ʻO KA ʻEPISETOLE HOʻOLAHA MUA A PETERO 3:3 - Ka Baibala Hemolele

³ A i ko ʻoukou kāhiko ʻana, ʻaʻole ʻo ko waho, ʻo ka hili ʻana i ka lauoho, a me ke komo ʻana i ke gula, a me ka ʻaʻahu ʻana i ka ʻaʻahu;

ʻO KA ʻEPISETOLE HOʻOLAHA MUA A PETERO 3:3 Iomraidhean Croise

KA BUKE MUA A MOSE, I KAPA ʻIA KINOHI 24:22

A pau ka inu ʻana o nā kāmelo, lawe aʻela ua kanaka lā i kekahi apo gula no ka ihu, he hapalua o ka sekela ma ke kaupouna ʻana, me nā kūpeʻe gula ʻelua no kona mau lima, he ʻumi nā sekela ma ke kaupouna ʻana;

KA BUKE MUA A MOSE, I KAPA ʻIA KINOHI 24:47

“Nīnau akula au iā ia, ʻī akula, ‘He kaikamahine ʻoe na wai?’ ʻĪ maila kēlā, ‘He kaikamahine na Betuʻela ke keiki a Nahora, na ka mea a Mileka i hānau ai nāna.’ A lou akula au i ke apo ma kona ihu, a me nā kūpeʻe lima ma kona mau lima.

KA BUKE MUA A MOSE, I KAPA ʻIA KINOHI 24:53

Lawe maila ua kauā lā i nā mea kālā a me nā mea gula, a me nā ʻaʻahu, a hāʻawi akula ia mau mea no Rebeka; hāʻawi akula hoʻi ʻo ia i nā mea maikaʻi na kona kaikunāne a me kona makuahine.

KA BUKE ʻALUA NO NĀ ALIʻI 9:30

¶ A hiki akula ʻo Iehu i Iezereʻela, lohe aʻela ʻo Iezebela; a pena ihola ia i kona maka, a hoʻoponopono i kona poʻo, a nānā maila ma ka puka makani.

KA BUKE NO ʻESETERA 5:1

¶ A i ke kolu o ka lā, hoʻokomo aʻela ʻo ʻEsetera i ka lole aliʻi, a kū akula ma ka pā hale i loko o ka hale o ke aliʻi, ma ke alo o ka hale o ke aliʻi. A e noho ana nō ke aliʻi ma kona noho aliʻi, ma ka hale aliʻi, ma ke alo o ka puka pā o ka hale.

KA BUKE O NĀ HALELŪ 45:9

ʻO nā kaikamāhine a nā aliʻi kekahi i waena o kou mau wāhine hanohano; Ma kou lima ʻākau i kū mai ai ke aliʻi wahine me ke gula no ʻOpira.

KA BUKE ʻALUA A MOSE, I KAPA ʻIA PUKA ʻANA 3:22

“E noi aku nō kēlā wahine kēia wahine i kona hoalauna, a i ka mea e noho pū ana ma loko o kona hale, i nā mea kālā, a me nā mea gula, a me nā mea ʻaʻahu, a e hōʻaʻahu iho ʻoukou i kā ʻoukou poʻe keiki kāne, a me kā ʻoukou poʻe kaikamāhine; e hao hoʻi ʻoukou i ko ʻAigupita.”

KA BUKE ʻALUA A MOSE, I KAPA ʻIA PUKA ʻANA 32:2

ʻĪ maila ʻo ʻAʻarona iā lākou, “E uhaʻi ʻoukou i nā apo gula pepeiao, i nā mea i loko o nā pepeiao o kā ʻoukou wāhine, a me kā ʻoukou keiki kāne, a me kā ʻoukou kaikamāhine, a e lawe mai i oʻu nei.”

KA BUKE ʻALUA A MOSE, I KAPA ʻIA PUKA ʻANA 33:4

“A lohe nā kānaka i kēia ʻōlelo o ka hewa, uē ihola lākou, ʻaʻohe kanaka i hoʻokomo i kona kāhiko ʻana.

