ʻO KA ʻEPISETOLE MUA A PAULO KA LUNAʻŌLELO I KO TESALONIKE 1:3 - Ka Baibala Hemolele

³ e manaʻo mau aku ana i ka hana a ka manaʻoʻiʻo o ʻoukou, a me ka hoʻoikaika o ke aloha, a me ke ahonui o ka manaʻolana i ko kākou Haku, iā Iesū Kristo, i mua o ke alo o ke Akua ko kākou Makua;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 1:3 Iomraidhean Croise

KA BUKE MUA A MOSE, I KAPA ʻIA KINOHI 29:20

Hoʻoikaika akula ʻo Iakoba i nā makahiki ʻehiku no Rāhela; a he mau lā ʻuʻuku wale nō ia i kona manaʻo, no kona aloha iā ia.

KE KAHUNA 2:26

No ka mea, ua hāʻawi mai ke Akua i ke kanaka maikaʻi i mua ona, i naʻauao, a me ke akamai, a me ka ʻoliʻoli; akā, i ke kanaka hewa hāʻawi mai ia i ka hana kaumaha, nāna e hoʻoʻiliʻili a e hoʻāhu hoʻi, e hāʻawi aku i ke kanaka maikaʻi i mua o ke Akua. He mea lapuwale kēia, a me ka luhi hewa.

KE MELE A SOLOMONA 8:7

“ʻAʻole pio ke aloha i nā wai he nui loa, ʻAʻole ia e mokuhia e nā waikahe; Inā e hāʻawi aku ke kanaka i ka waiwai a pau o kona hale i lilo mai ke aloha, E hoʻowahāwahā loa ʻia ia mau mea.”

KA ʻEUANELIO I KĀKAU ʻIA AI E IOANE 14:15

“Inā e aloha mai ʻoukou iaʻu, e mālama ʻoukou i kaʻu mau kauoha.

KA ʻEUANELIO I KĀKAU ʻIA AI E IOANE 15:10

“Inā e mālama ʻoukou i kaʻu mau kauoha, e noho ʻoukou i loko o kuʻu aloha; e like me aʻu i mālama ai i nā kauoha a koʻu Makua, a e noho i loko o kona aloha.

NĀ ʻOIHANA A KA POʻE LUNAʻŌLELO 10:31

ʻī maila, ‘E Korenelio, ua lohe ʻia kāu pule, ua hoʻomanaʻo ʻia nō hoʻi kāu mau hoʻomanawaleʻa ʻana i mua o ke Akua.

NĀ ʻOIHANA A KA POʻE LUNAʻŌLELO 3:19

No ia mea e mihi ʻoukou, a e huli mai, i pau ko ʻoukou hewa i ka holoi ʻia, i ka hiki ʻana mai o nā manawa hoʻomaha, mai ke alo mai o ka Haku;

ʻO KA ʻEPISETOLE A PAULO KA LUNAʻŌLELO I KO ROMA 12:12

E hauʻoli nō ka manaʻolana; e hoʻomanawanui i ka pōpilikia; e hoʻomau ana ma ka pule.

ʻO KA ʻEPISETOLE A PAULO KA LUNAʻŌLELO I KO ROMA 15:13

Na ke Akua nona mai ka manaʻolana e hoʻopiha iā ʻoukou me ka ʻoliʻoli, a me ka malu i ka manaʻoʻiʻo ʻana, i nui ai hoʻi ko ʻoukou manaʻolana ʻana ma ka mana o ka ʻUhane Hemolele.

ʻO KA ʻEPISETOLE A PAULO KA LUNAʻŌLELO I KO ROMA 15:4

No ka mea, ʻo nā mea a pau i palapala ʻē ʻia ma mua, ua palapala ʻia ia i mea e aʻo mai ai iā kākou, i loaʻa iā kākou ka manaʻolana ma ke ahonui, a me ka hōʻoluʻolu ʻana o ka Palapala Hemolele.

ʻO KA ʻEPISETOLE A PAULO KA LUNAʻŌLELO I KO ROMA 16:26

ʻānō lā, ua hoʻākāka ʻia mai ia e nā Palapala a nā kāula, ma ke kauoha a ke Akua mau, ua hōʻike ʻia mai i nā lāhui kanaka a pau i hoʻolohe ʻia ai ka manaʻoʻiʻo;

ʻO KA ʻEPISETOLE A PAULO KA LUNAʻŌLELO I KO ROMA 16:6

E uē aku ʻoukou iā Maria, nāna i kōkua nui mai iā mākou.

