ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:17 - Ka Baibala Hemolele

¹⁷ I ke Aliʻi mau loa, make ʻole, ʻike maka ʻole ʻia, ke Akua akamai hoʻokahi wale nō, ka mahalo, a me ka hoʻonani ʻia, a mau loa aku. ʻĀmene.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:17 Iomraidhean Croise

KA BUKE MUA O KA ʻOIHANA ALIʻI 29:11

“Nou nō, e Iēhova, ka nui, me ka mana, a me ka nani, a me ka ʻoiaʻiʻo, a me ka hanohano aliʻi; no ka mea, nou nā mea a pau ma ka lani a ma ka honua; nou nō ke aupuni, e Iēhova, a ua kiʻekiʻe aʻe ʻoe ka poʻokela ma luna o nā mea a pau.

KA BUKE A NEHEMIA 9:5

¶ A ʻōlelo akula nā Levi, ʻo Iesua, a me Kademiʻela, Bani, Hasabenia, Serebia, Hodia, Sebania, Petahia, “E kū aʻe ʻoukou, e hoʻomaikaʻi aku iā Iēhova ko ʻoukou Akua Ia ao aku ia ao aku! A e hoʻomaikaʻi ʻia aku kou inoa hanohano I hoʻokiʻekiʻe ʻia ma luna aʻe o ka hoʻomaikaʻi ʻana a pau a me ka hoʻoleʻa ʻana aku!

KA BUKE O NĀ HALELŪ 10:16

¶ ʻO Iēhova, ʻo ia ke Aliʻi mau loa; Ua make aku ko nā ʻāina ʻē mai loko aku o kona ʻāina.

KA BUKE O NĀ HALELŪ 106:48

E hoʻomaikaʻi ʻia ʻo Iēhova, ke Akua o kā ʻIseraʻela. Mai kahiko loa mai, a mau loa aku nō; E ʻī mai nō hoʻi nā kānaka a pau, “ʻĀmene.” E halelū aku iā Iēhova!

KA BUKE O NĀ HALELŪ 145:13

He aupuni mau loa nō kou aupuni, A ua mau hoʻi kou aliʻi ʻana, a i nā hanauna a pau.

KA BUKE O NĀ HALELŪ 41:13

¶ E hoʻomaikaʻi mau ʻia aku ʻo Iēhova ke Akua o ʻIseraʻela, Mai ke ao kumu ʻole, a i ke ao pau ʻole. ʻĀmene, ʻĀmene.

KA BUKE O NĀ HALELŪ 45:1

¶ Ke hoʻohū mai nei koʻu naʻau i ke mele maikaʻi; Ke haʻi aku nei au i nā mea aʻu i hana ai no ke Aliʻi; ʻO koʻu alelo ka peni a me ka mea kākau wikiwiki.

KA BUKE O NĀ HALELŪ 45:6

¶ ʻO kou noho aliʻi, e ke Akua, e mau loa ana nō ia; ʻO ka hōʻailona mōʻī o kou aupuni, he hōʻailona mōʻī pono nō ia.

KA BUKE O NĀ HALELŪ 57:11

E hāpai ʻia aku ʻoe, e ke Akua, ma luna o nā lani; A me kou nani ma luna o ka honua a pau.

KA BUKE O NĀ HALELŪ 90:2

Ma mua aku o ka hānau ʻana o nā mauna, A me kou hoʻomaka ʻana i ka honua a me ke ao nei, ʻO ʻoe nō ke Akua, mai kahiko loa mai, a mau loa aku nō.

KA WĀNANA A IEREMIA 10:10

Akā, ʻo Iēhova nō ke Akua ʻoiaʻiʻo, ʻO ia ke Akua ola, ʻo ke Aliʻi mau loa hoʻi. E haʻalulu auaneʻi ka honua i kona ukiuki, ʻAʻole hoʻi e hiki i nā lāhui kanaka ke hoʻomanawanui i kona inaina.

KA BUKE NO DANIʻELA 2:44

“Ma nā lā o kēia poʻe aliʻi, e kūkulu mai ai ke Akua o ka lani i aupuni mau loa, ʻaʻole hoʻi e hoʻohiolo ʻia ia aupuni; ʻaʻole naʻe ia e lilo no ka lāhui kanaka ʻē; akā, iā ia nō e weluwelu liʻiliʻi auaneʻi a okaoka loa kēia mau aupuni a pau, a e mau loa aku ana nō ia.

KA BUKE NO DANIʻELA 4:34

¶ “I ka pau ʻana o ua mau lā lā, ʻo wau ʻo Nebukaneza, ua leha aʻe au i kuʻu mau maka i ka lani, a hoʻi mai iaʻu kuʻu ʻike; a hoʻomaikaʻi aku au i ka Mea Kiʻekiʻe, hoʻonani aku au, a hoʻomana hoʻi i ka Mea e ola mau ana, Ua mau loa kona aliʻi ʻana, A ʻo kona aupuni ia hanauna aku a ia hanauna aku.

