ʻO KA ʻEPISETOLE HOʻOLAHA MUA A PETERO 3:12 - Ka Baibala Hemolele

¹² “No ka mea, ke kau nei nā maka o ke Akua, ma luna o ka poʻe pono, A ke lohe nei kona pepeiao i kā lākou pule; Akā, ua hoʻomakaʻē ka Haku i ka poʻe hana hewa».”

ʻO KA ʻEPISETOLE HOʻOLAHA MUA A PETERO 3:12 Iomraidhean Croise

KA BUKE ʻALUA O KA ʻOIHANA ALIʻI 16:9

“No ka mea, e holoholo ana nā maka o Iēhova ma ka honua a pau e hōʻike ana i kona mana i ka poʻe i pono iā ia ko lākou naʻau; ua hana naʻaupō ʻoe i kēia mea; a ma kēia hope aku e kaua ʻia ana ʻoe.”

KA BUKE ʻALUA O KA ʻOIHANA ALIʻI 7:15

“ʻĀnō, ua kaʻakaʻa koʻu mau maka, a ua hāliu koʻu pepeiao i ka pule ma kēia wahi.

KA BUKE O NĀ HALELŪ 11:4

¶ Inā nō ʻo Iēhova i loko o kona luakini hoʻāno; Inā nō ʻo ka noho aliʻi o Iēhova ma luna o ka lani; Ke nānā maila kona mau maka; Ke hoʻāʻo maila kona mau lihilihi i nā keiki a kānaka.

KA BUKE O NĀ HALELŪ 33:18

¶ Aia hoʻi ka maka o Iēhova ma luna o ka poʻe weliweli iā ia, Ma luna o ka poʻe i manaʻolana i kona aloha;

KA BUKE O NĀ HALELŪ 65:2

E ka Mea lohe i ka pule, I ou lā e hele aku ai ka ʻiʻo a pau.

KA BUKE O NĀ HALELŪ 80:16

Ua pau ia i ke ahi, ua kua ia i lalo; I kou pāpā ʻana make nō lākou.

NĀ ʻŌLELO AKAMAI A SOLOMONA 15:29

Ua lōʻihi ʻē aku ʻo Iēhova mai ka poʻe hewa aku; Hoʻolohe hoʻi ʻo ia i ka pule a ka poʻe pono.

NĀ ʻŌLELO AKAMAI A SOLOMONA 15:3

Ma nā wahi a pau nā maka o Iēhova, E haka pono ana i nā mea hewa a me nā mea maikaʻi.

NĀ ʻŌLELO AKAMAI A SOLOMONA 15:8

ʻO ka mōhai o ka poʻe hewa, he hoʻopailua ia iā Iēhova; ʻO ka pule a ka poʻe pololei, ʻo ia kona makemake.

KA WĀNANA A IEREMIA 21:10

“No ka mea, ua hoʻokūʻē au i koʻu maka i kēia kūlanakauhale, ma ka hewa, ʻaʻole ma ka maikaʻi,” wahi a Iēhova; “a e hāʻawi ʻia ia i loko o ka lima o ke aliʻi o Babulona, a e puhi ʻo ia i kēia wahi i ke ahi.”’

KA WĀNANA A IEREMIA 39:12

“E lawe ʻoe iā ia, a e nānā lokomaikaʻi aku ʻoe iā ia, mai hana hewa aku iā ia; e hana nō iā ia e like me kāna e ʻōlelo mai ai iā ʻoe.”

KA WĀNANA A ʻEZEKIʻELA 15:7

‘A e hoʻokūʻē au i koʻu maka iā lākou; e puka lākou mai loko aku o kekahi ahi, a e pau lākou i kekahi ahi; a e ʻike ʻoukou ʻo wau nō Iēhova i koʻu wā e hoʻokūʻē ai i koʻu wahi maka iā lākou.

KA BUKE ʻAKOLU A MOSE, I KAPA ʻIA ʻOIHANA KAHUNA 17:10

¶ ‘A ʻo kēlā kanaka kēia kānaka o ka ʻohana o ʻIseraʻela, a ʻo nā malihini e noho ana i waena o ʻoukou, ʻo ka mea e ʻai i kahi koko, e hoʻokūʻē au i kuʻu maka i kēlā kanaka, a e ʻoki aku au iā ia mai waena aku o kona poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 20:3

‘A e hoʻokūʻē au i koʻu maka i kēlā kanaka, a e ʻoki aku hoʻi au iā ia mai waena aku o kona poʻe kānaka, no kona hāʻawi ʻana i kekahi keiki āna iā Moleka; e hoʻohaumia i kuʻu keʻena kapu, a me ka hōʻino i koʻu inoa hoʻāno.

KA BUKE ʻAKOLU A MOSE, I KAPA ʻIA ʻOIHANA KAHUNA 20:6

¶ ‘A ʻo ke kanaka huli ma muli o nā mea nīnau ʻuhane, a ma muli hoʻi o nā kupua, e hele moekolohe ma muli o lākou, e hoʻokūʻē au i kuʻu maka i kēlā kanaka, a e ʻoki aku hoʻi au iā ia mai waena aku o kona poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 26:17

‘E hoʻokūʻē hoʻi au i koʻu maka iā ʻoukou, a e luku ʻia ʻoukou i mua o ko ʻoukou poʻe ʻenemi; a ʻo ka poʻe inaina iā ʻoukou e aliʻi aʻe ma luna o ʻoukou, a e ʻauheʻe ʻoukou i ka alualu ʻole ai ʻo kekahi iā ʻoukou.

ZEKARIA 4:10

“Na wai lā i hoʻowahāwahā i ka lā o nā mea liʻiliʻi? E ʻoliʻoli auaneʻi lākou, a e ʻike hoʻi i ka pōhaku kēpau ma ka lima o Zerubabela, ʻo lākou a ʻehiku. ʻO lākou nā maka o Iēhova e hele aʻe ana mai ʻō a i ʻaneʻi ma ka honua a pau.”

KA ʻEUANELIO I KĀKAU ʻIA AI E IOANE 9:31

“Ua ʻike nō kākou ʻaʻole ke Akua e hoʻolohe mai i ka poʻe hewa; akā, inā e haipule kekahi i ke Akua, a e hana hoʻi i kona makemake, ʻo ia kāna e hoʻolohe mai ai.

KA BUKE ʻALIMA A MOSE, I KAPA ʻIA KĀNĀWAI LUA 11:12

he ʻāina a Iēhova kou Akua i mālama ai; e mau ana nā maka o Iēhova kou Akua ma luna ona, mai ka mua o ka makahiki, a i ka hope o ka makahiki.

ʻO KA ʻEPISETOLE HOʻOLAHA A IAKOBO 5:16

E haʻi aku i ko ʻoukou mau hewa kekahi i kekahi, a e pule hoʻi kekahi no kekahi, i pohala ai ʻoukou. ʻO ka pule ikaika a ke kanaka pono e lanakila nui ia.