ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:6 - Ka Baibala Hemolele

⁶ Akā, ʻo ka wahine e noho ana ma ka leʻaleʻa, ua make nō ia i kona wā e ola ana.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:6 Iomraidhean Croise

KA BUKE MUA A MOSE, I KAPA ʻIA KINOHI 2:17

akā, ʻo ko ka lāʻau i ʻikea ai ka pono a me ka hewa, mai ʻai iho ʻoe ia mea; no ka mea, i kou lā e ʻai ai ia mea, he ʻoiaʻiʻo nō e make ʻoe.”

NĀ ʻŌLELO AKAMAI A SOLOMONA 29:21

ʻO ka mea hoʻohiwahiwa i kāna kauā mai kona wā ʻuʻuku mai, Ma hope iho, e lilo ʻo ia i keiki nāna.

KA WĀNANA A ʻISAIA 22:13

Aia hoʻi, he ʻoliʻoli, a me ka hauʻoli, E kālua ana i nā bipi, e pepehi ana hoʻi i nā hipa, E ʻai ana i ka ʻiʻo, e inu ana hoʻi i ka waina; “E ʻai kākou, e inu hoʻi; no ka mea, ʻapōpō e make ana kākou!”

KA WĀNANA A ʻISAIA 47:1

¶ “E iho i lalo, a e noho ma ka lepo, e ke kaikamahine puʻupaʻa o Babulona, E noho ma ka honua, ʻaʻohe noho aliʻi, e ke kaikamahine o Kaledea; No ka mea, ʻaʻole ʻoe e hea hou ʻia he pūloku, a palupalu.

KA WĀNANA A IEREMIA 6:2

“Ua hoʻopau nō au i ke kaikamahine o Ziona, I ka mea pūloku, a palupalu.

KE KANIKAU A IEREMIA 4:5

ʻO ka poʻe i ʻai i ka ʻai maikaʻi, Ua wailana lākou ma nā alanui, ʻO ka poʻe hoʻi i ʻaʻahu ʻia i ka lole ʻula, Ua ʻapo iho lākou i nā puʻu lepo.

KA ʻEUANELIO I KĀKAU ʻIA AI E MATAIO 8:22

ʻŌlelo maila Iesū iā ia, “E hahai mai ʻoe iaʻu, na ka poʻe make nō e kanu i ko lākou poʻe make.”

KA ʻEUANELIO I KĀKAU ʻIA AI E LUKA 12:19

‘A e ʻōlelo iho au i kuʻu ʻuhane, “E ka ʻuhane, ua nui kou waiwai i hoʻāhu ʻia no nā makahiki he nui wale; e noho nanea ʻoe; e ʻai nō, a e inu nō me ka leʻaleʻa.”’

KA ʻEUANELIO I KĀKAU ʻIA AI E LUKA 15:13

“ʻAʻole nui nā lā ma hope iho, hōʻuluʻulu mai ke keiki pōkiʻi i kāna a pau, hele akula ia i ka ʻāina lōʻihi aku; a ma laila ia i hoʻomāunauna aku ai i kāna waiwai e noho ʻuhaʻuha ana.

KA ʻEUANELIO I KĀKAU ʻIA AI E LUKA 15:24

no ka mea, ua make kēia keiki aʻu, a ua ola hou mai nei; nalowale akula hoʻi ia, a ua loaʻa mai nei.’ A ʻahaʻaina ihola lākou me ka ʻoliʻoli.

KA ʻEUANELIO I KĀKAU ʻIA AI E LUKA 15:32

‘He mea pono nō kākou e ʻahaʻaina ʻoliʻoli a me ka hauʻoli; no ka mea, ʻo kou kaikaina nei, ua make nō ia, a ua ola hou mai nei; nalowale akula ia, a ua loaʻa mai nei.’”

KA ʻEUANELIO I KĀKAU ʻIA AI E LUKA 16:19

¶ “ʻO kekahi kanaka waiwai ua ʻaʻahu ʻia i ka lole mākuʻe a me ka ʻie nani, ua ʻahaʻaina ʻoliʻoli ia i kēlā lā i kēia lā.

KA ʻEUANELIO I KĀKAU ʻIA AI E LUKA 7:25

“A i hele lā hoʻi ʻoukou i waho e ʻike i ke aha? I ke kanaka anei i kāhiko ʻia i ke kapa paheʻe? Aia hoʻi i loko o nā hale aliʻi ka poʻe i kāhiko ʻia i ke kapa nani, e noho leʻaleʻa ana!

