ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:10 - Ka Baibala Hemolele

¹⁰ No ka mea, no laila kākou e hoʻoikaika nei me ka hōʻino wale ʻia mai no ko kākou hilinaʻi ʻana i ke Akua ola, ʻo ia ke Ola no nā kānaka a pau, e ola ʻiʻo ai ka poʻe manaʻoʻiʻo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:10 Iomraidhean Croise

KA BUKE O NĀ HALELŪ 107:2

E ʻōlelo mai nō ka poʻe i hoʻōla pānaʻi ʻia e Iēhova, Ka poʻe hoʻi āna i hoʻōla pānaʻi ai, mai ka lima mai o ka ʻenemi.

KA BUKE O NĀ HALELŪ 118:8

Ua ʻoi aku ka maikaʻi o ka hilinaʻi aku iā Iēhova, Ma mua o ka manaʻo ʻana i ke kanaka.

KA BUKE O NĀ HALELŪ 36:6

ʻO kou pono ua like ia me nā kuahiwi o ke Akua; A ʻo kou hoʻoponopono ʻana he moana nui nō ia; Ua mālama ʻoe, e Iēhova, i ke kanaka a me ka holoholona.

KA BUKE O NĀ HALELŪ 37:40

A e kōkua mai ʻo Iēhova iā lākou, a e hoʻākea mai iā lākou, E hoʻopakele ʻo ia iā lākou i ka poʻe hewa, A e hoʻōla iā lākou, no ko lākou hilinaʻi ʻana iā ia.

KA BUKE O NĀ HALELŪ 52:8

¶ Akā, he mea like au me ka lāʻau ʻoliva uliuli i loko o ka hale o ke Akua; E hilinaʻi mau aku wau i ke aloha o ke Akua a mau loa aku.

KA BUKE O NĀ HALELŪ 84:12

E Iēhova o nā kaua, Ua pōmaikaʻi ke kanaka hilinaʻi aku iā ʻoe!

KA WĀNANA A ʻISAIA 12:2

“Aia hoʻi, ʻo ke Akua koʻu ola, E hoʻolana wau, ʻaʻole au e makaʻu; ‘No ka mea, ʻo ka Haku, ʻo IĒHOVA koʻu ikaika a me kuʻu ʻoli, Ua lilo mai ia i ola noʻu.’”

KA WĀNANA A ʻISAIA 50:10

ʻO wai lā ka mea i waena o ʻoukou i makaʻu aku iā Iēhova, E hoʻolohe ana hoʻi i ka leo o kāna Kauā, Ka mea e hele ana ma ka pouli, ʻaʻole ona mālamalama? E hilinaʻi aku ʻo ia ma ka inoa ʻo Iēhova, A e hoʻomaha hoʻi ma kona Akua.

KA WĀNANA A IEREMIA 17:7

“Pōmaikaʻi ke kanaka i hilinaʻi aku iā Iēhova, A ʻo Iēhova hoʻi kona mea e manaʻolana ai.

KA BUKE NO DANIʻELA 3:28

¶ A laila, ʻōlelo aku ʻo Nebukaneza, ʻī akula, “E hoʻomaikaʻi ʻia ke Akua o Saderaka, a me Mesaka, a me ʻAbedenego, ka mea i hoʻouna mai i kona ʻānela, a i hoʻopakele mai i kona poʻe kauā, ka poʻe i manaʻoʻiʻo aku iā ia; ua hoʻolohe ʻole lākou i ka ʻōlelo a ke aliʻi, a ua hāʻawi lākou i ko lākou mau kino, i ʻole lākou e mālama, a e hoʻomana i nā akua ʻē; akā, i ko lākou Akua wale nō.

NAHUMA 1:7

Ua maikaʻi ʻo Iēhova, He pākū ʻo ia i ka lā pōpilikia; A ua ʻike nō ia i ka poʻe hilinaʻi iā ia.

KA ʻEUANELIO I KĀKAU ʻIA AI E MATAIO 16:16

ʻŌlelo akula ʻo Simona Petero, ʻī akula, “ʻO ʻoe nō ka Mesia, ke Keiki a ke Akua ola.”

KA ʻEUANELIO I KĀKAU ʻIA AI E MATAIO 27:43

“«Ua paulele aku nō ia i ke Akua, a inā makemake mai ke Akua iā ia, e hoʻōla mai kēlā iā ia ʻānō»; no ka mea, ua ʻōlelo mai nō ia, ‘ʻO wau nō ke Keiki a ke Akua.’”

