ʻO KA ʻEPISETOLE HOʻOLAHA ʻALUA A PETERO 2:10 - Ka Baibala Hemolele

¹⁰ ʻO lākou mua, ʻo ka poʻe hahai ma muli o ke kino, ma ke kuko i nā mea haumia, me ka hoʻowahāwahā i nā aliʻi. He poʻe haʻanoʻu wale lākou, a hoʻopaʻa, ʻaʻole makaʻu i ka ʻōlelo ʻino i nā aliʻi.

ʻO KA ʻEPISETOLE HOʻOLAHA ʻALUA A PETERO 2:10 Iomraidhean Croise

KA BUKE MUA A MOSE, I KAPA ʻIA KINOHI 49:6

“Ma ko lāua wahi ʻōhumu ʻaʻole e hele aku kuʻu ʻuhane, Ma ko lāua hālāwai ʻaʻole e hui pū ʻia aku koʻu nani; No ka mea, no ko lāua inaina pepehi ihola lāua i ke kanaka, A no ko lāua makemake ʻoki ihola lāua i ke olonā wāwae o ka bipi.

KA BUKE ʻALUA A SAMUʻELA 20:1

¶ I laila kekahi kanaka hewa, ʻo Seba kona inoa, ke keiki a Bikeri, he mamo a Beniamina; puhi akula ia i ka pū, ʻī akula, “ʻAʻole a kākou kuleana i loko o Dāvida, ʻAʻole hoʻi he hoʻoilina i loko o ke keiki a Iese; E hoʻi nō kēlā kanaka kēia kanaka a pau i kona halelewa, e kā ʻIseraʻela!”

KA BUKE MUA NO NĀ ALIʻI 12:16

¶ A ʻike aʻela kā ʻIseraʻela a pau, i ka hoʻolohe ʻole mai o ke aliʻi iā lākou, ʻōlelo akula ka poʻe kānaka i ke aliʻi, e ʻī ana, “He aha ko mākou kuleana i loko o Dāvida? ʻAʻole hoʻoilina i loko o ke keiki a Iese. I ko ʻoukou mau halelewa, e kā ʻIseraʻela. ʻĀnō hoʻi, e nānā i kāu ʻohana iho, e Dāvida!” Pēlā i hoʻi ai kā ʻIseraʻela i ko lākou mau halelewa.

KA BUKE O NĀ HALELŪ 12:4

Kai ʻōlelo iho, “Me ko kākou alelo e lanakila ai kākou No kākou nō ko kākou mau lehelehe; ʻO wai lā ka haku ma luna o kākou?”

KA BUKE ʻALUA A MOSE, I KAPA ʻIA PUKA ʻANA 22:28

¶ “Mai ʻōlelo hōʻino ʻoe i nā luna kānāwai, ʻaʻole hoʻi e ʻōlelo hōʻino i ka mea e noho aliʻi ana ma luna o koʻu poʻe kānaka.

KE KAHUNA 10:20

Mai hōʻino aku ʻoe i ke aliʻi, ʻaʻole hoʻi ma kou manaʻo; mai hōʻino aku hoʻi i ka poʻe waiwai i loko o kou keʻena moe; no ka mea, ʻo nā manu o ka lewa, e lawe aku lākou i ka leo, a ʻo nā mea ʻēheu, na lākou hoʻi e haʻi aku ia mea.

KA WĀNANA A IEREMIA 2:31

“E ka hanauna kanaka, e nānā ʻoukou i ka ʻōlelo a Iēhova. He wao nahele anei au no kā ʻIseraʻela? He ʻāina pouli hoʻi? No ke aha lā i ʻōlelo ai koʻu poʻe kānaka, ‘E ʻaeʻa leʻaleʻa aku mākou, ʻAʻole mākou e hoʻi hou aku i ou lā’?

KA BUKE ʻAHĀ A MOSE, I KAPA ʻIA NĀ HELU 15:30

‘Akā, ʻo ke kanaka hana hewa me ka hoʻokiʻekiʻe, ʻo ke keiki papa, a me ke kanaka ʻē, ʻo ia ka mea hōʻino iā Iēhova; a e hōʻoki ʻia aku ua kanaka lā mai waena aku o kona hanauna.

KA ʻEUANELIO I KĀKAU ʻIA AI E LUKA 11:25

“A hiki mai ia, ʻike i ka hale ua kāhili ʻia a ua hoʻolakolako ʻia hoʻi.

KA ʻEUANELIO I KĀKAU ʻIA AI E LUKA 19:14

“A ua hoʻowahāwahā kona poʻe kānaka iā ia, a hoʻouna akula i ka luna ma hope ona, ʻī akula, ‘ʻAʻole o mākou makemake i aliʻi ia ma luna o mākou.’

NĀ ʻOIHANA A KA POʻE LUNAʻŌLELO 23:5

ʻĪ akula ʻo Paulo, “E nā hoahānau, ʻaʻole au i ʻike, ʻo ke kahuna nui ia. No ka mea, ua palapala ʻia mai, ‘«Mai ʻōlelo hōʻino aku ʻoe i ke aliʻi o kou poʻe kānaka».’”

ʻO KA ʻEPISETOLE A PAULO KA LUNAʻŌLELO I KO ROMA 8:1

¶ ʻĀnō hoʻi, ʻaʻole he hoʻohewa ʻia no ka poʻe i loko o Kristo Iesū, ka poʻe hele ʻole ma muli o ke kino, ma muli nō o ka ʻUhane.