ʻO KA ʻEPISETOLE A PAULO KA LUNAʻŌLELO I KO ʻEPESO 2:1

¶ ʻO ʻoukou hoʻi kekahi, ʻo ka poʻe i make i loko o nā hala a me nā hewa;

ʻO KA ʻEPISETOLE A PAULO KA LUNAʻŌLELO I KO ʻEPESO 2:5

i ko kākou wā make i nā hala, ua hoʻōla mai ʻo ia iā kākou pū me Kristo, (ma ka lokomaikaʻi ʻoukou e ola ai);

ʻO KA ʻEPISETOLE A PAULO KA LUNAʻŌLELO I KO ʻEPESO 5:14

No ka mea, ua ʻōlelo ʻia, “«E ala aʻe ʻoe, e ka mea hiamoe ana, E kū aʻe hoʻi mai ka make mai, Na Kristo hoʻi ʻoe e hoʻomālamalama mai».”

KA BUKE ʻALIMA A MOSE, I KAPA ʻIA KĀNĀWAI LUA 28:54

“ʻO ke kanaka palupalu, a maikaʻi ke kino, e maka ʻino aku ia i kona hoahānau, a me ka wahine o kona poli, a me kāna mau keiki i koe āna i waiho ai;

KA BUKE ʻALIMA A MOSE, I KAPA ʻIA KĀNĀWAI LUA 28:56

“A ʻo ka wahine palupalu, a maikaʻi ke kino, ka mea pono ʻole iā ia ke hehi kona wāwae ma luna o ka honua no ka maikaʻi, a no ka palupalu, e nānā ʻino aku kona maka i ke kāne o kona poli, a me kāna keiki kāne, a me kāna kaikamahine,

ʻO KA ʻEPISETOLE A PAULO KA LUNAʻŌLELO I KO KOLOSA 2:13

ʻO ʻoukou hoʻi ka poʻe i make i loko o ka hewa, a me ke ʻoki poepoe ʻole ʻia o ko ʻoukou kino, ʻo ʻoukou kāna i hoʻāla pū hou mai nei me ia, a ua kala mai i ko ʻoukou hewa a pau;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:6

ʻO kekahi o ua poʻe lā, nā mea i komo i loko o nā hale, e alakaʻi pio ana i nā wāhine lapuwale i kaumaha i ka hewa, a i alakaʻi ʻē ʻia aʻe hoʻi e kēlā kuko a e kēia kuko,

ʻO KA ʻEPISETOLE HOʻOLAHA A IAKOBO 5:5

Ua noho leʻaleʻa ʻoukou ma ka honua me ke kuʻulala loa; ua kūpalu ʻoukou i ko ʻoukou naʻau no ka lā e make ai.

KA HŌʻIKE ʻANA A IOANE KA HAIPULE 18:7

“E like me ka nui o kona hoʻonani ʻana iā ia iho, a me kona noho ʻana ma ka leʻaleʻa nui, pēlā e hāʻawi aku ai iā ia i ka ʻeha a me ka uē ʻana; no ka mea, ua ʻōlelo ʻo ia i loko o kona naʻau, ‘«Ke noho nei au he aliʻi wahine, ʻaʻole au he wahine kāne make», ʻaʻole hoʻi au e ʻike i ka uē ʻana.’

KA HŌʻIKE ʻANA A IOANE KA HAIPULE 3:1

¶ “E palapala aku ʻoe i ka ʻānela o ka ʻekalesia ma Saredeisa: Ke ʻī mai nei ka Mea iā ia nā ʻUhane ʻehiku o ke Akua, a me nā hōkū ʻehiku, penei: ‘Ua ʻike nō au i kāu hana ʻana, he inoa kou ma ke ola; akā, ua make ʻoe.

KA BUKE MUA A SAMUʻELA 15:32

¶ A laila, ʻī akula ʻo Samuʻela, “E kaʻina mai ʻo ʻAgaga, ke aliʻi o kā ʻAmeleka i oʻu nei”; a hele ʻoliʻoli mai ʻo ʻAgaga, ʻī maila, “He ʻoiaʻiʻo, ua hala akula ka ʻawaʻawa o ka make.”

KA BUKE MUA A SAMUʻELA 25:6

“Penei ʻoukou e ʻōlelo aku ai iā ia e ola ana, ‘Aloha ʻoe, aloha ko ka hale, a aloha hoʻi kou mea a pau loa.