ʻO KA ʻEPISETOLE LUA A PAULO KA LUNAʻŌLELO I KO KORINETO 13:4 - Ka Baibala Hemolele

⁴ No ka mea, inā paha i kaulia ai ʻo ia ma ke keʻa no ka nāwaliwali, e ola ana nō hoʻi ia ma ka mana o ke Akua; ua nāwaliwali nō hoʻi mākou i loko ona; akā, e ola ana nō hoʻi mākou me ia ma ka mana o ke Akua i waena o ʻoukou.

ʻO KA ʻEPISETOLE LUA A PAULO KA LUNAʻŌLELO I KO KORINETO 13:4 Iomraidhean Croise

KA ʻEUANELIO I KĀKAU ʻIA AI E IOANE 10:18

“ʻAʻole kekahi e kāʻili ia mea mai oʻu aku lā; akā, naʻu iho nō e hāʻawi aku ia; he mana koʻu e hāʻawi aku ia, he mana hoʻi koʻu e hāʻawi aku ia, he mana hoʻi koʻu e lawe hou mai ia. Ua loaʻa iaʻu kēia kauoha na koʻu Makua mai.”

NĀ ʻOIHANA A KA POʻE LUNAʻŌLELO 2:36

“No ia mea, e ʻike pono ka ʻohana a pau a ʻIseraʻela, ua hoʻolilo ke Akua iā Iesū nei, i ka Mea a ʻoukou i kau ai ma ke keʻa, i Haku a i Mesia hoʻi.”

NĀ ʻOIHANA A KA POʻE LUNAʻŌLELO 3:16

“Akā, ʻo kona inoa iho, i ka manaʻoʻiʻo ʻana i kona inoa, ʻo ia ka Mea i hoʻōla ai i ke kanaka a ʻoukou e nānā aku, a e ʻike nei; ʻo ka manaʻoʻiʻo ʻana iā ia, ʻo ia ka Mea i hāʻawi mai ai i ke ola ʻiʻo no ia nei i mua i ke alo o ʻoukou nei a pau.

ʻO KA ʻEPISETOLE A PAULO KA LUNAʻŌLELO I KO ROMA 1:4

a i hoʻomaopopo ʻia hoʻi ʻo ke Keiki a ke Akua me ka mana, ma ka ʻUhane hoʻāno, ma hope o ke ala hou ʻana mai waena mai o ka poʻe make;

ʻO KA ʻEPISETOLE A PAULO KA LUNAʻŌLELO I KO ROMA 14:9

No ka mea, eia ka mea i make ai ʻo Kristo, a i ala hou ai, a ola, i noho Haku ia no ka poʻe make a me ka poʻe ola.

ʻO KA ʻEPISETOLE A PAULO KA LUNAʻŌLELO I KO ROMA 6:4

No laila, ua kanu pū ʻia kākou me ia, ma ka bapetizo ʻia i loko o ka make; a me Kristo hoʻi i hoʻāla ʻia ai mai waena mai o ka poʻe make ma ka nani o ka Makua, pēlā hoʻi kākou e pono ai ke hele ma ke ola hou.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:25

No ka mea, ʻo ka lapuwale o ke Akua, ua ʻoi aku ia ma mua o ke akamai o kānaka; a ʻo ka nāwaliwali o ke Akua ma mua o ka ikaika o kānaka.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:43

Ua kanu ʻia ʻo ia ma ka hōʻino ʻia, ua hoʻāla ʻia mai ʻo ia ma ka nani; ua kanu ʻia ʻo ia ma ka nāwaliwali, ua hoʻāla ʻia mai ʻo ia ma ka mana.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:3

Ua noho pū nō wau me ʻoukou, me ka nāwaliwali, a me ka makaʻu, a me ka haʻalulu nui.

ʻO KA ʻEPISETOLE MUA A PAULO KA LUNAʻŌLELO I KO KORINETO 6:14

Na ke Akua nō i hoʻāla mai ka Haku, a nāna hoʻi kākou e hoʻāla mai ma kona mana iho.

ʻO KA ʻEPISETOLE LUA A PAULO KA LUNAʻŌLELO I KO KORINETO 10:10

Ke ʻōlelo aʻela lākou, “Ua koʻikoʻi a ua ikaika kāna mau palapala; akā, ua palupalu kona kino ma ke kokoke, a ʻo kāna ʻōlelo ʻana, ʻo ia ke hoʻowahāwahā ʻia.”

ʻO KA ʻEPISETOLE LUA A PAULO KA LUNAʻŌLELO I KO KORINETO 12:10

No laila, he ʻoluʻolu koʻu i ka nāwaliwali, a me ka hōʻino ʻia, a me ka pōʻino, a me ka hoʻomaʻau ʻia, a me ka pilikia no Kristo; no ka mea, i kuʻu nāwaliwali ʻana, a laila ua ikaika au.

ʻO KA ʻEPISETOLE LUA A PAULO KA LUNAʻŌLELO I KO KORINETO 13:9

Ke hauʻoli nei mākou i ko mākou nāwaliwali, a i ko ʻoukou ikaika; eia hoʻi kā mākou e pule aku nei, i hemolele ʻoukou.

ʻO KA ʻEPISETOLE A PAULO KA LUNAʻŌLELO I KO PILIPI 3:10

i ʻike hoʻi au iā ia, me ka mana o kona ala hou ʻana mai, a me ka hoʻokahi ʻana o kona hōʻino ʻia, i hoʻohālike ʻia aku me kona make ʻana;

ʻO KA ʻEPISETOLE A PAULO KA LUNAʻŌLELO I KO HEBERA 5:7

ʻO ia hoʻi, i nā lā o kona noho kino ʻana, ua kaumaha akula i ka pule, a me ka nonoi ʻana, me ke kāhea nui ʻana, a me nā waimaka heleleʻi, i ka Mea e hiki iā ia ke hoʻopakele mai iā ia i ka make, a ua lohea mai ʻo ia no nā mea āna i makaʻu ai.

ʻO KA ʻEPISETOLE HOʻOLAHA MUA A PETERO 3:18

No ka mea, ua make nō hoʻi ʻo Kristo no ka hewa, ʻo ka mea pono no ka poʻe hewa, i alakaʻi ʻo ia iā kākou i ke Akua; ua pepehi ʻia ʻo ia ma ke kino, ua hoʻōla ʻia hoʻi ma ka ʻuhane;

ʻO KA ʻEPISETOLE HOʻOLAHA MUA A PETERO 3:22

ʻo ka mea i hele aku i ka lani, a ʻo ia hoʻi ia e noho lā ma ka lima ʻākau o ke Akua; a ua hoʻonoho ʻia ma lalo iho ona, nā ʻānela, a me nā mea kiʻekiʻe a me nā mea mana.