ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:15 - Ka Baibala Hemolele

¹⁵ Eia hoʻi ka ʻōlelo ʻoiaʻiʻo, e pono e mālama nui ʻia mai, ua hele mai ʻo Kristo Iesū i ke ao nei, e hoʻōla i ka poʻe hewa; ʻo wau nō ko lākou mea ʻoi.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:15 Iomraidhean Croise

KA BUKE NO IOBA 42:6

“No laila ke hoʻowahāwahā nei au iaʻu iho, Ke mihi hoʻi au i loko o ka lepo a me ka lehu.”

KA WĀNANA A ʻEZEKIʻELA 16:63

i hoʻomanaʻo hoʻi ʻoe, a e hilahila hoʻi, ʻaʻole loa e ʻekemu hou kou waha no kou hilahila, i ka wā e lauleʻa hou ai au iā ʻoe i nā mea a pau āu i hana mai ai,” wahi a Iēhova ka Haku.’”

KA ʻEUANELIO I KĀKAU ʻIA AI E MATAIO 1:21

“A e hānau mai ʻo ia i Keiki Kāne, a e kapa aku ʻoe i kona inoa ʻo Iesū; no ka mea, e hoʻōla ia i kona poʻe kānaka mai ko lākou hewa.”

KA ʻEUANELIO I KĀKAU ʻIA AI E MATAIO 18:10

“E ao ʻoukou, mai hoʻowahāwahā mai i kekahi o kēia poʻe mea ʻuʻuku; no ka mea, ke ʻōlelo aku nei au iā ʻoukou, e nānā mau ana ko lākou poʻe ʻānela i ka lani i ka helehelena o koʻu Makua i ka lani.

KA ʻEUANELIO I KĀKAU ʻIA AI E MATAIO 18:11

“A ua hele mai nei ke Keiki a ke Kanaka e hoʻōla i ka mea i ʻauana.

KA ʻEUANELIO I KĀKAU ʻIA AI E MATAIO 20:28

“Pēlā hoʻi, ʻaʻole i hele mai ke Keiki a ke Kanaka no ka lawelawe ʻia mai; akā, no ka lawelawe aku, a me ka hāʻawi aku i kona ola i kumu hoʻōla no nā mea he nui loa.”

KA ʻEUANELIO I KĀKAU ʻIA AI E MATAIO 9:13

“E hele hoʻi ʻoukou e aʻo i ke ʻano o kēia, ‘«ʻO ke aloha koʻu makemake, ʻaʻole ka mōhai»;’ ua hele mai nei au e aʻo aku i ka poʻe hewa e mihi, ʻaʻole i ka poʻe pono.”

KA ʻEUANELIO I KĀKAU ʻIA AI E MAREKO 2:17

Lohe aʻela Iesū, ʻī akula ʻo ia iā lākou, “ʻAʻole no ka poʻe ola ke kahuna lapaʻau, no ka poʻe maʻi nō ia. I hele mai nei au e aʻo aku i ka poʻe lawehala e mihi, ʻaʻole i ka poʻe pono.”

KA ʻEUANELIO I KĀKAU ʻIA AI E LUKA 15:2

A ʻōhumu ihola ka poʻe Parisaio a me ka poʻe kākau ʻōlelo, ʻī aʻela, “Ua hoʻolauna ʻo ia nei me ka poʻe hewa, a ua ʻai pū nō hoʻi me lākou.”

KA ʻEUANELIO I KĀKAU ʻIA AI E LUKA 19:10

“No ka mea, ua hele mai nei ke Keiki a ke Kanaka e ʻimi a e hoʻōla i ka mea i nalowale.”

KA ʻEUANELIO I KĀKAU ʻIA AI E LUKA 5:32

“ʻAʻole ka poʻe pono kaʻu i hele mai nei e aʻo aku; akā, ʻo ka poʻe hewa e mihi.”

