ʻO KA ʻEPISETOLE MUA A PAULO KA LUNAʻŌLELO I KO TESALONIKE 3:1 - Ka Baibala Hemolele

¹ ¶ A i hiki ʻole iā mākou ke hoʻomanawanui hou aku, manaʻo ihola mākou he pono ke waiho hoʻokahi ʻia mai ma ʻAtenai.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 3:1 Iomraidhean Croise

KA WĀNANA A IEREMIA 20:9

A laila, ʻōlelo ihola au, “ʻAʻole au e hoʻomanaʻo hou iā ia, ʻAʻole hoʻi e ʻōlelo hou ma kona inoa”; Akā, ua like ia i loko o koʻu naʻau, me ke ahi e ʻā ana, A pani ʻia hoʻi i loko o koʻu mau iwi; A ikiiki au i ka hoʻomanawanui ʻana, ʻAʻole hoʻi i hiki iaʻu.

KA WĀNANA A IEREMIA 44:22

“ʻAʻole i hiki iā Iēhova ke hoʻomanawanui hou aku, no ka hewa o kā ʻoukou hana ʻana, a no nā mea hoʻopailua a ʻoukou i hana ai; no laila, ua lilo ko ʻoukou ʻāina i ʻōlohelohe, i mea e kāhāhā ai, i wahi pōʻino, me ka mea ʻole nāna e noho, me ia i kēia lā.

NĀ ʻOIHANA A KA POʻE LUNAʻŌLELO 17:15

A ʻo ka poʻe alakaʻi aku iā Paulo, lawe akula lākou iā ia i ʻAtenai. A loaʻa iā lākou kahi kauoha no Sila lāua me Timoteo, e hele koke lāua i ona lā, a laila hoʻi maila lākou.

NĀ ʻOIHANA A KA POʻE LUNAʻŌLELO 17:16

¶ I ko Paulo kali ʻana iā lāua ma ʻAtenai, ua hoʻoʻeuʻeu ʻia kona naʻau i loko ona, i kona ʻike ʻana, ua lilo loa ke kūlanakauhale i ka mālama kiʻi.

ʻO KA ʻEPISETOLE LUA A PAULO KA LUNAʻŌLELO I KO KORINETO 2:13

ʻaʻole oʻu maha ma kuʻu naʻau, i ka loaʻa ʻole iaʻu ʻo Tito ʻo koʻu hoahānau; akā, uē akula au iā lākou, a hele akula i Makedonia.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:17

¶ Akā, ʻo mākou lā, e nā hoahānau, ua hoʻokaʻawale ʻia mai nei mai o ʻoukou mai lā, i kēia mau lā, ʻo ko mākou kino, ʻaʻole ka naʻau, ua makemake loa mākou e ʻike hou aku i ko ʻoukou mau maka, ua hoʻoikaika nui aku i laila.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 3:5

No laila, i ka pono ʻole iaʻu ke hoʻomanawanui hou aku, ua hoʻouna akula au e ʻike i ko ʻoukou manaʻoʻiʻo, o lilo paha ʻoukou i ka hoʻowalewale ʻia mai e ka hoʻowalewale, a ua lilo ihola kā mākou hana i mea ʻole.