ʻO KA ʻEPISETOLE HOʻOLAHA MUA A PETERO 2:24 - Ka Baibala Hemolele

²⁴ Nāna iho nō i hali i ko kākou hewa ma kona kino iho ma luna o ka lāʻau, i make ai kākou i ka hewa, e ola ai i ka pono; ua hoʻōla ʻia hoʻi ʻoukou e kona mau palapū.

ʻO KA ʻEPISETOLE HOʻOLAHA MUA A PETERO 2:24 Iomraidhean Croise

KA BUKE MUA A MOSE, I KAPA ʻIA KINOHI 22:6

Lawe aʻela ʻo ʻAberahama i ka wahie no ka mōhai kuni, a kau ihola ma luna o kāna keiki ʻo ʻIsaʻaka, lawe akula ia i ke ahi, a me ka pahi ma kona lima, a haele pū akula lāua.

KA BUKE O NĀ HALELŪ 147:3

Hoʻomaha mai nō ʻo ia i ka poʻe naʻau haehae, A wahī nō hoʻi ʻo ia i ko lākou mau ʻeha.

KA BUKE O NĀ HALELŪ 38:4

No ka mea, ua kaʻa aʻe kuʻu mau hewa ma luna o kuʻu poʻo; Me he mea kaumaha lā, ua kaumaha loa ia iaʻu.

KA BUKE ʻALUA A MOSE, I KAPA ʻIA PUKA ʻANA 28:38

“A e kau ʻia ia mea ma ka lae o ʻAʻarona, i lawe ʻo ʻAʻarona i ka hewa o nā mea laʻa, nā mea a na mamo a ʻIseraʻela e hoʻolaʻa ai, i ko lākou mau makana laʻa a pau; a e mau nō ia ma kona lae, i ʻāpono ʻia ai lākou i mua o Iēhova.

NĀ ʻŌLELO AKAMAI A SOLOMONA 20:30

ʻO ka pahu ʻana o ka maʻi he mea hoʻomaʻemaʻe i ka ʻino; ʻO ka haua hoʻi, i ko loko o ka ʻōpū.

KA WĀNANA A ʻISAIA 53:11

E ʻike aku nō ʻo ia i ka hope o ka luhi ʻana o kona ʻuhane, A e ʻoluʻolu ʻo ia; Ma ka ʻike ʻana iā ia, e hoʻāpono nō kaʻu Kauā Hemolele i nā mea he nui, No ka mea, nāna nō e amo i ko lākou hewa.

KA BUKE ʻAKOLU A MOSE, I KAPA ʻIA ʻOIHANA KAHUNA 16:22

“A e hali aku ke kao i ko lākou hewa a pau ma luna ona i ka ʻāina kanaka ʻole; a e hoʻokuʻu wale aku ʻo ia i ke kao i loko o ka wao nahele.

KA BUKE ʻAKOLU A MOSE, I KAPA ʻIA ʻOIHANA KAHUNA 22:9

‘E mālama hoʻi lākou i kaʻu ʻoihana, o hoʻoili lākou i ka hewa ma luna ona, a make, ke hoʻohaumia lākou ia mea; naʻu na Iēhova lākou e hoʻāno nei.

MALAKI 4:2

“Akā, no ʻoukou ka poʻe weliweli i koʻu inoa, e puka mai ana ka Lā o ka Pono, me ka mea hoʻōla i loko o kona mau ʻēheu; a e hele aku ʻoukou, a e lele ʻoliʻoli, e like me nā bipi keiki i kūpalu ʻia.

KA BUKE ʻAHĀ A MOSE, I KAPA ʻIA NĀ HELU 18:22

“ʻAʻole hoʻi e hele mai nā mamo a ʻIseraʻela a kokoke i ka halelewa o ke anaina ma kēia hope aku, o lawehala lākou e make ai.

