ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:9 - Ka Baibala Hemolele

⁹ ¶ A ʻo ke aloha hoahānau hoʻi, ʻaʻole o ʻoukou hemahema e pono ai au ke palapala aku iā ʻoukou; no ka mea, ua aʻo ʻia mai ʻoukou e ke Akua e aloha i kekahi i kekahi.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:9 Iomraidhean Croise

KA BUKE O NĀ HALELŪ 133:1

¶ Aia hoʻi, nani ka maikaʻi a me ka ʻoluʻolu, ʻO ka noho lōkahi pū ʻana o nā hoahānau!

KA WĀNANA A ʻISAIA 51:13

“A hoʻopoina hoʻi iā Iēhova, i ka Mea nāna ʻoe i hana, A hohola aʻela hoʻi i nā lani, a hoʻokumu i ka honua, A makaʻu mau loa nō hoʻi ʻoe i nā lā a pau, No ka inaina o ka mea hoʻoluhi, Inā paha ia e mākaukau e luku iho? ʻAuhea hoʻi ka inaina o ka mea hoʻoluhi?

KA WĀNANA A IEREMIA 31:33

“Akā, ʻo kēia ka berita aʻu e hana ai me ka ʻohana a ʻIseraʻela; Ma hope iho o ia mau lā,” wahi a Iēhova, “e kau nō wau i koʻu kānāwai ma loko o lākou, a e kākau iho ma ko lākou naʻau; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A IEREMIA 31:34

“ʻAʻole lākou e aʻo hou aku ʻo kēlā mea kēia mea i kona hoalauna, a ʻo kēlā mea kēia mea i kona hoahānau, e ʻōlelo ana, ‘E ʻike iā Iēhova’; no ka mea, e ʻike auaneʻi lākou a pau iaʻu, mai ka mea liʻiliʻi loa o lākou a hiki i ko lākou mea nui loa,” wahi a Iēhova; “no ka mea, e kala aku auaneʻi au i ko lākou hala, ʻaʻole hoʻi au e hoʻomanaʻo hou aku i ko lākou hewa.”

KA BUKE ʻAKOLU A MOSE, I KAPA ʻIA ʻOIHANA KAHUNA 19:8

‘No laila, ʻo ka mea e ʻai ia, e kau nō kona hewa ma luna ona, no kāna hōʻino ʻana i ka mea hoʻāno no Iēhova; a e ʻoki ʻia aku kēlā kanaka mai waena aku o kona poʻe kānaka.

KA ʻEUANELIO I KĀKAU ʻIA AI E MATAIO 22:39

“Ua like hoʻi ka lua me ia, ‘«E aloha aku ʻoe i kou hoalauna me ʻoe iā ʻoe iho».’

KA ʻEUANELIO I KĀKAU ʻIA AI E IOANE 14:26

“Akā, ʻo ke Kōkua, ʻo ka ʻUhane Hemolele, ka mea a ka Makua e hoʻouna mai ai ma koʻu inoa, nāna ʻoukou e aʻo mai i nā mea a pau, a e hōʻike mai iā ʻoukou i nā mea a pau aʻu i ʻōlelo aku ai iā ʻoukou.

NĀ ʻOIHANA A KA POʻE LUNAʻŌLELO 4:32

¶ A ʻo ka poʻe o lākou i manaʻoʻiʻo aku, hoʻokahi o lākou naʻau, hoʻokahi hoʻi manaʻo; ʻaʻole hoʻi i ʻōlelo kekahi, nona wale nō kekahi waiwai āna i mālama ai; no ka mea, hui pū ʻia ko lākou mea a pau.

ʻO KA ʻEPISETOLE A PAULO KA LUNAʻŌLELO I KO ROMA 12:10

E launa aku hoʻi kekahi i kekahi, ma ke aloha hoahānau; e hoʻopakela aku kekahi i kekahi ma ka hoʻomaikaʻi ʻana.

ʻO KA ʻEPISETOLE LUA A PAULO KA LUNAʻŌLELO I KO KORINETO 9:1

¶ Akā hoʻi, no ka manawaleʻa ʻana i ka poʻe haipule, he mea hana wale kaʻu ke palapala aku iā ʻoukou.

ʻO KA ʻEPISETOLE A PAULO KA LUNAʻŌLELO I KO PILIPI 3:15

ʻO nā mea a pau e ake e hemolele, e manaʻo kākou ia mea; a inā he manaʻo ʻokoʻa ko ʻoukou i kekahi mea, na ke Akua hoʻi ia e hōʻike mai iā ʻoukou.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:1

¶ A no nā wā, a me nā manawa, e nā hoahānau, ʻaʻole o ʻoukou hemahema e pono ai au ke palapala aku iā ʻoukou.

ʻO KA ʻEPISETOLE A PAULO KA LUNAʻŌLELO I KO HEBERA 10:16

“«Eia ka berita aʻu e hana aku ai me lākou, Ma hope iho o ua mau lā lā,” wahi a ka Haku; “E paʻi iho au i koʻu mau kānāwai ma ko lākou naʻau, A e kākau iho hoʻi ia mau mea ma ko lākou manaʻo;

ʻO KA ʻEPISETOLE A PAULO KA LUNAʻŌLELO I KO HEBERA 13:1

¶ E mau aku hoʻi ke aloha hoahānau.

ʻO KA ʻEPISETOLE HOʻOLAHA MUA A PETERO 3:8

¶ Eia hoʻi ka hope, e lōkahi ko ʻoukou manaʻo a pau, e lokomaikaʻi kekahi i kekahi; he poʻe aloha hoahānau, e menemene hoʻi, a e akahai.

ʻO KA ʻEPISETOLE HOʻOLAHA MUA A PETERO 4:8

Eia ka mea ʻoi ma mua o nā mea a pau, ʻo ka pumahana o ke aloha i waena o ʻoukou; no ka mea, ʻo ke aloha ka mea e uhi ai i nā hewa he nui loa.

ʻO KA ʻEPISETOLE HOʻOLAHA ʻALUA A PETERO 1:7

a me ka haipule, i ka launa hoahānau; a me ka launa hoahānau, i ke aloha.

ʻO KA ʻEPISETOLE HOʻOLAHA MUA A IOANE 2:10

ʻO ka mea e aloha aku ana i kona hoahānau, ke noho ʻiʻo nei nō ia i ka mālamalama, ʻaʻohe mea hoʻohihia i loko ona;

ʻO KA ʻEPISETOLE HOʻOLAHA MUA A IOANE 3:11

No ka mea, eia nō ka ʻōlelo a ʻoukou i lohe ai mai kinohi mai, e aloha aku kākou i kekahi i kekahi.

ʻO KA ʻEPISETOLE HOʻOLAHA MUA A IOANE 3:23

Eia nō kāna kauoha mai, e manaʻoʻiʻo aku kākou i ka inoa o kāna Keiki ʻo Iesū Kristo, a e aloha kekahi i kekahi, e like me ke kauoha āna i hāʻawi mai ai iā kākou.

ʻO KA ʻEPISETOLE HOʻOLAHA MUA A IOANE 4:21

Eia mai kāna kauoha iā kākou, inā e aloha aku kekahi i ke Akua, e aloha aku nō hoʻi ʻo ia i kona hoahānau.