ʻO KA ʻEPISETOLE HOʻOLAHA MUA A PETERO 2:17 - Ka Baibala Hemolele

¹⁷ E hoʻomaikaʻi aku i nā mea a pau: e aloha i nā hoahānau; e makaʻu i ke Akua; e hoʻomaikaʻi i ke aliʻi.

ʻO KA ʻEPISETOLE HOʻOLAHA MUA A PETERO 2:17 Iomraidhean Croise

KA BUKE MUA A MOSE, I KAPA ʻIA KINOHI 20:11

ʻĪ akula ʻo ʻAberahama, “No ka mea, ʻī ihola au ma kuʻu naʻau, ‘He ʻoiaʻiʻo, ʻaʻole ka makaʻu i ke Akua ma kēia wahi; a e pepehi mai auaneʻi lākou iaʻu no kuʻu wahine.

KA BUKE MUA A MOSE, I KAPA ʻIA KINOHI 22:12

ʻĪ maila ia, “Mai kau aku ʻoe i kou lima ma luna o ke keiki, ʻaʻole hoʻi e mea iki aku iā ia; no ka mea, ke ʻike nei au, ua makaʻu ʻoe i ke Akua; no ka mea, ʻaʻole ʻoe i ʻauʻa i kāu keiki, i kāu keiki ponoʻī iaʻu.”

KA BUKE MUA A MOSE, I KAPA ʻIA KINOHI 42:18

¶ A i ka pō ʻakolu, ʻōlelo akula ʻo Iosepa iā lākou, “E hana ʻoukou i kēia, i ola ʻoukou; ua makaʻu wau i ke Akua.

KA BUKE MUA O KA ʻOIHANA ALIʻI 29:20

ʻŌlelo maila ʻo Dāvida i ke anaina kanaka a pau, “ʻĀnō, e hoʻomaikaʻi ʻoukou iā Iēhova i ko ʻoukou Akua.” A hoʻomaikaʻi akula ke anaina kanaka a pau iā Iēhova i ke Akua o ko lākou poʻe kūpuna, a kūlou ihola i ko lākou mau poʻo, a kūlou loa i mua o Iēhova, a me ke aliʻi.

KA BUKE O NĀ HALELŪ 111:10

ʻO ka makaʻu aku iā Iēhova, ʻo ia ke kumu o ke akamai; He naʻauao maikaʻi ka poʻe a pau e hana ma laila; E mau loa ana nō kona hoʻonani ʻia.

KA BUKE ʻALUA A MOSE, I KAPA ʻIA PUKA ʻANA 20:12

¶ “E hoʻomaikaʻi ʻoe i kou makua kāne, a me kou makuahine; i lōʻihi ai kou mau lā ma luna o ka ʻāina a Iēhova a kou Akua i hāʻawi mai ai iā ʻoe.

NĀ ʻŌLELO AKAMAI A SOLOMONA 1:7

¶ ʻO ka makaʻu iā Iēhova, ʻo ia ka hoʻomaka ʻana o ka ʻike; A ʻo ka naʻauao, a me ke aʻo ʻia mai, ua hoʻowahāwahā ʻia e ka poʻe lapuwale.

NĀ ʻŌLELO AKAMAI A SOLOMONA 23:17

¶ Mai huāhuā kou naʻau i ka poʻe hewa; Akā, e noho mau ʻoe me ka makaʻu iā Iēhova a pō ka lā.

NĀ ʻŌLELO AKAMAI A SOLOMONA 24:21

¶ E kuʻu keiki, e makaʻu aku iā Iēhova, a me ke aliʻi; Me ka poʻe lolelua ka naʻau, mai launa aku.

KE KAHUNA 8:2

¶ Ke aʻo aku nei au iā ʻoe, “E mālama i ke kānāwai o ke aliʻi, no ka hoʻohiki ʻana i ke Akua.

KA BUKE ʻAKOLU A MOSE, I KAPA ʻIA ʻOIHANA KAHUNA 19:32

¶ ‘Ma ke alo o ke poʻo hina, e kū aʻe ai ʻoe i luna, a e mahalo aku i ke alo o ka ʻelemakule, a e weliweli i kou Akua; ʻo wau nō Iēhova.

ZEKARIA 11:14

A laila, uhaʻi ihola au i kēlā koʻokoʻo oʻu, iā Nāapo, no ka uhaʻi ʻana i ka launa hoahānau i waena o kā Iuda a ʻo kā ʻIseraʻela.

KA ʻEUANELIO I KĀKAU ʻIA AI E MATAIO 22:21

ʻĪ maila lākou iā ia, “No Kaisara.” A laila, ʻī akula ʻo ia iā lākou, “E hāʻawi aku i kā Kaisara iā Kaisara, a i kā ke Akua hoʻi i ke Akua.”

