ʻO KA ʻEPISETOLE HOʻOLAHA MUA A IOANE 5:7 - Ka Baibala Hemolele

⁷ ʻEkolu Mea nāna e hōʻike mai i loko o ka lani: ʻo ka Makua, ʻo ka Logou, a me ka ʻUhane Hemolele; ʻo kēia mau Mea ʻekolu, hoʻokahi nō ia.

ʻO KA ʻEPISETOLE HOʻOLAHA MUA A IOANE 5:7 Iomraidhean Croise

KA BUKE O NĀ HALELŪ 33:6

¶ Ma ka ʻōlelo a Iēhova i hana ʻia ai nā lani; ʻO ko laila lehulehu nō hoʻi ma ka hā ʻana o kona waha.

KA WĀNANA A ʻISAIA 61:1

¶ Eia nō ma luna oʻu ka ʻUhane o Iēhova, ka Haku, No ka mea, ua poni mai ʻo Iēhova iaʻu, E haʻi i ka ʻōlelo maikaʻi i ka poʻe hoʻohaʻahaʻa; Ua hoʻouna mai ʻo ia iaʻu e wahī i nā naʻau ʻehaʻeha, E haʻi aku i ke kuʻu ʻana no ka poʻe i pio, A me ka wehe ʻana o ka hale paʻahao no ka poʻe i paʻa;

KA ʻEUANELIO I KĀKAU ʻIA AI E MATAIO 17:5

Iā ia i ʻōlelo aku ai, aia hoʻi, he ao ʻālohilohi i uhi mai iā lākou; a he leo mai loko mai o ke ao i paʻē maila, “ʻO kaʻu Keiki punahele kēia, ka Mea aʻu i ʻoliʻoli loa ai; e hoʻolohe ʻoukou iā ia!”

KA ʻEUANELIO I KĀKAU ʻIA AI E MATAIO 18:16

“A i hoʻolohe ʻole mai ʻo ia iā ʻoe, e kono aku me ʻoe i hoʻokahi i ʻelua paha, «i maopopo ai kēlā ʻōlelo kēia ʻōlelo ma ka waha o nā mea ʻike maka ʻelua a ʻekolu paha».

KA ʻEUANELIO I KĀKAU ʻIA AI E MATAIO 28:19

“E hele aʻe ʻoukou e hoʻohaumāna aku i nā lāhui kanaka a pau, e bapetizo ana iā lākou i loko o ka inoa o ka Makua, a ʻo ke Keiki, a ʻo ka ʻUhane Hemolele;

KA ʻEUANELIO I KĀKAU ʻIA AI E IOANE 1:1

¶ I kinohi ka Logou, me ke Akua ka Logou, a ʻo ke Akua nō ka Logou.

KA ʻEUANELIO I KĀKAU ʻIA AI E IOANE 10:30

“ʻO wau a ʻo ka Makua, hoʻokahi māua.”

KA ʻEUANELIO I KĀKAU ʻIA AI E IOANE 12:28

“E ka Makua, e hoʻonani ʻoe i kou inoa.” A laila paʻē maila ka leo mai ka lani mai, “Ua hoʻonani iho nō au, a e hoʻonani hou iho nō hoʻi au.”

KA ʻEUANELIO I KĀKAU ʻIA AI E IOANE 14:17

“ʻO ia ka ʻUhane ʻoiaʻiʻo, ka mea hiki ʻole ke loaʻa i ko ke ao nei; no ka mea, ʻaʻole lākou e nānā iā ia, ʻaʻole hoʻi e ʻike iā ia; akā, ke ʻike nei ʻoukou iā ia; no ka mea, ke noho nei ia me ʻoukou, a i loko o ʻoukou.

