ʻO KA ʻEPISETOLE HOʻOLAHA MUA A PETERO 5:8 - Ka Baibala Hemolele

⁸ E kūoʻo, a e makaʻala; no ka mea, e like me ka liona uō, pēlā nō e holoholo nei ko ʻoukou ʻenemi, ʻo ka diabolō, e ʻimi ana i kāna mea e ale ai.

ʻO KA ʻEPISETOLE HOʻOLAHA MUA A PETERO 5:8 Iomraidhean Croise

KA BUKE NO ʻESETERA 7:6

ʻĪ akula ʻo ʻEsetera, “ʻO ka ʻenemi ka mea i kūʻē mai, ʻo kēia Hamana hewa nō!” A laila, makaʻu ʻo Hamana i mua i ke alo o ke aliʻi, a me ke aliʻi wahine.

KA BUKE NO IOBA 2:2

ʻŌlelo maila ʻo Iēhova iā Sātana, “No hea ʻoe i hele mai nei?” ʻŌlelo akula ʻo Sātana iā Iēhova, ʻī akula, “Mai ka ʻauana ʻana ma ka honua, a mai ka hele ʻana i ʻō i ʻaneʻi ma laila.”

KA BUKE O NĀ HALELŪ 104:21

Uō maila hoʻi nā liona ʻōpiopio i ko lākou wahi, A ʻimi hoʻi i ka ʻai, mai ke Akua mai.

KA BUKE O NĀ HALELŪ 109:6

¶ E hoʻonoho ʻoe i ka mea hewa ma luna ona; A e hoʻokū mai iā Sātana ma kona lima ʻākau.

NĀ ʻŌLELO AKAMAI A SOLOMONA 19:12

He uō ʻana me he liona lā ka huhū o ke aliʻi; E like hoʻi me ka hau ma ka weuweu kona lokomaikaʻi.

NĀ ʻŌLELO AKAMAI A SOLOMONA 20:2

He uō ʻana me he liona lā, ka weliweli i ke aliʻi; ʻO ka mea hoʻonāukiuki iā ia, hōʻeha nō ʻo ia i kona ʻuhane iho.

NĀ ʻŌLELO AKAMAI A SOLOMONA 28:15

ʻO ka liona uō a me ka bea holoholo, ʻO ia ke aliʻi hewa ma luna o nā kānaka ʻilihune.

KA WĀNANA A ʻISAIA 50:8

Ua kokoke mai nō ka mea nāna au e hoʻāpono; ʻO wai hoʻi ka mea hakakā me aʻu? E kū pū aku māua; ʻO wai koʻu hoa paio? E hoʻokokoke mai ʻo ia iaʻu.

KA WĀNANA A IEREMIA 2:15

“Uō maila nā liona hou iā ia, a hoʻonui aku hoʻi i ko lākou leo, A hoʻoneoneo ihola i kona ʻāina. Ua pau i ka wela kona mau kūlanakauhale, ʻaʻohe mea e noho ana.

KA WĀNANA A IEREMIA 51:38

“E uō pū nō lākou e like me nā liona, A e hoʻonui hoʻi i ko lākou leo e like me nā keiki liona.

KA WĀNANA A ʻEZEKIʻELA 19:7

‘ʻIke ihola ia i ko lākou mau hale aliʻi neoneo, Hoʻoneoneo aʻela ia i ko lākou mau kūlanakauhale; A neoneo ka ʻāina a me kona mea i piha ai, No ka halulu o kona uō ʻana.

KA WĀNANA A ʻEZEKIʻELA 22:25

“He ʻōhumu kipi o kona mau kāula i waenakonu ona, e like me ka liona e uō ana, e haehae ana i ka mea pio; ua ʻai lākou i nā ʻuhane, ua lawe lākou i ke kālā, a me nā mea makamae; a ua hoʻonui lākou nona i nā wāhine kāne make i waenakonu ona.

KA BUKE NO DANIʻELA 6:24

A kēnā akula ke aliʻi e alakaʻi mai i ka poʻe nāna i niʻaniʻa wale aku iā Daniʻela, a e hoʻolei iā lākou i loko o ka lua liona, ʻo lākou a me kā lākou mau keiki, a me kā lākou mau wāhine; a lanakila nā liona ma luna o lākou, a ua hakihaki liʻiliʻi loa ʻia ko lākou mau iwi ma mua o ko lākou hiki ʻana i lalo o ka lua.

