ʻO KA ʻEPISETOLE HOʻOLAHA ʻALUA A PETERO 2:1 - Ka Baibala Hemolele

¹ ¶ He poʻe kāula wahaheʻe kekahi ma mua i waena o nā kānaka, pēlā nō e hiki mai auaneʻi kekahi poʻe kumu wahaheʻe i waena o ʻoukou, na lākou nō e hōʻike malū mai i nā manaʻo kūʻē, e make ai, e hōʻole ana i ka Haku nāna lākou i kūʻai mai, a e hoʻoili ana i ka make koke ma luna o lākou iho.

ʻO KA ʻEPISETOLE HOʻOLAHA ʻALUA A PETERO 2:1 Iomraidhean Croise

KA BUKE MUA NO NĀ ALIʻI 22:6

A laila hōʻuluʻulu aʻela ke aliʻi o ʻIseraʻela i nā kāula, ʻehā haneri kānaka paha, nīnau akula iā lākou, “E piʻi anei au i Ramota Gileada e kaua, ʻaʻole paha, ʻeā?” Haʻi maila hoʻi lākou, “E piʻi; no ka mea, e hāʻawi mai nō ka Haku iā ia i loko o ka lima o ke aliʻi.”

KA BUKE ʻALUA A MOSE, I KAPA ʻIA PUKA ʻANA 15:16

“E kau mai nō ka makaʻu a me ka weliweli ma luna o lākou; No ka nui o kou lima e noho mālie lākou me he pōhaku lā; A hala aʻe kou poʻe kānaka, e Iēhova, A hala aʻe nā kanaka āu i hoʻōla pānaʻi ai.

KA WĀNANA A ʻISAIA 9:15

ʻO ka lunakahiko a me ka mea koʻikoʻi, ʻo ia ke poʻo, ʻO ke kāula i aʻo mai i ka wahaheʻe, ʻo ia ka huelo.

KA WĀNANA A IEREMIA 29:21

¶ “Penei ka ʻōlelo ʻana mai a Iēhova o nā kaua, ke Akua o kā ʻIseraʻela, no ʻAhaba, ke keiki a Kolaia, a no Zedekia, ke keiki a Maʻaseia, nā mea i wānana mai i ka wahaheʻe iā ʻoukou ma koʻu inoa; ‘Aia hoʻi, e hāʻawi nō wau iā lāua i loko o ka lima o Nebukaneza, ke aliʻi o Babulona; a e pepehi nō ʻo ia iā lāua i mua o ko ʻoukou mau maka.

KA WĀNANA A IEREMIA 37:19

“ʻAuhea ko ʻoukou poʻe kāula, ka poʻe i wānana mai iā ʻoukou me ka ʻōlelo iho, ‘ʻAʻole hele kūʻē mai ke aliʻi o Babulona iā ʻoukou, ʻaʻole hoʻi kūʻē i kēia ʻāina’?

KA WĀNANA A IEREMIA 6:13

“No ka mea, mai ka mea ʻuʻuku o lākou a ka mea nui o lākou, Ua makeʻe waiwai lākou a pau; A mai ke kāula mai a ke kahuna, Hana ma ka wahaheʻe kēlā mea kēia mea.

KE KANIKAU A IEREMIA 2:14

Ua ʻike kou mau kaula i nā mea hewa, a me nā mea lapuwale nou; ʻAʻole naʻe lākou i wehe i ka pale o kou hewa, I mea e hoʻihoʻi ai i kou pio ʻana; Akā, ua ʻike lākou i nā wānana wahaheʻe nou, a me nā hoʻowalewale.

HOSEA 9:8

E kali ana ʻo ʻEperaima i ke kōkua, mai koʻu Akua mai; ʻO ke kāula, he punihei ia ʻo ka mea punihei manu ma kona ʻaoʻao a pau, A he mea inaina ma ka hale o ke Akua.

MIKA 2:11

“Inā e hele ke kanaka ma ka makani, a ma ka hoʻopunipuni, A wahaheʻe ʻo ia, i ka ʻī ʻana aʻe, ‘E wānana aku au iā ʻoe no ka waina, a me ka mea inu ʻawaʻawa’; ʻO ia nō ke kāula o kēia poʻe kānaka.

