ʻO KA ʻEPISETOLE MUA A PAULO KA LUNAʻŌLELO I KO TESALONIKE 1:9 - Ka Baibala Hemolele

⁹ No ka mea, na lākou nō i hōʻike mai no kākou, i ke ʻano o ko mākou komo ʻana i waena o ʻoukou, a me ko ʻoukou huli ʻana i ke Akua, mai nā akua kiʻi mai e mālama aku i ke Akua ola ʻoiaʻiʻo;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 1:9 Iomraidhean Croise

KA BUKE O NĀ HALELŪ 42:2

Ke make wai nei koʻu ʻuhane i ke Akua, i ke Akua ola; Āhea lā hiki aku au, a ʻike ʻia mai i mua o ke Akua?

KA BUKE O NĀ HALELŪ 84:2

ʻIʻini koʻu ʻuhane, no nā hale o Iēhova; Kāhea aku nō koʻu naʻau a me koʻu kino i ke Akua, i ke Akua ola.

KA WĀNANA A ʻISAIA 37:17

“E hāliu mai kou pepeiao, e Iēhova, a e hoʻolohe mai hoʻi; E wehe ʻoe i kou mau maka, e Iēhova, a e nānā mai; e hoʻolohe hoʻi i nā ʻōlelo a pau a Sanekariba, nā mea āna i hoʻouka mai ai e hōʻino i ke Akua ola.

KA WĀNANA A ʻISAIA 37:4

‘Malia paha e lohe ʻo Iēhova, kou Akua, i nā ʻōlelo a Rabesake, ka mea a ke aliʻi o ʻAsuria, a kona haku i hoʻouna ai e hōʻino ai i ke Akua ola, a e hoʻopaʻi hoʻi i nā ʻōlelo a Iēhova a kou Akua i lohe ai. No laila, e pule aku ʻoe no ke koena o nā kānaka i ʻike ʻia.’”

KA WĀNANA A IEREMIA 10:10

Akā, ʻo Iēhova nō ke Akua ʻoiaʻiʻo, ʻO ia ke Akua ola, ʻo ke Aliʻi mau loa hoʻi. E haʻalulu auaneʻi ka honua i kona ukiuki, ʻAʻole hoʻi e hiki i nā lāhui kanaka ke hoʻomanawanui i kona inaina.

KA WĀNANA A IEREMIA 16:19

¶ E Iēhova, koʻu ikaika, koʻu pā kaua hoʻi, A me koʻu puʻuhonua i ka lā o ka pōpilikia, E hele mai nō ko nā ʻāina ʻē i ou lā, Mai nā kūkulu o ka honua mai, a e ʻōlelo mai, “He ʻoiaʻiʻo, ua ili mai nō ka hoʻopunipuni i ko mākou poʻe mākua, A me ka lapuwale, a me nā mea waiwai ʻole.”

KA BUKE NO DANIʻELA 6:26

“Ke kau nei au i ʻōlelo paʻa, i haʻalulu nā kānaka ma nā ʻāina a pau o koʻu aupuni, i makaʻu hoʻi i mua o ke Akua o Daniʻela; No ka mea, ʻo ia ke Akua ola, ua paʻa mau loa ia, A ʻo kona aupuni, ʻo ia ka mea e ʻānai ʻole ʻia, A ʻo kona aliʻi ʻana, e mau loa ana ia.

HOSEA 1:10

¶ Akā, e like auaneʻi ka lehulehu o nā mamo a ʻIseraʻela, Me ke one o ke kai, ʻAʻole e hiki ke ana ʻia, ʻaʻole hoʻi ke helu ʻia; A ma kahi i ʻōlelo ʻia ai lākou, “ʻAʻole ʻo koʻu poʻe kānaka ʻoukou,” Ma laila e ʻōlelo ʻia ai lākou, “He poʻe keiki ʻoukou na ke Akua ola.”

ZEPANIA 2:11

He mea hoʻoweliweli auaneʻi ʻo Iēhova iā lākou; no ka mea, e hoʻohoka auaneʻi ʻo ia i nā akua a pau o ka honua; a e hoʻomana aku iā ia ko nā ʻāina a pau o kānaka ʻē, ʻo kēlā mea kēia mea ma kona wahi iho.

MALAKI 1:11

“No ka mea, mai ka hikina o ka lā a hiki i ke komohana, e nui auaneʻi kuʻu inoa i waena o nā lāhui kanaka; a ma nā wahi a pau loa e kuni ʻia ai ka mea ʻala no kuʻu inoa, a me ka mōhai maʻemaʻe; no ka mea, e nui auaneʻi kuʻu inoa i waena o nā lāhui kanaka,” wahi a Iēhova o nā kaua.

KA ʻEUANELIO I KĀKAU ʻIA AI E MATAIO 16:16

ʻŌlelo akula ʻo Simona Petero, ʻī akula, “ʻO ʻoe nō ka Mesia, ke Keiki a ke Akua ola.”

