ʻO KA ʻEPISETOLE LUA A PAULO KA LUNAʻŌLELO I KO KORINETO 10:5 - Ka Baibala Hemolele

⁵ E hoʻohiolo ana hoʻi i nā manaʻo, a me nā mea kiʻekiʻe a pau e hoʻokiʻekiʻe ana aʻe, e kūʻē i ka naʻauao o ke Akua, a e kaʻi pio ana i nā manaʻo a pau i ka hoʻolohe aku iā Kristo;

ʻO KA ʻEPISETOLE LUA A PAULO KA LUNAʻŌLELO I KO KORINETO 10:5 Iomraidhean Croise

KA BUKE MUA A MOSE, I KAPA ʻIA KINOHI 8:21

Honi maila ʻo Iēhova i ke ʻala ʻoluʻolu; ʻī ihola ʻo Iēhova i loko o kona naʻau, “ʻAʻole au e hōʻino hou i ka ʻāina no kānaka; no ka mea, ua hewa nō ka manaʻo ʻana o ko ke kanaka naʻau mai kona wā ʻōpiopio; ʻaʻole hoʻi au e luku hou aku i nā mea ola a pau, me aʻu i hana iho nei.

KA BUKE ʻALUA NO NĀ ALIʻI 19:22

‘ʻO wai lā kāu i hōʻino ai, a i hoʻohiki ʻino ai? Ma luna o wai kāu i hoʻokiʻekiʻe ai i ka leo, A hāpai ai i kou maka i luna? Ma luna o ka Mea Hemolele o kā ʻIseraʻela.

KA BUKE ʻALUA NO NĀ ALIʻI 19:28

‘No kou inaina ʻana mai iaʻu A no ka piʻi ʻana mai o kou haʻaheo i loko o koʻu pepeiao, No laila, e hoʻokomo au i koʻu lou i kou ihu A me koʻu kaula waha i kou lehelehe, A e hoʻihoʻi aku au iā ʻoe Ma ke ala āu i hele mai nei.

KA BUKE NO IOBA 42:6

“No laila ke hoʻowahāwahā nei au iaʻu iho, Ke mihi hoʻi au i loko o ka lepo a me ka lehu.”

KA BUKE O NĀ HALELŪ 10:4

ʻO ka mea hewa, ʻaʻole ia e pule, no ka haʻaheo o kona maka; “ʻAʻole ke Akua,” i kona manaʻo a pau.

KA BUKE O NĀ HALELŪ 139:2

Ua ʻike nō ʻoe i koʻu noho ʻana i lalo, a me koʻu ala ʻana i luna, Ua maopopo hoʻi koʻu manaʻo iā ʻoe ma kahi lōʻihi ʻē aku.

KA BUKE O NĀ HALELŪ 18:27

No ka mea, e hoʻōla ana ʻoe i ka poʻe i hoʻoluhi ʻia; Akā, e hoʻohaʻahaʻa ʻoe i nā maka kiʻekiʻe.

KA BUKE O NĀ HALELŪ 18:44

A kuʻi ka lono oʻu, e mālama koke mai nō lākou iaʻu; E hoʻolohe mai nō iaʻu nā keiki a kānaka ʻē.

KA BUKE ʻALUA A MOSE, I KAPA ʻIA PUKA ʻANA 5:2

ʻĪ maila ʻo Paraʻo, “ʻO wai lā ʻo Iēhova i hoʻolohe ai au i kona leo, e hoʻokuʻu aku ai i kā ʻIseraʻela? ʻAʻole au i ʻike iā Iēhova, ʻaʻole hoʻi au e hoʻokuʻu aku i kā ʻIseraʻela.”

NĀ ʻŌLELO AKAMAI A SOLOMONA 15:26

He hoʻopailua iā Iēhova nā manaʻo o ka mea hewa; He ʻoluʻolu naʻe ka ʻōlelo a ka poʻe maʻemaʻe.

NĀ ʻŌLELO AKAMAI A SOLOMONA 24:9

ʻO ka manaʻo lapuwale, he hewa ia; A he hoʻopailua i nā kānaka ka mea hoʻowahāwahā.

KA WĀNANA A ʻISAIA 2:17

E kūlou nō i lalo ko ke kanaka haʻaheo, E hoʻohaʻahaʻa ʻia hoʻi ka manaʻo kiʻekiʻe o ke kanaka; ʻO Iēhova wale nō ke hoʻokiʻekiʻe ʻia i kēlā lā.

KA WĀNANA A ʻISAIA 55:7

E haʻalele ke kanaka hewa i kona ʻaoʻao, A me ke kanaka lawehala, i kona mau manaʻo; A e hoʻi mai hoʻi ʻo ia i o Iēhova lā, a e lokomaikaʻi nō ʻo ia iā ia, A i ko kākou Akua hoʻi; no ka mea, e kala nui loa auaneʻi ʻo ia.