KA BUKE NO DANIʻELA 4:37

“ʻĀnō ʻo wau ʻo Nebukaneza ke hoʻonani aku nei au, ke hoʻoleʻa aku hoʻi me ka mahalo i ke Aliʻi o ka lani, ʻo kāna mau hana ua pau i ka ʻoiaʻiʻo, a ʻo kona mau ʻaoʻao ua pololei loa; a ʻo ka poʻe e hele ana ma ka haʻaheo, e hiki nō iā ia ke hoʻohaʻahaʻa iho iā lākou.”

KA BUKE NO DANIʻELA 7:14

“A ua hāʻawi ʻia mai nona ke aliʻi ʻana, A me ka nani, a me ke aupuni, I hoʻokauā nāna nā lāhui kanaka, A me ko nā ʻāina, a me nā ʻōlelo ʻē. ʻO kona aliʻi ʻana ua mau loa ia, ʻAʻole ia e pau, A ʻo kona aupuni, ʻAʻole ia e auhulihia.

MIKA 5:2

“A ʻo ʻoe, Betelehema ʻEperata, Ka mea ʻuʻuku i waena o nā tausani o Iuda, Mai loko mai ou e hele mai ai i oʻu nei, Ka mea e aliʻi ana i loko o kā ʻIseraʻela; Ma mua mai kona puka ʻana, mai ka manawa kahiko loa mai.”

MALAKI 1:14

“Akā, auē ka mea hoʻopunipuni, ka mea nāna ka hipa kāne ma loko o kāna ʻohana; akā, ua hoʻolaʻa, a ua mōhai iho i ka mea haumia; no ka mea, he Aliʻi Nui hoʻi wau,” wahi a Iēhova o nā kaua, “A he mea weliweli koʻu inoa i waena o nā lāhui kanaka.”

KA ʻEUANELIO I KĀKAU ʻIA AI E MATAIO 25:34

“A laila, e ʻōlelo aku ke Aliʻi i ka poʻe ma kona lima ʻākau, ‘E hele mai ʻoukou, e ka poʻe i hoʻomaikaʻi ʻia e koʻu Makua, e komo ʻoukou i ke aupuni i hoʻomākaukau ʻia no ʻoukou mai ka hoʻokumu ʻana mai o ka honua.

KA ʻEUANELIO I KĀKAU ʻIA AI E MATAIO 28:20

e aʻo aku ana iā lākou e mālama i nā mea a pau aʻu i kauoha aku ai iā ʻoukou. Aia hoʻi, ʻo wau nō me ʻoukou i nā manawa a pau, a hiki i ka hopena o kēia ao. ʻĀmene.”

KA ʻEUANELIO I KĀKAU ʻIA AI E MATAIO 6:13

‘Mai hoʻokuʻu ʻoe iā mākou i ka hoʻowalewale ʻia mai; e hoʻopakele nō naʻe iā mākou i ka ʻino. No ka mea, nou ke aupuni, a me ka mana, a me ka hoʻonani ʻia, a mau loa aku. ʻĀmene.’

KA ʻEUANELIO I KĀKAU ʻIA AI E IOANE 1:18

ʻAʻole loa i ʻike pono kekahi i ke Akua; ʻo ke Keiki hiwahiwa, aia ma ka poli o ka Makua, ʻo ia kai hōʻike mai iā ia.

KA ʻEUANELIO I KĀKAU ʻIA AI E IOANE 5:44

“Pehea lā e hiki ai iā ʻoukou ke manaʻoʻiʻo, me ko ʻoukou manaʻo ʻana i ka hoʻomaikaʻi ʻia o kekahi e kekahi, a me ka ʻimi ʻole i ka hoʻomaikaʻi ʻia mai e ke Akua wale nō?

ʻO KA ʻEPISETOLE A PAULO KA LUNAʻŌLELO I KO ROMA 1:20

No ka mea, ʻo kona mau mea i nānā ʻole ʻia, mai ka hana ʻana mai o ke ao nei, ua maopopo leʻa ua mau mea lā, ʻo ia ʻo kona mana mau a me kona Akua ʻana, ma nā mea i hana ʻia; no laila ʻaʻole o lākou mea e hoʻāpono ʻia ai.

ʻO KA ʻEPISETOLE A PAULO KA LUNAʻŌLELO I KO ROMA 1:23

a hoʻololi aku lākou i ka nani o ke Akua make ʻole, i kiʻi e like me ke kanaka make, a me nā manu, a me nā holoholona wāwae ʻehā, a me nā mea kolo.

ʻO KA ʻEPISETOLE A PAULO KA LUNAʻŌLELO I KO ROMA 11:36

No ka mea, nāna mai, a ma ona lā, a nona nō hoʻi nā mea a pau; iā ia ka hoʻonani mau loa ʻia aku. ʻĀmene.

ʻO KA ʻEPISETOLE A PAULO KA LUNAʻŌLELO I KO ROMA 16:27

i ke Akua nona wale nō ke akamai, iā ia ka hoʻonani ʻia a mau loa aku, ma o Iesū Kristo lā. ʻĀmene.