MIKA 3:11

Ua hoʻoponopono ka luna ona no ka uku, A ua aʻo aku kāna mau kāhuna no ke kumu, A ua wānana kāna mau kāula no ke kālā; Akā, e hilinaʻi lākou ma luna o Iēhova, i ka ʻī ʻana aʻe, “ʻAʻole anei ʻo Iēhova i waena o kākou? ʻAʻole e hiki mai ka ʻino ma luna o kākou.”

MIKA 3:5

¶ Pēnēia i ʻōlelo mai ai ʻo Iēhova no nā kāula, Ka poʻe i hoʻoʻauana i kuʻu poʻe kānaka, Ka poʻe i nahu me ko lākou niho, A kāhea aku, “Ua maluhia”; A ʻo ka mea hāʻawi ʻole aku no ko lākou waha, Hoʻomākaukau nō lākou i ke kaua iā ia.

MALAKI 3:5

“Ke hoʻokokoke aku nei au i o ʻoukou lā e hoʻokō i ke kānāwai; e wikiwiki au i ka hōʻike kūʻē i nā kāhuna ʻanāʻanā, me nā moekolohe, a i nā mea hoʻohiki wahaheʻe, me ka poʻe hoʻonele i nā mea hoʻolimalima i kā lākou uku, a i ka poʻe hoʻonele i ka wahine kāne make, a me ke keiki makua ʻole, a i ka poʻe hoʻohuli aʻe i ko ka malihini, ʻaʻole hoʻi i makaʻu iaʻu,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 10:33

“A ʻo ka mea nāna au e hōʻole aku i mua o nā kānaka, naʻu hoʻi ia e hōʻole aku i mua o koʻu Makua i loko o ka lani.

KA ʻEUANELIO I KĀKAU ʻIA AI E MATAIO 24:11

“E kū mai nō hoʻi nā kāula wahaheʻe he nui loa, a e hoʻopunipuni aku hoʻi lākou i nā kānaka he nui loa.

KA ʻEUANELIO I KĀKAU ʻIA AI E MATAIO 24:24

“No ka mea, e kū aʻe nō nā mesia wahaheʻe, a me nā kāula wahaheʻe, a e hōʻike aku lākou i nā hōʻailona nui, a me nā mea kupanaha; a inā he mea hiki, inā e hoʻopunipuni hoʻi lākou i ka poʻe i wae ʻia.

KA ʻEUANELIO I KĀKAU ʻIA AI E MATAIO 24:5

“No ka mea, he nui nā mea e hele mai ma koʻu inoa, me ka ʻī ʻana mai, ‘ʻO wau nō ka Mesia,’ a he nui nō ka poʻe e hoʻopunipuni ʻia e lākou.

KA ʻEUANELIO I KĀKAU ʻIA AI E MATAIO 7:15

¶ “E mālama hoʻi iā ʻoukou no ka poʻe kāula hoʻopunipuni ke hele mai i o ʻoukou nei me ka ʻaʻahu hipa; akā, ma loko, he poʻe ʻīlio hihiu hae lākou.

KA ʻEUANELIO I KĀKAU ʻIA AI E MAREKO 13:22

“No ka mea, e kū mai auaneʻi i luna nā mesia wahaheʻe, a me nā kāula wahaheʻe, a e hōʻike mai i nā hōʻailona, a me nā hana mana, inā he mea hiki, e hoʻohihia lākou i ka poʻe i wae ʻia.

KA ʻEUANELIO I KĀKAU ʻIA AI E LUKA 12:9

“Akā, ʻo ka mea e hōʻole iaʻu i mua i ke alo a nā kānaka, ʻo ia ke hōʻole ʻia i mua i ke alo o ka poʻe ʻānela o ke Akua.

KA ʻEUANELIO I KĀKAU ʻIA AI E LUKA 21:8

A ʻōlelo maila ia, “E mālama o puni ʻoukou; no ka mea, he nui ka poʻe e hele mai ana ma koʻu inoa, e ʻōlelo ana, ‘ʻO wau nō ia; a e kokoke mai nei ka manawa;’ mai hahai aku hoʻi ʻoukou iā lākou.