KA ʻEUANELIO I KĀKAU ʻIA AI E IOANE 13:35

“Ma kēia mea e ʻike ai nā kānaka a pau, he poʻe haumāna ʻoukou naʻu, ke aloha aku ʻoukou i kekahi i kekahi.”

ʻO KA ʻEPISETOLE A PAULO KA LUNAʻŌLELO I KO ROMA 12:10

E launa aku hoʻi kekahi i kekahi, ma ke aloha hoahānau; e hoʻopakela aku kekahi i kekahi ma ka hoʻomaikaʻi ʻana.

ʻO KA ʻEPISETOLE A PAULO KA LUNAʻŌLELO I KO ROMA 13:7

No laila, e hāʻawi aku i nā kānaka a pau i kā lākou; i ka waiwai ʻauhau i ka mea he pono nona ke ʻauhau mai; a i ke dute i ka mea he pono nona ke ʻohi mai; a i ka makaʻu i ka mea he pono ke makaʻu ʻia aku; a i ka hoʻomaikaʻi i ka mea he pono ke hoʻomaikaʻi ʻia aku.

ʻO KA ʻEPISETOLE LUA A PAULO KA LUNAʻŌLELO I KO KORINETO 7:1

¶ No ia hoʻi, e ka poʻe i aloha ʻia, no ka loaʻa ʻana mai iā kākou o nēia mau ʻōlelo hoʻopōmaikaʻi, e hoʻomaʻemaʻe kākou iā kākou iho i nā mea paumāʻele a pau o ke kino a me ka ʻuhane, e hoʻopaʻa ana hoʻi i ka maikaʻi ma ka makaʻu i ke Akua.

ʻO KA ʻEPISETOLE A PAULO KA LUNAʻŌLELO I KO ʻEPESO 5:21

e mālama ana i kekahi i kekahi me ka makaʻu i ke Akua.

ʻO KA ʻEPISETOLE A PAULO KA LUNAʻŌLELO I KO PILIPI 2:3

Mai hana ʻoukou i kekahi mea me ka hakakā a me ka hoʻokiʻekiʻe wale; akā, me ka naʻau akahai e hōʻoi aku i ka manaʻo maikaʻi iā haʻi, ʻaʻole iā ʻoukou iho.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:1

¶ E pono i nā kauā a pau ma lalo iho o ka ʻauamo, ke manaʻo i ko lākou mau haku, he pono ke hoʻomaikaʻi nui ʻia aku, i ʻole ai e hōʻino wale ʻia ka inoa o ke Akua a me kāna ʻōlelo.

ʻO KA ʻEPISETOLE A PAULO KA LUNAʻŌLELO I KO HEBERA 13:1

¶ E mau aku hoʻi ke aloha hoahānau.

ʻO KA ʻEPISETOLE HOʻOLAHA MUA A PETERO 1:22

¶ I ka mālama ʻana i ka ʻoiaʻiʻo, ua hoʻomaʻemaʻe ʻoukou i ko ʻoukou naʻau, na ka ʻUhane mai, i ke aloha hoʻokamani ʻole i nā hoahānau; no laila, ʻeā, e aloha ikaika loa aku ʻoukou i kekahi i kekahi me ka naʻau maʻemaʻe.

ʻO KA ʻEPISETOLE HOʻOLAHA MUA A PETERO 2:13

¶ No laila, e hoʻolohe pono ʻoukou i kā nā luna kanaka a pau no ka Haku; inā ma kā ke aliʻi nui e like ia me he mōʻī lā;

ʻO KA ʻEPISETOLE HOʻOLAHA MUA A PETERO 5:5

ʻO ʻoukou, e ka poʻe ʻōpiopio, e noho pono ʻoukou ma lalo o nā lunakahiko. ʻO ʻoukou hoʻi a pau, e noho pono ʻoukou, kekahi ma lalo iho o kekahi, a e hoʻouhi ʻia ʻoukou i ka manaʻo hoʻohaʻahaʻa; no ka mea, «ua kūʻē ke Akua i ka poʻe hoʻokiʻekiʻe; akā, ke lokomaikaʻi nei ʻo ia» i ka poʻe hoʻohaʻahaʻa.

KA BUKE MUA A SAMUʻELA 15:30

ʻĪ maila ia, “Ua hewa au; ke noi aku nei au iā ʻoe, ʻānō e hoʻomaikaʻi mai ʻoe iaʻu i mua o nā lunakahiko o kuʻu poʻe kānaka, a i mua hoʻi o kā ʻIseraʻela, a e huli hou aʻe me aʻu, i hoʻomana aku ai au iā Iēhova i kou Akua.”