ʻO KA ʻEPISETOLE HOʻOLAHA MUA A PETERO 5:5 - Ka Baibala Hemolele

⁵ ʻO ʻoukou, e ka poʻe ʻōpiopio, e noho pono ʻoukou ma lalo o nā lunakahiko. ʻO ʻoukou hoʻi a pau, e noho pono ʻoukou, kekahi ma lalo iho o kekahi, a e hoʻouhi ʻia ʻoukou i ka manaʻo hoʻohaʻahaʻa; no ka mea, «ua kūʻē ke Akua i ka poʻe hoʻokiʻekiʻe; akā, ke lokomaikaʻi nei ʻo ia» i ka poʻe hoʻohaʻahaʻa.

ʻO KA ʻEPISETOLE HOʻOLAHA MUA A PETERO 5:5 Iomraidhean Croise

KA BUKE ʻALUA O KA ʻOIHANA ALIʻI 6:41

“E kū ʻoe, ʻānō, e Iēhova ke Akua, i loko o kou wahi e maha ai, ʻo ʻoe a me ka pahu o kou mana. ʻO kou poʻe kāhuna, e Iēhova ke Akua, e hōʻaʻahu ʻia lākou i ke ola, a ʻo kou poʻe haipule, e ʻoliʻoli lākou i ka maikaʻi.

KA BUKE NO IOBA 22:29

“A e hoʻohaʻahaʻa ʻia lākou, a laila e ʻōlelo ʻoe, ‘He kiʻekiʻe!’ A e hoʻōla mai nō ia i ka mea i kūlou nā maka.

KA BUKE NO IOBA 29:14

“ʻAʻahu iho nō au i ka pono, a ua uhi mai ia iaʻu; E like me ka ʻaʻahu a me ke kāʻei poʻo, pēlā kuʻu ʻōlelo hoʻopono.

KA BUKE O NĀ HALELŪ 132:16

“E kāhiko nō wau i kona poʻe kāhuna i ka hoʻōla, A e hauʻoli loa hoʻi kona poʻe haipule.

KA BUKE O NĀ HALELŪ 132:9

A kāhiko ʻia kou poʻe kāhuna i ka pono. A e hauʻoli hoʻi kāu poʻe haipule.

KA BUKE O NĀ HALELŪ 138:6

Ua kiʻekiʻe loa ʻo Iēhova, ua nānā mai nei i ka poʻe haʻahaʻa; Akā, ua ʻike nō ʻo ia i ka poʻe hoʻokiʻekiʻe ma kahi lōʻihi.

NĀ ʻŌLELO AKAMAI A SOLOMONA 25:7

No ka mea, he maikaʻi ke ʻōlelo ʻia mai iā ʻoe, “E piʻi mai ʻoe i ʻaneʻi,” Ma mua o kou hoʻohaʻahaʻa ʻia mai i mua o ke aliʻi, Ka mea a kou mau maka i nānā aku ai.

NĀ ʻŌLELO AKAMAI A SOLOMONA 3:34

E hoʻowahāwahā mai ʻo ia i ka poʻe hoʻowahāwahā; E hāʻawi mai ʻo ia i ka lokomaikaʻi i ka poʻe i haʻahaʻa ka naʻau.

KA WĀNANA A ʻISAIA 57:15

No ka mea, penei ka ʻōlelo ʻana mai a ka Mea i hāpai ʻia, Ka Mea i hoʻokiʻekiʻe hoʻi, e noho ana ma ke ao pau ʻole, ʻO Hemolele kona inoa; “E noho nō au ma kahi kiʻekiʻe, a hemolele hoʻi, Me ka mea hoʻi i mihi, a haʻahaʻa hoʻi ka ʻuhane, E hoʻomaha i ka ʻuhane o ka mea haʻahaʻa, A e hoʻomaha hoʻi i ka naʻau o ka poʻe mihi.

KA WĀNANA A ʻISAIA 61:10

¶ E ʻoliʻoli nui au iā Iēhova, E hauʻoli nō koʻu ʻuhane ma koʻu Akua; No ka mea, ua hōʻaʻahu mai ʻo ia iaʻu i nā ʻaʻahu o ke ola, Ua uhi mai ʻo ia iaʻu i ka holokū o ka pono, E like me ka hoʻonani ʻana o ke kāne mare iā ia iho i nā kāhiko, E like hoʻi me ka wahine mare i kāhiko ʻia i kona mea gula.

KA WĀNANA A ʻISAIA 66:2

“No ka mea, na koʻu lima nō i hana ia mau mea a pau, A eia nō hoʻi lākou a pau e noho lā,” wahi a Iēhova; “Akā, e nānā aku au i kēia, i ka mea i haʻahaʻa, a mihi hoʻi ma ka naʻau, A haʻalulu i kaʻu ʻōlelo.