KA BUKE ʻALUA A MOSE, I KAPA ʻIA PUKA ʻANA 35:22

A hele mai lākou, ʻo nā kāne, a me nā wāhine, ʻo ka poʻe a pau i makemake ma ka naʻau, a lawe maila i nā kūpeʻe lima, a me nā gula pepeiao, a me nā apo, a me nā gula ʻāʻī, a me nā mea gula a pau loa; a ʻo kēlā mea, kēia mea i hāʻawi, hāʻawi ʻo ia i gula no Iēhova.

KA BUKE ʻALUA A MOSE, I KAPA ʻIA PUKA ʻANA 38:8

¶ A hana ʻo ia i ka ipu ʻauʻau, he keleawe, ko loko o kona kumu, he keleawe, a me nā aniani keleawe o ka poʻe e ʻākoakoa nui ana, ka poʻe i ʻākoakoa ma ka puka o ka halelewa o ke anaina.

KA WĀNANA A ʻISAIA 52:1

¶ E ala, e ala, e ʻaʻahu i kou ikaika, e Ziona; E komo i kou mau lole nani, e Ierusalema, Ke kūlanakauhale laʻa; No ka mea, ma kēia wā aku, ʻaʻole e hele hou i loko ou, ka mea i ʻoki poepoe ʻole ʻia, a me ka haumia.

KA WĀNANA A ʻISAIA 61:10

¶ E ʻoliʻoli nui au iā Iēhova, E hauʻoli nō koʻu ʻuhane ma koʻu Akua; No ka mea, ua hōʻaʻahu mai ʻo ia iaʻu i nā ʻaʻahu o ke ola, Ua uhi mai ʻo ia iaʻu i ka holokū o ka pono, E like me ka hoʻonani ʻana o ke kāne mare iā ia iho i nā kāhiko, E like hoʻi me ka wahine mare i kāhiko ʻia i kona mea gula.

KA WĀNANA A IEREMIA 2:32

“E hiki anei i ke kaikamahine ke hoʻopoina i kona kāhiko ʻana, A me ka wahine mare hoʻi i kona kāʻei? Akā, ua hoʻopoina koʻu poʻe kānaka iaʻu i nā lā pau ʻole i ka helu.

KA WĀNANA A IEREMIA 4:30

A ʻānai ʻia ʻoe, Pehea lā ʻoe e hana ai? Inā paha e hōʻaʻahu ʻoe iā ʻoe i ka mea ʻula, A kāhiko hoʻi ʻoe iā ʻoe i nā kāhiko gula, A inā paha e nahae kou mau maka i ka pena, Makehewa nō kou hoʻomaikaʻi ʻana iā ʻoe; E hoʻowahāwahā mai nō kou mau ipo iā ʻoe, E ʻimi nō lākou e hoʻopau i kou ola.

KA WĀNANA A ʻEZEKIʻELA 23:40

“Eia hou hoʻi, ua kiʻi aku ʻolua i nā kānaka e hele mai lākou mai kahi lōʻihi mai, iā lākou i hoʻouna ʻia aku ai ka ʻelele, ʻo ia hoʻi, ua hiki mai lākou; no lākou hoʻi i holoi ai ʻoe iā ʻoe iho, a pena hoʻi i kou mau maka, a kāhiko hoʻi iā ʻoe iho me nā mea e nani ai.

ʻO KA ʻEPISETOLE A PAULO KA LUNAʻŌLELO I KO ROMA 12:2

Mai noho ʻoukou a hoʻohālike me ko ke ao nei; akā, e hoʻopāhaʻohaʻo ʻoukou ma ke ʻano hou ʻana o ko ʻoukou naʻau, i hoʻomaopopo ʻoukou i ko ke Akua makemake, ka pono, ka hōʻoluʻolu, a me ka hemolele.

ʻO KA ʻEPISETOLE HOʻOLAHA MUA A PETERO 3:2

i ko lākou ʻike ʻana mai iā ʻoukou e noho maʻemaʻe ana me ka makaʻu.