HOSEA 11:10

Ma muli o Iēhova lākou e hele ai; E uō ana nō ia e like me ka liona; A i ka wā e uō ai ʻo ia, a laila e haʻalulu nā keiki mai ke komohana mai.

HOSEA 13:8

E hālāwai au me lākou me he bea lā i hoʻonele ʻia, A e haehae au i ka wahī o ko lākou naʻau, A e hoʻopau aku au iā lākou ma laila e like me ka liona: A e haehae ka holoholona o ka wao nahele iā lākou.

IOʻELA 3:16

E uō mai ʻo Iēhova mai Ziona mai, A e hoʻopuka mai i kona leo mai Ierusalema mai; A e haʻalulu ka lani a me ka honua; A ʻo Iēhova ka puʻuhonua no kona poʻe kānaka, A me kahi paʻa no nā mamo a ʻIseraʻela.

ʻAMOSA 1:2

A ʻī akula ia, “E uō mai ʻo Iēhova mai Ziona mai, A e hoʻopuka mai i kona leo mai Ierusalema mai; E uē nō nā wahi noho o nā kahu hipa, A e maloʻo ka piko o Karemela.”

ʻAMOSA 3:4

E uō anei ka liona ma ka ulu lāʻau ke loaʻa ʻole iā ia ke pio? E hoʻopuka anei ka liona ʻōpio i kona leo mai kona lua aku, ke loaʻa ʻole iā ia kekahi mea?

ʻAMOSA 3:8

Ua uō mai ka liona, ʻo wai lā ka mea makaʻu ʻole? Ua ʻōlelo mai ʻo Iēhova ka Haku, ʻo wai lā ka mea wānana ʻole?

ZEKARIA 11:3

He leo ʻaoa o nā kahu hipa, No ka mea, ua hoʻopau ʻia ko lākou mea hanohano; He leo o nā liona ʻōpiopio e uō ana; No ka mea, ua hoʻopau ʻia ka nani o Ioredane.

ZEKARIA 3:1

¶ A hōʻike maila ʻo ia iaʻu iā Iosua ke kahuna nui e kū ana i mua o ka ʻānela o Iēhova, a kū maila ʻo Sātana ma kona lima ʻākau, e kūʻē iā ia.

KA ʻEUANELIO I KĀKAU ʻIA AI E MATAIO 13:39

“ʻO ka ʻenemi nāna i lūlū ia mea, ʻo ia ka diabolō; ʻo ka wā e ʻohi ai, ʻo ka hopena ia o kēia ao; a ʻo ka poʻe nāna e ʻokiʻoki, ʻo ka poʻe ʻānela ia.

KA ʻEUANELIO I KĀKAU ʻIA AI E MATAIO 24:42

“No laila, e kiaʻi ʻoukou; no ka mea, ʻaʻole ʻoukou ʻike i ka hora e hiki mai ai ko ʻoukou Haku.

KA ʻEUANELIO I KĀKAU ʻIA AI E MATAIO 25:41

“A laila, e ʻōlelo aʻe ia i ka poʻe ma ka lima hema, ‘E ka poʻe i ʻāhewa ʻia, haele ʻoukou pēlā mai oʻu aku nei i loko o ke ahi mau loa, i hoʻomākaukau ʻia no ka diabolō a me kona poʻe ʻānela.

KA ʻEUANELIO I KĀKAU ʻIA AI E MATAIO 4:1

¶ A laila, alakaʻi ʻia akula ʻo Iesū e ka ʻUhane i ka wao nahele, e hoʻowalewale ʻia aku ai e ka diabolō.

KA ʻEUANELIO I KĀKAU ʻIA AI E MATAIO 4:11

A laila, haʻalele akula ka diabolō iā ia; aia hoʻi, hele maila nā ʻānela, a lawelawe nāna.

KA ʻEUANELIO I KĀKAU ʻIA AI E MAREKO 4:15

“Eia ka poʻe ma kapa alanui, ma kahi i lūlū ʻia ai ka ʻōlelo, a lohe lākou, a laila hele koke mai ʻo Sātana a kāʻili aku i ka ʻōlelo i lūlū ʻia i loko o ko lākou naʻau.