KA ʻEUANELIO I KĀKAU ʻIA AI E IOANE 1:12

Akā, ʻo ka poʻe i mālama iā ia me ka manaʻoʻiʻo i kona inoa, hāʻawi maila ia i ka pono no lākou e lilo ai i poʻe keiki na ke Akua;

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 12:47

“Inā e lohe kekahi i kaʻu ʻōlelo, ʻaʻole hoʻi e manaʻoʻiʻo, ʻaʻole au e hoʻāhewa aku iā ia; no ka mea, ʻaʻole au i hele mai e hoʻāhewa i ko ke ao nei; akā, e hoʻōla i ko ke ao nei.

KA ʻEUANELIO I KĀKAU ʻIA AI E IOANE 3:36

“ʻO ka mea manaʻoʻiʻo i ke Keiki, he ola mau loa kona; akā, ʻo ka mea manaʻoʻiʻo ʻole i ke Keiki, ʻaʻole ia e ʻike i ke ola; e kau mai ana ka inaina o ke Akua ma luna iho ona.”

NĀ ʻOIHANA A KA POʻE LUNAʻŌLELO 11:1

¶ A lohe ihola nā lunaʻōlelo, a me nā hoahānau e noho ana ma Iudea, i ka loaʻa ʻana o ka ʻōlelo a ke Akua i ko nā ʻāina ʻē.

NĀ ʻOIHANA A KA POʻE LUNAʻŌLELO 11:18

A lohe lākou i kēia mau mea, pilipū ihola lākou, a hoʻonani akula i ke Akua, ʻī aʻela, “ʻOiaʻiʻo nō, ua hāʻawi mai nō ke Akua i ko nā ʻāina ʻē kekahi i ka mihi e ola ai.”

NĀ ʻOIHANA A KA POʻE LUNAʻŌLELO 3:26

“Ua hoʻāla mai ke Akua i kāna Keiki iā Iesū, a ua hoʻouna mai iā ia i o ʻoukou nei mua, e hoʻopōmaikaʻi iā ʻoukou i ka hoʻohuli ʻana iā ʻoukou a pau, mai ko ʻoukou hewa mai.”

ʻO KA ʻEPISETOLE A PAULO KA LUNAʻŌLELO I KO ROMA 11:14

i hoʻoikaika aʻe au i koʻu poʻe hoahānau ma ke kino, a e hoʻōla au i kekahi poʻe o lākou.)

ʻO KA ʻEPISETOLE A PAULO KA LUNAʻŌLELO I KO ROMA 5:6

No ka mea, a iā kākou i nāwaliwali ai, a i ka wā pono, make ihola ʻo Kristo no ka poʻe pono ʻole.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:9

No ka mea, wau nō ka mea liʻiliʻi loa o ka poʻe lunaʻōlelo. ʻAʻole hoʻi e pono ke kapa ʻia mai au, he lunaʻōlelo; no ka mea, ua hoʻomāinoino aku au i ka ʻekalesia o ke Akua.

ʻO KA ʻEPISETOLE A PAULO KA LUNAʻŌLELO I KO ʻEPESO 3:8

Ua hāʻawi ʻia mai kēia lokomaikaʻi iaʻu, i ka mea ʻuʻuku iho o nā haipule ʻuʻuku loa a pau, e haʻi aku ai au i nā lāhui kanaka ʻē i ka waiwai kupanaha o Kristo;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:13

i ka mea hōʻino wale ma mua, me ka hoʻomaʻau, a me ka hoʻoluhi hewa aku; akā, ua aloha ʻia maila au; no ka mea, ua hana au ia mea me ka naʻaupō, a me ka manaʻoʻiʻo ʻole.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:19

e hoʻomau ana i ka paulele a me ka manaʻo maikaʻi, i ka mea a kekahi poʻe i haʻalele ai, a ili ihola nāhāhā ka manaʻoʻiʻo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:1

