ʻO KA ʻEPISETOLE HOʻOLAHA MUA A IOANE 5:16 - Ka Baibala Hemolele

¹⁶ Inā e ʻike kekahi i kona hoahānau, e hana ana i ka hewa kū ʻole i ka make, e pule aku ia, a e hāʻawi mai ʻo ia iā ia i ke ola no nā mea e hana ana i ka hewa ʻaʻole i kū i ka make. He hewa nō kekahi i kū i ka make; ʻaʻole au e ʻōlelo aku e pule ʻo ia no ia mea.

ʻO KA ʻEPISETOLE HOʻOLAHA MUA A IOANE 5:16 Iomraidhean Croise

KA BUKE MUA A MOSE, I KAPA ʻIA KINOHI 20:17

Pule akula ʻo ʻAberahama i ke Akua, a hoʻōla maila ke Akua iā ʻAbimeleka, me kāna wahine a me kāna poʻe kauā wahine; a hānau keiki lākou.

KA BUKE MUA A MOSE, I KAPA ʻIA KINOHI 20:7

“No ia mea hoʻi, e hoʻihoʻi aku na ua kanaka lā i kāna wahine; no ka mea, he kāula ia, a nāna nō e pule mai nou, i ola ai ʻoe; a i ʻole ʻoe e hoʻihoʻi mai iā ia, a laila e ʻike pono ʻoe, he ʻoiaʻiʻo e make nō ʻoe, ʻo ʻoe a me ou poʻe a pau”

KA BUKE O NĀ HALELŪ 106:23

A laila, ʻōlelo nō ʻo ia e luku iā lākou, Inā i kū ʻole ʻo Mose, kona mea i wae ʻia ma ka hakahaka i mua ona, E pale aku i kona huhū i ʻole ia e luku mai.

KA BUKE ʻALUA A MOSE, I KAPA ʻIA PUKA ʻANA 34:9

ʻĪ akula ia, “A inā i loaʻa iaʻu ka lokomaikaʻi ʻia mai i mua ou, e ka Haku ē, ke nonoi aku nei au e hele pū aku koʻu Haku me mākou; (he poʻe kānaka ʻāʻī ʻoʻoleʻa naʻe kēia); a e kala mai ʻoe i ko mākou hala me ko mākou hewa, a e lawe ʻoe iā mākou i hoʻoilina nou.”

KA WĀNANA A IEREMIA 11:14

¶ “No laila, mai pule ʻoe no kēia poʻe kānaka, ʻaʻole hoʻi e hoʻokiʻekiʻe i ke kāhea ʻana, a me ka pule ʻana no lākou; no ka mea, ʻaʻole au e hoʻolohe i ka wā e kāhea mai ai lākou iaʻu no ko lākou pōpilikia.

KA WĀNANA A IEREMIA 14:11

A laila, ʻōlelo maila ʻo Iēhova iaʻu, “Mai pule aku ʻoe no kēia poʻe kānaka, no ka maikaʻi.

KA WĀNANA A IEREMIA 7:16

¶ “No laila, mai pule ʻoe, no kēia poʻe kānaka, ʻaʻole hoʻi e hoʻokiʻekiʻe i ka leo, a me ka nonoi ʻana no lākou, ʻaʻole hoʻi e ʻuao iho no lākou; no ka mea, ʻaʻole loa au e hoʻolohe aku iā ʻoe.

KA WĀNANA A ʻEZEKIʻELA 22:30

“ʻImi akula au i kahi kanaka i waena o lākou e hana hou i ka pā, a e kū ma kahi nahā i mua o koʻu alo no ka ʻāina, i ʻole au e luku aku iā ia; ʻaʻole hoʻi i loaʻa iaʻu.

KA BUKE ʻAHĀ A MOSE, I KAPA ʻIA NĀ HELU 12:13

Kāhea akula ʻo Mose iā Iēhova, ʻī akula, “E ke Akua ē, ke noi aku nei au iā ʻoe, e hoʻōla mai ʻoe iā ia!”

KA BUKE ʻAHĀ A MOSE, I KAPA ʻIA NĀ HELU 15:30

‘Akā, ʻo ke kanaka hana hewa me ka hoʻokiʻekiʻe, ʻo ke keiki papa, a me ke kanaka ʻē, ʻo ia ka mea hōʻino iā Iēhova; a e hōʻoki ʻia aku ua kanaka lā mai waena aku o kona hanauna.

KA ʻEUANELIO I KĀKAU ʻIA AI E LUKA 12:10

“ʻO ka mea e ʻōlelo kūʻē i ke Keiki a ke Kanaka, e hiki nō ia i ke kala ʻia; akā, ʻo ka mea e ʻōlelo hōʻino wale i ka ʻUhane Hemolele, ʻaʻole loa ia e kala ʻia.

KA ʻEUANELIO I KĀKAU ʻIA AI E IOANE 17:9

“Ke pule nei au no lākou; ʻaʻole au e pule no ko ke ao nei; akā, no ka poʻe āu i hāʻawi mai ai iaʻu; no ka mea, nou lākou.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:14

ʻO ʻAlekanedero ka hana keleawe, ua hoʻoili mai iaʻu i nā hewa he nui; e hoʻopaʻi mai ka Haku iā ia e like me kāna hana.

ʻO KA ʻEPISETOLE HOʻOLAHA MUA A IOANE 5:17

ʻO nā mea pono ʻole a pau, he hewa wale nō ia; akā, ʻo kekahi hewa ʻaʻole he mea ia e make ai.

KA BUKE MUA A SAMUʻELA 12:19

¶ ʻŌlelo maila nā kānaka a pau iā Samuʻela, “E pule ʻoe iā Iēhova i kou Akua no kāu poʻe kauā, i make ʻole ai mākou; no ka mea, me nā hewa a pau a mākou, ua pākuʻi mākou i kēia hewa hou, ʻo ke noi ʻana i aliʻi no mākou.”

KA BUKE MUA A SAMUʻELA 2:25

“Inā i hana hewa kekahi, iā haʻi, a laila e hoʻoponopono nā luna kānāwai iā ia; akā, i hana hewa ke kanaka iā Iēhova, ʻo wai ka mea e pule aku nona?” ʻAʻole nō hoʻi lāua i hoʻolohe i ka leo o ko lāua makua kāne; no ka mea, manaʻo nō ʻo Iēhova e pepehi mai iā lāua.