ʻO KA ʻEPISETOLE HOʻOLAHA MUA A PETERO 3:4 - Ka Baibala Hemolele

⁴ akā, e kāhiko ʻoukou i ke kino ʻike ʻole ʻia o ka naʻau, ma ka mea palahō ʻole, ʻo ka manaʻo akahai a me ka noho mālie; ʻo ia ka waiwai nui i mua o ke Akua.

ʻO KA ʻEPISETOLE HOʻOLAHA MUA A PETERO 3:4 Iomraidhean Croise

KA BUKE O NĀ HALELŪ 131:2

A i ʻole ia, ua hoʻonā wau iaʻu iho, a ua hoʻomālielie au i koʻu ʻuhane, E like me ke keiki i ukuhi ʻia e kona makuahine; Ua like nō koʻu ʻuhane me ke keiki i ukuhi ʻia.

KA BUKE O NĀ HALELŪ 147:6

Hoʻokiʻekiʻe nō ʻo Iēhova i ka poʻe hoʻohaʻahaʻa; A hoʻohaʻahaʻa nō ʻo ia i ka poʻe hewa i lalo i ka lepo.

KA BUKE O NĀ HALELŪ 149:4

No ka mea, ua leʻaleʻa ʻo Iēhova i kona poʻe kānaka; E hoʻonani mai nō ʻo ia iā lākou i ke ola.

KA BUKE O NĀ HALELŪ 25:9

E alakaʻi ʻo ia i ka poʻe akahai ma ka pono; E aʻo mai nō hoʻi ʻo ia i ka poʻe hoʻohaʻahaʻa i kona ʻaoʻao.

KA BUKE O NĀ HALELŪ 45:13

¶ He nani loa ma loko ke kaikamahine a ke aliʻi; ʻO kona kapa he gula i ulana ʻia nō ia.

KA BUKE O NĀ HALELŪ 51:6

Eia hoʻi, makemake ʻoe i ʻoiaʻiʻo ko loko; A ma loko o nā wahi nalo e hōʻikeʻike mai ʻoe iaʻu i ka naʻauao.

KA WĀNANA A ʻISAIA 11:4

E hoʻopono ʻo ia i ka poʻe nāwaliwali, ma ka pololei, Ma ka pono nō hoʻi ia e kōkua ai i ka mea pōpilikia o ka honua; E hahau nō ʻo ia i ka honua i ka lāʻau o kona waha, A e luku nō hoʻi ia i ka poʻe hewa, i ka hā ʻana o kona mau lehelehe.

KA WĀNANA A ʻISAIA 29:19

E hoʻomāhuahua nō ka poʻe hoʻohaʻahaʻa i ka ʻoliʻoli iā Iēhova, A e hauʻoli hoʻi ka poʻe hune o nā kānaka i ka Mea Hemolele o kā ʻIseraʻela.

KA WĀNANA A ʻISAIA 57:15

No ka mea, penei ka ʻōlelo ʻana mai a ka Mea i hāpai ʻia, Ka Mea i hoʻokiʻekiʻe hoʻi, e noho ana ma ke ao pau ʻole, ʻO Hemolele kona inoa; “E noho nō au ma kahi kiʻekiʻe, a hemolele hoʻi, Me ka mea hoʻi i mihi, a haʻahaʻa hoʻi ka ʻuhane, E hoʻomaha i ka ʻuhane o ka mea haʻahaʻa, A e hoʻomaha hoʻi i ka naʻau o ka poʻe mihi.

KA WĀNANA A ʻISAIA 61:1

¶ Eia nō ma luna oʻu ka ʻUhane o Iēhova, ka Haku, No ka mea, ua poni mai ʻo Iēhova iaʻu, E haʻi i ka ʻōlelo maikaʻi i ka poʻe hoʻohaʻahaʻa; Ua hoʻouna mai ʻo ia iaʻu e wahī i nā naʻau ʻehaʻeha, E haʻi aku i ke kuʻu ʻana no ka poʻe i pio, A me ka wehe ʻana o ka hale paʻahao no ka poʻe i paʻa;

KA WĀNANA A IEREMIA 51:59

¶ ʻO ka ʻōlelo a Ieremia a ke kāula i kauoha ai iā Seraia, i keiki a Neria, i ke keiki a Maʻaseia, i ka manawa āna i hele pū aku ai i Babulona me Zedekia, ke aliʻi o kā Iuda, i ka makahiki ʻahā o kona noho aliʻi ʻana. He luna noho mālie ʻo ua Seraia nei.