KA ʻEUANELIO I KĀKAU ʻIA AI E LUKA 21:34

¶ “E mālama hoʻi ʻoukou iā ʻoukou iho, o kaumaha auaneʻi ko ʻoukou mau naʻau i ka ʻuhaʻuha ʻana, a me ka ʻona ʻana, a me ka manaʻo ʻana ma kēia ao, o kau mai hoʻi ua lā lā ma luna iho o ʻoukou, me ka manaʻo ʻole ʻia aku.

KA ʻEUANELIO I KĀKAU ʻIA AI E LUKA 21:36

“No laila e kiaʻi ʻoukou me ka pule i kēlā manawa a i kēia manawa, i manaʻo ʻia mai ʻoukou e pono ke pakele ia mau mea a pau e kau mai ana, a e kū hoʻi i mua o ke Keiki a ke Kanaka.”

KA ʻEUANELIO I KĀKAU ʻIA AI E LUKA 22:31

¶ ʻŌlelo maila hoʻi ka Haku, “E Simona, e Simona, ʻeā, ua noi mai ʻo Sātana e loaʻa ʻoukou iā ia e kānana ʻo ia iā ʻoukou e like me ka huapalaoa;

KA ʻEUANELIO I KĀKAU ʻIA AI E IOANE 8:44

“Na ko ʻoukou makua ʻoukou na ka diabolō, a makemake nō ʻoukou e hana i nā kuko o ko ʻoukou makua. He pepehi kanaka ia mai ke kumu mai, ʻaʻole ia i kū ma ka ʻoiaʻiʻo; no ka mea, ʻaʻohe ʻoiaʻiʻo i loko ona. Inā ʻōlelo ʻo ia i ka wahaheʻe, ʻōlelo nō ʻo ia i kāna iho; no ka mea, he wahaheʻe ʻo ia, a ʻo ka makua hoʻi ia no ka wahaheʻe.

ʻO KA ʻEPISETOLE LUA A PAULO KA LUNAʻŌLELO I KO KORINETO 2:11

i puni ʻole kākou iā Sātana; no ka mea, ua ʻike kākou i nā manaʻo ona.

ʻO KA ʻEPISETOLE A PAULO KA LUNAʻŌLELO I KO ʻEPESO 4:27

ʻAʻole hoʻi e hāʻawi aku ʻoukou i kauwahi no ka diabolō.

ʻO KA ʻEPISETOLE A PAULO KA LUNAʻŌLELO I KO ʻEPESO 6:11

E ʻaʻahu iho ʻoukou i ke kāhiko a pau a ke Akua, i hiki iā ʻoukou ke kūpaʻa i mua o nā hana maʻalea a ka diabolō.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:15

Akā hoʻi, e hoʻōla ʻia nō ia ma ka hānau keiki ʻana, ke noho paʻa lākou ma ka manaʻoʻiʻo, a me ke aloha, a me ka hemolele, a me ka manaʻo malu.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:9

Pēlā hoʻi e kāhiko nā wāhine iā lākou iho i ka ʻaʻahu kohu pono, me ka maka hilahila a me ka noho mālie; ʻaʻole me ka lauoho hoʻōniʻoniʻo, a me ke gula, a me nā momi, a me nā kapa komo he nui ke kumu kūʻai;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:11

Pēlā hoʻi kā lākou mau wāhine, e pono e noho kūoʻo, me ke ʻaki ʻole, me ka noho mālie, e hoʻopono ana ma nā mea a pau.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:2

Eia ka pono no ke kahuna pule, he hala ʻole, he kāne na ka wahine hoʻokahi, he kiaʻi iā ia iho, he kūoʻo, he akahai, he hoʻokipa, he akamai hoʻi i ke aʻo aku;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:17

Akā hoʻi, ʻo ka Haku kai kū mai me aʻu; a ua kōkua mai hoʻi iaʻu, i hōʻoiaʻiʻo nui ʻia aku ma oʻu lā ka haʻi ʻana aku o kāna ʻōlelo, i lohe mai nō hoʻi nā lāhui kanaka a pau; a ua hoʻopakele ʻia mai hoʻi au i ka waha o ka liona.