KA BUKE ʻAHĀ A MOSE, I KAPA ʻIA NĀ HELU 7:15

hoʻokahi bipi keiki kāne, hoʻokahi hipa kāne, hoʻokahi keiki hipa o ka makahiki mua, i mōhai kuni;

KA ʻEUANELIO I KĀKAU ʻIA AI E MATAIO 27:26

A laila, kuʻu aʻela ia iā Baraba no lākou; akā, hahau akula ʻo ia iā Iesū, a hāʻawi akula iā ia e kaulia ai ma ke keʻa.

KA ʻEUANELIO I KĀKAU ʻIA AI E MATAIO 5:20

“No ka mea, ke ʻī aku nei au iā ʻoukou, a i ʻoi ʻole aku ko ʻoukou pono i ko ka poʻe kākau ʻōlelo a me ko ka poʻe Parisaio, ʻaʻole loa ʻoukou e komo i loko o ke aupuni o ka lani.

KA ʻEUANELIO I KĀKAU ʻIA AI E MATAIO 8:17

Pēlā i kō ai ka ʻōlelo a ke kāula a ʻIsaia, i ʻī mai ai, “«Nāna nō i lawe ko kākou nāwaliwali, nāna hoʻi i halihali ko kākou maʻi».”

KA ʻEUANELIO I KĀKAU ʻIA AI E MAREKO 15:15

Makemake nō ʻo Pilato, e hōʻoluʻolu i kānaka; no laila ia i kuʻu mai ai iā Baraba na lākou; a laila, hahau aʻela kēlā iā Iesū, a hāʻawi iho iā ia e kaulia ai ma ke keʻa.

KA ʻEUANELIO I KĀKAU ʻIA AI E LUKA 4:18

“«Ma luna iho nei oʻu ka ʻUhane o Iēhova; No ka mea, ua poni maila ʻo ia iaʻu e haʻi aku i ka ʻeuanelio i ka poʻe ʻilihune; Ua hoʻouna mai kēlā iaʻu e lapaʻau i ka poʻe ʻehaʻeha ma ka naʻau, A e haʻi aku i ka hoʻōla ʻana i ka poʻe pio, A me ka ʻike hou ʻana i ka poʻe makapō, A e hoʻokuʻu i ka poʻe i hoʻoluhi hewa ʻia,

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 19:1

¶ A laila lālau aʻela ʻo Pilato iā Iesū, a hahau ihola iā ia.

NĀ ʻOIHANA A KA POʻE LUNAʻŌLELO 10:35

akā, ma nā lāhui a pau, ua ʻoluʻolu ia i nā mea i makaʻu iā ia, a me ka hana pono.

NĀ ʻOIHANA A KA POʻE LUNAʻŌLELO 10:39

“He poʻe hōʻike mākou i nā mea a pau āna i hana ai ma ka ʻāina o nā Iudaio, a me Ierusalema; na lākou nō ia i pepehi, a kau aku hoʻi ma luna o ka lāʻau.

NĀ ʻOIHANA A KA POʻE LUNAʻŌLELO 13:29

“A pau aʻela nā mea i palapala ʻia nona, i ka hoʻokō ʻia e lākou, lawe maila lākou iā ia, mai ka lāʻau mai, a waiho ma loko o ka hale kupapaʻu.

NĀ ʻOIHANA A KA POʻE LUNAʻŌLELO 5:30

“ʻO ke Akua o ko kākou poʻe kūpuna, ua hoʻāla hou mai ʻo ia iā Iesū, i ka mea a ʻoukou i pepehi ai, a kau ma luna o ka lāʻau.

ʻO KA ʻEPISETOLE A PAULO KA LUNAʻŌLELO I KO ROMA 6:11

Pēlā nō hoʻi ʻoukou e manaʻo ai iā ʻoukou iho, ua make nō ka hewa, e ola ana nō hoʻi no ke Akua, ma o Kristo Iesū lā ko kākou Haku.