KA ʻEUANELIO I KĀKAU ʻIA AI E MATAIO 11:29

“E amo ʻoukou i kaʻu ʻauamo ma luna iho o ʻoukou, a e aʻo ʻia ʻoukou e aʻu; no ka mea, ua akahai au, ua haʻahaʻa kuʻu naʻau, a «e loaʻa iā ʻoukou ka maha no ko ʻoukou mau ʻuhane».

KA ʻEUANELIO I KĀKAU ʻIA AI E MATAIO 21:5

“«E haʻi aku ʻoukou i ke kaikamahine a Ziona, ‘Aia hoʻi, ke hele akahai mai nei kou Aliʻi i ou lā, E noho ana ma luna o ka hoki, ʻO ke keiki hoʻi a ka hoki.»’”

KA ʻEUANELIO I KĀKAU ʻIA AI E MATAIO 23:26

“E ka Parisaio makapō, e holoi mua ʻoe iā loko o ke kīʻaha a me ke pā, i maʻemaʻe pū ia me ko waho.

KA ʻEUANELIO I KĀKAU ʻIA AI E MATAIO 5:5

¶ “Pōmaikaʻi ka poʻe akahai; no ka mea, e lilo ka honua iā lākou.

KA ʻEUANELIO I KĀKAU ʻIA AI E LUKA 11:40

“Naʻaupō, ʻaʻole anei ka mea nāna i hana iā waho, i hana iā loko?

KA ʻEUANELIO I KĀKAU ʻIA AI E LUKA 16:15

ʻĪ maila ʻo ia iā lākou, “ʻO ʻoukou ka poʻe e hoʻopono iā ʻoukou iho i mua o nā kānaka; akā, ua ʻike mai ke Akua i ko ʻoukou mau naʻau; no ka mea, ʻo kahi mea nani i kānaka, he ʻino ia i mua o ke Akua.

ʻO KA ʻEPISETOLE A PAULO KA LUNAʻŌLELO I KO ROMA 1:23

a hoʻololi aku lākou i ka nani o ke Akua make ʻole, i kiʻi e like me ke kanaka make, a me nā manu, a me nā holoholona wāwae ʻehā, a me nā mea kolo.

ʻO KA ʻEPISETOLE A PAULO KA LUNAʻŌLELO I KO ROMA 2:29

Akā, ʻo ka mea e Iudaio ana ma loko, ʻo ia kā Iudaio; a ʻo ke ʻoki poepoe ʻana, no ka naʻau ia, ma ka ʻUhane, ʻaʻole ma ka hua palapala; ʻaʻole no nā kānaka kona hoʻomaikaʻi ʻia, no ke Akua mai nō.

ʻO KA ʻEPISETOLE A PAULO KA LUNAʻŌLELO I KO ROMA 6:6

Ke ʻike nei kākou, ua kau pū ʻia ko kākou kanaka kahiko me ia ma ke keʻa, i make ai ko kākou kino lawehala, i ʻole ai kākou e hoʻokauā hou ma muli o ka hewa.

ʻO KA ʻEPISETOLE A PAULO KA LUNAʻŌLELO I KO ROMA 7:22

No ka mea, ua ʻoluʻolu nō wau i ke kānāwai o ke Akua, ma ke kanaka o loko;

ʻO KA ʻEPISETOLE LUA A PAULO KA LUNAʻŌLELO I KO KORINETO 10:1

¶ ʻO wau iho, ʻo Paulo, ka mea haʻahaʻa i koʻu noho ʻana me ʻoukou; akā, ma kahi ʻē, ua ʻaʻa koʻu manaʻo iā ʻoukou, ke noi aku nei au iā ʻoukou ma ke akahai a me ka ʻoluʻolu o Kristo.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:16

¶ No ia mea, ʻaʻole o mākou manakā; akā, inā paha ua nāwaliwali iho ko mākou kino ma waho, ua hoʻoikaika mau ʻia nō naʻe ko loko, i kēlā lā i kēia lā.

