ʻO KA ʻEPISETOLE HOʻOLAHA MUA A PETERO 1:7 - Ka Baibala Hemolele

⁷ i lilo hoʻi ka hoʻāʻo ʻana o ko ʻoukou manaʻoʻiʻo, ka mea i ʻoi aku ka maikaʻi ma mua o ke gula pau wale, i hoʻāʻo ʻia i ke ahi, i mea e mahalo ʻia ai, a e hoʻomaikaʻi ʻia ai, a e hoʻonani ʻia ai i ka wā e ʻikea mai ai ʻo Iesū Kristo.

ʻO KA ʻEPISETOLE HOʻOLAHA MUA A PETERO 1:7 Iomraidhean Croise

KA BUKE NO IOBA 23:10

“No ka mea, ua ʻike nō ia i ka ʻaoʻao i loko oʻu; Ke hoʻāʻo nei ia iaʻu, a e puka aku auaneʻi au, me he gula lā.

KA BUKE NO IOBA 28:1

¶ “He ʻoiaʻiʻo, he wahi ahu no ke kālā, A he wahi no ke gula, kahi a lākou e hoʻomaʻemaʻe ai.

KA BUKE O NĀ HALELŪ 17:3

Ua hoʻāʻo mai nei ʻoe i koʻu naʻau; Ua ʻike mai nei ʻoe iaʻu i ka pō; Ua hoʻāʻo mai nei ʻoe iaʻu, ʻaʻohe e loaʻa iā ʻoe; Ua paʻa kuʻu manaʻo ʻaʻole e hoʻohala kuʻu waha.

NĀ ʻŌLELO AKAMAI A SOLOMONA 16:16

ʻO ka loaʻa ʻana o ke akamai, ua maikaʻi ia ma mua o ke gula! ʻO ka loaʻa ʻana o ka naʻauao, e pono ke koho ʻia ma mua o ke kālā.

NĀ ʻŌLELO AKAMAI A SOLOMONA 17:3

He ipu hoʻoheheʻe, no ke kālā ia; no ke gula hoʻi he kapuahi ʻuʻuku; Akā, na Iēhova e hoʻāʻo mai i nā naʻau.

NĀ ʻŌLELO AKAMAI A SOLOMONA 8:19

“Ua maikaʻi koʻu hua ma mua o ke gula a me ke gula maikaʻi; He mea koho ʻia hoʻi ka waiwai ma oʻu nei ma mua o ke kālā.

KE KAHUNA 5:14

Akā, e pau auaneʻi kēia waiwai i ka hana pono ʻole; a ua hānau aku kāna keiki; akā, ʻaʻohe mea ma kona lima.

KA WĀNANA A ʻISAIA 48:10

“Aia hoʻi, ua hoʻoheheʻe hoʻomaikaʻi aku au iā ʻoe, ʻaʻole naʻe me ke kālā; Ua hoʻāʻo aku au iā ʻoe ma ka umu o ka pōpilikia.

KA WĀNANA A IEREMIA 48:36

¶ “No laila, e kani nō koʻu naʻau me he ʻohe kani lā no Moaba, a me he ʻohe kani lā e kani ai koʻu naʻau no nā kānaka o Kira Haresa; no ka mea, ua lilo ka waiwai āna i loaʻa ai.

KA WĀNANA A IEREMIA 9:7

¶ No laila, ke ʻōlelo mai nei ʻo Iēhova o nā kaua pēnēia, “Aia hoʻi, e hoʻoheheʻe nō wau iā lākou, a e hoʻāʻo hoʻi iā lākou; No ka mea, he aha lā wau e hana ai no ke kaikamahine o koʻu poʻe kānaka?

ZEKARIA 13:9

“A e alakaʻi au i kekahi hapakolu i waena o ke ahi, A e hoʻoheheʻe au iā lākou e like me ka hoʻoheheʻe ʻia ʻana o ke kālā, E hoʻāʻo hoʻi au iā lākou e like me ka hoʻāʻo ʻana i ke gula; E kāhea mai ia poʻe i kuʻu inoa, a e hoʻolohe au iā lākou; E ʻōlelo auaneʻi au, ‘ʻO koʻu poʻe kānaka kēia’; A e ʻōlelo hoʻi lākou, ‘ʻO Iēhova koʻu Akua.’”

