ʻO KA ʻEPISETOLE HOʻOLAHA MUA A PETERO 5:6 - Ka Baibala Hemolele

⁶ ¶ No laila, e hoʻohaʻahaʻa ʻoukou iā ʻoukou iho ma lalo iho o ka lima mana o ke Akua, i hoʻokiʻekiʻe aʻe ʻo ia iā ʻoukou i ka wā pono.

ʻO KA ʻEPISETOLE HOʻOLAHA MUA A PETERO 5:6 Iomraidhean Croise

KA BUKE MUA NO NĀ ALIʻI 21:29

“Ke ʻike nei anei ʻoe i ko ʻAhaba hoʻohaʻahaʻa ʻana iā ia iho i mua oʻu? No kona hoʻohaʻahaʻa ʻana iā ia iho i mua oʻu, ʻaʻole au e lawe mai i ka pōʻino, i kona mau lā; akā, i nā lā o kāna keiki e hoʻīli ai au i ka pōʻino ma luna o kāna ʻohana.”

KA BUKE ʻALUA NO NĀ ALIʻI 22:19

no ka mea, ua akahai kou naʻau, a ua hoʻohaʻahaʻa ʻoe iā ʻoe iho i mua o Iēhova i ka wā i lohe ai ʻoe i ka mea aʻu i ʻōlelo ai no kēia wahi, a me kona poʻe kānaka, i lilo ai lākou i mea kāhāhā ʻia, a i mea hōʻino ʻia, a ua haehae ʻoe i kou ʻaʻahu, a ua auē ʻoe i mua oʻu; ʻo wau hoʻi kai hoʻolohe,” wahi a Iēhova.

KA BUKE ʻALUA O KA ʻOIHANA ALIʻI 12:12

A i kona hoʻohaʻahaʻa ʻana iā ia iho, huli aʻela ka huhū o Iēhova mai ona aku lā, ʻaʻole i pepehi iā ia a make; a ma ka ʻāina ʻo Iuda, ua maikaʻi nō nā mea ma laila.

KA BUKE ʻALUA O KA ʻOIHANA ALIʻI 30:11

Akā, ʻo kekahi poʻe no ʻAsera, a me Manase, a no Zebuluna, hoʻohaʻahaʻa lākou iā lākou iho, a hele mai i Ierusalema.

KA BUKE ʻALUA O KA ʻOIHANA ALIʻI 32:26

Akā, hoʻohaʻahaʻa ʻo Hezekia iā ia iho no ke kiʻekiʻe o kona naʻau, ʻo ia a me ko Ierusalema, no ia mea, ʻaʻole i hiki mai ka huhū o Iēhova ma luna o lākou i nā lā o Hezekia.

KA BUKE ʻALUA O KA ʻOIHANA ALIʻI 33:12

A i kona pōpilikia, noi aku ʻo ia iā Iēhova i kona Akua, a hoʻohaʻahaʻa nui iā ia iho i mua i ke alo o ke Akua o kona poʻe kūpuna.

KA BUKE ʻALUA O KA ʻOIHANA ALIʻI 33:19

ʻO kāna pule a me ko ke Akua maliu ʻana mai iā ia, a me kona hewa a pau, a me kona lawehala, a me nā wahi, kahi āna i kūkulu ai i mau wahi kiʻekiʻe, a me nā kiʻi no ʻAsetarota, a me nā kiʻi ʻē aʻe āna i hana ai ma mua o kona hoʻohaʻahaʻa ʻia ʻana; aia hoʻi ua kākau ʻia ia mau mea ma nā ʻōlelo a ka poʻe kāula.

KA BUKE ʻALUA O KA ʻOIHANA ALIʻI 33:23

ʻAʻole hoʻi i hoʻohaʻahaʻa ia iā ia iho i mua o Iēhova e like me ka hoʻohaʻahaʻa ʻana o Manase ʻo kona makua kāne. Akā, ʻo ua ʻAmona nei, māhuahua mau nō kona lawehala ʻana.

KA BUKE ʻALUA O KA ʻOIHANA ALIʻI 36:12

A hana ʻino ia i mua o Iēhova kona Akua, ʻaʻole ia i hoʻohaʻahaʻa iā ia iho i mua o Ieremia ke kāula i kāna ʻōlelo ʻana, mai ka waha o Iēhova mai.

KA BUKE NO IOBA 36:22

“Aia hoʻi, ʻo ke Akua ke hoʻokiʻekiʻe ma kona mana, ʻO wai ke aʻo aku e like me ia?

KA BUKE O NĀ HALELŪ 75:10

ʻO nā pepeiaohao a pau o ka poʻe hewa kaʻu e ʻoki aku ai; Akā, e hoʻokiʻekiʻe ʻia aʻe nā pepeiaohao o ka mea pono.