KA WĀNANA A ʻISAIA 59:7

Holo nō ko lākou wāwae i ka hewa, A hoʻowikiwiki lākou i ka hoʻokahe koko hala ʻole; ʻO ko lākou mau kūkā, he mau kūkā no ka hewa; Aia nō ka luku, a me ka make ma ko lākou kuamoʻo.

KA WĀNANA A ʻISAIA 60:14

“ʻO nā keiki hoʻi a ka poʻe i hoʻokaumaha iā ʻoe, E hele kūlou mai nō lākou i mua ou; A ʻo ka poʻe a pau i hoʻowahāwahā iā ʻoe, E kūlou nō lākou ma nā kapuaʻi o kou mau wāwae; A e kapa aku nō lākou iā ʻoe, ʻo ke kūlanakauhale o Iēhova, ʻO kā Ziona hoʻi o ka Mea Hemolele o kā ʻIseraʻela.

KA WĀNANA A IEREMIA 23:29

“ʻAʻole anei i like kaʻu ʻōlelo me ke ahi?” wahi a Iēhova; “a like hoʻi me ka hāmare, ka mea e nāhāhā ai ka pōhaku?

KA WĀNANA A IEREMIA 4:14

¶ E Ierusalema ē, holoi ʻoe i kou naʻau, i pau ka hewa, I hoʻōla ʻia hoʻi ʻoe. Pehea lā ka lōʻihi o ka noho ʻana o nā manaʻo lapuwale i loko ou?

KA WĀNANA A ʻEZEKIʻELA 17:24

“A e ʻike nā lāʻau a pau o ka ʻāina, naʻu na Iēhova i hoʻohaʻahaʻa i ka lāʻau kiʻekiʻe, a i hoʻokiʻekiʻe hoʻi i ka lāʻau haʻahaʻa, a i hoʻomaloʻo i ka lāʻau uliuli, a i hoʻoulu aʻe i ka lāʻau maloʻo; naʻu na Iēhova i ʻōlelo, a i hana aku hoʻi.”

KA BUKE NO DANIʻELA 4:37

“ʻĀnō ʻo wau ʻo Nebukaneza ke hoʻonani aku nei au, ke hoʻoleʻa aku hoʻi me ka mahalo i ke Aliʻi o ka lani, ʻo kāna mau hana ua pau i ka ʻoiaʻiʻo, a ʻo kona mau ʻaoʻao ua pololei loa; a ʻo ka poʻe e hele ana ma ka haʻaheo, e hiki nō iā ia ke hoʻohaʻahaʻa iho iā lākou.”

KA ʻEUANELIO I KĀKAU ʻIA AI E MATAIO 15:19

“No ka mea, mai loko mai o ka naʻau ke puka mai nei nā manaʻo ʻino, ka pepehi kanaka ʻana, ka moekolohe ʻana, ka hoʻokamakama ʻana, ka ʻaihue ʻana, ka hoʻopunipuni ʻana, a me nā ʻōlelo ʻino.

KA ʻEUANELIO I KĀKAU ʻIA AI E LUKA 1:51

“Ua hōʻike mai ʻo ia i ka mana ma kona lima. Ua hoʻopuehu i ka poʻe i haʻaheo i ka manaʻo o ko lākou naʻau.

ʻO KA ʻEPISETOLE A PAULO KA LUNAʻŌLELO I KO ROMA 1:21

No ka mea, i ka wā i ʻike ai lākou i ke Akua, ʻaʻole lākou i hoʻonani aku iā ia i Akua, ʻaʻole hoʻi i aloha aku; akā, ua lapuwale lākou i ko lākou manaʻo ʻana, a ua hoʻopouli ʻia hoʻi ko lākou naʻau hāwāwā.

ʻO KA ʻEPISETOLE A PAULO KA LUNAʻŌLELO I KO ROMA 1:5

ma ona lā i loaʻa mai ai iā mākou ke aloha, a me ka lunaʻōlelo ʻana, no ka mālama ʻana o ka manaʻoʻiʻo i waena o nā lāhui kanaka a pau no kona inoa;

ʻO KA ʻEPISETOLE A PAULO KA LUNAʻŌLELO I KO ROMA 16:26

ʻānō lā, ua hoʻākāka ʻia mai ia e nā Palapala a nā kāula, ma ke kauoha a ke Akua mau, ua hōʻike ʻia mai i nā lāhui kanaka a pau i hoʻolohe ʻia ai ka manaʻoʻiʻo;

ʻO KA ʻEPISETOLE A PAULO KA LUNAʻŌLELO I KO ROMA 7:23

akā, ua ʻike au i kekahi kānāwai i loko o koʻu mau lālā e hakakā ana me ke kānāwai o koʻu manaʻo, a e hoʻolilo ana iaʻu i pio no ke kānāwai o ka hewa i loko o koʻu mau lālā.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:19

No ka mea, ua palapala ʻia mai, “«E hoʻopau au i ke akamai o ka poʻe akamai, A e hoʻolilo au i ka naʻauao o ka poʻe naʻauao i mea ʻole».”