KA ʻEUANELIO I KĀKAU ʻIA AI E IOANE 15:26

“Aia hiki mai ke Kōkua, ka Mea e hoʻouna ʻia e aʻu mai ka Makua mai, ʻo ia ka ʻUhane ʻoiaʻiʻo, ka Mea i hele mai mai ka Makua mai, nāna nō e hōʻike aku noʻu;

KA ʻEUANELIO I KĀKAU ʻIA AI E IOANE 5:26

“No ka mea, e like me ka Makua he ola kona i loko ona iho; pēlā hoʻi ia i hāʻawi mai ai i ke Keiki i ola nona i loko ona iho.

KA ʻEUANELIO I KĀKAU ʻIA AI E IOANE 8:18

“ʻO wau nō kekahi e hōʻike noʻu iho, a ʻo ka Makua nāna au i hoʻouna mai, ʻo ia kekahi e hōʻike mai noʻu.”

KA ʻEUANELIO I KĀKAU ʻIA AI E IOANE 8:54

ʻŌlelo maila ʻo Iesū, “Inā e hoʻomaikaʻi au iaʻu iho, he mea ʻole koʻu hoʻomaikaʻi ʻana; ʻo koʻu Makua ke hoʻomaikaʻi mai iaʻu, ʻo ka mea a ʻoukou e ʻōlelo nei, ‘ʻO ko ʻoukou Akua ia.’

NĀ ʻOIHANA A KA POʻE LUNAʻŌLELO 2:33

“Ua hoʻokiʻekiʻe ʻia aʻela ia e ka lima ʻākau o ke Akua, ua loaʻa nō hoʻi iā ia, na ka Makua mai, ka ʻōlelo hoʻolana o kona hāʻawi ʻana mai i ka ʻUhane Hemolele, no ia mea, ua hāʻawi nui ʻo ia i kēia mea a ʻoukou e ʻike nei, a e lohe nei.

NĀ ʻOIHANA A KA POʻE LUNAʻŌLELO 5:32

“ʻO mākou nō kona poʻe hōʻike no kēia mau mea; a me ka ʻUhane Hemolele hoʻi, ʻo ka mea a ke Akua i hāʻawi mai ai i ka poʻe mālama iā ia.”

ʻO KA ʻEPISETOLE LUA A PAULO KA LUNAʻŌLELO I KO KORINETO 13:14

¶ I mau aku ka lokomaikaʻi o ka Haku ʻo Iesū Kristo, me ke aloha o ke Akua, a me ka launa pū ʻana o ka ʻUhane Hemolele me ʻoukou a pau. ʻĀmene.

KA BUKE ʻALIMA A MOSE, I KAPA ʻIA KĀNĀWAI LUA 6:4

¶ “E hoʻolohe mai, e kā ʻIseraʻela! ʻO Iēhova ko kākou Akua, hoʻokahi nō Iēhova!

ʻO KA ʻEPISETOLE HOʻOLAHA MUA A IOANE 1:1

¶ ʻO ka mea mai kinohi mai, ka mea a mākou i lohe ai, ka mea a ko mākou mau maka i ʻike ai, ka mea a mākou i manaʻo ai, a i lawelawe ai nō hoʻi me ko mākou mau lima, no ka Logou o ke Ola;

ʻO KA ʻEPISETOLE HOʻOLAHA MUA A IOANE 5:6

ʻO ka Mea i hiki mai ma ka wai a me ke koko, ʻo Iesū Kristo nō ia; ʻaʻole ma ka wai wale nō; akā, ma ka wai a me ke koko; ʻo ka ʻUhane ka Mea e hōʻike mai, a he ʻoiaʻiʻo ka ʻUhane.

ʻO KA ʻEPISETOLE HOʻOLAHA MUA A IOANE 5:8

A ʻekolu nā mea nāna e hōʻike mai ma ka honua: ʻo ka ʻUhane, ʻo ka wai, a me ke koko; ʻo kēia mau mea ʻekolu, ua lilo i hoʻokahi nō.

KA HŌʻIKE ʻANA A IOANE KA HAIPULE 19:13

Ua ʻaʻahu ia hoʻi ʻo ia i ka ʻaʻahu i hoʻoluʻu ʻia i ke koko; a ua kapa ʻia kona inoa, ʻo Ka Logou a ke Akua.