ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:14 - Ka Baibala Hemolele

¹⁴ No ka mea, ua lilo mai ʻoukou, e nā hoahānau, i mau mea hoʻohālike me nā ʻekalesia o ke Akua, ma Iudea, i loko o Kristo Iesū; no ka mea, ua hōʻino ʻia mai hoʻi ʻoukou e ko ka ʻāina o ʻoukou iho, e like me lākou e ka poʻe Iudaio;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:14 Iomraidhean Croise

NĀ ʻOIHANA A KA POʻE LUNAʻŌLELO 11:19

¶ No laila, ʻo ka poʻe i hoʻopuehu ʻia i ka hoʻomaʻau ʻana i puka mai no Setepano, hele nō lākou a hiki i Poinike, a i Kupero, a i ʻAnetioka, e haʻi aku ana i ka ʻōlelo i nā Iudaio wale nō.

NĀ ʻOIHANA A KA POʻE LUNAʻŌLELO 13:50

Hoʻokonokono akula ka poʻe Iudaio i nā wāhine haipule koʻikoʻi, a me nā mea kiʻekiʻe o ke kūlanakauhale, a paʻi maila lākou ma ka hoʻomaʻau no Paulo a me Barenaba, a kipaku akula iā lāua mai ko lākou wahi aku.

NĀ ʻOIHANA A KA POʻE LUNAʻŌLELO 14:19

¶ Hele maila kekahi poʻe Iudaio mai ʻAnetioka mai, a mai ʻIkonio mai, hoʻokonokono aʻela i ka ʻaha kanaka, a hailuku nō iā Paulo, a kauō akula iā ia ma waho o ke kūlanakauhale, manaʻo ihola lākou, ua make loa ia.

NĀ ʻOIHANA A KA POʻE LUNAʻŌLELO 14:2

Akā, ʻo ka poʻe Iudaio i hoʻomaloka, hoʻokonokono lākou, a hoʻonāukiuki i nā ʻuhane o ko nā ʻāina ʻē i nā hoahānau.

NĀ ʻOIHANA A KA POʻE LUNAʻŌLELO 14:4

Mokuāhana aʻela ka ʻaha kanaka o ke kūlanakauhale; me nā Iudaio kekahi, me nā lunaʻōlelo kekahi.

NĀ ʻOIHANA A KA POʻE LUNAʻŌLELO 14:5

A i ka wā i hoʻāʻo ai ko nā ʻāina ʻē, a me ka poʻe Iudaio, me ko lākou aliʻi, e hana ʻino aku iā lāua, a e hailuku aku;

NĀ ʻOIHANA A KA POʻE LUNAʻŌLELO 17:13

A ʻike ka poʻe Iudaio no Tesalonike ua haʻi ʻia ka ʻōlelo a ke Akua ma Beroia e Paulo, hele mai nō hoʻi lākou i laila, a hoʻohaunaele i kānaka.

NĀ ʻOIHANA A KA POʻE LUNAʻŌLELO 18:12

¶ A i ka wā e noho ana ʻo Galio i aliʻi kiaʻāina no ʻAkaia, lele lōkahi maila nā Iudaio ma luna o Paulo, a alakaʻi akula iā ia ma ka noho hoʻokolokolo.

NĀ ʻOIHANA A KA POʻE LUNAʻŌLELO 8:1

¶ E ʻae mai ana nō ʻo Saulo i kona make. Ia lā, hoʻomaʻau nui ʻia maila ka ʻekalesia ma Ierusalema; hoʻopuehu ʻia akula lākou a pau ma nā ʻāina o Iudea, a ma Samaria; koe nō naʻe nā lunaʻōlelo.

NĀ ʻOIHANA A KA POʻE LUNAʻŌLELO 8:3

Luku aʻela ʻo Saulo i ka ʻekalesia, komo aku nō ia i nā hale, a kauō mai i nā kāne a me nā wāhine, a hahao aʻela iā lākou i loko o ka hale paʻahao.

NĀ ʻOIHANA A KA POʻE LUNAʻŌLELO 9:1

¶ E hā aku ana ʻo Saulo i ka ʻōlelo hoʻoweliweli, a me ka luku aku i nā haumāna a ka Haku, hele akula ia i ke kahuna nui,

NĀ ʻOIHANA A KA POʻE LUNAʻŌLELO 9:13

ʻĪ akula ʻo ʻAnania, “E ka Haku ē, ua nui loa nā mea aʻu i lohe ai i ua kanaka lā, i ka nui o ka hewa āna i hana aku ai i kou poʻe haipule ma Ierusalema.

NĀ ʻOIHANA A KA POʻE LUNAʻŌLELO 9:31

¶ A maluhia ihola nā ʻekalesia ma Iudea a pau, a me Galilaia, a me Samaria hoʻi. Hoʻokūpaʻa ʻia ihola lākou, e hele ana me ka makaʻu i ka Haku, a me ka ʻoliʻoli o ka ʻUhane Hemolele, a māhuahua ihola lākou.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:32

Mai hoʻohihia aku ʻoukou i nā Iudaio, ʻaʻole hoʻi i nā Helene, ʻaʻole hoʻi i ka ʻekalesia o ke Akua.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:17

¶ E like hoʻi me kā ka Haku hāʻawi ʻana mai i kēlā kanaka i kēia kanaka, e like nō me kā ke Akua hea ʻana mai i kēlā kanaka i kēia kanaka, pēlā nō ia e hele ai; a pēlā nō au e kauoha aku nei ma nā ʻekalesia a pau.

ʻO KA ʻEPISETOLE A PAULO KA LUNAʻŌLELO I KO GALATIA 1:22

A ua ʻike maka ʻole ʻia au e nā ʻekalesia o Kristo ma Iudea.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 1:1

¶ Na Paulo aku, a me Silevano, a me Timoteo, i ka ʻekalesia o ko Tesalonike, i loko o ke Akua ka Makua, a me ka Haku Iesū Kristo: No ʻoukou ke aloha a me ka pōmaikaʻi, mai ke Akua mai, ʻo ko kākou Makua a me ka Haku Iesū Kristo.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 1:6

A ua hahai mai ʻoukou ma muli o mākou a me ka Haku, ua ʻapo mai ʻoukou i ka ʻōlelo me ka ʻehaʻeha nui, a me ka ʻoliʻoli no ka ʻUhane Hemolele;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 3:4

No ka mea, i ko mākou noho pū ʻana me ʻoukou, ua haʻi ʻē aku mākou iā ʻoukou, e hōʻino ʻia ana kākou; a ua hiki maila nō ia pēlā, ua ʻike hoʻi ʻoukou.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:1

¶ Na Paulo aku, a me Silevano, a me Timoteo, i ka ʻekalesia o ko Tesalonike, i loko o ke Akua o ko kākou Makua, a me ka Haku Iesū Kristo:

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:4

ʻO ia kā mākou e mahalo ai iā ʻoukou, i loko o nā ʻekalesia o ke Akua, no ko ʻoukou ahonui, a me ko ʻoukou manaʻo kūpaʻa i ko ʻoukou hoʻomaʻau ʻia mai, a me nā ʻehaʻeha a pau a ʻoukou e hoʻomanawanui ai.