ʻO KA ʻEPISETOLE A PAULO KA LUNAʻŌLELO I KO ROMA 6:13

ʻAʻole hoʻi ʻoukou e hāʻawi i ko ʻoukou mau lālā i ka hewa i mau mea e lawehala ai; akā, e hāʻawi aku iā ʻoukou iho i ke Akua, a me ko ʻoukou mau lālā i mau mea e hana pono i ke Akua, me he poʻe ola lā mai waena mai o ka poʻe make.

ʻO KA ʻEPISETOLE A PAULO KA LUNAʻŌLELO I KO ROMA 6:16

ʻAʻole anei ʻoukou i ʻike, inā e hāʻawi aku ʻoukou iā ʻoukou iho na kekahi i mau kauā e mālama ai, he poʻe kauā ʻoukou na ka mea a ʻoukou i mālama ai, na ka hewa paha e make ai, a na ka pono paha e hoʻāpono ʻia ai?

ʻO KA ʻEPISETOLE A PAULO KA LUNAʻŌLELO I KO ROMA 6:2

ʻAʻole loa! Pehea lā kākou ka poʻe i make no ka hewa e noho hou ai ma laila?

ʻO KA ʻEPISETOLE A PAULO KA LUNAʻŌLELO I KO ROMA 6:22

ʻĀnō hoʻi, ua hoʻokaʻawale ʻia aʻe ʻoukou mai ka hewa aʻe a lilo hoʻi i mau kauā na ke Akua, ua loaʻa iā ʻoukou kā ʻoukou hua i ka pono, a ʻo ka hope, ke ola mau loa.

ʻO KA ʻEPISETOLE A PAULO KA LUNAʻŌLELO I KO ROMA 6:7

No ka mea, ʻo ka mea i make, ua hoʻokuʻu ʻia ʻo ia mai ka lawehala ʻana.

ʻO KA ʻEPISETOLE A PAULO KA LUNAʻŌLELO I KO ROMA 7:6

ʻĀnō hoʻi ua kuʻu ʻia kākou mai ke Kānāwai, ka mea i paʻa pio ai kākou; no ka mea, ua make kākou ia mea; i hoʻokauā hoʻi kākou me ka hou ʻana o ka ʻUhane, ʻaʻole ma ka mea kahiko o ke kānāwai.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:3

No ka mea, hāʻawi mua aku au iā ʻoukou i ka mea aʻu i loaʻa mai, i ka make ʻana o Kristo no ko kākou hewa, e like me kā ka Palapala Hemolele;

ʻO KA ʻEPISETOLE LUA A PAULO KA LUNAʻŌLELO I KO KORINETO 6:17

No laila, ke ʻī maila ka Haku, “«E puka mai ʻoukou mai waena mai o lākou, i kaʻawale ʻoukou; Mai hoʻopā aku hoʻi i ka mea haumia», a e hoʻokipa mai au iā ʻoukou.

ʻO KA ʻEPISETOLE A PAULO KA LUNAʻŌLELO I KO GALATIA 3:13

Ua hoʻōla aʻela ʻo Kristo iā kākou mai ka hoʻāhewa ʻia e ke Kānāwai, i kona lilo ʻana i ka hoʻāhewa ʻia no kākou; no ka mea, ua palapala ʻia, “«Ua hoʻāhewa ʻia nā mea a pau i kau ʻia ma luna o ka lāʻau»;”

ʻO KA ʻEPISETOLE A PAULO KA LUNAʻŌLELO I KO ʻEPESO 5:9

(no ka mea, ʻo ka hua na ka ʻUhane, ʻo ia ka maikaʻi a pau, a me ka pono a me ka ʻoiaʻiʻo);

ʻO KA ʻEPISETOLE A PAULO KA LUNAʻŌLELO I KO PILIPI 1:11

i hoʻopiha ʻia hoʻi ʻoukou i nā hua o ka pono, i mea e hoʻonani ai a e hoʻomaikaʻi ʻia aku ai ke Akua ma o Iesū Kristo lā.

ʻO KA ʻEPISETOLE A PAULO KA LUNAʻŌLELO I KO KOLOSA 2:14

e hōkai ana i ka palapala lima o nā ʻoihana i pono ʻole ai kākou, ʻo ka mea i kūʻē mai iā kākou, ʻo ia kāna i lawe aku ai, a mākia akula ma kona keʻa.

