ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:8 - Ka Baibala Hemolele

⁸ ʻO ka mea hoʻi i hoʻowahāwahā mai, ʻaʻole ia i hoʻowahāwahā i ke kanaka, i ke Akua nō nāna i hāʻawi mai i kona ʻUhane Hemolele iā mākou.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:8 Iomraidhean Croise

KA BUKE A NEHEMIA 9:30

“Akā, hoʻomanawanui nō ʻoe iā lākou i nā makahiki he nui nō, A aʻo pinepine aku ʻoe iā lākou me kou ʻUhane i loko o ka poʻe kāula. ʻAʻole naʻe i hāliu mai ko lākou pepeiao; No laila hāʻawi akula ʻoe iā lākou i loko o ka lima o nā lāhui kanaka o nā ʻāina.

KA BUKE ʻALUA A MOSE, I KAPA ʻIA PUKA ʻANA 16:8

ʻĪ maila ʻo Mose, “E hāʻawi mai ana ʻo Iēhova i ke ahiahi, i iʻa na ʻoukou e ʻai ai, a kakahiaka i ʻai e māʻona ai; no ka mea, ua lohe mai ʻo Iēhova i ka ʻōhumu ʻana a ʻoukou i ʻōhumu aku ai iā ia; he aha hoʻi ʻo māua? ʻAʻole no māua kā ʻoukou ʻōhumu ʻana; akā, no Iēhova.”

NĀ ʻŌLELO AKAMAI A SOLOMONA 1:7

¶ ʻO ka makaʻu iā Iēhova, ʻo ia ka hoʻomaka ʻana o ka ʻike; A ʻo ka naʻauao, a me ke aʻo ʻia mai, ua hoʻowahāwahā ʻia e ka poʻe lapuwale.

NĀ ʻŌLELO AKAMAI A SOLOMONA 23:9

¶ Mai haʻi aku ʻoe i nā pepeiao o ka mea lapuwale; No ka mea, e hoʻowahāwahā ʻo ia i ka pololei o kāu ʻōlelo.

KA WĀNANA A ʻISAIA 49:7

Penei ka ʻōlelo ʻana mai a Iēhova, Ka Hoʻōla Pānaʻi o kā ʻIseraʻela, kona Mea Hemolele hoʻi, I ka Mea i hoʻowahāwahā ʻia e nā kānaka, I ka Mea a ka lāhui kanaka i hoʻopailua ai, I ke Kauā hoʻi na ka poʻe e noho aliʻi ana, “E ʻike aku nā aliʻi a e kū i luna, E kūlou aku nō hoʻi nā luna, No Iēhova, ka mea ʻoiaʻiʻo, ka Mea Hemolele o kā ʻIseraʻela, Nāna nō e makemake aku iā ʻoe.”

KA WĀNANA A ʻISAIA 53:10

¶ Akā, manaʻo nō ʻo Iēhova e paopao iā ia, Ua hōʻeha ʻo ia iā ia; A i ka wā e hāʻawi aku ai ʻoe i kona ʻuhane i mōhai hala, E ʻike nō ʻo ia i kāna mau keiki, a e hoʻolōʻihi nō hoʻi i kona mau lā, A e pōmaikaʻi auaneʻi ka makemake o Iēhova ma kona mau lima.

KA ʻEUANELIO I KĀKAU ʻIA AI E LUKA 10:16

“ʻO ka mea e hoʻolohe iā ʻoukou, ʻo ia ke hoʻolohe mai iaʻu; a ʻo ka mea e hoʻowahāwahā iā ʻoukou, ʻo ia ke hoʻowahāwahā mai iaʻu; a ʻo ka mea e hoʻowahāwahā mai iaʻu, ʻo ia ke hoʻowahāwahā i ka Mea nāna au i hoʻouna mai.”

KA ʻEUANELIO I KĀKAU ʻIA AI E IOANE 12:48

“ʻO ka mea e hoʻowahāwahā mai iaʻu, a mālama ʻole hoʻi i kaʻu mau ʻōlelo, he mea nō kāna, nāna ia e hoʻāhewa aku; ʻo ka ʻōlelo aʻu i ʻōlelo ai, ʻo ia ka mea nāna ia e hoʻāhewa aku i ka lā ma hope.

NĀ ʻOIHANA A KA POʻE LUNAʻŌLELO 13:41

‘«E ka poʻe hoʻowahāwahā, e nānā mai ʻoukou, e pilihua hoʻi, a e hoʻomā wale; No ka mea, ke hana nei au i ka hana i ko ʻoukou mau lā, Inā e haʻi aku kekahi iā ʻoukou ia hana, inā ʻaʻole nō ʻoukou e manaʻoʻiʻo mai».’”