MALAKI 3:3

“A noho ia he mea hoʻoheheʻe a me ka hoʻomaʻemaʻe i ke kālā; a e huikala ia i nā keiki a Levi, a e hoʻomaʻemaʻe ʻo ia iā lākou e like me ke gula a me ke kālā, i mōhai aku ai lākou i ka mōhai pono na Iēhova.

KA BUKE ʻAHĀ A MOSE, I KAPA ʻIA NĀ HELU 5:28

‘Inā hoʻi ua haumia ʻole ka wahine, he maʻemaʻe nō; a laila ua ola ia, a e hāpai ia i nā keiki.

KA ʻEUANELIO I KĀKAU ʻIA AI E MATAIO 19:28

ʻĪ maila ʻo Iesū iā lākou, “He ʻoiaʻiʻo kaʻu e ʻōlelo aku nei iā ʻoukou, i ke ola hou ʻana, i ka wā e noho ai ke Keiki a ke Kanaka ma luna o kona noho aliʻi nani; ʻoukou hoʻi ka poʻe i hahai mai iaʻu, e noho nō ʻoukou ma luna o nā noho aliʻi he ʻumikumamālua, i poʻe luna kānāwai no nā ʻohana o ʻIseraʻela he ʻumikumamālua.

KA ʻEUANELIO I KĀKAU ʻIA AI E MATAIO 25:21

“ʻĪ akula kona haku iā ia, ‘Pono, e ke kauā maikaʻi, mālama pono; he pono kou mālama ʻana i nā mea he ʻuʻuku, e hoʻonoho nō au iā ʻoe ma luna o nā mea he nui loa. E komo aʻe ʻoe i loko o ka ʻoliʻoli o kou haku.’

KA ʻEUANELIO I KĀKAU ʻIA AI E MATAIO 25:23

“ʻĪ akula kona haku iā ia, ‘Pono, e ke kauā maikaʻi, mālama pono; he pono kou mālama ʻana i nā mea he ʻuʻuku, e hoʻonoho nō au iā ʻoe ma luna o nā mea he nui loa. E komo aʻe ʻoe i loko o ka ʻoliʻoli o kou haku.’

KA ʻEUANELIO I KĀKAU ʻIA AI E LUKA 12:33

“E kūʻai lilo aku i ko ʻoukou waiwai, a e hāʻawi manawaleʻa aku. E hoʻolakolako iā ʻoukou iho i mau ʻaʻa moni nāhaehae ʻole, i waiwai pau ʻole ma ka lani, kahi hiki ʻole ai i ka ʻaihue, kahi e ʻino ʻole ai i ka mū.

KA ʻEUANELIO I KĀKAU ʻIA AI E LUKA 17:30

“Pēlā auaneʻi i ka lā e hōʻike ʻia mai ai ke Keiki a ke Kanaka.

KA ʻEUANELIO I KĀKAU ʻIA AI E IOANE 12:26

“Inā e hoʻokauā mai kekahi naʻu, e hahai mai ia iaʻu; a ma koʻu wahi e noho ai, ma laila pū nō hoʻi kaʻu kauā; inā e hoʻokauā mai kekahi naʻu, e hoʻomaikaʻi ka Makua iā ia.

KA ʻEUANELIO I KĀKAU ʻIA AI E IOANE 5:44

“Pehea lā e hiki ai iā ʻoukou ke manaʻoʻiʻo, me ko ʻoukou manaʻo ʻana i ka hoʻomaikaʻi ʻia o kekahi e kekahi, a me ka ʻimi ʻole i ka hoʻomaikaʻi ʻia mai e ke Akua wale nō?

NĀ ʻOIHANA A KA POʻE LUNAʻŌLELO 8:20

ʻĪ maila ʻo Petero iā ia, “E lilo pū kāu kālā me ʻoe i ka make, no kou manaʻo e loaʻa mai ka makana o ke Akua ma ke kālā!

ʻO KA ʻEPISETOLE A PAULO KA LUNAʻŌLELO I KO ROMA 2:10

akā, ʻo ka nani, a me ka mahalo, a me ka pōmaikaʻi, no nā mea a pau e hana ana i ka pono; no kā Iudaio mua a no kā Helene hoʻi.

ʻO KA ʻEPISETOLE A PAULO KA LUNAʻŌLELO I KO ROMA 2:29

Akā, ʻo ka mea e Iudaio ana ma loko, ʻo ia kā Iudaio; a ʻo ke ʻoki poepoe ʻana, no ka naʻau ia, ma ka ʻUhane, ʻaʻole ma ka hua palapala; ʻaʻole no nā kānaka kona hoʻomaikaʻi ʻia, no ke Akua mai nō.