ʻO KA ʻEPISETOLE A PAULO KA LUNAʻŌLELO I KO ROMA 2:10

akā, ʻo ka nani, a me ka mahalo, a me ka pōmaikaʻi, no nā mea a pau e hana ana i ka pono; no kā Iudaio mua a no kā Helene hoʻi.

ʻO KA ʻEPISETOLE A PAULO KA LUNAʻŌLELO I KO ROMA 2:7

i ka poʻe e ʻimi ana i ka nani, a me ka mahalo, a me ka make ʻole, ma ka hoʻoikaika mau ʻana i ka hana maikaʻi, i ke ola loa;

ʻO KA ʻEPISETOLE A PAULO KA LUNAʻŌLELO I KO KOLOSA 1:15

ʻO ia hoʻi ka like me ke Akua i nānā ʻole ʻia, ʻo ia hoʻi ka mua o nā mea a pau i hana ʻia ai.

ʻO KA ʻEPISETOLE A PAULO KA LUNAʻŌLELO I KO HEBERA 11:27

Ma ka manaʻoʻiʻo nō ʻo ia i haʻalele ai iā ʻAigupita, me ka makaʻu ʻole aku i ka huhū o ke aliʻi; no ka mea, ua kūpaʻa ʻo ia me he mea lā e ʻike maoli ana i ka Mea i ʻike maka ʻole ʻia.

ʻO KA ʻEPISETOLE A PAULO KA LUNAʻŌLELO I KO HEBERA 2:7

“Ua hana iho ʻoe iā ia ma lalo iki iho o ka poʻe ʻānela; Ua kau mai ʻoe ma luna ona i ka nani a me ka mahalo i lei nona; Ua hoʻolilo ʻoe iā ia i haku no nā mea a kou lima i hana ai.

ʻO KA ʻEPISETOLE HOʻOLAHA MUA A PETERO 5:11

Iā ia nō ka hoʻonani ʻia, a me ke aupuni mau loa i ke ao pau ʻole. ʻĀmene.

ʻO KA ʻEPISETOLE HOʻOLAHA ʻALUA A PETERO 3:18

E hoʻoikaika ʻoukou, i māhuahua ke aloha ʻia mai, a me ko ʻoukou ʻike ʻana aku i ko kākou Haku a Hoʻōla hoʻi iā Iesū Kristo. Iā ia nō ka hoʻonani ʻia aku, ʻānō nō, a mau loa aku. ʻĀmene.

ʻO KA ʻEPISETOLE HOʻOLAHA MUA A IOANE 4:12

ʻAʻole i ʻike aku kekahi i ke Akua; akā, inā e aloha aku kākou i kekahi i kekahi, ke noho mai nei nō ke Akua i loko o kākou, a ua paʻa nō hoʻi kona aloha i loko o kākou.

ʻO KA ʻEPISETOLE HOʻOLAHA A IUDA 1:25

i ke Akua akamai hoʻokahi, ko kākou Mea e ola ai, nona nō ka hoʻonani ʻia, a me ka hanohano, a me ka ikaika, a me ka mana i kēia wā, a i ke ao pau ʻole. ʻĀmene.

KA HŌʻIKE ʻANA A IOANE KA HAIPULE 15:3

Mele maila lākou i ke mele a Mose, ke kauā a ke Akua a me ke mele a ke Keiki Hipa, e ʻōlelo ana, “He nui a he kupanaha loa kāu hana, E ka Haku, ke Akua Mana Loa; He pono a he ʻoiaʻiʻo kou mau ʻaoʻao, E ke Aliʻi o nā lāhui kanaka!

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 19:1

¶ A ma hope iho o kēia mau mea, lohe akula au i ka leo nui o ke anaina nui loa ma ka lani, e ʻōlelo ana, “Haleluia; ke ola a me ka hanohano a me ka nani a me ka mana, i ka Haku ko kākou Akua.

KA HŌʻIKE ʻANA A IOANE KA HAIPULE 19:16

A ma kona ʻaʻahu a ma kona ʻūhā ua palapala ʻia ka inoa, “KE ALIʻI O NĀ ALIʻI, A ME KA HAKU O NĀ HAKU.”

KA HŌʻIKE ʻANA A IOANE KA HAIPULE 19:6

A lohe akula au i ka leo o kekahi poʻe nui loa, a ua like hoʻi me ka halulu ʻana o nā wai he nui, a me ka halulu ʻana o nā hekili ikaika loa, ʻī aʻela, “Haleluia; no ka mea, ke hoʻomalu nei ka Haku ko kākou Akua Mana Loa i ke aupuni.”

KA HŌʻIKE ʻANA A IOANE KA HAIPULE 7:12

ʻī akula, “ʻĀmene; no ko kākou Akua ke aloha, a me ka nani, a me ke akamai, a me ka hoʻomaikaʻi, a me ka hanohano, a me ka mana, a me ka ikaika, ia ao aku ia ao aku. ʻĀmene.”