ʻO KA ʻEPISETOLE HOʻOLAHA MUA A PETERO 4:14 - Ka Baibala Hemolele

¹⁴ Pōmaikaʻi ʻoukou, ke hōʻino ʻia ʻoukou no ka inoa o Kristo; no ka mea, ua kau mai ka ʻUhane nani o ke Akua ma luna o ʻoukou; ma o lākou lā, ua kūamuamu ʻia ʻo ia; akā, ma o ʻoukou nei, ua hoʻonani ʻia ʻo ia.

ʻO KA ʻEPISETOLE HOʻOLAHA MUA A PETERO 4:14 Iomraidhean Croise

KA BUKE MUA NO NĀ ALIʻI 10:8

“Pōmaikaʻi kou poʻe kānaka, pōmaikaʻi kāu poʻe kauā, ka poʻe e kū mau ana ma kou alo, e hoʻolohe ana i kou akamai.

KA BUKE ʻALUA NO NĀ ALIʻI 2:15

¶ A ʻo nā haumāna a ka poʻe kāula ma Ieriko, i kū maila, ʻike akula lākou iā ia, ʻī aʻela, “Ua kau mai ka ʻuhane o ʻElia ma luna o ʻElisai.” A hele akula lākou e hālāwai me ia, a kūlou ihola lākou ma ka honua i mua ona.

KA BUKE O NĀ HALELŪ 146:5

Pōmaikaʻi ka mea, iā ia ke Akua o Iakoba, i kōkua nona, Ka mea hoʻi i hoʻolana ma Iēhova, kona Akua;

KA BUKE O NĀ HALELŪ 49:9

I ola mau loa ʻo ia, a i ʻole hoʻi e ʻike i ka palahō.

KA BUKE O NĀ HALELŪ 89:51

No ka mea, ua hōʻino wale mai kou poʻe ʻenemi, e Iēhova, Ua hōʻino wale mai hoʻi i nā kapuaʻi o kou mea i poni ʻia.

KA WĀNANA A ʻISAIA 11:2

Ma luna ona e kau ai ka ʻUhane o Iēhova, Ka ʻuhane akamai, a me ka ʻike, Ka ʻuhane kākāʻōlelo, me ka mana, Ka ʻuhane e ʻike ai, a e makaʻu ai hoʻi iā Iēhova.

KA WĀNANA A ʻISAIA 25:8

E hoʻopau nō hoʻi ʻo ia i ka make no ka manawa pau ʻole; A na ka Haku ʻo Iēhova, e holoi i ka waimaka, Mai nā maka a pau aku; E lawe aku nō hoʻi ia i ka hilahila o kona poʻe kānaka, Mai ka honua a pau aku; No ka mea, ʻo Iēhova kai ʻōlelo mai.

KA WĀNANA A ʻISAIA 51:7

“E hoʻolohe mai ʻoukou iaʻu, e ka poʻe ʻike i ka pono, E nā kānaka hoʻi i loaʻa koʻu kānāwai ma ko lākou naʻau; Mai makaʻu ʻoukou i ka hoʻowahāwahā o kānaka, Mai weliweli hoʻi i kā lākou ʻōlelo hōʻino ʻana.

KA ʻEUANELIO I KĀKAU ʻIA AI E MATAIO 5:11

“E pōmaikaʻi ana nō ʻoukou, ke hōʻino mai kānaka iā ʻoukou, ke hoʻomaʻau mai nō hoʻi; a noʻu nei, e ʻōlelo wahaheʻe mai ai iā ʻoukou i nā mea ʻino a pau.

KA ʻEUANELIO I KĀKAU ʻIA AI E MATAIO 5:16

“Pēlā ʻoukou e hoʻākāka aku ai i ko ʻoukou mālamalama i mua o nā kānaka, i ʻike mai ai lākou i kā ʻoukou hana maikaʻi ʻana, a i hoʻonani aku hoʻi lākou i ko ʻoukou Makua i ka lani.

KA ʻEUANELIO I KĀKAU ʻIA AI E LUKA 6:22

“E pōmaikaʻi ana ʻoukou i ka wā e inaina mai ai nā kānaka iā ʻoukou, a e hoʻokaʻawale ai hoʻi iā ʻoukou, a e hōʻino ai hoʻi, a e kiola aku ai hoʻi i ko ʻoukou mau inoa me he mea ʻino lā, no ke Keiki a ke Kanaka.

KA ʻEUANELIO I KĀKAU ʻIA AI E IOANE 15:21

“E hana mai nō lākou ia mau mea iā ʻoukou no koʻu inoa, no ko lākou ʻike ʻole i ka Mea nāna au i hoʻouna mai.

KA ʻEUANELIO I KĀKAU ʻIA AI E IOANE 8:48

¶ ʻŌlelo akula nā Iudaio, ʻī akula iā ia, “ʻAʻole anei he pono ke ʻōlelo mākou, ʻo kā Samaria ʻoe, he daimonio hoʻi kou?”

KA ʻEUANELIO I KĀKAU ʻIA AI E IOANE 9:28

Henehene akula lākou iā ia, ʻī akula, “ʻO ʻoe nō kāna haumāna; akā, he poʻe haumāna mākou na Mose.

KA ʻEUANELIO I KĀKAU ʻIA AI E IOANE 9:34

ʻŌlelo akula lākou, ʻī akula iā ia, “Ua hānau ʻokoʻa ʻoe i loko o nā hewa, a ke aʻo mai nei anei ʻoe iā mākou?” A kipaku akula lākou iā ia ma waho.