¶ He ʻōlelo ʻoiaʻiʻo kēia, inā makemake kekahi i ka ʻoihana kahuna pule, he hana maikaʻi kāna i makemake ai.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:9

He ʻōlelo ʻoiaʻiʻo kēia e pono e mālama nui ʻia mai.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:13

Ke kauoha aku nei au iā ʻoe i mua i ke alo o ke Akua, ka Mea i hoʻōla i nā mea a pau, a ʻo Kristo Iesū hoʻi, ka Mea i hōʻike i mua o Ponetio Pilato i ka hōʻoiaʻiʻo maikaʻi;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:11

He ʻōlelo ʻoiaʻiʻo kēia: Inā i make pū kākou, e ola pū nō hoʻi kākou.

ʻO KA ʻEPISETOLE A PAULO IĀ TITO 3:8

He ʻōlelo ʻoiaʻiʻo ia, a ʻo kēia mau mea kaʻu e makemake nei iā ʻoe e hōʻoiaʻiʻo mau aku, i mālama ka poʻe i manaʻoʻiʻo i ke Akua e hoʻomau lākou ma nā hana maikaʻi. He maikaʻi, he pono hoʻi kēia mau mea no nā kānaka.

ʻO KA ʻEPISETOLE A PAULO KA LUNAʻŌLELO I KO HEBERA 7:25

No ia mea, e hiki mau ai iā ia ke hoʻōla i ka poʻe i hele mai i ke Akua ma ona lā, no kona ola mau loa ʻana e ʻuao ana no lākou.

ʻO KA ʻEPISETOLE HOʻOLAHA MUA A IOANE 3:5

Ua ʻike nō ʻoukou, ua hōʻikea mai ʻo ia, i lawe aʻe ia i ko kākou hewa; ʻaʻole hewa i loko ona.

ʻO KA ʻEPISETOLE HOʻOLAHA MUA A IOANE 3:8

ʻO ka mea e hana ana i ka hewa, no ka diabolō nō ia; no ka mea, ua hana hewa mau ka diabolō, mai kinohi mai. No ia mea, ua hōʻikea mai ke Keiki a ke Akua, i hōkaʻe aku ai ʻo ia i kā ka diabolō hana ʻana.

ʻO KA ʻEPISETOLE HOʻOLAHA MUA A IOANE 5:11

Eia nō ka ʻōlelo; ua hāʻawi mai ke Akua i ke ola mau loa no kākou, a ʻo ua ola lā, aia nō ia i loko o kāna Keiki.

KA HŌʻIKE ʻANA A IOANE KA HAIPULE 21:5

ʻĪ maila ka mea i noho ma ka noho aliʻi, “Aia hoʻi, ke hana hou nei au i nā mea a pau.” ʻĪ maila kēlā iaʻu, “E palapala ʻoe; no ka mea, he pono kēia mau ʻōlelo, he ʻoiaʻiʻo.”

KA HŌʻIKE ʻANA A IOANE KA HAIPULE 22:6

¶ ʻĪ maila kēlā iaʻu. “Ua pololei kēia mau ʻōlelo, ua ʻoiaʻiʻo”; a ʻo ka Haku ʻo ke Akua o ka poʻe kāula hemolele, hoʻouna maila ʻo ia i kona ʻānela, e haʻi mai i kāna poʻe kauā i nā mea e hana koke ʻia mai.

KA HŌʻIKE ʻANA A IOANE KA HAIPULE 5:9

Memele maila lākou i ke mele hou, e ʻōlelo ana, “Pono nō ʻoe ke lawe i ka buke, a e ʻākaʻa i kona mau wepa; No ka mea, ua pepehi ʻia ʻoe, a ua kūʻai mai ʻoe iā mākou no ke Akua me kou koko, Mai loko mai o nā ʻohana a pau, a me nā ʻōlelo, a me nā ʻāina, a me nā lāhui kanaka a pau.