KA BUKE O NĀ HALELŪ 89:13

He lima nō kou i lako i ka ikaika; Ua ikaika nō kou lima, ua kiʻekiʻe hoʻi kou lima ʻākau.

KA BUKE ʻALUA A MOSE, I KAPA ʻIA PUKA ʻANA 10:3

Hele akula ʻo Mose lāua ʻo ʻAʻarona i loko i o Paraʻo lā, ʻī akula iā ia, “Ke ʻī mai nei ʻo Iēhova, ke Akua o nā Hebera, penei, ‘Pehea lā ka lōʻihi o kou hoʻohaʻahaʻa ʻole ʻana iā ʻoe iho i mua oʻu? E hoʻokuʻu mai ʻoe i koʻu poʻe kānaka, i hoʻokauā mai lākou naʻu.

KA BUKE ʻALUA A MOSE, I KAPA ʻIA PUKA ʻANA 3:19

“Ua ʻike nō naʻe au, ʻaʻole e hoʻokuʻu mai ke aliʻi o ʻAigupita iā ʻoukou, ʻaʻole nō ma ka lima ikaika.

KA BUKE ʻALUA A MOSE, I KAPA ʻIA PUKA ʻANA 32:11

Nonoi akula ʻo Mose ma ke alo o Iēhova, ʻo kona Akua, ʻī akula, “E Iēhova, no ke aha lā i wela ai kou huhū i kou poʻe kānaka āu i lawe mai ai, mai ka ʻāina ʻo ʻAigupita mai, me ka mana nui, a me ka lima ikaika?

NĀ ʻŌLELO AKAMAI A SOLOMONA 29:23

ʻO ka haʻaheo o ke kanaka, ʻo ia ka mea nāna ia e hoʻohaʻahaʻa iho; E pili hoʻi ka hanohano i ka mea haʻahaʻa ka naʻau.

KA WĀNANA A ʻISAIA 2:11

E kūlou auaneʻi nā maka kiʻekiʻe o kānaka, A e hoʻohaʻahaʻa ʻia ko kānaka lana haʻakei, ʻO Iēhova wale nō ke hoʻokiʻekiʻe ʻia i kēlā lā.

KA WĀNANA A ʻISAIA 40:4

“E hoʻopiha ʻia ana nā awāwa a pau, A e hoʻohaʻahaʻa ʻia ana nā mauna a pau, a me nā puʻu; E lilo nō ka mea kekeʻe i pololei, A me kahi puʻupuʻu i laumania.

KA WĀNANA A ʻISAIA 57:15

No ka mea, penei ka ʻōlelo ʻana mai a ka Mea i hāpai ʻia, Ka Mea i hoʻokiʻekiʻe hoʻi, e noho ana ma ke ao pau ʻole, ʻO Hemolele kona inoa; “E noho nō au ma kahi kiʻekiʻe, a hemolele hoʻi, Me ka mea hoʻi i mihi, a haʻahaʻa hoʻi ka ʻuhane, E hoʻomaha i ka ʻuhane o ka mea haʻahaʻa, A e hoʻomaha hoʻi i ka naʻau o ka poʻe mihi.

KA WĀNANA A IEREMIA 13:18

E ʻī aku i ke aliʻi kāne a i ke aliʻi wahine, “E hoʻohaʻahaʻa iā ʻolua iho, E noho i lalo; No ka mea, e hoʻohaʻahaʻa ʻia nō ko ʻolua mau poʻokela, a me ka lei aliʻi o ko ʻolua nani.”

KA WĀNANA A IEREMIA 44:10

‘ʻAʻole naʻe lākou i mihi, a hiki i kēia lā, ʻaʻole hoʻi i makaʻu, ʻaʻole hoʻi i hele ma koʻu kānāwai, ʻaʻole hoʻi ma kaʻu mau kauoha, aʻu i kau ai i mua o ʻoukou, a i mua hoʻi o ko ʻoukou mau mākua.”’

KA WĀNANA A ʻEZEKIʻELA 17:21

“A e pau kona poʻe ʻauheʻe me ka pūʻali ona i ka hāʻule i ka pahi kaua, a ʻo ka poʻe koe, e hele liʻiliʻi lākou i kēlā makani kēia makani; a e ʻike ʻoukou naʻu na Iēhova i ʻōlelo aku.”

KA WĀNANA A ʻEZEKIʻELA 21:6

“No laila e auē ʻoe, e ke keiki a ke kanaka, me ka haʻi ʻana o kou pūhaka, a me ke kaumaha loa e auē ai i mua o ko lākou mau maka.

