ʻO KA ʻEPISETOLE HOʻOLAHA MUA A PETERO 3:9 - Ka Baibala Hemolele

⁹ Mai hoʻihoʻi aku i ka ʻino no ka ʻino, ʻaʻole hoʻi ke kūamuamu no ke kūamuamu; e ʻokoʻa kā ʻoukou, ʻo ka hoʻomaikaʻi aku; e ʻike hoʻi ʻoukou, ua hea ʻia mai ʻoukou i laila, i hoʻoili ʻia mai iā ʻoukou ka hoʻomaikaʻi ʻia.

ʻO KA ʻEPISETOLE HOʻOLAHA MUA A PETERO 3:9 Iomraidhean Croise

KA BUKE MUA A MOSE, I KAPA ʻIA KINOHI 42:25

¶ A laila, kauoha akula ʻo Iosepa, e uhao i ka ʻai i nā ʻeke a lākou a piha, a e hoʻihoʻi i ka moni a lākou i loko o ko lākou mau ʻeke, a e hāʻawi aku i ō na lākou no ke alanui. Pēlā ʻo ia i hana aku ai iā lākou.

NĀ ʻŌLELO AKAMAI A SOLOMONA 17:13

ʻO ka mea hana ʻino aku na ka mea hana pono mai, ʻAʻole e kaʻawale ka ʻino mai kona hale aku.

NĀ ʻŌLELO AKAMAI A SOLOMONA 20:22

Mai ʻōlelo aʻe ʻoe, “E hoʻopaʻi aku au i ka hewa”; E kakali ʻoe iā Iēhova, nāna nō ʻoe e kōkua mai.

NĀ ʻŌLELO AKAMAI A SOLOMONA 28:10

ʻO ka mea kaʻi hewa aku i ka poʻe pololei ma ka ʻaoʻao hewa, Ma kona lua iho ʻo ia e hāʻule ai; A ʻo ka poʻe pololei hoʻi, e ili mai ka maikaʻi no lākou.

KA ʻEUANELIO I KĀKAU ʻIA AI E MATAIO 19:29

“ʻO ka mea haʻalele i nā hale, i nā hoahānau kāne, i nā hoahānau wahine, i ka makua kāne, i ka makuahine, i ka wahine, i nā keiki, i nā ʻāina hoʻi, no koʻu inoa, e loaʻa mai iā ia he pāhaneri, a e lilo mai iā ia ke ola mau loa.

KA ʻEUANELIO I KĀKAU ʻIA AI E MATAIO 25:34

“A laila, e ʻōlelo aku ke Aliʻi i ka poʻe ma kona lima ʻākau, ‘E hele mai ʻoukou, e ka poʻe i hoʻomaikaʻi ʻia e koʻu Makua, e komo ʻoukou i ke aupuni i hoʻomākaukau ʻia no ʻoukou mai ka hoʻokumu ʻana mai o ka honua.

KA ʻEUANELIO I KĀKAU ʻIA AI E MATAIO 5:39

“Eia hoʻi kaʻu e ʻōlelo aku nei iā ʻoukou, mai hoʻopaʻi aku i ka ʻino’; a ʻo ka mea nāna e papaʻi mai i kou pāpālina ʻākau, e hāliu aku ʻoe iā ia i kekahi.

KA ʻEUANELIO I KĀKAU ʻIA AI E MATAIO 5:44

“Eia hoʻi kaʻu e ʻōlelo aku nei iā ʻoukou, e aloha aku i ko ʻoukou poʻe ʻenemi, e hoʻomaikaʻi aku hoʻi i ka poʻe hōʻino mai iā ʻoukou; e hana lokomaikaʻi aku hoʻi i ka poʻe inaina mai iā ʻoukou; e pule aku hoʻi no ka poʻe hoʻohewa wale mai iā ʻoukou, a hana ʻino mai hoʻi iā ʻoukou;

KA ʻEUANELIO I KĀKAU ʻIA AI E MAREKO 10:17

¶ I kona hele ʻana aku ma ke alaloa, holo kikī aʻela kekahi i ona lā, kukuli ihola i mua ona, ʻī aʻela, “E ke Kumu maikaʻi ē, he aha lā kaʻu mea e hana ai, i loaʻa iaʻu ke ola loa?”

KA ʻEUANELIO I KĀKAU ʻIA AI E LUKA 10:25

¶ Aia hoʻi, kū aʻela i luna kekahi kākāʻōlelo e hoʻāʻo ana iā ia, nīnau akula, “E ke Kumu, he aha kaʻu e hana ai i loaʻa mai ai iaʻu ke ola mau loa?”