ʻO KA ʻEPISETOLE A PAULO IĀ TITO 1:8

akā, he hoʻokipa, he makemake i ka pono, he kūoʻo, he hoʻopono, he hemolele, me ka hoʻomanawanui;

ʻO KA ʻEPISETOLE A PAULO IĀ TITO 2:12

e aʻo mai ana iā kākou e pale aku i ka haihaiā, a me nā kuko hewa o kēia ao, a e noho kākou ma ka ʻuhaʻuha ʻole, a ma ka pono, a ma ka haipule i loko o ke ao nei;

ʻO KA ʻEPISETOLE A PAULO IĀ TITO 2:2

I makaʻala nā kānaka kahiko, i hanohano, i kūoʻo, i kūpono i ka manaʻoʻiʻo, a me ke aloha, a me ke ahonui.

ʻO KA ʻEPISETOLE A PAULO IĀ TITO 2:4

i aʻo aku lākou i nā wāhine hou e noho naʻauao, e aloha aku i kā lākou mau kāne, a me kā lākou mau keiki,

ʻO KA ʻEPISETOLE A PAULO IĀ TITO 2:6

A hoʻoikaika aku hoʻi ʻoe i nā kānaka hou e hoʻonaʻau pono.

ʻO KA ʻEPISETOLE HOʻOLAHA A IAKOBO 4:7

No laila, e hoʻolohe ʻoukou i ke Akua; e pale aku hoʻi i ka diabolō, a laila e holo aku ia mai o ʻoukou aku.

ʻO KA ʻEPISETOLE HOʻOLAHA MUA A PETERO 1:13

¶ No ia mea, e kāʻei ʻoukou i ka pūhaka o ko ʻoukou naʻau, e kūoʻo, a e hoʻomau i ka lana ʻana o ka manaʻo, no ke aloha ʻia mai i ka wā e hōʻikea mai ai ʻo Iesū Kristo.

ʻO KA ʻEPISETOLE HOʻOLAHA MUA A PETERO 4:7

¶ Ua kokoke mai nō ka hopena o nā mea a pau; no laila, e kūoʻo ʻoukou, a e kiaʻi ma ka pule.

KA HŌʻIKE ʻANA A IOANE KA HAIPULE 12:10

A lohe akula au i ka leo nui ma ka lani, ʻī aʻela, “Ua hiki maila ke ola, a me ka mana, a me ke aupuni o ko kākou Akua, a me ka mana o kona Kristo; no ka mea, ua kipaku ʻia akula ka mea hōʻino i ko kākou poʻe hoahānau, ka mea nāna lākou i hōʻino i ka pō a me ke ao, i mua o ke Akua.

KA HŌʻIKE ʻANA A IOANE KA HAIPULE 12:12

“No laila, e ʻoliʻoli ʻoukou, e nā lani, a me ka poʻe e noho lā ma laila. Auē hoʻi i ka poʻe e noho lā ma ka honua a ma ka moana! No ka mea, ua iho mai ʻo ka diabolō iā ʻoukou me ka inaina nui; no ka mea, ua ʻike ʻo ia, he pōkole kona wā.”

KA HŌʻIKE ʻANA A IOANE KA HAIPULE 12:9

Kipaku ʻia akula ua deragona nui nei, ʻo ia hoʻi ka moʻo kahiko i kapa ʻia ʻo ka diabolō, a ʻo Sātana, nāna nō i hoʻowalewale mai i ko ke ao nei a pau. Kiola ʻia maila ʻo ia i ka honua, a kiola pū ʻia maila kona poʻe ʻānela.

KA HŌʻIKE ʻANA A IOANE KA HAIPULE 20:10

Kiola ʻia akula ʻo ka diabolō, nāna lākou i hoʻowalewale, i ka loko o ke ahi a me ka luaʻi pele, kahi o ka holoholona a me ke kāula wahaheʻe, a e hoʻomāinoino mau ʻia lākou i ke ao a me ka pō, ia ao aku ia ao aku.

KA HŌʻIKE ʻANA A IOANE KA HAIPULE 20:2

A lālau akula ia i ka deragona, kēlā moʻo kahiko, ʻo ia hoʻi ʻo ka diabolō, a ʻo Sātana hoʻi, a nakinaki ihola iā ia a paʻa i nā makahiki hoʻokahi tausani;

KA BUKE NO NĀ LUNA KĀNĀWAI 14:5

¶ A laila, iho akula ʻo Samesona, a me kona makua kāne a me kona makuahine i Timenata, a hiki i nā pā waina o Timenata; uō maila kekahi liona ʻōpiopio, i kona hālāwai ʻana me ia.