ʻO KA ʻEPISETOLE HOʻOLAHA MUA A IOANE 5:11 - Ka Baibala Hemolele

¹¹ Eia nō ka ʻōlelo; ua hāʻawi mai ke Akua i ke ola mau loa no kākou, a ʻo ua ola lā, aia nō ia i loko o kāna Keiki.

ʻO KA ʻEPISETOLE HOʻOLAHA MUA A IOANE 5:11 Iomraidhean Croise

KA ʻEUANELIO I KĀKAU ʻIA AI E MATAIO 25:46

“A ʻo kēia poʻe lā, e hele aku lākou i kahi make mau loa; akā, ʻo ka poʻe maikaʻi i loko o ke ola mau loa.”

KA ʻEUANELIO I KĀKAU ʻIA AI E IOANE 1:19

¶ Eia kā Ioane i hōʻike mai ai, i ka wā i hoʻouna aku ai nā Iudaio i nā kāhuna, a me nā Levi no Ierusalema aku, e nīnau aku iā ia, “ʻO wai ʻoe?”

KA ʻEUANELIO I KĀKAU ʻIA AI E IOANE 1:4

I loko ona ke ola, a ʻo ua ola lā ka mālamalama no nā kānaka.

KA ʻEUANELIO I KĀKAU ʻIA AI E IOANE 10:28

a e hāʻawi aku au iā lākou i ke ola mau loa; ʻaʻole loa lākou e make, ʻaʻole hoʻi he mea nāna lākou e kāʻili aʻe mai loko aku o koʻu lima.

KA ʻEUANELIO I KĀKAU ʻIA AI E IOANE 12:50

“A ua ʻike hoʻi au, ʻo kāna kauoha ʻo ia ke ola mau loa. ʻO nā mea hoʻi aʻu e ʻōlelo nei, ke ʻōlelo nei au e like me ka Makua i kauoha mai ai iaʻu.”

KA ʻEUANELIO I KĀKAU ʻIA AI E IOANE 14:6

ʻŌlelo maila ʻo Iesū iā ia, “ʻO wau nō ke ala, a me ka ʻoiaʻiʻo, a me ke ola; ʻaʻole kekahi e hiki i ka Makua, ke hele ʻole ia ma oʻu nei.

KA ʻEUANELIO I KĀKAU ʻIA AI E IOANE 19:35

A ʻo ka mea ʻike maka, hōʻike akula ia, a he ʻoiaʻiʻo kāna hōʻike ʻana, a ua ʻike nō ia, ke ʻōlelo pololei nei ia, i manaʻoʻiʻo ai ʻoukou.

KA ʻEUANELIO I KĀKAU ʻIA AI E IOANE 3:36

“ʻO ka mea manaʻoʻiʻo i ke Keiki, he ola mau loa kona; akā, ʻo ka mea manaʻoʻiʻo ʻole i ke Keiki, ʻaʻole ia e ʻike i ke ola; e kau mai ana ka inaina o ke Akua ma luna iho ona.”

KA ʻEUANELIO I KĀKAU ʻIA AI E IOANE 4:36

“A ʻo ka mea ʻohi, loaʻa nō iā ia ka uku, a hōʻiliʻili ia i ka hua no ke ola mau loa; i ʻoliʻoli pū ai ka mea nāna i lūlū me ka mea nāna i ʻohi.

KA ʻEUANELIO I KĀKAU ʻIA AI E IOANE 4:4

A he pono nō ia ke hele aku ma waena o Samaria.

KA ʻEUANELIO I KĀKAU ʻIA AI E IOANE 5:21

“E like me ko ka Makua hoʻāla ʻana i ka poʻe make, a me ka hoʻōla iā lākou; pēlā nō hoʻi ke Keiki e hoʻōla mai ai i ka poʻe āna i makemake ai.

KA ʻEUANELIO I KĀKAU ʻIA AI E IOANE 5:26

“No ka mea, e like me ka Makua he ola kona i loko ona iho; pēlā hoʻi ia i hāʻawi mai ai i ke Keiki i ola nona i loko ona iho.

KA ʻEUANELIO I KĀKAU ʻIA AI E IOANE 6:40

“No ka mea, eia ka makemake o ka Mea nāna au i hoʻouna mai, ʻo nā mea a pau e ʻike mai i ke Keiki, a e manaʻoʻiʻo hoʻi iā ia, e loaʻa iā ia ke ola mau loa; a e hoʻāla mai au iā ia i ka lā ma hope.”

