ʻO KA ʻEPISETOLE HOʻOLAHA ʻALUA A PETERO 2:12 - Ka Baibala Hemolele

¹² Akā, ʻo kēia poʻe, e like me nā holoholona maoli, i hana ʻia i mea e hopu ʻia ai e pepehi ʻia, pēlā lākou e ʻōlelo iho nei i nā mea a lākou i hoʻomaopopo ʻole ai; a e make hoʻi lākou i loko o ko lākou hewa iho;

ʻO KA ʻEPISETOLE HOʻOLAHA ʻALUA A PETERO 2:12 Iomraidhean Croise

KA BUKE O NĀ HALELŪ 49:10

¶ No ka mea, ua ʻike nō ia ua make nā kānaka naʻauao, Pēlā hoʻi ua make ka mea naʻaupō a me ka mea manaʻo ʻole, A waiho hoʻi lākou i ko lākou waiwai no nā mea ʻē.

KA BUKE O NĀ HALELŪ 92:6

ʻAʻole e ʻike ke kanaka noʻonoʻo ʻole, ʻAʻole hoʻi e hoʻomaopopo ka lapuwale i kēia.

KA BUKE O NĀ HALELŪ 94:8

¶ E hoʻomaopopo ʻoukou, e ka poʻe manaʻo ʻole i waena o nā kānaka; ʻO ʻoukou hoʻi ka poʻe naʻaupō, Pehea lā ka lōʻihi a lilo ʻoukou i poʻe naʻauao?

NĀ ʻŌLELO AKAMAI A SOLOMONA 14:32

Hoʻokuke ʻia ka mea hewa i loko o kona hewa; Lana hoʻi ka manaʻo o ka mea pono i kona make ʻana.

KA WĀNANA A IEREMIA 10:21

Ua lilo nā kahu i mea e like me nā holoholona, ʻAʻole hoʻi i ʻimi iā Iēhova; No laila, ʻaʻole lākou e pōmaikaʻi; A e hoʻopuehu liʻiliʻi ʻia kā lākou poʻe hipa a pau.

KA WĀNANA A IEREMIA 10:8

Ua like ʻiʻo nō lākou me nā holoholona, ua lapuwale hoʻi; ʻO ka naʻauao o ka poʻe lapuwale, he paukū lāʻau ia.

KA WĀNANA A IEREMIA 12:3

Akā, ʻo ʻoe e Iēhova, ke ʻike mai nei nō ʻoe iaʻu; Ua nānā mai nō ʻoe iaʻu, Ua hoʻāʻo mai ʻoe i koʻu naʻau ma ou lā. E hoʻokaʻawale ʻoe iā lākou, e like me nā hipa no ke kālua ʻia, A e hoʻomākaukau hoʻi iā lākou no ka lā o ka pepehi ʻana.

KA WĀNANA A IEREMIA 4:22

“No ka mea, ua lapuwale koʻu poʻe kānaka, ʻAʻole lākou i ʻike mai iaʻu; he poʻe kamaliʻi lapuwale, ʻAʻohe o lākou naʻauao. He akamai lākou i ka hana hewa; Akā, ʻaʻole o lākou ʻike i ka hana maikaʻi.”

KA WĀNANA A IEREMIA 5:4

¶ A ʻōlelo nō hoʻi au, “He poʻe ʻilihune lākou, Ua naʻaupō hoʻi; No ka mea, ʻaʻole lākou i ʻike i ka ʻaoʻao o Iēhova, ʻAʻole hoʻi i ka pono o ko lākou Akua.

KA WĀNANA A ʻEZEKIʻELA 21:31

‘E ninini aku hoʻi au i kuʻu inaina ma luna ou, a e puhi aku au iā ʻoe me ke ahi o koʻu huhū ʻana, a e hāʻawi aku au iā ʻoe i loko o ka lima o nā kānaka loko ʻino, a he akamai i ka luku aku.

KA ʻEUANELIO I KĀKAU ʻIA AI E MAREKO 7:22

ka ʻaihue, ka makeʻe waiwai, ka ʻōpū ʻinoʻino, ka wahaheʻe, ka makaleho, ka huāhuā, ka niʻaniʻa, ka hoʻokano, ka lalau wale.

KA ʻEUANELIO I KĀKAU ʻIA AI E IOANE 8:21

¶ ʻŌlelo hou maila ʻo Iesū iā lākou, “E hele aku ana au, a e ʻimi ʻoukou iaʻu, a e make ʻoukou i loko o ko ʻoukou hewa; a i koʻu wahi e hele ai, ʻaʻole e hiki iā ʻoukou ke hele i laila.”

ʻO KA ʻEPISETOLE A PAULO KA LUNAʻŌLELO I KO GALATIA 6:8

No ia mea, ʻo ka mea e lūlū ma kona kino iho, no ke kino ia e ʻohi auaneʻi i ka make; akā, ʻo ka mea e lūlū ma ka ʻUhane, no ka ʻUhane ia e ʻohi auaneʻi i ke ola mau loa.

ʻO KA ʻEPISETOLE A PAULO KA LUNAʻŌLELO I KO KOLOSA 2:22

ʻo nā mea ia e make ai ma ka lawe ʻana); ma muli o nā kauoha a me nā ʻōlelo aʻo a kānaka?

ʻO KA ʻEPISETOLE HOʻOLAHA ʻALUA A PETERO 1:4

Ma laila nō ua haʻi ʻia mai nā mea nui loa, e pōmaikaʻi nui ai; i mea e loaʻa ai iā ʻoukou kekahi ʻano e like me ko ke Akua; no ka mea, ua haʻalele ʻoukou i ka hewa i loko o ke ao nei ma ke kuko.

ʻO KA ʻEPISETOLE HOʻOLAHA ʻALUA A PETERO 2:19

Haʻi maila lākou, he luhi ʻole ia no lākou lā; akā, e luhi ana lākou iho ma lalo o ka hewa; no ka mea, ma ka mea i pio ai kekahi, ua hoʻoluhi ʻia ʻo ia ma laila.

ʻO KA ʻEPISETOLE HOʻOLAHA A IUDA 1:10

Akā, ke hoʻowahāwahā nei kēia poʻe i ka mea ʻaʻole lākou i ʻike; a ʻo kā lākou mea hoʻi i ʻike maoli ai e like me nā holoholona ʻuhane ʻole, ma laila nō e hoʻohaumia ai lākou iā lākou iho.