ʻO KA ʻEPISETOLE A PAULO KA LUNAʻŌLELO I KO ROMA 2:7

i ka poʻe e ʻimi ana i ka nani, a me ka mahalo, a me ka make ʻole, ma ka hoʻoikaika mau ʻana i ka hana maikaʻi, i ke ola loa;

ʻO KA ʻEPISETOLE A PAULO KA LUNAʻŌLELO I KO ROMA 8:19

No ka mea, ke kali nei ka mea i hana ʻia me ka ʻiʻini nui i ka hōʻike ʻana mai o nā keiki a ke Akua.

ʻO KA ʻEPISETOLE MUA A PAULO KA LUNAʻŌLELO I KO KORINETO 3:13

e maopopo auaneʻi ka hana a kēlā mea kēia mea; e hoʻākāka mai ana nō kēlā lā; no ka mea, ma loko o ke ahi e hoʻomaopopo ʻia mai ai ia mea. Na ke ahi nō e hoʻāʻo ke ʻano o ka hana a nā kānaka a pau.

ʻO KA ʻEPISETOLE MUA A PAULO KA LUNAʻŌLELO I KO KORINETO 4:5

No ia mea, mai hoʻohewa ʻē i kekahi mea, a hiki mai ka Haku, nāna nō e hoʻomaopopo mai nā mea i hūnā ʻia o ka pouli, a e hōʻike mai hoʻi nā manaʻo o nā naʻau; a laila e loaʻa mai i kēlā kanaka a i kēia kanaka ka hoʻomaikaʻi ʻia, mai ke Akua mai.

ʻO KA ʻEPISETOLE HOʻOLAHA A IAKOBO 1:12

¶ Pōmaikaʻi wale ke kanaka, ke kūpaʻa ia i ka hoʻowalewale ʻia mai; no ka mea, a pau kona hoʻāʻo ʻia mai, e loaʻa auaneʻi iā ia ka lei o ke ola i ʻōlelo ʻia mai ai e ka Haku no ka poʻe e aloha aku ana iā ia.

ʻO KA ʻEPISETOLE HOʻOLAHA MUA A PETERO 1:13

¶ No ia mea, e kāʻei ʻoukou i ka pūhaka o ko ʻoukou naʻau, e kūoʻo, a e hoʻomau i ka lana ʻana o ka manaʻo, no ke aloha ʻia mai i ka wā e hōʻikea mai ai ʻo Iesū Kristo.

ʻO KA ʻEPISETOLE HOʻOLAHA MUA A PETERO 1:5

ka poʻe i mālama ʻia mai e ka mana o ke Akua, ma ka manaʻoʻiʻo, i loaʻa mai ke ola i hoʻomākaukau ʻia no ka hōʻike ʻia mai i ka wā ma hope.

ʻO KA ʻEPISETOLE HOʻOLAHA MUA A PETERO 2:4

Ua hele mai ʻoukou i ona lā, ka pōhaku ola, ua haʻalele ʻia nō naʻe ia e kānaka; akā, ua wae ʻia mai e ke Akua, he maikaʻi ʻiʻo.

ʻO KA ʻEPISETOLE HOʻOLAHA MUA A PETERO 2:7

He maikaʻi ʻiʻo ia iā ʻoukou i ka poʻe manaʻoʻiʻo; akā, i ka poʻe hoʻolohe ʻole, “«ʻO ka pōhaku i haʻalele ʻia e ka poʻe hana hale, ʻO ia kai hoʻolilo ʻia i pōhaku kumu no ke kihi,

ʻO KA ʻEPISETOLE HOʻOLAHA MUA A PETERO 4:12

¶ E nā pōkiʻi ē, ʻo ka pilikia e hiki mai ana i o ʻoukou lā, i mea e hoʻāʻo mai ai iā ʻoukou, mai haʻohaʻo ʻoukou ia mea, me he mea hou lā e hiki mai ai iā ʻoukou;

ʻO KA ʻEPISETOLE HOʻOLAHA MUA A PETERO 4:13

akā, e ʻoliʻoli ʻoukou; no ka mea, he poʻe hoa ʻeha pū ʻoukou me Kristo; i mea e hauʻoli loa ai ʻoukou i ka wā e hōʻike ʻia mai ai kona nani.

