ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:9 - Ka Baibala Hemolele

⁹ Akā, ʻo ka poʻe e makemake ana i ka waiwai nui, ua hāʻule lākou i loko o ka hoʻowalewale ʻia a me ka pahele, a i loko o kēlā kuko lapuwale kēia kuko lapuwale e pono ʻole ai, nā mea e paholo ai nā kānaka i ka pōʻino, a me ka make.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:9 Iomraidhean Croise

KA BUKE MUA NO NĀ ALIʻI 21:6

Haʻi maila ʻo ia, “No ka mea, ua ʻōlelo aku au iā Nabota no Iezereʻela, i ka ʻī ʻana aku iā ia, ‘E hāʻawi mai ʻoe i kou māla waina iaʻu no ke kālā; a, inā e makemake ʻoe, e hāʻawi aku au iā ʻoe i kekahi māla waina ʻē nona’; a ʻōlelo maila ʻo ia, ‘ʻAʻole au e hāʻawi i kuʻu māla waina iā ʻoe.’”

KA BUKE O NĀ HALELŪ 11:6

Ma luna iho o ka poʻe hewa ʻo ia e hoʻoua mai ai i nā kaula uila, A me ke ahi, ka luaʻi pele, a me ka ʻino huhū; ʻO ia ka piha o ko lākou kīʻaha.

NĀ ʻŌLELO AKAMAI A SOLOMONA 15:27

ʻO ka mea makeʻe waiwai, hana ʻino loa ʻo ia i ko kona hale; A ʻo ka mea hoʻowahāwahā i nā makana, e ola ia.

NĀ ʻŌLELO AKAMAI A SOLOMONA 20:21

ʻO ka hoʻoilina i loaʻa mua ma ke kāʻili wale, ʻO kona hopena, ʻaʻole e pōmaikaʻi ʻia,

NĀ ʻŌLELO AKAMAI A SOLOMONA 21:6

ʻO ka ʻimi ʻana i ka waiwai ma ke elelo wahaheʻe, He ʻōpala i hoʻopuehu ʻia e ka poʻe e ʻimi ana i ka make.

NĀ ʻŌLELO AKAMAI A SOLOMONA 22:16

ʻO ka mea hoʻokaumaha i ka mea ʻilihune i mea e hoʻomāhuahua ai i kāna iho, A ʻo ka mea hāʻawi no ka mea waiwai, e nele ʻiʻo nō lāua a ʻelua.

NĀ ʻŌLELO AKAMAI A SOLOMONA 23:4

¶ Mai hoʻoikaika i waiwai aʻe; E hōʻole i kou naʻauao iho.

KA WĀNANA A ʻISAIA 5:8

¶ Auē ka poʻe i hoʻopili i kekahi hale i kekahi hale, A me ka poʻe i hui i kekahi mahina ʻai i kekahi mahina ʻai, A koe ʻole kahi kaʻawale, I noho ʻo ʻoukou wale nō i waenakonu o ka ʻāina!

ZEKARIA 11:5

“ʻO nā kahu o lākou ke pepehi nei iā lākou, a ke manaʻo nei iā lākou iho ua hala ʻole; ke ʻōlelo nei ka poʻe kūʻai lilo aku iā lākou, ‘E hoʻomaikaʻi ʻia ke Akua; no ka mea, ua waiwai au’; ʻaʻole hoʻi i minamina iho ko lākou poʻe kahu iā lākou.

KA BUKE ʻAHĀ A MOSE, I KAPA ʻIA NĀ HELU 31:8

Pepehi ihola hoʻi lākou i nā aliʻi o Midiana, he ʻokoʻa kēlā poʻe o lākou i pepehi ʻia, ʻo ʻEvi, ʻo Rekema, ʻo Zura, ʻo Hura, a me Reba, nā aliʻi ʻelima o Midiana; pepehi ihola hoʻi lākou iā Balaʻama ke keiki a Beora me ka pahi kaua.

KA ʻEUANELIO I KĀKAU ʻIA AI E MATAIO 13:22

“ʻO ka mea i lūlū ʻia ma kahi kākalaioa, ʻo ia ka mea i lohe i ka ʻōlelo; a na ka manaʻo ʻana i nā mea o kēia ao, a me ka hoʻopunipuni ʻana o ka waiwai e kinai iho ka ʻōlelo, a lilo ia i mea hua ʻole.

KA ʻEUANELIO I KĀKAU ʻIA AI E MATAIO 19:22

Lohe aʻela ua kanaka ʻōpiopio lā ia ʻōlelo, hele akula ia me ka minamina; no ka mea, he nui loa kona waiwai.

KA ʻEUANELIO I KĀKAU ʻIA AI E MATAIO 26:15

ʻī akula, “He aha kā ʻoukou e hāʻawi mai ai iaʻu, a naʻu ia e kumakaia aku iā ʻoukou?” A kaupaona maila lākou nāna i nā wahi moni he kanakolu.

