ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:13 - Ka Baibala Hemolele

¹³ i ka mea hōʻino wale ma mua, me ka hoʻomaʻau, a me ka hoʻoluhi hewa aku; akā, ua aloha ʻia maila au; no ka mea, ua hana au ia mea me ka naʻaupō, a me ka manaʻoʻiʻo ʻole.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:13 Iomraidhean Croise

HOSEA 2:23

“A e kanu iho au iā ia ma ka honua; A e aloha aku au i ka mea i aloha ʻole ʻia; A e ʻōlelo aku au i ka poʻe kānaka ʻaʻole noʻu, ‘ʻO ʻoe koʻu poʻe kānaka’; A e ʻōlelo mai hoʻi lākou, ‘ʻO ʻoe ko mākou Akua!’”

KA BUKE ʻAKOLU A MOSE, I KAPA ʻIA ʻOIHANA KAHUNA 13:16

“A inā i ʻano hou ka ʻiʻo, a lilo ia i keʻokeʻo, e hele hou mai nō ia i ke kahuna pule.

KA BUKE ʻAHĀ A MOSE, I KAPA ʻIA NĀ HELU 15:30

‘Akā, ʻo ke kanaka hana hewa me ka hoʻokiʻekiʻe, ʻo ke keiki papa, a me ke kanaka ʻē, ʻo ia ka mea hōʻino iā Iēhova; a e hōʻoki ʻia aku ua kanaka lā mai waena aku o kona hanauna.

KA ʻEUANELIO I KĀKAU ʻIA AI E LUKA 12:47

“A ʻo ke kauā i ʻike i ka makemake o kona haku, ʻaʻole hoʻi i hoʻomākaukau, ʻaʻole hoʻi i hana ma muli o kona makemake, ʻo ia ke hahau nui ʻia.

KA ʻEUANELIO I KĀKAU ʻIA AI E LUKA 23:34

A laila ʻōlelo akula ʻo Iesū, “E ka Makua, e kala iho ʻoe i ko lākou nei hewa; no ka mea, ʻaʻole o lākou ʻike i kā lākou mea e hana nei.” Puʻunaue aʻela lākou i kona mau kapa, hailona ihola.

NĀ ʻOIHANA A KA POʻE LUNAʻŌLELO 22:4

“Hana ʻino aku au a make ko kēia ʻAoʻao, me ka paʻa aku i nā kāne a me nā wāhine, a me ka hāʻawi iā lākou i nā hale paʻahao.

NĀ ʻOIHANA A KA POʻE LUNAʻŌLELO 3:17

“ʻĀnō hoʻi, e nā hoahānau, ua ʻike nō au, no ka naʻaupō i hana aku ai ʻoukou i kēia, a pēlā nō ko ʻoukou poʻe aliʻi.

NĀ ʻOIHANA A KA POʻE LUNAʻŌLELO 8:3

Luku aʻela ʻo Saulo i ka ʻekalesia, komo aku nō ia i nā hale, a kauō mai i nā kāne a me nā wāhine, a hahao aʻela iā lākou i loko o ka hale paʻahao.

NĀ ʻOIHANA A KA POʻE LUNAʻŌLELO 9:1

¶ E hā aku ana ʻo Saulo i ka ʻōlelo hoʻoweliweli, a me ka luku aku i nā haumāna a ka Haku, hele akula ia i ke kahuna nui,

NĀ ʻOIHANA A KA POʻE LUNAʻŌLELO 9:13

ʻĪ akula ʻo ʻAnania, “E ka Haku ē, ua nui loa nā mea aʻu i lohe ai i ua kanaka lā, i ka nui o ka hewa āna i hana aku ai i kou poʻe haipule ma Ierusalema.

NĀ ʻOIHANA A KA POʻE LUNAʻŌLELO 9:5

ʻĪ akula ia, “ʻO wai ʻoe, e ka Haku?” ʻĪ maila ka Haku, “ʻO Iesū nō wau ka mea āu e hoʻomaʻau mai nei. ʻO ke keʻehi ʻana i nā mea ʻoiʻoi, he mea ia e ʻeha ai nou.”

ʻO KA ʻEPISETOLE MUA A PAULO KA LUNAʻŌLELO I KO KORINETO 15:9

No ka mea, wau nō ka mea liʻiliʻi loa o ka poʻe lunaʻōlelo. ʻAʻole hoʻi e pono ke kapa ʻia mai au, he lunaʻōlelo; no ka mea, ua hoʻomāinoino aku au i ka ʻekalesia o ke Akua.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:25

¶ No ka poʻe puʻupaʻa, ʻaʻole na ka Haku mai kaʻu kauoha. Ke haʻi aku nei nō hoʻi au i koʻu manaʻo, e like me ka mea i mālama pono, no ka loaʻa ʻana mai o ka lokomaikaʻi o ka Haku.

ʻO KA ʻEPISETOLE A PAULO KA LUNAʻŌLELO I KO GALATIA 1:13

Ua lohe ʻoukou i kuʻu noho ʻana ma mua ma ko kā Iudaio manaʻo, he nui loa kuʻu hoʻomaʻau ʻana aku i ka ʻekalesia o ke Akua, me ka luku aku.

ʻO KA ʻEPISETOLE A PAULO KA LUNAʻŌLELO I KO PILIPI 3:6

No ka manaʻo ikaika, hoʻomaʻau akula au i ka ʻekalesia; a ma ka pono o ke Kānāwai, ʻaʻole oʻu hala.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:16

A ua aloha ʻia mai hoʻi au, i hōʻike mai ai ʻo Iesū Kristo ma oʻu nei lā mua, i ke ahonui a pau, i kumu no ka poʻe e paulele ana iā ia ma ia hope aku, i ola mau loa ai.

ʻO KA ʻEPISETOLE A PAULO KA LUNAʻŌLELO I KO HEBERA 4:16

No laila, e hoʻokokoke aku kākou ma ka noho aliʻi aloha me ka manaʻolana, i aloha ʻia mai kākou, a i loaʻa hoʻi ka lokomaikaʻi e kōkua mai ai i ka wā pōpilikia.

ʻO KA ʻEPISETOLE HOʻOLAHA MUA A PETERO 2:10

«ʻAʻole ʻoukou he aupuni ma mua»; akā, i kēia manawa, «he aupuni ʻoukou no ke Akua»; ia manawa, «ʻaʻole ʻoukou i aloha ʻia», i kēia manawa «ua aloha ʻia mai nō».