ʻO KA ʻEPISETOLE HOʻOLAHA MUA A PETERO 3:14 - Ka Baibala Hemolele

¹⁴ Akā, inā ʻeha ʻoukou no ka pono, ua pōmaikaʻi ʻoukou. «Mai makaʻu ʻoukou i ko lākou hoʻoweliweli ʻana, ʻaʻole hoʻi e pīhoihoi»;

ʻO KA ʻEPISETOLE HOʻOLAHA MUA A PETERO 3:14 Iomraidhean Croise

NĀ ʻŌLELO AKAMAI A SOLOMONA 3:25

Mai weliweli ʻoe i ka mea e makaʻu ai ke hikilele mai, ʻAʻole hoʻi i ka luku ʻana o ka poʻe hewa ke hiki mai.

KA WĀNANA A ʻISAIA 51:12

¶ “ʻO wau, ʻo wau nō ka Mea nāna ʻoukou e hoʻomaha aku; ʻO wai hoʻi ʻoe, i makaʻu aku ai ʻoe i ke kanaka, i ka mea e make ana, A i ke keiki a ke kanaka hoʻi, i ka mea e lilo ana i mauʻu?

KA WĀNANA A IEREMIA 1:8

“Mai makaʻu i ko lākou maka; No ka mea, ʻo wau pū nō me ʻoe, e hoʻopakele iā ʻoe,” wahi a Iēhova.

KA WĀNANA A IEREMIA 15:15

¶ E Iēhova, ua ʻike nō ʻoe; E hoʻomanaʻo mai ʻoe iaʻu, A e ʻike mai hoʻi iaʻu, a e hoʻoponopono Mai ʻoe iaʻu i ka poʻe hoʻomaʻau mai iaʻu. Mai lawe aku ʻoe iaʻu, i kou ahonui ʻana. E ʻike ʻoe, nou nō wau i kaʻikaʻi ai i ka hilahila.

KA WĀNANA A ʻEZEKIʻELA 3:9

“Me he daimana lā a ʻoi aku ka ʻoʻoleʻa ma mua o ko ka pōhaku paea i hana aku au i kou lae; mai makaʻu aku iā lākou, mai pilihua hoʻi ʻoe i ko lākou helehelena; no ka mea, he ʻohana kipi lākou.”

KA ʻEUANELIO I KĀKAU ʻIA AI E MATAIO 10:28

“Mai makaʻu aku hoʻi ʻoukou i ka poʻe nāna e pepehi mai ke kino, ʻaʻole naʻe e hiki iā lākou ke pepehi i ka ʻuhane; akā, e makaʻu aku i ka mea nona ka mana e make ai ka ʻuhane a me ke kino i loko o Gehena.

KA ʻEUANELIO I KĀKAU ʻIA AI E MATAIO 10:31

“No laila, mai makaʻu ʻoukou, ua ʻoi loa aku ʻoukou ma mua o nā manu liʻiliʻi he nui loa.

KA ʻEUANELIO I KĀKAU ʻIA AI E MATAIO 10:39

“ʻO ka mea mālama i kona ola, e lilo nō kona ola; akā, ʻo ka mea haʻalele i kona ola noʻu nei, e loaʻa iā ia ke ola.

KA ʻEUANELIO I KĀKAU ʻIA AI E MATAIO 16:25

“No ka mea, ʻo ka mea e manaʻo ana e mālama i kona ola, e lilo ana ia mea; akā, ʻo ka mea e haʻalele i kona ola noʻu, e loaʻa iā ia ke ola.

KA ʻEUANELIO I KĀKAU ʻIA AI E MATAIO 19:29

“ʻO ka mea haʻalele i nā hale, i nā hoahānau kāne, i nā hoahānau wahine, i ka makua kāne, i ka makuahine, i ka wahine, i nā keiki, i nā ʻāina hoʻi, no koʻu inoa, e loaʻa mai iā ia he pāhaneri, a e lilo mai iā ia ke ola mau loa.