KA WĀNANA A ʻEZEKIʻELA 26:16

‘A laila, e iho iho nā aliʻi a pau o ke kai mai luna mai o ko lākou mau noho aliʻi, a e waiho aʻe i ko lākou ʻaʻahu aliʻi, a e wehe aʻe i ko lākou mau kapa ʻōniʻoniʻo; e ʻaʻahu lākou i ka haʻalulu, e noho iho lākou ma ka honua, a e weliweli i kēlā minute, kēia minute, a e pilihua iā ʻoe.

KA BUKE NO DANIʻELA 11:12

“A i kona lawe ʻana i ua poʻe nui lā, e hoʻokiʻekiʻe ʻia kona naʻau; a e hoʻohiolo iho ʻo ia i nā tausani he nui; ʻaʻole naʻe ia e lilo i mea ikaika ma laila.

KA BUKE ʻAKOLU A MOSE, I KAPA ʻIA ʻOIHANA KAHUNA 19:32

¶ ‘Ma ke alo o ke poʻo hina, e kū aʻe ai ʻoe i luna, a e mahalo aku i ke alo o ka ʻelemakule, a e weliweli i kou Akua; ʻo wau nō Iēhova.

KA ʻEUANELIO I KĀKAU ʻIA AI E LUKA 22:26

“Akā, mai mea ʻoukou pēlā; ʻo ke poʻokela naʻe i waena o ʻoukou, e like ia me ka mea ʻuʻuku; a ʻo ka luna, e like ia me ka mea lawelawe.

ʻO KA ʻEPISETOLE A PAULO KA LUNAʻŌLELO I KO ROMA 12:10

E launa aku hoʻi kekahi i kekahi, ma ke aloha hoahānau; e hoʻopakela aku kekahi i kekahi ma ka hoʻomaikaʻi ʻana.

ʻO KA ʻEPISETOLE A PAULO KA LUNAʻŌLELO I KO ROMA 13:14

Akā, e ʻaʻahu ʻoukou i ka Haku iā Iesū Kristo, ʻaʻole e hoʻomākaukau no ke kino ma muli o kona mau kuko.

ʻO KA ʻEPISETOLE A PAULO KA LUNAʻŌLELO I KO ʻEPESO 5:21

e mālama ana i kekahi i kekahi me ka makaʻu i ke Akua.

ʻO KA ʻEPISETOLE A PAULO KA LUNAʻŌLELO I KO PILIPI 2:3

Mai hana ʻoukou i kekahi mea me ka hakakā a me ka hoʻokiʻekiʻe wale; akā, me ka naʻau akahai e hōʻoi aku i ka manaʻo maikaʻi iā haʻi, ʻaʻole iā ʻoukou iho.

ʻO KA ʻEPISETOLE A PAULO KA LUNAʻŌLELO I KO KOLOSA 3:12

¶ No laila hoʻi, me he poʻe i wae ʻia lā e ke Akua, i hoʻolaʻa ʻia, a i aloha ʻia hoʻi, e hoʻokomo ʻoukou i ka naʻau menemene, a i ka lokomaikaʻi, a i ka manaʻo haʻahaʻa, a i ke akahai, a me ke ahonui;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:1

¶ Mai pāpā ikaika i ke kanaka kahiko; akā, e aʻo pono aku iā ia, me he makua kāne lā; a i ka poʻe uʻi hoʻi me he mau hoahānau lā;

ʻO KA ʻEPISETOLE A PAULO KA LUNAʻŌLELO I KO HEBERA 13:17

Hoʻolohe i kā ʻoukou mau kumu, a e noho ma muli o lākou; no ka mea, ua kiaʻi lākou i ko ʻoukou mau ʻuhane, me he poʻe e hōʻike ana lā, i hōʻike lākou me ka ʻoliʻoli, ʻaʻole me ke kaumaha; no ka mea, he pono ʻole ia iā ʻoukou.

ʻO KA ʻEPISETOLE HOʻOLAHA A IAKOBO 4:6

Hāʻawi maila ia i ka lokomaikaʻi māhuahua aʻe; no ia hoʻi, ʻī maila ia, “«Kūʻē akula ke Akua i ka poʻe haʻaheo, a hāʻawi maila hoʻi i ka lokomaikaʻi i ka poʻe hoʻohaʻahaʻa».”

ʻO KA ʻEPISETOLE HOʻOLAHA MUA A PETERO 3:8

¶ Eia hoʻi ka hope, e lōkahi ko ʻoukou manaʻo a pau, e lokomaikaʻi kekahi i kekahi; he poʻe aloha hoahānau, e menemene hoʻi, a e akahai.

ʻO KA ʻEPISETOLE HOʻOLAHA MUA A PETERO 4:1

¶ Ua ʻeha ʻo Iesū ma ke kino no kākou; no laila, e hoʻomākaukau nō ʻoukou i manaʻo like; no ka mea, inā e ʻeha kekahi ma ke kino, ua hoʻokaʻawale ʻia ʻo ia i ka hewa;

ʻO KA ʻEPISETOLE HOʻOLAHA MUA A PETERO 4:5

E hōʻike auaneʻi lākou iā lākou iho, i ka Mea i mākaukau e hoʻokolokolo mai i ka poʻe ola a me ka poʻe make.