ʻO KA ʻEPISETOLE A PAULO KA LUNAʻŌLELO I KO ROMA 2:7

i ka poʻe e ʻimi ana i ka nani, a me ka mahalo, a me ka make ʻole, ma ka hoʻoikaika mau ʻana i ka hana maikaʻi, i ke ola loa;

ʻO KA ʻEPISETOLE MUA A PAULO KA LUNAʻŌLELO I KO KORINETO 13:13

Ke mau nei kēia mau mea ʻekolu, ʻo ka manaʻoʻiʻo, ʻo ka manaʻolana, a me ke aloha. ʻO ke aloha naʻe kai ʻoi o kēia mau mea.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:58

No ia mea, e nā hoahānau, e kūpaʻa ʻoukou, me ka nāueue ʻole, me ka hoʻomau i kā ʻoukou hana nui ʻana i ka hana a ka Haku; no ka mea, ua ʻike nō ʻoukou, ʻaʻole i makehewa kā ʻoukou hana ʻana ma ka Haku.

ʻO KA ʻEPISETOLE LUA A PAULO KA LUNAʻŌLELO I KO KORINETO 2:17

No ka mea, ʻaʻole mākou e ʻānoninoni i ka ʻōlelo a ke Akua, e like me kekahi poʻe nui; akā, ke ʻōlelo nei mākou i kā Kristo me ka manaʻo pono, ʻoiaʻiʻo, no ke Akua mai, i mua hoʻi o ke Akua.

ʻO KA ʻEPISETOLE A PAULO KA LUNAʻŌLELO I KO GALATIA 1:4

nāna i hāʻawi mai iā ia iho no ko kākou hala, i hoʻopakele aʻe ʻo ia iā kākou i kēia ao ʻino nei, e like me ka makemake o ke Akua, ko kākou Makua;

ʻO KA ʻEPISETOLE A PAULO KA LUNAʻŌLELO I KO GALATIA 5:13

¶ E nā hoahānau, ua hea ʻia ʻoukou ma ka luhi ʻole; mai hoʻolilo naʻe ʻoukou i ua luhi ʻole lā i mea no ke kino; akā, ma ke aloha e mālama aku kekahi i kekahi.

ʻO KA ʻEPISETOLE A PAULO KA LUNAʻŌLELO I KO GALATIA 5:6

No ka mea, i loko o Kristo Iesū, ʻaʻole ke ʻoki poepoe ka mea e pono ai, ʻaʻole hoʻi ke ʻoki poepoe ʻole; akā, ʻo ka manaʻoʻiʻo e hana ana ma ke aloha.

ʻO KA ʻEPISETOLE A PAULO KA LUNAʻŌLELO I KO GALATIA 6:9

Mai hoʻopalaleha kākou i ka hana maikaʻi; no ka mea, i ka wā pono e ʻohi auaneʻi kākou, ke hoʻonāwaliwali ʻole kākou.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 3:6

Akā, i ka hoʻi ʻana mai nei o Timoteo mai o ʻoukou mai i o mākou nei, me ka hōʻike leʻa mai iā mākou i ka pono o ko ʻoukou manaʻoʻiʻo ʻana me ke aloha, a i ko ʻoukou manaʻo maikaʻi mau ʻana mai iā mākou, e ake ana e ʻike iā mākou, e like hoʻi me mākou iā ʻoukou;

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:11

no laila hoʻi mākou i pule mau aku ai no ʻoukou, i manaʻo mai ai ko kākou Akua iā ʻoukou he poʻe pono e hoʻopōmaikaʻi ʻia, a e hoʻokō mai ʻo ia i ke aloha a pau o kona maikaʻi, a me ka hana o ka manaʻoʻiʻo me ka mana;

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:3

¶ E pono nō mākou e hoʻomaikaʻi mau aku i ke Akua no ʻoukou, e nā hoahānau; he mea maikaʻi nō ia, no ka ulu nui ʻana o ko ʻoukou paulele, a ʻo ke aloha o ʻoukou a pau loa, ua māhuahua aʻe ia i kekahi i kekahi.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:14