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 4:42

ʻĪ akula lākou i ka wahine, “ʻAʻole mākou i manaʻoʻiʻo ma kāu ʻōlelo wale nō; no ka mea, ʻo mākou iho kekahi i lohe, a ʻike hoʻi, ʻo ka Hoʻōla ʻoiaʻiʻo kēia o ke ao nei, ʻo ka Mesia.”

KA ʻEUANELIO I KĀKAU ʻIA AI E IOANE 5:24

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e hoʻolohe i kaʻu ʻōlelo, a e manaʻoʻiʻo hoʻi i ka Mea nāna au i hoʻouna mai, he ola mau loa kona, ʻaʻole ia e lilo i ka hoʻohewa ʻia; akā, ua lilo aʻe ia mai ka make aʻe i ke ola.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:10

Akā, ua lilo wau i koʻu mea i lilo ai, ma ka lokomaikaʻi wale o ke Akua; ʻaʻole hoʻi i makehewa kona lokomaikaʻi mai ma luna oʻu; no ka mea, ua pākela aku koʻu hoʻoikaika ʻana ma mua o lākou a pau. ʻAʻole hoʻi wau, ʻo ka lokomaikaʻi nō o ke Akua i loko oʻu.

ʻO KA ʻEPISETOLE LUA A PAULO KA LUNAʻŌLELO I KO KORINETO 1:10

ʻo ia kai hoʻopakele aʻe iā mākou i ka make ʻino loa; a ke hoʻopakele nei nō ia; a ke manaʻo nei mākou iā ia, e hoʻopakele hou ana ʻo ia.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:3

ʻO ka maikaʻi nō ia me ka pono i mua i ke alo o ke Akua ʻo ko kākou Ola;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:4

nona ka makemake e ola nā kānaka a pau, a e hōʻoiaʻiʻo hoʻi i ka ʻōlelo ʻoiaʻiʻo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:6

ka Mea i hāʻawi iā ia iho i kalahala no nā mea a pau, e hōʻike ʻia hoʻi i ka manawa pono.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:15

a i hākālia au, i ʻike ʻoe i kou pono e hana ai ma loko o ka hale o ke Akua, ʻo ia ka ʻekalesia o ke Akua ola, ʻo ke kia a me ke kahua o ka ʻōlelo ʻoiaʻiʻo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:17

¶ E kauoha aku ʻoe i ka poʻe waiwai i kēia ao, mai hoʻokiʻekiʻe ko lākou naʻau, mai hilinaʻi i ka waiwai ʻoiaʻiʻo ʻole; akā, i ke Akua ola, nāna nā mea a pau i hāʻawi lokomaikaʻi mai iā kākou e ʻoluʻolu ai.

ʻO KA ʻEPISETOLE A PAULO KA LUNAʻŌLELO I KO HEBERA 11:26

e manaʻo ana hoʻi i ka hōʻino ʻana a Kristo i hōʻino ʻia ai he waiwai ia e ʻoi aku ana ma mua o ko ʻAigupita waiwai; no ka mea, ua manaʻo aku ʻo ia i ka hoʻouku ʻia mai.

ʻO KA ʻEPISETOLE A PAULO KA LUNAʻŌLELO I KO HEBERA 13:13

no ia mea, e hele aku kākou i ona lā ma waho o kahi e hoʻomoana ai, e ʻauamo ana i kona hōʻino ʻia ʻana.

ʻO KA ʻEPISETOLE HOʻOLAHA MUA A PETERO 1:21

ma ona lā ʻoukou i manaʻoʻiʻo aku ai i ke Akua, nāna i hōʻala mai iā ia mai ka make mai, a i hoʻonani aku iā ia; i manaʻoʻiʻo ai, a i lana ai hoʻi ko ʻoukou manaʻo i ke Akua.

ʻO KA ʻEPISETOLE HOʻOLAHA MUA A IOANE 2:2

ʻO ia nō ke kalahala no ko kākou hewa; ʻaʻole naʻe no ko kākou wale nō; akā, no ko ke ao nei a pau.

ʻO KA ʻEPISETOLE HOʻOLAHA MUA A IOANE 4:14

A ua ʻike kākou a ke hōʻike aku nei nō hoʻi, ua hoʻouna mai ka Makua i ke Keiki i Mea e ola ai ko ke ao nei.