ʻO KA ʻEPISETOLE LUA A PAULO KA LUNAʻŌLELO I KO KORINETO 4:6 - Ka Baibala Hemolele

⁶ No ka mea, ʻo ke Akua nāna i kēnā, “Ka mālamalama e pohā mai no loko mai o ka pouli,” ʻo ia kai hoʻomālamalama mai i loko o ko mākou naʻau, i mālamalama i ʻikea ka nani o ke Akua ma ka maka o Iesū Kristo.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:6 Iomraidhean Croise

KA BUKE MUA A MOSE, I KAPA ʻIA KINOHI 1:3

ʻĪ ihola ke Akua, “I mālamalama,” a ua mālamalama aʻela.

KA BUKE O NĀ HALELŪ 63:2

I ʻike au i kou mana a me kou nani, Me aʻu i ʻike ai iā ʻoe ma loko o kahi hoʻāno.

KA BUKE O NĀ HALELŪ 74:16

Nou nō ke ao, nou nō hoʻi ka pō; Ua hoʻomākaukau ʻoe i ka mālamalama a me ka lā.

KA BUKE O NĀ HALELŪ 90:16

E hōʻike mai ʻoe i kāu hana i kāu poʻe kauā, A me kou hanohano hoʻi i kā lākou poʻe keiki.

KA WĀNANA A ʻISAIA 35:2

E pua nui nō ia, a e hauʻoli hoʻi me ka ʻoliʻoli, a me ka hauʻoli; E hāʻawi ʻia aku ka nani o Lebanona iā ia, A me ka maikaʻi o Karemela, a me Sārona; E ʻike auaneʻi lākou i ka nani o Iēhova, A me ka hanohano o ko kākou Akua.

KA WĀNANA A ʻISAIA 40:5

“E hōʻike ʻia mai nō ka nani o Iēhova, A e ʻike pū aku nō nā kānaka a pau; No ka mea, na ka waha o Iēhova i ʻōlelo mai.”

KA WĀNANA A ʻISAIA 45:7

“Ka Mea nāna i hana ka mālamalama, A nāna hoʻi i hana ka pouli, Nāna i hana ka pōmaikaʻi, Nāna hoʻi i hana ka pōʻino, ʻO wau nō Iēhova, ka Mea nāna e hana kēia mau mea a pau.

KA WĀNANA A ʻISAIA 60:2

“No ka mea, aia hoʻi, e uhi mai nō ka pōʻeleʻele i ka honua, A ʻo ka pouli loa hoʻi i nā kānaka; Akā, e puka mai nō ʻo Iēhova ma luna ou, A ʻike ʻia hoʻi kona nani ma luna ou.

KA ʻEUANELIO I KĀKAU ʻIA AI E LUKA 10:22

“Ua hāʻawi ʻia mai nei iaʻu nā mea a pau e koʻu Makua; ʻaʻole hoʻi mea i ʻike i ke Keiki, ʻo ka Makua wale nō; a i ka Makua hoʻi, ʻo ke Keiki wale nō, a me ke kanaka a ke Keiki e makemake e hōʻike ai.”

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 11:40

ʻĪ maila ʻo Iesū iā ia, “ʻAʻole anei au i ʻōlelo aku iā ʻoe, inā e manaʻoʻiʻo mai ʻoe, e ʻike auaneʻi ʻoe i ka nani o ke Akua?”

KA ʻEUANELIO I KĀKAU ʻIA AI E IOANE 12:41

ʻO kēia mau mea kā ʻIsaia i ʻōlelo ai, i ka wā i ʻike ai ia i kona nani, a i ʻōlelo mai ai nona.

NĀ ʻOIHANA A KA POʻE LUNAʻŌLELO 26:18

e hoʻokaʻakaʻa ai i ko lākou mau maka, a e hoʻohuli iā lākou, mai ka pouli mai i ka mālamalama, a mai ka mana o Sātana i ke Akua, i loaʻa iā lākou ke kala ʻana o ka hala, a me ka hoʻoilina ma waena o ka poʻe i hoʻomaʻemaʻe ʻia e ka manaʻoʻiʻo mai iaʻu.’