KA ʻEUANELIO I KĀKAU ʻIA AI E MATAIO 6:19

¶ “Mai hoʻāhu ʻoukou i waiwai no ʻoukou ma ka honua, kahi e pau ai i ka mū a me ka popo, kahi e wāwahi mai ai nā ʻaihue e ʻaihue ai.

KA ʻEUANELIO I KĀKAU ʻIA AI E MAREKO 4:19

a ʻo ka manaʻo nui i nā mea o ke ao, a ʻo ka hoʻopunipuni ʻana o ka waiwai, me ke kuko ʻana i nā mea ʻē, ʻo ia ka mea i ʻiʻī ʻia ai ka ʻōlelo, a lilo ia i mea hua ʻole.

KA ʻEUANELIO I KĀKAU ʻIA AI E LUKA 12:21

“Pēlā hoʻi ka mea i hoʻolakolako waiwai nona iho, a i lako ʻole i ko ke Akua.”

KA ʻEUANELIO I KĀKAU ʻIA AI E LUKA 21:35

“No ka mea, e kau mai ana ia me he pahele lā ma luna o ka poʻe a pau e noho ana ma luna o ka honua a pau.

NĀ ʻOIHANA A KA POʻE LUNAʻŌLELO 8:20

ʻĪ maila ʻo Petero iā ia, “E lilo pū kāu kālā me ʻoe i ka make, no kou manaʻo e loaʻa mai ka makana o ke Akua ma ke kālā!

ʻO KA ʻEPISETOLE A PAULO KA LUNAʻŌLELO I KO ʻEPESO 4:22

a no ka noho ʻana ma mua, e haʻalele aku ʻoukou i ke kanaka kahiko i haumia i nā kuko hewa hoʻopunipuni;

KA BUKE ʻALIMA A MOSE, I KAPA ʻIA KĀNĀWAI LUA 7:25

“ʻO nā kiʻi o ko lākou mau akua e puhi ʻoukou i ke ahi; mai kuko aku ʻoe i ke kālā a i ke gula ma luna o ia mea, ʻaʻole hoʻi e lawe ia mea nāu, o hihia auaneʻi ʻoe i laila; no ka mea, he mea hoʻowahāwahā ʻia e Iēhova kou Akua.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:9

me ka ʻike hoʻi, ʻaʻole i kau ʻia ke kānāwai no ke kanaka hoʻopono; akā, no ka poʻe pono ʻole, ka poʻe hoʻolohe ʻole, ka poʻe ʻaiā, ka poʻe hewa, ka poʻe haihaiā, ka poʻe hōʻino, ka poʻe pepehi makua kāne, ka poʻe pepehi makuahine, ka poʻe pepehi kanaka,

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:7

E pono hoʻi e hoʻāpono ʻia mai ia e ka poʻe ma waho; o lilo i ka hoʻāhewa ʻia, a hei akula i ka pahele a ka diabolō.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:10

No ka mea, ʻo ka puni kālā ʻo ka mole nō ia o ka hewa a pau; ua kuko nui ʻia ia e kekahi poʻe, a ua haʻalele lākou i ka manaʻoʻiʻo, a ua houhou lākou iā lākou iho i nā ʻehaʻeha he nui.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:17

¶ E kauoha aku ʻoe i ka poʻe waiwai i kēia ao, mai hoʻokiʻekiʻe ko lākou naʻau, mai hilinaʻi i ka waiwai ʻoiaʻiʻo ʻole; akā, i ke Akua ola, nāna nā mea a pau i hāʻawi lokomaikaʻi mai iā kākou e ʻoluʻolu ai.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:26

a i hoʻohemo lākou iā lākou iho mai loko aʻe o ka ʻupena a ka diabolō, ka poʻe i lawe pio ʻia e ia ma kona makemake.

ʻO KA ʻEPISETOLE A PAULO IĀ TITO 2:12

e aʻo mai ana iā kākou e pale aku i ka haihaiā, a me nā kuko hewa o kēia ao, a e noho kākou ma ka ʻuhaʻuha ʻole, a ma ka pono, a ma ka haipule i loko o ke ao nei;

KA BUKE A IOSUA 7:11

“Ua lawehala kā ʻIseraʻela, ua ʻae hoʻi lākou ma luna o kaʻu berita, aʻu i kauoha aku ai iā lākou, a ua lawe hoʻi lākou i ka mea laʻa, a ua ʻaihue a ua hoʻopunipuni hoʻi, a ua waiho pū nō hoʻi ia mea me ko lākou mea iho.

ʻO KA ʻEPISETOLE HOʻOLAHA ʻALUA A PETERO 2:3

A no ka puni waiwai, e kūʻai nō lākou iā ʻoukou, me ka ʻōlelo wahaheʻe; ʻaʻole hoʻi e hoʻokaʻulua loa ko lākou hoʻohewa ʻia, ʻaʻole e hiamoe ko lākou make.

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.