ʻO KA ʻEPISETOLE A PAULO KA LUNAʻŌLELO I KO GALATIA 5:23

ke akahai, ka pākiko; ʻaʻohe kānāwai pāpā mai ia mau mea.

ʻO KA ʻEPISETOLE A PAULO KA LUNAʻŌLELO I KO ʻEPESO 4:2

Me ka haʻahaʻa nui o ka naʻau, a me ke akahai, a me ka hoʻomanawanui hoʻi, a e ahonui aku kekahi i kekahi me ke aloha.

ʻO KA ʻEPISETOLE A PAULO KA LUNAʻŌLELO I KO KOLOSA 3:12

¶ No laila hoʻi, me he poʻe i wae ʻia lā e ke Akua, i hoʻolaʻa ʻia, a i aloha ʻia hoʻi, e hoʻokomo ʻoukou i ka naʻau menemene, a i ka lokomaikaʻi, a i ka manaʻo haʻahaʻa, a i ke akahai, a me ke ahonui;

ʻO KA ʻEPISETOLE A PAULO KA LUNAʻŌLELO I KO KOLOSA 3:3

No ka mea, ua make ʻoukou, a ua hūnā ʻia aku ko ʻoukou ola me Kristo i loko o ke Akua.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:11

A e ʻimi ʻoukou e noho mālie me ka hana aku i kā ʻoukou hana iho, a me ko ʻoukou mau lima iho e hana ai, e like me kā mākou kauoha ʻana aku iā ʻoukou;

ʻO KA ʻEPISETOLE LUA A PAULO KA LUNAʻŌLELO I KO TESALONIKE 3:12

A o ia poʻe, ʻo kā mākou ia e kauoha aku nei me ka hoʻoikaika aku, ma ko kākou Haku, ma o Iesū Kristo lā, e hana maoli lākou me ka noho mālie, a e ʻai hoʻi i kā lākou ʻai ponoʻī iho.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:2

no nā aliʻi hoʻi, a me nā luna a pau; i malu ko kākou ola ʻana me ka noho mālie, a me ka manaʻo nui i ke Akua, a ma ka pono nō hoʻi.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:25

e aʻo hoʻohaʻahaʻa aku ana i ka poʻe i kūʻē mai; i hāʻawi mai paha ke Akua iā lākou i ka mihi a me ka hōʻoiaʻiʻo ʻana i ka ʻōlelo ʻoiaʻiʻo;

ʻO KA ʻEPISETOLE A PAULO IĀ TITO 3:2

ʻaʻole e ʻōlelo ʻino hoʻi iā haʻi, e hakakā ʻole, e akakuʻu, e hōʻike ana i ke akahai i nā kānaka a pau.

ʻO KA ʻEPISETOLE HOʻOLAHA A IAKOBO 1:21

No ia mea lā, e pale aku ʻoukou i ka haumia a pau, a me ka hū wale ʻana o ka ʻino, a e ʻapo mai ʻoukou me ke akahai i ka ʻōlelo i pākuʻi ʻia, ʻo ia ka mea e hiki ai ke hoʻōla i kā ʻoukou poʻe ʻuhane.

ʻO KA ʻEPISETOLE HOʻOLAHA MUA A PETERO 1:23

Ua hānau hou ʻia mai ʻoukou, ʻaʻole hoʻi na ka hua e pala wale ana; akā, na ka hua pala ʻole, ma ka ʻōlelo a ke Akua ola, ka Mea e mau loa ana.

ʻO KA ʻEPISETOLE HOʻOLAHA MUA A PETERO 3:15

akā, e hoʻāno i ka Haku i ke Akua, i loko o ko ʻoukou naʻau. E mākaukau mau ʻoukou e hoʻomaopopo aku i ka poʻe e nīnau mai iā ʻoukou i ke kumu o ka lana ʻana o ko ʻoukou manaʻo, me ke akahai, a me ka haʻahaʻa.

KA BUKE MUA A SAMUʻELA 16:7

A ʻōlelo maila ʻo Iēhova iā Samuʻela, “Mai nānā ʻoe i kona ʻano ma waho, ʻaʻole hoʻi i ka lōʻihi o kona kino; ua hōʻole aku au iā ia; no ka mea, ʻaʻole ma ka mea a ke kanaka i ʻike; ke nānā nei ke kanaka i nā helehelena; akā, ke nānā nei ʻo Iēhova i ka naʻau.”