KA ʻEUANELIO I KĀKAU ʻIA AI E IOANE 6:47

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e manaʻoʻiʻo mai iaʻu, he ola mau loa kona.

KA ʻEUANELIO I KĀKAU ʻIA AI E IOANE 6:68

ʻĪ akula ʻo Simona Petero iā ia, “E ka Haku, i o wai lā mākou e hele aku ai? Iā ʻoe nō ka ʻōlelo o ke ola mau loa.

ʻO KA ʻEPISETOLE A PAULO KA LUNAʻŌLELO I KO ROMA 5:21

A, me ka hewa i lanakila ai ma ka make, pēlā hoʻi e lanakila ai ka lokomaikaʻi ma ka hoʻāpono ʻana, i mea e ola mau ai, ma o Iesū Kristo lā ko kākou Haku.

ʻO KA ʻEPISETOLE A PAULO KA LUNAʻŌLELO I KO ROMA 6:23

No ka mea, ʻo ka uku no ka hewa he make ia; akā, ʻo ka haʻawina o ke Akua, ʻo ke ola mau loa ia, ma o Iesū Kristo lā ʻo ko kākou Haku.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:16

A ua aloha ʻia mai hoʻi au, i hōʻike mai ai ʻo Iesū Kristo ma oʻu nei lā mua, i ke ahonui a pau, i kumu no ka poʻe e paulele ana iā ia ma ia hope aku, i ola mau loa ai.

ʻO KA ʻEPISETOLE A PAULO IĀ TITO 1:2

me ka manaʻolana i ke ola mau loa a ke Akua hoʻopunipuni ʻole i ʻōlelo mua mai ai ma mua loa aku o kēia ao;

ʻO KA ʻEPISETOLE HOʻOLAHA MUA A IOANE 2:25

Eia ka ʻōlelo āna i ʻōlelo mua mai ai iā kākou: ʻo ke ola mau loa.

ʻO KA ʻEPISETOLE HOʻOLAHA MUA A IOANE 4:10

Eia nō ke aloha, ʻaʻole naʻe kākou i aloha aku i ke Akua; akā, ua aloha mai kēlā iā kākou nei, a ua hoʻouna mai hoʻi ʻo ia i kāna Keiki i kalahala no ko kākou hewa.

ʻO KA ʻEPISETOLE HOʻOLAHA MUA A IOANE 4:9

Ma ia mea, ua hōʻike ʻia mai ke aloha o ke Akua iā kākou; no ka mea, hoʻouna maila ke Akua i kāna Keiki hānau kahi i ke ao nei, i ola ai kākou iā ia.

ʻO KA ʻEPISETOLE HOʻOLAHA MUA A IOANE 5:10

ʻO ka mea e manaʻoʻiʻo ana i ke Keiki a ke Akua, aia nō i loko ona ka hōʻike; ʻo ka mea e manaʻoʻiʻo ʻole i ke Akua, ʻo ia ke hoʻolilo iā ia i mea wahaheʻe; no ka mea, ʻaʻole i manaʻoʻiʻo ʻo ia i ka ʻōlelo a ke Akua āna i ʻōlelo mai ai no kāna Keiki.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.

ʻO KA ʻEPISETOLE HOʻOLAHA MUA A IOANE 5:7

ʻEkolu Mea nāna e hōʻike mai i loko o ka lani: ʻo ka Makua, ʻo ka Logou, a me ka ʻUhane Hemolele; ʻo kēia mau Mea ʻekolu, hoʻokahi nō ia.

ʻO KA ʻEPISETOLE KOLU A IOANE 1:12

Ua hōʻike mai lākou a pau i ko Demeterio pono, a me ka ʻoiaʻiʻo; a ke hōʻike aku nei mākou; ua ʻike pono nō hoʻi ʻoukou, he ʻoiaʻiʻo nō kā mākou ʻōlelo.

ʻO KA ʻEPISETOLE HOʻOLAHA A IUDA 1:21

e mālama iā ʻoukou iho ma ke aloha o ke Akua, e kakali hoʻi i ke aloha ʻana mai o ko kākou Haku ʻo Iesū Kristo a hiki i ke ola mau loa ʻana.

KA HŌʻIKE ʻANA A IOANE KA HAIPULE 1:2

nāna nō i hōʻike i ka ʻōlelo a ke Akua, a me nā mea a Iesū Kristo i aʻo mai ai, a me nā mea a pau āna i ʻike aku ai.

KA HŌʻIKE ʻANA A IOANE KA HAIPULE 22:1

¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.