ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:13 - Ka Baibala Hemolele

¹³ A ua lilo hoʻi lākou ma ka palaualelo, e lalau ana ma ia hale aku a ia hale aku; ʻaʻole hoʻi ʻo ka palaualelo wale nō, ʻo ka holoholo ʻōlelo kekahi, me he poʻe hana lapuwale lā, e ʻōlelo ana i nā mea ʻaʻole e pono ke ʻōlelo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:13 Iomraidhean Croise

NĀ ʻŌLELO AKAMAI A SOLOMONA 11:13

ʻO ka mea holoholo ʻōlelo, haʻi wale aku ia i nā mea huna; ʻO ka mea manaʻo ʻoiaʻiʻo, e hūnā ana nō ʻo ia.

NĀ ʻŌLELO AKAMAI A SOLOMONA 20:19

ʻO ka mea holoholo ʻōlelo, hōʻike aku ʻo ia i nā mea i hūnā ʻia; Mai launa aku me ka mea hoʻomalimali me kona mau lehelehe.

NĀ ʻŌLELO AKAMAI A SOLOMONA 31:27

Kiaʻi ʻo ia i ka hele ʻana o ko kona hale, A ʻo ka ʻai no ka palaualelo, ʻaʻole ʻo ia e ʻai iho.

NĀ ʻŌLELO AKAMAI A SOLOMONA 7:11

(He walaʻau kona a me ka hoʻolohe ʻole, ʻAʻole noho kona mau wāwae ma kona hale iho.

KA BUKE ʻAKOLU A MOSE, I KAPA ʻIA ʻOIHANA KAHUNA 19:16

‘Mai hele ʻoe i ʻō i ʻaneʻi me he holoholo ʻōlelo lā i waena o kou poʻe kānaka; ʻaʻole hoʻi ʻoe e kūʻē i ke koko o kou hoalauna; ʻo wau nō Iēhova.

KA ʻEUANELIO I KĀKAU ʻIA AI E LUKA 10:7

“A ma ia hale e noho ai ʻoukou, e ʻai ana a e inu ana hoʻi i nā mea a lākou e hāʻawi mai ai; no ka mea, e pono ke uku ʻia mai ka paʻahana. Mai hele ia hale aku ia hale aku.

NĀ ʻOIHANA A KA POʻE LUNAʻŌLELO 20:20

ʻaʻole hoʻi au i hūnā i kekahi mea pono; akā, ua hōʻike au iā ʻoukou, ua aʻo aku hoʻi iā ʻoukou ma ke ākea, a ma kēlā hale a ia hale aku,

NĀ ʻOIHANA A KA POʻE LUNAʻŌLELO 20:30

“E kū mai nō hoʻi kekahi poʻe kānaka no ʻoukou iho, e ʻōlelo nō i nā mea hoʻopunipuni e hoʻohuli i haumāna ma muli o lākou.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:12

a e hoʻohewa ʻia, no ko lākou haʻalele ʻana i ko lākou manaʻoʻiʻo ma mua.

ʻO KA ʻEPISETOLE A PAULO IĀ TITO 1:11

E pono ke hoʻopaʻa ʻia ko lākou mau waha, ko ka poʻe i hoʻokahuli i ko nā hale ʻokoʻa, me ke aʻo ʻana aku i nā mea e pono ʻole ai iā lākou ke aʻo, no ka waiwai ʻino.

ʻO KA ʻEPISETOLE HOʻOLAHA A IAKOBO 3:10

Ua puka maila ka hoʻomaikaʻi a me ka hōʻino no loko mai o ka waha hoʻokahi. E nā hoahānau oʻu, ʻaʻole loa e pono kēia mau mea pēlā.

ʻO KA ʻEPISETOLE HOʻOLAHA MUA A PETERO 4:15

Mai lilo kekahi o ʻoukou i ka hōʻeha ʻia, me he pepehi kanaka lā; a me he ʻaihue lā, a ma ka hana hewa, a ma ka hoʻohaunaele.

ʻO KA ʻEPISETOLE KOLU A IOANE 1:10

No ia hoʻi, i koʻu hele ʻana aku e hoʻomanaʻo wau i ka hana āna i hana ai, ua hoʻohuahualau mai ia iā mākou me kāna ʻōlelo ʻinoʻino; ʻaʻole hoʻi ia i hoʻomaha ia mau mea, ʻaʻole ʻo ia i hoʻokipa i ka poʻe hoahānau, a ʻo ka poʻe i makemake aku, ua hōʻole ʻia mai e ia, a kipaku aku nō hoʻi ʻo ia iā lākou ma waho o ka ʻekalesia.