ʻO KA ʻEPISETOLE MUA A PAULO KA LUNAʻŌLELO I KO KORINETO 6:9

ʻAʻole anei ʻoukou i ʻike, ʻaʻole e loaʻa ke aupuni o ke Akua i ka poʻe hewa? Mai kuhi hewa ʻoukou; ʻaʻole ka poʻe moe ipo, ʻaʻole ka poʻe hoʻomana kiʻi, ʻaʻole ka poʻe moe i kā haʻi, ʻaʻole ka poʻe moe aikāne, ʻaʻole ka poʻe sodomi,

ʻO KA ʻEPISETOLE LUA A PAULO KA LUNAʻŌLELO I KO KORINETO 10:3

No ka mea, ke noho nei mākou me ke kino, ʻaʻole naʻe mākou e kaua aku ma muli o ke kino.

ʻO KA ʻEPISETOLE A PAULO KA LUNAʻŌLELO I KO ʻEPESO 4:19

a no ko lākou makaʻu ʻole, ua hoʻolilo iā lākou iho i ka makaleho, e hana aku ai i ka haumia a pau me ka makemake.

ʻO KA ʻEPISETOLE A PAULO KA LUNAʻŌLELO I KO ʻEPESO 5:5

No ka mea, ua ʻike ʻoukou i kēia, ʻaʻole ka mea moekolohe, ʻaʻole hoʻi ka mea haumia, ʻaʻole hoʻi ka mea puni waiwai, ʻo ia hoʻi ka mea hoʻomana kiʻi, ʻaʻole loa o lākou noho ʻana i ke aupuni o Kristo a ʻo ke Akua.

ʻO KA ʻEPISETOLE A PAULO KA LUNAʻŌLELO I KO KOLOSA 3:5

¶ E ʻuʻumi hoʻi i ko ʻoukou mau lālā ma ka honua; i ka moekolohe, i ka maʻemaʻe ʻole, i ke kuko wale, i ka makemake ʻino, a me ka makeʻe waiwai, ʻo ka hoʻomana kiʻi nō ia.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:7

ʻAʻole ke Akua i hea mai iā kākou no ka haumia; akā, no ka hemolele nō.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:2

No ka mea, e lilo ana nā kānaka i poʻe makemake iā lākou iho, puni kālā, hōʻoiʻoi, hoʻokano, hōʻino wale, hoʻolohe ʻole i nā mākua, aloha ʻole, huikala ʻole,

ʻO KA ʻEPISETOLE A PAULO IĀ TITO 1:7

No ka mea, e pono e hala ʻole ka luna kiaʻi, he puʻukū lā hoʻi ia no ke Akua; ʻaʻole hoʻokuli, ʻaʻole huhū, ʻaʻole lilo i ka waina ʻaʻole mokomoko, ʻaʻole puni i ka waiwai ʻino;

ʻO KA ʻEPISETOLE A PAULO KA LUNAʻŌLELO I KO HEBERA 13:4

E mahalo ʻia ka mare no nā mea a pau, a e hoʻopaumāʻele ʻole ʻia hoʻi kahi moe; no ka mea, e hoʻāhewa mai ana nō ke Akua i ka poʻe hoʻoipoipo, a me ka poʻe moekolohe.

ʻO KA ʻEPISETOLE HOʻOLAHA ʻALUA A PETERO 3:3

E ʻike mua ʻoukou i kēia; i nā lā ma hope, e hiki mai ana nō ka poʻe hoʻowahāwahā, hilahila ʻole, a e hele ana nō hoʻi lākou ma muli o ko lākou kuko iho,

ʻO KA ʻEPISETOLE HOʻOLAHA A IUDA 1:10

Akā, ke hoʻowahāwahā nei kēia poʻe i ka mea ʻaʻole lākou i ʻike; a ʻo kā lākou mea hoʻi i ʻike maoli ai e like me nā holoholona ʻuhane ʻole, ma laila nō e hoʻohaumia ai lākou iā lākou iho.

ʻO KA ʻEPISETOLE HOʻOLAHA A IUDA 1:16

ʻO ia ka poʻe ʻōhumu, ʻoluʻolu ʻole, e hele ana ma ko lākou kuko iho: haʻanui ihola ko lākou waha me ka ʻōlelo hoʻokano aku, mahalo aʻela hoʻi i ko ke kino no ka uku ʻia mai.

ʻO KA ʻEPISETOLE HOʻOLAHA A IUDA 1:18

i ko lākou haʻi ʻana mai iā ʻoukou, “I ka hope o ka manawa, e hiki mai ai ka poʻe haʻakei e hele ana ma ko lākou kuko ʻaiā iho.”

ʻO KA ʻEPISETOLE HOʻOLAHA A IUDA 1:4

No ka mea, ua komo maopopo ʻole mai kekahi poʻe kānaka i hoʻohewa mua ʻia mai ma kēia hoʻopaʻi ʻana, he poʻe ʻaiā, e hoʻolilo ana i ke aloha o ko kākou Akua i mea makaleho wale; a e hōʻole aku ana hoʻi i ke Akua i ke Aliʻi hoʻokahi, i ko kākou Haku iā Iesū Kristo.

KA BUKE MUA A SAMUʻELA 10:27

Akā, ʻōlelo maila ka poʻe hewa, “Pehea lā e hoʻōla mai ai kēia kanaka iā kākou?” A hoʻowahāwahā lākou iā ia, ʻaʻole i lawe mai lākou i nā haʻawina iā ia; akā, noho mālie nō ia.