ʻO KA ʻEPISETOLE MUA A PAULO KA LUNAʻŌLELO I KO KORINETO 3:19

No ka mea, ʻo ko ke ao nei naʻauao, he naʻaupō ia i ke Akua. Penei ka palapala ʻana, “«Ua paʻa iā ia ka poʻe akamai ma loko o ko lākou maʻalea iho»”;

ʻO KA ʻEPISETOLE LUA A PAULO KA LUNAʻŌLELO I KO KORINETO 11:20

Inā paha e hoʻokauā ʻia ʻoukou e kekahi, inā paha i ʻai kekahi i kā ʻoukou, inā paha e lawe wale kekahi i kā ʻoukou, inā paha e hoʻokiʻekiʻe aʻe kekahi, inā paha e paʻi aku kekahi iā ʻoukou ma ka maka, ke hoʻomanawanui nei hoʻi ʻoukou.

ʻO KA ʻEPISETOLE LUA A PAULO KA LUNAʻŌLELO I KO KORINETO 9:13

No ka ʻike maopopo ʻana i kēia lokomaikaʻi, e hoʻonani aku lākou i ke Akua no ko ʻoukou hoʻā ʻia ʻana e hoʻolohe i ka ʻeuanelio a Kristo, a no ka lokomaikaʻi hoʻi o ka makana iā lākou, a i nā mea a pau;

KA BUKE ʻALIMA A MOSE, I KAPA ʻIA KĀNĀWAI LUA 15:9

“E ao, o kupu mai ka manaʻo i loko o kou naʻau ʻino, e ʻī iho ana, ‘Ua kokoke mai nei ka hiku o ka makahiki, ka makahiki e hoʻokala aku ai’; a nānā ʻino aku kou maka i kou hoahānau ʻilihune, a hāʻawi ʻole aku ʻoe nāna; a e kāhea aku ʻo ia iā Iēhova nou, a e lilo ia i hewa nou.

ʻO KA ʻEPISETOLE A PAULO KA LUNAʻŌLELO I KO PILIPI 4:7

A ʻo ka maluhia o ke Akua, ka mea i ʻoi aku i ko ke kanaka manaʻo a pau, e hoʻomalu mai i ko ʻoukou naʻau a me ko ʻoukou manaʻo ma o Kristo Iesū lā.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:4

ʻo ka mea i kūʻē mai, a hoʻokiʻekiʻe aʻela iā ia iho ma luna o nā mea a pau i kapa ʻia he Akua, a me ka mea i hoʻomana ʻia; ʻo ia hoʻi, me he Akua lā e noho ana ia i loko o ka luakini o ke Akua, e hōʻike ana iā ia iho ʻo ia ke Akua.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:8

A laila, e hōʻike ʻia mai ua hewa lā, ʻo kā ka Haku ia e kinai aku ai me ka hā o kona waha, a e luku ai hoʻi me ka ʻōlinolino nui o kona hiki ʻana mai.

ʻO KA ʻEPISETOLE A PAULO KA LUNAʻŌLELO I KO HEBERA 4:12

No ka mea, he ikaika, he mana hoʻi ko ka ʻōlelo a ke Akua, he ʻoi nui kona ma mua o ko ka pahi kaua ʻoi lua, e ʻō ana a kaʻawale ke ola a me ka ʻuhane, ʻo nā ʻami a me ka lolo; ʻo ia ka luna kānāwai no ka noʻonoʻo a me ka naʻau.

ʻO KA ʻEPISETOLE A PAULO KA LUNAʻŌLELO I KO HEBERA 5:9

A i ka hoʻohemolele ʻia ʻana ona, ua lilo ʻo ia i Ola e ola mau loa ai no ka poʻe a pau i hoʻolohe iā ia.

ʻO KA ʻEPISETOLE HOʻOLAHA MUA A PETERO 1:2

ma ka ʻike mua ʻana o ke Akua, ka Makua, ma o ka huikala ʻana o ka ʻUhane, ua wae ʻia mai ʻoukou, i poʻe hoʻolohe, a i poʻe e kāpīpī ʻia i ke koko o Iesū Kristo; i nui ko ʻoukou aloha ʻia mai, a me ka maluhia hoʻi.

ʻO KA ʻEPISETOLE HOʻOLAHA MUA A PETERO 1:22

¶ I ka mālama ʻana i ka ʻoiaʻiʻo, ua hoʻomaʻemaʻe ʻoukou i ko ʻoukou naʻau, na ka ʻUhane mai, i ke aloha hoʻokamani ʻole i nā hoahānau; no laila, ʻeā, e aloha ikaika loa aku ʻoukou i kekahi i kekahi me ka naʻau maʻemaʻe.