A ua māhuahua nui maila ke aloha wale mai o ko kākou Haku me ka manaʻoʻiʻo, a me ke aloha aku i loko o Kristo Iesū.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:3

ʻO ka maikaʻi nō ia me ka pono i mua i ke alo o ke Akua ʻo ko kākou Ola;

ʻO KA ʻEPISETOLE A PAULO KA LUNAʻŌLELO I KO HEBERA 10:36

ʻO ke ahonui ko ʻoukou mea e pono ai, i loaʻa mai ai iā ʻoukou ka pono i haʻi mua ʻia mai, ma hope iho o kā ʻoukou hana ʻana i ka makemake o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 11:17

¶ Ma ka manaʻoʻiʻo i kaumaha aku ai ʻo ʻAberahama iā ʻIsaʻaka i kona wā i hoʻāʻo ʻia mai ai; a ʻo ka mea nona ka pono i haʻi mua ʻia mai, ua mōhai akula ʻo ia i kāna keiki hoʻokahi;

ʻO KA ʻEPISETOLE A PAULO KA LUNAʻŌLELO I KO HEBERA 13:21

E hoʻomākaukau mai iā ʻoukou no nā hana maikaʻi a pau e hana aku i kona makemake, e hana mai ana ʻo ia i loko o ʻoukou i ka mea pono i mua o kona maka, ma o Iesū Kristo lā; nona ka hoʻonani mau loa ʻia aku i ke ao pau ʻole. ʻĀmene.

ʻO KA ʻEPISETOLE A PAULO KA LUNAʻŌLELO I KO HEBERA 4:11

No ia mea, e hoʻoikaika nui kākou e komo i loko o ia wahi maha, i ʻole ai e hāʻule kekahi ma muli o ua manaʻoʻiʻo ʻole lā.

ʻO KA ʻEPISETOLE A PAULO KA LUNAʻŌLELO I KO HEBERA 6:15

A kali akula hoʻi ia me ke ahonui, a loaʻa maila iā ia ka pono i haʻi mua ʻia mai.

ʻO KA ʻEPISETOLE HOʻOLAHA MUA A PETERO 3:4

akā, e kāhiko ʻoukou i ke kino ʻike ʻole ʻia o ka naʻau, ma ka mea palahō ʻole, ʻo ka manaʻo akahai a me ka noho mālie; ʻo ia ka waiwai nui i mua o ke Akua.

ʻO KA ʻEPISETOLE HOʻOLAHA MUA A IOANE 3:18

E nā pōkiʻi oʻu, mai aloha kākou ma ka waha, ʻaʻole hoʻi ma ke alelo wale nō; akā, ma ka hana ʻana a me ka ʻoiaʻiʻo.

ʻO KA ʻEPISETOLE HOʻOLAHA MUA A IOANE 3:21

E nā punahele, inā e hoʻohewa ʻole mai ko kākou naʻau iā kākou iho, a laila ua loaʻa iā kākou ka wiwo ʻole i mua o ke Akua.

ʻO KA ʻEPISETOLE HOʻOLAHA MUA A IOANE 3:3

ʻO ka mea i loaʻa iā ia kēia manaʻolana ma ona lā, ʻo ia ke hoʻomaʻemaʻe iā ia iho e like me ko ia ala maʻemaʻe ʻana.

ʻO KA ʻEPISETOLE HOʻOLAHA MUA A IOANE 5:3

No ka mea, eia nō ke aloha o ke Akua, ʻo ka mālama aku i kāna mau kauoha; ʻaʻole hoʻi he mea luhi kāna mau kauoha.

KA HŌʻIKE ʻANA A IOANE KA HAIPULE 2:19

‘Ua ʻike au i kāu hana ʻana, a me kou aloha, a me kou lawelawe ʻana, a me kou manaʻoʻiʻo, a me kou ahonui, a me ka ʻoi ʻana aku o kāu hana hope, ma mua o nā hana mua.

KA HŌʻIKE ʻANA A IOANE KA HAIPULE 3:10

‘No ka mea, ua mālama ʻoe i ka ʻōlelo o koʻu ahonui, naʻu nō hoʻi e mālama aku iā ʻoe i ka hora o ka hoʻowalewale, i kokoke nō e hiki mai ma luna o ko ke ao nei a pau, e hoʻāʻo i ka poʻe e noho lā ma ka honua.