ʻO KA ʻEPISETOLE HOʻOLAHA MUA A IOANE 5:10 - Ka Baibala Hemolele

¹⁰ ʻO ka mea e manaʻoʻiʻo ana i ke Keiki a ke Akua, aia nō i loko ona ka hōʻike; ʻo ka mea e manaʻoʻiʻo ʻole i ke Akua, ʻo ia ke hoʻolilo iā ia i mea wahaheʻe; no ka mea, ʻaʻole i manaʻoʻiʻo ʻo ia i ka ʻōlelo a ke Akua āna i ʻōlelo mai ai no kāna Keiki.

ʻO KA ʻEPISETOLE HOʻOLAHA MUA A IOANE 5:10 Iomraidhean Croise

KA BUKE NO IOBA 24:25

“Inā i ʻole pēlā ʻānō, ʻO wai lā ka mea e hōʻike mai, he hoʻopunipuni kaʻu, A e hoʻolilo i kaʻu ʻōlelo i mea ʻole?”

KA BUKE O NĀ HALELŪ 25:14

ʻO ka manaʻo paʻa o Iēhova aia nō ia me ka poʻe weliweli iā ia; E hōʻike mai nō hoʻi ʻo ia i kona berita iā lākou.

NĀ ʻŌLELO AKAMAI A SOLOMONA 3:32

No ka mea, he mea hoʻopailua ka ʻaiā iā Iēhova, ʻO ka poʻe pololei ʻo ia kona poʻe hoa kūkā.

KA WĀNANA A ʻISAIA 53:1

¶ ʻO wai ka mea i manaʻoʻiʻo i kā mākou hōʻike ʻana? Iā wai lā hoʻi i hōʻike ʻia aku ai ka lima o Iēhova?

KA WĀNANA A IEREMIA 15:18

No ke aha lā i mau ai koʻu ʻeha, A ola ʻole hoʻi koʻu hahau ʻia, A hōʻole hoʻi i ka hoʻōla ʻia? E lilo anei ʻoe iaʻu e like loa me nā wai hoʻopunipuni, Maʻū ʻole?

KA BUKE ʻAHĀ A MOSE, I KAPA ʻIA NĀ HELU 23:19

“ʻAʻole ke Akua he kanaka, i hoʻopunipuni mai ai ia, ʻAʻole hoʻi ia he keiki a ke kanaka i mihi ia. Ua ʻī mai nō ia, ʻaʻole anei ia e hana mai nō hoʻi? Ua ʻōlelo mai nō ʻo ia, ʻaʻole anei ia e hoʻokō?

KA ʻEUANELIO I KĀKAU ʻIA AI E IOANE 3:16

¶ “No ka mea, ua aloha nui mai ke Akua i ko ke ao nei; no laila, ua hāʻawi mai ʻo ia i kāna Keiki hiwahiwa, i ʻole e make ka mea manaʻoʻiʻo iā ia; akā, e loaʻa iā ia ke ola mau loa.

KA ʻEUANELIO I KĀKAU ʻIA AI E IOANE 3:18

“ʻO ka mea manaʻoʻiʻo iā ia, ʻaʻole ia e hoʻāhewa ʻia; akā, ʻo ka mea manaʻoʻiʻo ʻole, ua hoʻāhewa ʻia ʻo ia ʻānō, i kona manaʻoʻiʻo ʻole i ka inoa o ke Keiki hiwahiwa a ke Akua.

KA ʻEUANELIO I KĀKAU ʻIA AI E IOANE 3:33

“ʻO ka mea e mālama i kāna mea i hōʻike mai ai, ʻo ia ke ʻae mai, he ʻoiaʻiʻo kā ke Akua.

KA ʻEUANELIO I KĀKAU ʻIA AI E IOANE 5:38

“ʻAʻole iā ʻoukou kāna ʻōlelo e noho ana i loko o ʻoukou; no ia hoʻi, ʻo ka mea āna i hoʻouna mai ai, ʻaʻole ʻoukou i manaʻoʻiʻo iā ia.