ʻO KA ʻEPISETOLE MUA A PAULO KA LUNAʻŌLELO I KO KORINETO 12:8

No ka mea, ua hāʻawi ʻia mai i kekahi e ka ʻUhane, ka ʻōlelo akamai; a i kekahi ka ʻōlelo hoʻonaʻauao, na ka ʻUhane hoʻokahi nō;

ʻO KA ʻEPISETOLE LUA A PAULO KA LUNAʻŌLELO I KO KORINETO 2:10

A i kala aku ʻoukou i ka mea o kekahi, ʻo wau hoʻi kekahi e kala aku; no ia hoʻi, inā paha au i kala aku i kekahi mea, no ʻoukou i kala aku ai au ia mea iā ia, ma Kristo;

ʻO KA ʻEPISETOLE LUA A PAULO KA LUNAʻŌLELO I KO KORINETO 3:18

Akā, me ka maka i uhi ʻole ʻia, ke ʻike aku nei mākou a pau i ka nani o ka Haku, e like me ke aka ma ke aniani, a ua hōʻano hou ʻia mākou ma ka like ʻana o ua aka lā, ma ka nani e māhuahua ana, e ko ka Haku nona ka ʻUhane.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:4

Ma o lākou lā, ua hoʻomakapō mai ko kēia ao akua i nā naʻau o ka poʻe hoʻomaloka, o akāka mai auaneʻi iā lākou ka mālamalama o ka ʻeuanelio nani a Kristo; ʻo ia ko ke Akua mea like.

ʻO KA ʻEPISETOLE A PAULO KA LUNAʻŌLELO I KO ʻEPESO 1:17

i hāʻawi mai ai ke Akua o ko kākou Haku ʻo Iesū Kristo, ka Makua nona ka nani, iā ʻoukou i ka ʻuhane hoʻonaʻauao a me ka hōʻike, i ʻike ai ʻoukou iā ia;

ʻO KA ʻEPISETOLE A PAULO KA LUNAʻŌLELO I KO ʻEPESO 1:18

a hoʻomālamalama ʻia nā maka o ko ʻoukou naʻau, i ʻike ai ʻoukou i ka manaʻolana ma kona hea ʻana mai, a me ka nani nui o kona mea e ili mai ana no ka poʻe haipule,

ʻO KA ʻEPISETOLE A PAULO KA LUNAʻŌLELO I KO ʻEPESO 5:8

No ka mea, he pōʻeleʻele ko ʻoukou ma mua, i nēia manawa hoʻi ua mālamalama ʻoukou i ka Haku; e haele ʻoukou me he kamaliʻi no ka mālamalama lā;

ʻO KA ʻEPISETOLE A PAULO KA LUNAʻŌLELO I KO PILIPI 2:6

ʻo ia nō ko ke Akua mea like, ʻaʻole hoʻi ia i manaʻo i kona like ʻana me ke Akua he mea lawe wale;

ʻO KA ʻEPISETOLE A PAULO KA LUNAʻŌLELO I KO KOLOSA 1:15

ʻO ia hoʻi ka like me ke Akua i nānā ʻole ʻia, ʻo ia hoʻi ka mua o nā mea a pau i hana ʻia ai.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:12

i hele pono ʻoukou ma ka pono o ke Akua, ka Mea nāna ʻoukou i hea mai i loko o kona aupuni, a i kona nani.

ʻO KA ʻEPISETOLE A PAULO KA LUNAʻŌLELO I KO HEBERA 1:3

ʻO ia ka ʻōlinolino o kona nani, a me ka like loa o kona ʻano maoli, e hoʻomau ana i nā mea a pau ma kāna ʻōlelo mana iho, a, hoʻolilo ihola iā ia iho i mea e maʻemaʻe ai ko kākou hewa, noho ihola ia ma ka lima ʻākau o ka Mōʻī ma luna lilo;

ʻO KA ʻEPISETOLE A PAULO KA LUNAʻŌLELO I KO HEBERA 6:4

No ka mea, ʻaʻole e hiki i ka poʻe i hoʻonaʻauao ʻia mai, a i hoʻāʻo hoʻi i ka haʻawina mai ka lani mai, a i hoʻolako ʻia hoʻi e ka ʻUhane Hemolele,

ʻO KA ʻEPISETOLE HOʻOLAHA MUA A PETERO 1:12

Ua hōʻike ʻia mai iā lākou, ʻaʻole naʻe na lākou, na kākou, nā mea a lākou i aʻo mai ai; ʻo ia hoʻi nā mea i haʻi ʻia aku nei iā ʻoukou, e ka poʻe haʻi aku i ka ʻeuanelio iā ʻoukou, me ka ʻUhane Hemolele i hoʻouna ʻia mai, mai ka lani mai; ʻo ia kā nā ʻānela i makemake ai e ʻike iho.

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.

ʻO KA ʻEPISETOLE HOʻOLAHA ʻALUA A PETERO 1:19

Eia hoʻi iā kākou kā nā kāula ʻōlelo, i hōʻoiaʻiʻo loa ʻia; ua hana pono nō hoʻi ʻoukou i ko ʻoukou mālama ʻana ia mea, me he kukui lā, e hoʻomālamalama ana i kahi pouli, a wehe mai ke alaula, a puka mai ka hōkūao i loko o ko ʻoukou mau naʻau.