NĀ ʻOIHANA A KA POʻE LUNAʻŌLELO 13:45

A ʻike akula ka poʻe Iudaio i ka nui o kānaka, piha loa lākou i ka pāonioni, hoʻopohala akula i nā mea a Paulo i ʻōlelo ai, hoʻopaʻapaʻa a ʻōlelo hōʻino akula.

NĀ ʻOIHANA A KA POʻE LUNAʻŌLELO 18:6

Kūʻēʻē akula lākou, ʻōlelo hōʻino maila, a laila lūlū ihola ia i kona kīhei, ʻī maila iā lākou, “Aia ma luna o ko ʻoukou poʻo iho ko ʻoukou koko; ua maʻemaʻe au; ma kēia hope aku e hele au i ko nā ʻāina ʻē.”

NĀ ʻOIHANA A KA POʻE LUNAʻŌLELO 28:22

“Ke makemake nei nō hoʻi mākou e hoʻolohe iā ʻoe i kou manaʻo; no ka mea, ua ʻike nō mākou i kēia ʻaoʻao, ua ʻōlelo kūʻē ʻia i nā wahi a pau.”

NĀ ʻOIHANA A KA POʻE LUNAʻŌLELO 5:41

Hele akula lākou, mai ke alo aku o ka ʻAha Luna Kānāwai me ka ʻoliʻoli; no ka mea, ua manaʻo ʻia he pono ke hōʻino ʻia mai lākou no kona inoa.

ʻO KA ʻEPISETOLE LUA A PAULO KA LUNAʻŌLELO I KO KORINETO 12:10

No laila, he ʻoluʻolu koʻu i ka nāwaliwali, a me ka hōʻino ʻia, a me ka pōʻino, a me ka hoʻomaʻau ʻia, a me ka pilikia no Kristo; no ka mea, i kuʻu nāwaliwali ʻana, a laila ua ikaika au.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:10

E lawe mau ana mākou ma ke kino i ka make ʻana o ka Haku ʻo Iesū, i hōʻike ʻia hoʻi ke ola ʻana o Iesū ma ko mākou kino.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:16

¶ No ia mea, ʻaʻole o mākou manakā; akā, inā paha ua nāwaliwali iho ko mākou kino ma waho, ua hoʻoikaika mau ʻia nō naʻe ko loko, i kēlā lā i kēia lā.

ʻO KA ʻEPISETOLE A PAULO KA LUNAʻŌLELO I KO GALATIA 1:24

A hoʻonani akula lākou i ke Akua noʻu.

ʻO KA ʻEPISETOLE A PAULO KA LUNAʻŌLELO I KO HEBERA 11:26

e manaʻo ana hoʻi i ka hōʻino ʻana a Kristo i hōʻino ʻia ai he waiwai ia e ʻoi aku ana ma mua o ko ʻAigupita waiwai; no ka mea, ua manaʻo aku ʻo ia i ka hoʻouku ʻia mai.

ʻO KA ʻEPISETOLE HOʻOLAHA A IAKOBO 1:12

¶ Pōmaikaʻi wale ke kanaka, ke kūpaʻa ia i ka hoʻowalewale ʻia mai; no ka mea, a pau kona hoʻāʻo ʻia mai, e loaʻa auaneʻi iā ia ka lei o ke ola i ʻōlelo ʻia mai ai e ka Haku no ka poʻe e aloha aku ana iā ia.

ʻO KA ʻEPISETOLE HOʻOLAHA A IAKOBO 5:11

Aia hoʻi, ke kapa nei kākou i ka poʻe hoʻomanawanui, he pōmaikaʻi. Ua lohe ʻoukou i ka hoʻomanawanui ʻana o Ioba, a ua ʻike ʻoukou i kā ka Haku hope; ua lokomaikaʻi nui ka Haku me ke aloha mai.

ʻO KA ʻEPISETOLE HOʻOLAHA MUA A PETERO 2:12

A e noho pono hoʻi ʻoukou, i waena o ko nā ʻāina ʻē; i hoʻonani aku ai lākou i ke Akua, ke hiki mai ka lā o ka ʻike ʻana mai, no ko lākou ʻike ʻana i kā ʻoukou hana maikaʻi, ma ka mea a lākou e ʻōhumu nei iā ʻoukou, me he poʻe hana hewa lā.

ʻO KA ʻEPISETOLE HOʻOLAHA MUA A PETERO 3:14

Akā, inā ʻeha ʻoukou no ka pono, ua pōmaikaʻi ʻoukou. «Mai makaʻu ʻoukou i ko lākou hoʻoweliweli ʻana, ʻaʻole hoʻi e pīhoihoi»;

ʻO KA ʻEPISETOLE HOʻOLAHA MUA A PETERO 3:16

E ao hoʻi, i hala ʻole ka manaʻo; i hilahila ka poʻe hakuʻepa i ko ʻoukou noho pono ʻana i loko o Kristo, no kā lākou ʻōlelo hewa ʻana iā ʻoukou, me he poʻe hewa lā.

ʻO KA ʻEPISETOLE HOʻOLAHA MUA A PETERO 4:16

Akā, inā i hōʻeha ʻia kekahi no Kristo, mai hilahila ʻo ia; akā, e hoʻonani aku ʻo ia i ke Akua no kēia mea.

ʻO KA ʻEPISETOLE HOʻOLAHA ʻALUA A PETERO 2:2

E nui loa nō hoʻi ka poʻe hahai ma muli o ko lākou ʻaoʻao hewa; a no lākou e ʻōlelo hōʻino ʻia ai ka ʻaoʻao ʻoiaʻiʻo.