLAHA ʻALUA A PETERO 2:19 Iomraidhean Croise

KA WĀNANA A ʻISAIA 28:1

¶ Auē ka lei hoʻokiʻekiʻe o nā mea ʻona ma ʻEperaima, Ka pua mae wale o kona nani maikaʻi, Ka mea ma ke poʻo o ka pāpū momona, ʻO nā mea i ʻona i ka waina!

KA WĀNANA A IEREMIA 23:9

Ua nahae koʻu naʻau i loko oʻu No nā kāula, Haʻalulu nō hoʻi koʻu mau iwi a pau. Ua like nō au me ke kanaka i ʻona, A like hoʻi me ke kanaka i lanakila ʻia e ka waina, No Iēhova, A no nā hua ʻōlelo o kona hemolele.

KA BUKE ʻAKOLU A MOSE, I KAPA ʻIA ʻOIHANA KAHUNA 13:8

“A inā i ʻike ke kahuna pule, aia hoʻi, ua nunui aʻe ka pehu pala i loko o ka ʻili, a laila e ʻōlelo aku ke kahuna, ua haumia ia, he lēpera ia maʻi.

KA ʻEUANELIO I KĀKAU ʻIA AI E IOANE 8:34

ʻŌlelo maila Iesū iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e hana ana i ka hewa, he kauā ia na ka hewa.

NĀ ʻOIHANA A KA POʻE LUNAʻŌLELO 19:16

A ʻo ke kanaka ma loko ona ua ʻuhane ʻino lā, lele maila ia ma luna o lākou, a lanakila ihola ma luna o lākou, a hana ʻino maila, a holo kohana akula lākou ma waho o ia hale, ua ʻeha hoʻi.

ʻO KA ʻEPISETOLE A PAULO KA LUNAʻŌLELO I KO GALATIA 5:1

¶ No ia mea, e kūpaʻa ʻoukou i loko a ke ola a Kristo i hoʻōla mai ai iā kākou, ʻaʻole hoʻi e paʻa hou ʻoukou ma lalo o ka ʻauamo hoʻoluhi.

ʻO KA ʻEPISETOLE A PAULO KA LUNAʻŌLELO I KO GALATIA 5:13

¶ E nā hoahānau, ua hea ʻia ʻoukou ma ka luhi ʻole; mai hoʻolilo naʻe ʻoukou i ua luhi ʻole lā i mea no ke kino; akā, ma ke aloha e mālama aku kekahi i kekahi.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:26

a i hoʻohemo lākou iā lākou iho mai loko aʻe o ka ʻupena a ka diabolō, ka poʻe i lawe pio ʻia e ia ma kona makemake.

ʻO KA ʻEPISETOLE A PAULO IĀ TITO 3:3

No ka mea, ʻo kākou kekahi i naʻaupō i kekahi manawa, i hoʻokuli hoʻi, i ʻauana hoʻi, e hoʻokauā ana ma muli o kēlā kuko a ʻo kēia kuko, ʻo kēlā leʻaleʻa a ʻo kēia leʻaleʻa, e noho ana me ka huhū, a me ka huā, i hoʻowahāwahā ʻia, a e hoʻowahāwahā ana kekahi i kekahi.

ʻO KA ʻEPISETOLE HOʻOLAHA MUA A PETERO 2:16

Me he poʻe kauā ʻole lā, ʻaʻole naʻe e hoʻolilo ana i ko ʻoukou hoʻokauā ʻole ʻia i mea e uhi ai i ka hewa; akā, e like me nā kauā a ke Akua.

ʻO KA ʻEPISETOLE HOʻOLAHA ʻALUA A PETERO 1:4

Ma laila nō ua haʻi ʻia mai nā mea nui loa, e pōmaikaʻi nui ai; i mea e loaʻa ai iā ʻoukou kekahi ʻano e like me ko ke Akua; no ka mea, ua haʻalele ʻoukou i ka hewa i loko o ke ao nei ma ke kuko.

ʻO KA ʻEPISETOLE HOʻOLAHA ʻALUA A PETERO 2:20

No ka mea, inā lākou i haʻalele i ka paumāʻele o ke ao nei, no ka ʻike ʻana i ka Haku a me ka Hoʻōla, ʻo Iesū Kristo, a ma hope iho, hihia hou, a lilo i laila, ua ʻoi aku ka ʻino o ko lākou hope, i ko ka mua.