KA ʻEUANELIO I KĀKAU ʻIA AI E LUKA 18:18

¶ A laila nīnau akula kekahi aliʻi iā ia, “E ke Kumu maikaʻi, he aha kaʻu e hana ai i loaʻa mai ai iaʻu ke ola pau ʻole?”

ʻO KA ʻEPISETOLE A PAULO KA LUNAʻŌLELO I KO ROMA 12:14

E hoʻomaikaʻi aku i ka poʻe e hoʻomaʻau mai iā ʻoukou. E hoʻomaikaʻi aku, mai hōʻino aku.

ʻO KA ʻEPISETOLE A PAULO KA LUNAʻŌLELO I KO ROMA 12:17

Mai hana ʻino aku i kekahi no ka hana ʻino mai. E ʻimi i ka pono i mua o nā kānaka a pau.

ʻO KA ʻEPISETOLE A PAULO KA LUNAʻŌLELO I KO ROMA 8:28

Ua ʻike nō hoʻi kākou, e kōkua pū ana nā mea a pau e pono ai ka poʻe aloha i ke Akua, ka poʻe i koho ʻia mai ma muli o kona manaʻo.

ʻO KA ʻEPISETOLE A PAULO KA LUNAʻŌLELO I KO ROMA 8:30

A ʻo ka poʻe āna i manaʻo ʻē mai ai, ʻo lākou kāna i koho mai ai; a ʻo ka poʻe āna i koho mai ai, ʻo lākou kāna i hoʻāpono mai ai; a ʻo ka poʻe āna i hoʻāpono mai ai, ʻo lākou kāna i hoʻonani mai ai.

ʻO KA ʻEPISETOLE A PAULO KA LUNAʻŌLELO I KO GALATIA 3:14

i kau mai ai ka hoʻopōmaikaʻi ʻia ʻo ʻAberahama ma luna o ko nā ʻāina ʻē ma o Iesū Kristo lā; i loaʻa mai ai iā kākou ma ka manaʻoʻiʻo ka mea i ʻōlelo ʻia mai, ʻo ka ʻUhane.

ʻO KA ʻEPISETOLE A PAULO KA LUNAʻŌLELO I KO ʻEPESO 4:32

E lokomaikaʻi ʻoukou i kekahi i kekahi, e aloha aku me ka naʻau, e kala ana hoʻi kekahi i kekahi, e like me kā ke Akua i kala mai ai i ko ʻoukou ma o Kristo lā.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:15

E mālama hoʻi, i hoʻihoʻi ʻole aku kekahi i ka hewa no ka hewa i kekahi; e hahai mau ʻoukou i ka pono i waena o ʻoukou a me nā kānaka a pau.

ʻO KA ʻEPISETOLE A PAULO KA LUNAʻŌLELO I KO HEBERA 12:17

No ka mea, ua ʻike ʻoukou, i kona makemake ʻana ma hope iho e loaʻa iā ia ka hoʻomaikaʻi ʻia, ua hōʻole ʻia ʻo ia; ʻaʻole hoʻi i loaʻa iā ia kahi e lole hou mai ai, ua ʻimi aku nō naʻe ʻo ia ia mea me ka waimaka.

ʻO KA ʻEPISETOLE A PAULO KA LUNAʻŌLELO I KO HEBERA 6:14

ʻĪ ihola, “«He ʻoiaʻiʻo hoʻi e hoʻomaikaʻi loa aku ana au iā ʻoe, a e hoʻonui loa ana au iā ʻoe».”

ʻO KA ʻEPISETOLE HOʻOLAHA MUA A PETERO 5:10

Akā, ʻo ke Akua, nāna mai ka lokomaikaʻi a pau, ʻo ka Mea i hea mai ai iā kākou nei i ka nani mau loa, ma o Kristo Iesū lā, ma hope o ko ʻoukou ʻeha pākole ʻana, nāna nō e hoʻolilo iā ʻoukou i hemolele loa, a e hoʻokumu hoʻi, a e hoʻoikaika, a e hoʻokūpaʻa iā ʻoukou.

KA BUKE MUA A SAMUʻELA 26:11

“Na Iēhova i hōʻole mai iaʻu, ʻaʻole au e kau aku i koʻu lima ma luna o ka mea a Iēhova i poni ai; akā, ke noi aku nei au iā ʻoe, e lawe aku ʻoe i ka ihe ma kona poʻo, a me ke kīʻaha wai, a e hele aku kāua.”