KA ʻEUANELIO I KĀKAU ʻIA AI E LUKA 6:26

“E pōʻino auaneʻi ʻoukou i ka wā e ʻōlelo maikaʻi mai ai nā kānaka a pau no ʻoukou! No ka mea, pēlā nō i hana aku ai ko lākou mau mākua i ka poʻe kāula hoʻopunipuni.

ʻO KA ʻEPISETOLE A PAULO KA LUNAʻŌLELO I KO ROMA 16:18

No ka mea, ke mālama ʻole nei ua poʻe lā i ka Haku iā Iesū Kristo; akā, i ko lākou ʻōpū iho nō; a ma ka malimali a me ka ʻōlelo hoʻomaikaʻi, ke hoʻowalewale nei lākou i nā naʻau o ka poʻe noʻonoʻo ʻole.

ʻO KA ʻEPISETOLE MUA A PAULO KA LUNAʻŌLELO I KO KORINETO 11:19

E ʻoiaʻiʻo nō, e hiki mai nō ka manaʻo kūʻē i waena o ʻoukou, i maopopo mai ka poʻe i ʻāpono ʻia i waena o ʻoukou.

ʻO KA ʻEPISETOLE MUA A PAULO KA LUNAʻŌLELO I KO KORINETO 6:20

Ua kūʻai ʻia ʻoukou me ke kumu kūʻai; no ia mea, e hoʻonani aku ai ʻoukou i ke Akua, me ko ʻoukou kino, a me ko ʻoukou ʻuhane, na ke Akua nō ia mau mea.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:23

Ua kūʻai ʻia ʻoukou me ke kumu, mai lilo ʻoukou i poʻe hahai i kānaka.

ʻO KA ʻEPISETOLE A PAULO KA LUNAʻŌLELO I KO GALATIA 2:4

No ka poʻe hoahānau hoʻopunipuni i hoʻokipa malū ʻia, kai komo malū mai i loko e hoʻomakākiu mai i ko kākou luhi ʻole i loko o Kristo Iesū, i hoʻoluhi mai ai lākou iā kākou.

ʻO KA ʻEPISETOLE A PAULO KA LUNAʻŌLELO I KO GALATIA 3:13

Ua hoʻōla aʻela ʻo Kristo iā kākou mai ka hoʻāhewa ʻia e ke Kānāwai, i kona lilo ʻana i ka hoʻāhewa ʻia no kākou; no ka mea, ua palapala ʻia, “«Ua hoʻāhewa ʻia nā mea a pau i kau ʻia ma luna o ka lāʻau»;”

ʻO KA ʻEPISETOLE A PAULO KA LUNAʻŌLELO I KO GALATIA 4:17

Ua hū mai ko lākou aloha iā ʻoukou, ʻaʻole naʻe ma ka pono; ke ake nei lākou e hoʻokaʻawale iā ʻoukou, i hū mai ko ʻoukou aloha iā lākou.

ʻO KA ʻEPISETOLE A PAULO KA LUNAʻŌLELO I KO GALATIA 5:20

ka hoʻomana kiʻi, ka hoʻopiʻopiʻo, ka inaina, ka hakakā, ka ukiuki, ka huhū, ka hoʻopaʻapaʻa, ka mokuāhana, ka manaʻo kūʻē,

ʻO KA ʻEPISETOLE A PAULO KA LUNAʻŌLELO I KO ʻEPESO 1:7

Nona mai ke ola iā kākou ma kona koko, ke kala ʻana o nā hala, e like me ka lako o kona lokomaikaʻi;

ʻO KA ʻEPISETOLE A PAULO KA LUNAʻŌLELO I KO ʻEPESO 4:14

I kamaliʻi ʻole ai kākou ma ia hope aku i ka ʻaleʻale ʻia a me ka lauwili ʻia e nā makani a pau o ka ʻōlelo, ma ka ʻāpiki a kānaka, a me ka maʻalea a lākou e ʻimi ai i ka hoʻopunipuni;

KA BUKE ʻALIMA A MOSE, I KAPA ʻIA KĀNĀWAI LUA 32:6

“Pēlā anei ʻoukou e hoʻihoʻi aku ai iā Iēhova, E ka poʻe kānaka hāwāwā, a me ka naʻaupō? ʻAʻole anei ia ʻo kou Makua, nāna ʻoe i kūʻai? ʻAʻole anei ia i hana mai iā ʻoe, a i hoʻokūpaʻa iā ʻoe?