ʻO KA ʻEPISETOLE A PAULO KA LUNAʻŌLELO I KO KOLOSA 2:20

¶ Inā hoʻi i make pū ʻoukou me Kristo, a kaʻawale nā kumu liʻiliʻi o ko ke ao nei, no ke aha hoʻi ʻoukou, e like me ka noho ʻana ma kēia ao, i mālama ai i nā kapu,

ʻO KA ʻEPISETOLE A PAULO KA LUNAʻŌLELO I KO KOLOSA 3:3

No ka mea, ua make ʻoukou, a ua hūnā ʻia aku ko ʻoukou ola me Kristo i loko o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 10:10

Ma ia makemake hoʻi, ua loaʻa iā kākou ka huikala ʻana, ma ka mōhai hoʻokahi ʻana i ke kino o Iesū Kristo.

ʻO KA ʻEPISETOLE A PAULO KA LUNAʻŌLELO I KO HEBERA 10:5

No laila, i kona hiki ʻana mai i ke ao nei, ʻī akula ia, “«ʻO ka mōhai a me ka ʻālana, ʻo kaʻu ia i makemake ʻole ai, Akā, he kino kāu i hoʻomākaukau ai noʻu.

ʻO KA ʻEPISETOLE A PAULO KA LUNAʻŌLELO I KO HEBERA 12:13

a e hoʻopololei i nā alanui no ko ʻoukou mau wāwae, i ʻole ai e ʻōkupe aʻe ka mea ʻoʻopa; e aho hoʻi e hoʻōla ʻia ia.

ʻO KA ʻEPISETOLE A PAULO KA LUNAʻŌLELO I KO HEBERA 7:26

¶ ʻO ia ke ʻano o ke kahuna e pono ai kākou, ka mea hemolele, hewa ʻole, maʻemaʻe wale, kaʻawale hoʻi i nā lawehala, a i hoʻokiʻekiʻe ʻia aʻe hoʻi ma luna o nā lani;

ʻO KA ʻEPISETOLE A PAULO KA LUNAʻŌLELO I KO HEBERA 9:28

pēlā hoʻi ʻo Kristo, a pau kona hoʻolilo hoʻokahi ʻana iā ia iho i mōhai e halihali aku i ka hewa o ka lehulehu, e ʻike hou ʻia ʻo ia me ka mōhai ʻole, i ka lua o kona hiki ʻana mai, e ola ai, ka poʻe e kiaʻi ana iā ia.

ʻO KA ʻEPISETOLE HOʻOLAHA A IAKOBO 5:16

E haʻi aku i ko ʻoukou mau hewa kekahi i kekahi, a e pule hoʻi kekahi no kekahi, i pohala ai ʻoukou. ʻO ka pule ikaika a ke kanaka pono e lanakila nui ia.

ʻO KA ʻEPISETOLE HOʻOLAHA MUA A IOANE 2:29

Inā i ʻike ʻoukou, he pono ʻo ia, ke ʻike nei nō hoʻi ʻoukou, ua hoʻohānau ʻia mai e ia nā mea a pau e hana ana i ka pono.

ʻO KA ʻEPISETOLE HOʻOLAHA MUA A IOANE 3:7

E nā pōkiʻi, e mālama i hoʻopunipuni ʻole kekahi iā ʻoukou; ʻo ka mea i hana i ka pono, ʻo ia kai pono, e like me ko ia ala pono ʻana.

KA HŌʻIKE ʻANA A IOANE KA HAIPULE 22:2

A ma waena o kona alanui a ma kēlā kapa kēia kapa o ka muliwai, ʻo ka lāʻau o ke ola, e hua ana i ka hua he ʻumikumamālua ke ʻano, ʻakahi malama, ʻakahi hua āna. A ʻo nā lau o ka lāʻau, ʻo ia ka mea e ola ai nā lāhui kanaka.