ʻO KA ʻEPISETOLE HOʻOLAHA MUA A PETERO 5:1

¶ ʻO wau ʻo kekahi lunakahiko, a he mea hōʻike i ko Iesū ʻeha ʻana, a he hoaaloha pū no ka nani e hiki mai ana, ke nonoi aku nei au i nā lunakahiko o ʻoukou.

ʻO KA ʻEPISETOLE HOʻOLAHA ʻALUA A PETERO 1:1

¶ ʻO Simona Petero, he kauā a he lunaʻōlelo na Iesū Kristo, na ka poʻe i loaʻa pū ka manaʻo ʻoiaʻiʻo i maikaʻi like, ma ka pono o ko kākou Akua, a me Iesū Kristo ko kākou Hoʻōla:

ʻO KA ʻEPISETOLE HOʻOLAHA ʻALUA A PETERO 1:4

Ma laila nō ua haʻi ʻia mai nā mea nui loa, e pōmaikaʻi nui ai; i mea e loaʻa ai iā ʻoukou kekahi ʻano e like me ko ke Akua; no ka mea, ua haʻalele ʻoukou i ka hewa i loko o ke ao nei ma ke kuko.

ʻO KA ʻEPISETOLE HOʻOLAHA ʻALUA A PETERO 3:14

¶ No laila, e nā pōkiʻi ē, no ko ʻoukou manaʻo ʻana i kēia mau mea, e hoʻoikaika ʻoukou, i loaʻa ʻoukou iā ia me ka maluhia, a me ke kīnā ʻole, a me ka hala ʻole.

ʻO KA ʻEPISETOLE HOʻOLAHA A IUDA 1:24

¶ Eia hoʻi, i ka Mea e hiki ai ke mālama iā ʻoukou i ʻole ai e hāʻule, e hoʻokū mai hoʻi iā ʻoukou i hemolele i mua i ke alo o kona nani me ka hauʻoli nui aku;

KA HŌʻIKE ʻANA A IOANE KA HAIPULE 1:7

«Aia hoʻi ke hele maila ia me nā ao»; a e ʻike aku nā maka a pau iā ia, a ʻo ka poʻe hoʻi nāna ia i ʻō aku; a iā ia nō e uē ai nā ʻohana a pau o ka honua. ʻO ia, ʻĀmene.

KA HŌʻIKE ʻANA A IOANE KA HAIPULE 2:10

‘Mai makaʻu aku i nā mea āu e pilikia ai; aia hoʻi, e hahao ana ʻo ka diabolō i kekahi o ʻoukou i loko o ka hale paʻahao, i hoʻāʻo ʻia ai ʻoukou; he ʻumi nā lā a ʻoukou e kaumaha ai. E kūpaʻa ʻoe ma ka pono a hiki i ka make, a naʻu nō e hāʻawi aku iā ʻoe i ka lei o ke ola.

KA HŌʻIKE ʻANA A IOANE KA HAIPULE 3:10

‘No ka mea, ua mālama ʻoe i ka ʻōlelo o koʻu ahonui, naʻu nō hoʻi e mālama aku iā ʻoe i ka hora o ka hoʻowalewale, i kokoke nō e hiki mai ma luna o ko ke ao nei a pau, e hoʻāʻo i ka poʻe e noho lā ma ka honua.

KA HŌʻIKE ʻANA A IOANE KA HAIPULE 3:18

‘Ke aʻo aku nei au iā ʻoe, e kūʻai me aʻu i ke gula i hoʻomaikaʻi ʻia i ke ahi, i waiwai ʻiʻo ʻoe; a i ʻaʻahu keʻokeʻo, i ʻaʻahu ʻia ʻoe, i ʻike ʻole ʻia mai ka hilahila o kou ʻōlohelohe ʻana; a i lāʻau mākole e hamo ai i kou mau maka, i ʻike ʻoe.

KA BUKE MUA A SAMUʻELA 2:30

“No ia mea, ke ʻōlelo mai nei ʻo Iēhova ke Akua o kā ʻIseraʻela, ‘ʻĪ ihola au, ʻo ko ka hale ou, a me ko ka hale o kou makua kāne, e hele mau loa lākou i mua oʻu’; akā ʻānō, ke ʻī mai nei ʻo Iēhova, ‘Hōʻole akula au ia; no ka mea, ʻo nā mea e hoʻomaikaʻi mai iaʻu, naʻu lākou e hoʻomaikaʻi aku; a ʻo nā mea e hoʻowahāwahā mai iaʻu, e hoʻowahāwahā ʻia lākou.