ʻO KA ʻEPISETOLE A PAULO KA LUNAʻŌLELO I KO PILIPI 3:19

ʻo ka make ko lākou hope, ʻo ka ʻōpū hoʻi ko lākou akua, a ma ka mea hilahila ko lākou nani, ke manaʻo nei hoʻi lākou i nā mea o ka honua.)

ʻO KA ʻEPISETOLE A PAULO KA LUNAʻŌLELO I KO KOLOSA 2:18

Mai hoʻonele mai kekahi iā ʻoukou i ko ʻoukou uku ma ka hoʻohaʻahaʻa wale ʻana, a me ka hoʻomana ʻana i nā ʻānela, e māʻoi wale ana i loko o nā mea āna i ʻike ʻole ai, e hoʻokano wale ana kona naʻau kanaka,

ʻO KA ʻEPISETOLE A PAULO KA LUNAʻŌLELO I KO KOLOSA 2:8

¶ E mālama hoʻi, o hōkai mai kekahi iā ʻoukou me ka manaʻo maʻalea, a me ka hoʻopunipuni lapuwale, ma muli o ka moʻoʻōlelo o kānaka, ma muli o nā kumu o ko ke ao nei, ʻaʻole hoʻi ma muli o Kristo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:8

A i hoʻolako ʻole kekahi i kona a me ko ka hale ponoʻī ona iho nō hoʻi, ua hōʻole ia i ka manaʻoʻiʻo, a ua ʻoi aku kona hewa i ko ka mea manaʻoʻiʻo ʻole.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:3

No ka mea, e hiki mai ana ka manawa e hoʻolohe ʻole ai lākou i ka ʻōlelo pono; akā, me ka pepeiao maneʻo e hāpuku lākou i nā kumu aʻo na lākou ma muli o ko lākou kuko iho.

ʻO KA ʻEPISETOLE A PAULO IĀ TITO 1:11

E pono ke hoʻopaʻa ʻia ko lākou mau waha, ko ka poʻe i hoʻokahuli i ko nā hale ʻokoʻa, me ke aʻo ʻana aku i nā mea e pono ʻole ai iā lākou ke aʻo, no ka waiwai ʻino.

ʻO KA ʻEPISETOLE A PAULO IĀ TITO 3:10

ʻO ke kanaka e aʻo kūʻēʻē ana, ʻo kāu ia e hoʻonoho aku i waho, ma hope iho o ka mua a me ka lua o ke aʻo pono ʻana aku iā ia;

ʻO KA ʻEPISETOLE A PAULO KA LUNAʻŌLELO I KO HEBERA 10:29

He aha lā i ko ʻoukou manaʻo ka make ʻeha nui aku e manaʻo ʻia ana he pono; no ka mea, nāna i hehi ma lalo iho o ka wāwae i ke Keiki a ke Akua, me ka manaʻo i ke koko o ka berita āna i hoʻolaʻa ʻia ai he mea haumia, a me ka hoʻowahāwahā aku i ka ʻUhane lokomaikaʻi?

ʻO KA ʻEPISETOLE HOʻOLAHA MUA A PETERO 1:8

Ka Mea a ʻoukou i ʻike maka ʻole ai, a ua makemake nō naʻe; a me ka ʻike ʻole aku iā ia, ua manaʻoʻiʻo aku nō naʻe ʻoukou iā ia me ka hauʻoli i ka ʻoliʻoli nani pau ʻole i ka haʻi ʻia aku;

ʻO KA ʻEPISETOLE HOʻOLAHA ʻALUA A PETERO 2:3

A no ka puni waiwai, e kūʻai nō lākou iā ʻoukou, me ka ʻōlelo wahaheʻe; ʻaʻole hoʻi e hoʻokaʻulua loa ko lākou hoʻohewa ʻia, ʻaʻole e hiamoe ko lākou make.

ʻO KA ʻEPISETOLE HOʻOLAHA MUA A IOANE 2:26

Ua palapala aku au iā ʻoukou i kēia mau mea no ka poʻe e hoʻowalewale ana iā ʻoukou.