KA BUKE NO DANIʻELA 5:22

“A ʻo ʻoe, e Belehazara kāna keiki ē, ua ʻike nō ʻoe i kēia mea a pau, ʻaʻole naʻe ʻoe i hoʻohaʻahaʻa i kou naʻau iho;

KA BUKE ʻAKOLU A MOSE, I KAPA ʻIA ʻOIHANA KAHUNA 26:41

a hele kūʻē hoʻi au iā lākou, a ua lawe aʻe hoʻi iā lākou ma ka ʻāina o ko lākou poʻe ʻenemi; inā hoʻi e hoʻohaʻahaʻa ʻia ko lākou mau naʻau ʻokipoepoe ʻole ʻia, a i laila e ʻae ai lākou i ka hoʻopaʻi ʻana i ko lākou hewa;

MIKA 6:8

Ua hōʻike mai nō ia iā ʻoe, e ke kanaka, i ka mea maikaʻi; A he aha ka mea a ke Akua i kauoha mai ai iā ʻoe, Ke ʻole e hana i ka pono, a e aloha i ka lokomaikaʻi, A e hoʻohaʻahaʻa i ka hele ʻana me ke Akua?

KA ʻEUANELIO I KĀKAU ʻIA AI E MATAIO 23:12

“ʻO ka mea hoʻokiʻekiʻe aʻe iā ia iho, e hoʻohaʻahaʻa ʻia iho nō ia; a ʻo ka mea hoʻohaʻahaʻa iā ia iho, e hoʻokiʻekiʻe ʻia aʻe ʻo ia.

KA ʻEUANELIO I KĀKAU ʻIA AI E LUKA 1:52

“Ua kiola ihola ʻo ia i nā aliʻi i lalo mai luna mai o ko lākou mau noho aliʻi; A ua hoʻokiʻekiʻe aʻe hoʻi ʻo ia i ka poʻe haʻahaʻa.

KA ʻEUANELIO I KĀKAU ʻIA AI E LUKA 14:11

“No ka mea, ʻo ka mea i hoʻokiʻekiʻe aʻe iā ia iho, ʻo ia ke hoʻohaʻahaʻa ʻia; a ʻo ka mea i hoʻohaʻahaʻa iā ia iho, ʻo ia ke hoʻokiʻekiʻe ʻia aʻe.”

KA ʻEUANELIO I KĀKAU ʻIA AI E LUKA 18:14

“Ke haʻi aku nei au iā ʻoukou, ʻo ia ka mea i iho i kona hale me ka hoʻāpono ʻia, ʻaʻole kēlā; no ka mea, ʻo ka mea i hoʻokiʻekiʻe aʻe iā ia iho, ʻo ia ke hoʻohaʻahaʻa ʻia; a ʻo ka mea i hoʻohaʻahaʻa iā ia iho, ʻo ia ke hoʻokiʻekiʻe ʻia aʻe.”

ʻO KA ʻEPISETOLE A PAULO KA LUNAʻŌLELO I KO ROMA 5:6

No ka mea, a iā kākou i nāwaliwali ai, a i ka wā pono, make ihola ʻo Kristo no ka poʻe pono ʻole.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:22

E hoʻolili anei kākou i ka Haku? Ua ʻoi aku anei ko kākou ikaika i kona?

KA BUKE ʻALIMA A MOSE, I KAPA ʻIA KĀNĀWAI LUA 32:35

‘Iaʻu nō kā hoʻopaʻi aku, a me ka hoʻouku; E hoʻopaheʻe auaneʻi ko lākou wāwae; No ka mea, ua kokoke mai ka lā e pōʻino ai lākou, Ua lalelale mai nā mea e hiki mai ana ma luna o lākou.’

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:6

ka Mea i hāʻawi iā ia iho i kalahala no nā mea a pau, e hōʻike ʻia hoʻi i ka manawa pono.

ʻO KA ʻEPISETOLE A PAULO IĀ TITO 1:3

a i kona manawa pono hoʻi, ua hōʻike i kāna ʻōlelo, ma ka haʻiʻōlelo ʻana, i kauoha ʻia mai iaʻu ma ke kauoha a ko kākou Ola a ke Akua.

ʻO KA ʻEPISETOLE HOʻOLAHA A IAKOBO 4:10

E hoʻohaʻahaʻa ʻoukou iā ʻoukou iho i mua o ka Haku, a nāna ʻoukou e hoʻokiʻekiʻe aʻe.

ʻO KA ʻEPISETOLE HOʻOLAHA A IAKOBO 4:7

No laila, e hoʻolohe ʻoukou i ke Akua; e pale aku hoʻi i ka diabolō, a laila e holo aku ia mai o ʻoukou aku.

ʻO KA ʻEPISETOLE HOʻOLAHA A IAKOBO 5:10

E nā hoahānau oʻu, e hoʻomanaʻo ʻoukou i ka poʻe kāula i ʻōlelo mai ai ma ka inoa o ka Haku, iā lākou nō ka hoʻomāʻewaʻewa ʻia, a me ke ahonui.