KA ʻEUANELIO I KĀKAU ʻIA AI E MAREKO 10:29

ʻŌlelo maila Iesū, ʻī maila, “He ʻoiaʻiʻo kaʻu e ʻōlelo aku nei iā ʻoukou, ʻaʻole ka mea i haʻalele i ka hale, i nā kaikuaʻana, i nā kaikuāhine, i ka wahine, i nā keiki, i nā ʻāina, noʻu nei a no ka ʻeuanelio,

KA ʻEUANELIO I KĀKAU ʻIA AI E MAREKO 8:35

“ʻO ka mea manaʻo e mālama i kona ola nei, e lilo auaneʻi kona ola, a ʻo ka mea haʻalele i kona ola noʻu nei, a no ka ʻeuanelio, e loaʻa iā ia ke ola.

KA ʻEUANELIO I KĀKAU ʻIA AI E IOANE 14:1

¶ “Mai hoʻokaumaha ʻia ko ʻoukou naʻau; e manaʻoʻiʻo ʻoukou i ke Akua, e manaʻoʻiʻo mai hoʻi iaʻu.

KA ʻEUANELIO I KĀKAU ʻIA AI E IOANE 14:27

“He aloha kaʻu e waiho aku ai iā ʻoukou, ʻo kuʻu aloha kaʻu e hāʻawi aku ai iā ʻoukou; ʻaʻole like me ka hāʻawi ʻana o ko ke ao nei, kaʻu hāʻawi ʻana aku iā ʻoukou. Mai hoʻokaumaha ʻia ko ʻoukou naʻau, a mai makaʻu hoʻi.

NĀ ʻOIHANA A KA POʻE LUNAʻŌLELO 9:16

“No ka mea, e hōʻike aku ana au iā ia i ka nui o kona ʻehaʻeha ʻana no koʻu nei inoa.”

ʻO KA ʻEPISETOLE LUA A PAULO KA LUNAʻŌLELO I KO KORINETO 12:10

No laila, he ʻoluʻolu koʻu i ka nāwaliwali, a me ka hōʻino ʻia, a me ka pōʻino, a me ka hoʻomaʻau ʻia, a me ka pilikia no Kristo; no ka mea, i kuʻu nāwaliwali ʻana, a laila ua ikaika au.

ʻO KA ʻEPISETOLE A PAULO KA LUNAʻŌLELO I KO PILIPI 1:29

No ka mea, ua hāʻawi lokomaikaʻi ʻia mai ia iā ʻoukou no Kristo, ʻaʻole ka manaʻoʻiʻo wale aku nō iā ia; akā, ʻo ka hoʻopilikia ʻia mai hoʻi nona.

ʻO KA ʻEPISETOLE HOʻOLAHA A IAKOBO 1:12

¶ Pōmaikaʻi wale ke kanaka, ke kūpaʻa ia i ka hoʻowalewale ʻia mai; no ka mea, a pau kona hoʻāʻo ʻia mai, e loaʻa auaneʻi iā ia ka lei o ke ola i ʻōlelo ʻia mai ai e ka Haku no ka poʻe e aloha aku ana iā ia.

ʻO KA ʻEPISETOLE HOʻOLAHA A IAKOBO 5:11

Aia hoʻi, ke kapa nei kākou i ka poʻe hoʻomanawanui, he pōmaikaʻi. Ua lohe ʻoukou i ka hoʻomanawanui ʻana o Ioba, a ua ʻike ʻoukou i kā ka Haku hope; ua lokomaikaʻi nui ka Haku me ke aloha mai.

ʻO KA ʻEPISETOLE HOʻOLAHA MUA A PETERO 3:6

e like me Sara i hoʻolohe ai iā ʻAberahama, me ke kapa ʻana aku iā ia he haku; he poʻe kaikamāhine hoʻi ʻoukou nāna, ke hana maikaʻi aku ʻoukou, me ka hoʻomakaʻu ʻole ʻia mai i kekahi mea makaʻu.