ʻO KA ʻEPISETOLE HOʻOLAHA MUA A IOANE 4:1

¶ E nā punahele, mai manaʻoʻiʻo aku ʻoukou i nā ʻuhane a pau; akā, e hoʻāʻo aku i nā ʻuhane, no ke Akua mai paha, ʻaʻole paha; no ka mea, ua nui nō nā kāula wahaheʻe i hele aku i waena o ke ao nei.

ʻO KA ʻEPISETOLE HOʻOLAHA A IUDA 1:18

i ko lākou haʻi ʻana mai iā ʻoukou, “I ka hope o ka manawa, e hiki mai ai ka poʻe haʻakei e hele ana ma ko lākou kuko ʻaiā iho.”

ʻO KA ʻEPISETOLE HOʻOLAHA A IUDA 1:4

No ka mea, ua komo maopopo ʻole mai kekahi poʻe kānaka i hoʻohewa mua ʻia mai ma kēia hoʻopaʻi ʻana, he poʻe ʻaiā, e hoʻolilo ana i ke aloha o ko kākou Akua i mea makaleho wale; a e hōʻole aku ana hoʻi i ke Akua i ke Aliʻi hoʻokahi, i ko kākou Haku iā Iesū Kristo.

KA HŌʻIKE ʻANA A IOANE KA HAIPULE 13:14

A hoʻowalewale ʻo ia i ka poʻe i noho ma ka honua, ma nā mea kupanaha i hāʻawi ʻia mai nāna e hana, i mua o ka holoholona. ʻĪ mai kēlā i ka poʻe e noho ana ma ka honua, e hana lākou i kiʻi no ka holoholona i loaʻa ka ʻeha i ka pahi kaua, a ola hoʻi.

KA HŌʻIKE ʻANA A IOANE KA HAIPULE 2:13

‘Ua ʻike nō au i kāu hana ʻana, a me kou wahi e noho lā, aia ma kahi noho aliʻi o Sātana; a ua paʻa iā ʻoe koʻu inoa, ʻaʻole hoʻi ʻoe i hōʻole i koʻu manaʻoʻiʻo, ʻaʻole i nā lā o ʻAnetipasa ʻo ka mea i hōʻike ʻoiaʻiʻo noʻu; ua pepehi ʻia ʻo ia i waena o ʻoukou, i kahi e noho ai ʻo Sātana.

KA HŌʻIKE ʻANA A IOANE KA HAIPULE 2:9

‘Ua ʻike nō au i kāu hana ʻana, a me kou pōpilikia, a me kou hune, ua waiwai nō naʻe ʻoe; a ua ʻike au i ka ʻōlelo hoʻoʻino a ka poʻe i kapa iā lākou iho he poʻe Iudaio, ʻaʻole kā, ʻo ka hale hālāwai lākou o Sātana.

KA HŌʻIKE ʻANA A IOANE KA HAIPULE 3:8

‘Ua ʻike nō au i kāu hana ʻana; aia hoʻi, ua waiho au i ka puka i mua ou, e hāmama ana, ʻaʻohe mea nāna ia e pani; no ka mea, he wahi ikaika iki kou, a ua mālama ʻoe i kaʻu ʻōlelo, ʻaʻole i hōʻole i koʻu inoa.

KA HŌʻIKE ʻANA A IOANE KA HAIPULE 5:9

Memele maila lākou i ke mele hou, e ʻōlelo ana, “Pono nō ʻoe ke lawe i ka buke, a e ʻākaʻa i kona mau wepa; No ka mea, ua pepehi ʻia ʻoe, a ua kūʻai mai ʻoe iā mākou no ke Akua me kou koko, Mai loko mai o nā ʻohana a pau, a me nā ʻōlelo, a me nā ʻāina, a me nā lāhui kanaka a pau.

KA HŌʻIKE ʻANA A IOANE KA HAIPULE 6:10

Hea maila lākou me ka leo nui, ʻī maila, “E ka Haku, hoʻāno a me ka ʻoiaʻiʻo, pehea lā ka lōʻihi? ʻAʻole anei ʻoe e hoʻokolokolo, a e hoʻopaʻi hoʻi i ko mākou koko, ma luna o ka poʻe e noho lā ma ka honua?”