NĀ ʻOIHANA A KA POʻE LUNAʻŌLELO 14:15

ʻī akula, “E nā kānaka, no ke aha lā ʻoukou e hana mai ai i kēia mau mea? He mau kānaka nō māua, ʻo ko kākou ʻano hoʻokahi ʻano nō; a ke haʻi aku nei nō hoʻi māua iā ʻoukou i ka ʻōlelo maikaʻi, i huli ai ʻoukou mai kēia mau mea lapuwale aku a i ke Akua ola, «ka mea nāna i hana ka lani, a me ka honua, a me ke kai, a me nā mea a pau i loko o lākou».

ʻO KA ʻEPISETOLE A PAULO KA LUNAʻŌLELO I KO ROMA 9:26

“A ma kahi i ʻōlelo ʻia ai iā lākou, ‘ʻAʻole ʻo koʻu poʻe kānaka ʻoukou;’ Ma laila e kapa ʻia ai lākou he poʻe keiki lākou a ke Akua ola».”

ʻO KA ʻEPISETOLE MUA A PAULO KA LUNAʻŌLELO I KO KORINETO 12:2

Ua ʻike nō hoʻi ʻoukou, he lāhui kanaka ʻē ʻoukou, i hoʻolilo ʻia ma muli o nā kiʻi leo ʻole, ma kahi a ʻoukou i kaʻi ʻia aku ai.

KA BUKE ʻALIMA A MOSE, I KAPA ʻIA KĀNĀWAI LUA 5:26

‘ʻO wai lā o nā ʻiʻo a pau i lohe i ka leo o ke Akua ola e ʻōlelo mai ana mai loko mai o ke ahi, e like me mākou, a ola ia?

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:1

¶ Ua ʻike hoʻi ʻoukou, e nā hoahānau, i ko mākou komo ʻana i waena o ʻoukou, ʻaʻole ia he mea ʻole;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:13

¶ No ia mea hoʻi i hoʻomaikaʻi mau aku ai mākou i ke Akua; no ka mea, i ka loaʻa ʻana iā ʻoukou ʻo kā ke Akua ʻōlelo, a ʻoukou i lohe mai ai iā mākou nei, ʻaʻole ʻoukou i ʻapo mai ia me he ʻōlelo lā na kānaka; akā, he ʻōlelo nō na ke Akua, he ʻoiaʻiʻo nō ia, ʻo ka mea i hoʻoikaika nui i loko o ʻoukou ʻo ka poʻe i manaʻoʻiʻo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:10

No ka mea, no laila kākou e hoʻoikaika nei me ka hōʻino wale ʻia mai no ko kākou hilinaʻi ʻana i ke Akua ola, ʻo ia ke Ola no nā kānaka a pau, e ola ʻiʻo ai ka poʻe manaʻoʻiʻo.

ʻO KA ʻEPISETOLE A PAULO KA LUNAʻŌLELO I KO HEBERA 12:22

Akā, ua hele mai nō ʻoukou i ka Mauna Ziona, a i ke kūlanakauhale o ke Akua ola, i ko ka lani Ierusalema, a i ke anaina hiki ʻole ke helu ʻia o nā ʻānela;

KA BUKE A IOSUA 3:10

ʻĪ maila ʻo Iosua, “Eia ka mea e ʻike ai ʻoukou i ka noho pū ʻana o ke Akua ola me ʻoukou, a e ʻoiaʻiʻo nō, e kipaku aku ia ma mua o ʻoukou i kā Kanaʻana, a me kā Heta, a me kā Heva, a me kā Pereza, a me kā Giregasa, a me kā ʻAmora, a me kā Iebusa.

ʻO KA ʻEPISETOLE HOʻOLAHA MUA A IOANE 5:21

E nā keiki aloha, e mālama pono ʻoukou iā ʻoukou iho i nā akua kiʻi. ʻĀmene.

KA HŌʻIKE ʻANA A IOANE KA HAIPULE 17:2

“Me ia nō i moekolohe ai nā aliʻi o ka honua, a ua ʻona hoʻi ka poʻe e noho lā ma ka honua i ka waina o kona moekolohe ʻana.”

KA BUKE MUA A SAMUʻELA 17:26

¶ ʻŌlelo akula ʻo Dāvida i nā kānaka e kū pū ana me ia, ʻī akula, “He aha ka mea e hana ʻia mai ai i ke kanaka, nāna e pepehi kēia kanaka Pilisetia, a e lawe aku i ka hōʻino mai kā ʻIseraʻela aku? ʻO wai lā kēia Pilisetia i ʻoki poepoe ʻole ʻia, i ʻaʻa mai ai ia i ka poʻe kaua o ke Akua ola?”

KA BUKE MUA A SAMUʻELA 17:36

“A ʻo ka liona a me ka bea, ua make lāua a ʻelua i kāu kauā; a ʻo kēia Pilisetia ʻoki poepoe ʻole ʻia, e like auaneʻi ia me kekahi o lāua, no kona ʻaʻa ʻana i ka poʻe kaua o ke Akua ola.”