ʻO KA ʻEPISETOLE A PAULO KA LUNAʻŌLELO I KO ROMA 5:5

a ʻo ua manaʻolana lā ʻaʻole ia i hoʻohilahila; no ka mea, ua ninini ʻia mai ke aloha i ke Akua i loko o ko kākou mau naʻau e ka ʻUhane Hemolele, i hāʻawi ʻia mai iā kākou.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:10

Ua hōʻike mai nō hoʻi ke Akua ia mau mea iā mākou, ma kona ʻUhane; no ka mea, ke nānā pono nei ka ʻUhane i nā mea a pau, i nā mea hohonu hoʻi a ke Akua.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:40

I koʻu manaʻo hoʻi, ua ʻoi aku kona pōmaikaʻi, ke noho ia pēlā; a ke manaʻo nei au, ua loaʻa iaʻu ka ʻUhane o ke Akua.

ʻO KA ʻEPISETOLE LUA A PAULO KA LUNAʻŌLELO I KO KORINETO 1:22

ʻo ia hoʻi kai hōʻailona mai iā mākou, a i hāʻawi mai hoʻi i ka makana mua o ka ʻUhane i loko o ko mākou naʻau.

ʻO KA ʻEPISETOLE A PAULO KA LUNAʻŌLELO I KO GALATIA 4:6

No ka mea, no ko ʻoukou keiki ʻana, ua hoʻouna maila ke Akua i ka ʻUhane o kāna Keiki i loko o ko ʻoukou mau naʻau, e kāhea ana, “E ʻAba, ka Makua!”

ʻO KA ʻEPISETOLE HOʻOLAHA MUA A PETERO 1:12

Ua hōʻike ʻia mai iā lākou, ʻaʻole naʻe na lākou, na kākou, nā mea a lākou i aʻo mai ai; ʻo ia hoʻi nā mea i haʻi ʻia aku nei iā ʻoukou, e ka poʻe haʻi aku i ka ʻeuanelio iā ʻoukou, me ka ʻUhane Hemolele i hoʻouna ʻia mai, mai ka lani mai; ʻo ia kā nā ʻānela i makemake ai e ʻike iho.

ʻO KA ʻEPISETOLE HOʻOLAHA ʻALUA A PETERO 1:21

No ka mea, i ka wā kahiko, ʻaʻole no ka manaʻo o kānaka, kā nā kāula; akā, ua ʻōlelo mai ua kanaka hemolele o ke Akua i ka uluhia mai e ka ʻUhane Hemolele.

ʻO KA ʻEPISETOLE HOʻOLAHA MUA A IOANE 3:24

ʻO ka mea e mālama aku ana i kāna mau kauoha, ua noho nō ia i loko ona; a ua noho mai nō hoʻi kēlā i loko ona. No laila hoʻi ke ʻike nei kākou, ke noho mai nei ʻo ia i loko o kākou, ma ka ʻUhane āna i hāʻawi mai ai no kākou.

ʻO KA ʻEPISETOLE HOʻOLAHA A IUDA 1:8

Pēlā nō hoʻi kēia poʻe moeʻuhane, ua hoʻohaumia lākou lā i ke kino, ua hoʻowahāwahā aku i nā aliʻi, a ua hāʻiliʻili aku hoʻi i nā luna kiʻekiʻe.

KA BUKE MUA A SAMUʻELA 10:19

“A ua hoʻowahāwahā ʻoukou i ko ʻoukou Akua i kēia lā, ʻo ia kai hoʻōla iā ʻoukou i nā mea ʻino a pau a me nā pōpilikia o ʻoukou; ua ʻī aku ʻoukou iā ia, ‘E hoʻonoho i aliʻi ma luna o mākou.’ No ia mea, e hōʻike ʻoukou iā ʻoukou iho i mua o Iēhova ma ko ʻoukou mau hanauna, a ma ko ʻoukou mau tausani.”

KA BUKE MUA A SAMUʻELA 8:7

ʻĪ maila ʻo Iēhova iā Samuʻela, “E hoʻolohe ʻoe i ka leo o nā kānaka i nā mea a pau a lākou e ʻōlelo mai ai iā ʻoe; no ka mea, ʻaʻole lākou i hoʻowahāwahā iā ʻoe; akā, ua hoʻowahāwahā mai lākou iaʻu, i aliʻi ʻole ai au ma luna o lākou.