NĀ ʻOIHANA A KA POʻE LUNAʻŌLELO 8:37

ʻĪ aʻela ʻo Pilipo, “Inā i manaʻoʻiʻo ʻoe me ka naʻau a pau, inā ua pono.” ʻĪ maila kēlā, “Ke manaʻoʻiʻo nei au ʻo Iesū Kristo, ʻo ia ke Keiki a ke Akua.”

ʻO KA ʻEPISETOLE A PAULO KA LUNAʻŌLELO I KO ROMA 8:16

Ke hōʻike mai nei ua ʻUhane lā i ko kākou mau ʻuhane, ua keiki kākou na ke Akua.

ʻO KA ʻEPISETOLE A PAULO KA LUNAʻŌLELO I KO GALATIA 4:1

¶ Ke ʻōlelo aku nei hoʻi au, ʻo ka hoʻoilina i kona wā ʻōpiopio, ʻaʻole he ʻano ʻē kona i ko ke kauā; akā, nona ka waiwai a pau;

ʻO KA ʻEPISETOLE A PAULO KA LUNAʻŌLELO I KO GALATIA 4:6

No ka mea, no ko ʻoukou keiki ʻana, ua hoʻouna maila ke Akua i ka ʻUhane o kāna Keiki i loko o ko ʻoukou mau naʻau, e kāhea ana, “E ʻAba, ka Makua!”

ʻO KA ʻEPISETOLE A PAULO KA LUNAʻŌLELO I KO KOLOSA 3:3

No ka mea, ua make ʻoukou, a ua hūnā ʻia aku ko ʻoukou ola me Kristo i loko o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 3:12

E ao hoʻi, e nā hoahānau, o noho ka naʻau ʻino hoʻomaloka i loko o kekahi o ʻoukou, i haʻalele ai ia i ke Akua ola.

ʻO KA ʻEPISETOLE HOʻOLAHA ʻALUA A PETERO 1:19

Eia hoʻi iā kākou kā nā kāula ʻōlelo, i hōʻoiaʻiʻo loa ʻia; ua hana pono nō hoʻi ʻoukou i ko ʻoukou mālama ʻana ia mea, me he kukui lā, e hoʻomālamalama ana i kahi pouli, a wehe mai ke alaula, a puka mai ka hōkūao i loko o ko ʻoukou mau naʻau.

ʻO KA ʻEPISETOLE HOʻOLAHA MUA A IOANE 1:10

Inā e ʻōlelo kākou, “ʻAʻole kākou i hana hewa,” ua hoʻolilo kākou iā ia i mea wahaheʻe, ʻaʻole hoʻi kāna ʻōlelo i loko o kākou.

ʻO KA ʻEPISETOLE HOʻOLAHA MUA A IOANE 5:1

¶ ʻO ka mea i manaʻoʻiʻo ʻo Iesū ka Mesia, na ke Akua ia i hoʻohānau mai; a ʻo ka mea i aloha aku i ka Mea nāna i hoʻohānau mai, ʻo ia ke aloha aku i ka mea i hoʻohānau ʻia mai e ia.

KA HŌʻIKE ʻANA A IOANE KA HAIPULE 12:17

Inaina akula ka deragona i ka wahine, a hele akula ia e kaua me ka poʻe i koe o kāna poʻe keiki, ʻo ka poʻe i mālama i ke kānāwai o ke Akua, a hoʻomau i ka hōʻike ʻana iā Iesū.

KA HŌʻIKE ʻANA A IOANE KA HAIPULE 2:17

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, e hāʻawi aku au iā ia e ʻai i ka mane i hūnā ʻia, a e hāʻawi nō hoʻi au iā ia i ka pōhaku keʻokeʻo, a ma luna iho o ua pōhaku lā, ua palapala ʻia ka inoa hou, ʻaʻole mea ʻike ia inoa, ʻo ka mea wale nō iā ia ka pōhaku.’

KA HŌʻIKE ʻANA A IOANE KA HAIPULE 2:28

‘A naʻu nō e hāʻawi iā ia i ka hōkūao.