ʻO KA ʻEPISETOLE HOʻOLAHA MUA A IOANE 4:6 - Ka Baibala Hemolele

⁶ No ke Akua kākou; ʻo ka mea i ʻike i ke Akua, ʻo ia ke lohe mai iā mākou; ʻo ka mea, ʻaʻole no ke Akua, ʻaʻole ia i lohe mai iā mākou. Ma ia mea, ua ʻike nō kākou i ka ʻuhane o ka ʻoiaʻiʻo, a me ka ʻuhane o ka wahaheʻe.

ʻO KA ʻEPISETOLE HOʻOLAHA MUA A IOANE 4:6 Iomraidhean Croise

KA BUKE ʻALUA O KA ʻOIHANA ALIʻI 18:21

“ʻĪ akula kēlā, ‘E hele au a e lilo au i ʻuhane wahaheʻe i loko o nā waha o kona poʻe kāula a pau.’ ʻĪ aʻela ʻo Iēhova, ‘E hoʻowalewale ʻoe, a e lanakila hoʻi; e hele ʻoe a hana nō pēlā.’

KA WĀNANA A ʻISAIA 29:10

Ua ninini mai ʻo Iēhova ma luna o ʻoukou i ka manaʻo hiamoe loa, A ua hoʻopili hoʻi i ko ʻoukou mau maka; Ua uhi nō ʻo ia i nā kāhuna, a me ko ʻoukou poʻe aliʻi a me nā kāula.

KA WĀNANA A ʻISAIA 8:20

Ma ke kānāwai, a ma ka hōʻike ʻana hoʻi; inā ʻōlelo ʻole lākou e like me ia ʻōlelo, ʻaʻole e puka mai ke ao ma luna o lākou.

HOSEA 4:12

Ke nīnau nei kuʻu poʻe kānaka i ko lākou kiʻi lāʻau, A ua hōʻike mai ko lākou koʻokoʻo iā lākou; No ka mea, ua hoʻoʻauana ka naʻau moekolohe iā lākou; Ua hele moekolohe lākou mai lalo aʻe o ko lākou Akua.

MIKA 2:11

“Inā e hele ke kanaka ma ka makani, a ma ka hoʻopunipuni, A wahaheʻe ʻo ia, i ka ʻī ʻana aʻe, ‘E wānana aku au iā ʻoe no ka waina, a me ka mea inu ʻawaʻawa’; ʻO ia nō ke kāula o kēia poʻe kānaka.

MIKA 3:8

Akā hoʻi, ua piha wau i ka mana Ma ka ʻUhane o Iēhova, A me ka pono, a me ka ikaika, E haʻi aku iā Iakoba i kona hala, A i kā ʻIseraʻela i kona hewa.

KA ʻEUANELIO I KĀKAU ʻIA AI E LUKA 10:22

“Ua hāʻawi ʻia mai nei iaʻu nā mea a pau e koʻu Makua; ʻaʻole hoʻi mea i ʻike i ke Keiki, ʻo ka Makua wale nō; a i ka Makua hoʻi, ʻo ke Keiki wale nō, a me ke kanaka a ke Keiki e makemake e hōʻike ai.”

KA ʻEUANELIO I KĀKAU ʻIA AI E IOANE 10:16

“A he poʻe hipa ʻē aʻe nō kaʻu, ʻaʻole no kēia pā; he pono hoʻi noʻu e alakaʻi mai iā lākou, a e hoʻolohe auaneʻi lākou i koʻu leo; a e lilo i hoʻokahi ʻohana hipa, hoʻokahi hoʻi kahu hipa.

KA ʻEUANELIO I KĀKAU ʻIA AI E IOANE 10:27

“Ua hoʻolohe kaʻu poʻe hipa i koʻu leo, a ua ʻike au iā lākou, a hahai nō lākou iaʻu;

KA ʻEUANELIO I KĀKAU ʻIA AI E IOANE 10:3

“Ke wehe aʻela ke kiaʻi puka nona, a ua hoʻolohe nā hipa i kona leo; a kāhea aku ia i kāna poʻe hipa ma ka inoa, a alakaʻi aku iā lākou ma waho.

KA ʻEUANELIO I KĀKAU ʻIA AI E IOANE 13:20

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e launa mai i ka mea aʻu e hoʻouna aku ai, ʻo ia ke launa mai iaʻu; a ʻo ka mea e launa mai iaʻu, ʻo ia ke launa i ka Mea nāna au i hoʻouna mai.”

KA ʻEUANELIO I KĀKAU ʻIA AI E IOANE 14:17

“ʻO ia ka ʻUhane ʻoiaʻiʻo, ka mea hiki ʻole ke loaʻa i ko ke ao nei; no ka mea, ʻaʻole lākou e nānā iā ia, ʻaʻole hoʻi e ʻike iā ia; akā, ke ʻike nei ʻoukou iā ia; no ka mea, ke noho nei ia me ʻoukou, a i loko o ʻoukou.

KA ʻEUANELIO I KĀKAU ʻIA AI E IOANE 15:26

“Aia hiki mai ke Kōkua, ka Mea e hoʻouna ʻia e aʻu mai ka Makua mai, ʻo ia ka ʻUhane ʻoiaʻiʻo, ka Mea i hele mai mai ka Makua mai, nāna nō e hōʻike aku noʻu;

KA ʻEUANELIO I KĀKAU ʻIA AI E IOANE 16:13

“Aia hiki mai kēlā, ʻo ka ʻUhane ʻoiaʻiʻo, nāna ʻoukou e aʻo mai i ka ʻoiaʻiʻo a pau; no ka mea, ʻaʻole nāna kāna ʻōlelo ʻana; akā, ʻo nā mea āna i lohe ai, ʻo ia kāna e ʻōlelo ai, a e hōʻike nō ʻo ia iā ʻoukou i nā mea e hiki mai ana.

KA ʻEUANELIO I KĀKAU ʻIA AI E IOANE 18:37

No ia hoʻi, nīnau akula ʻo Pilato iā ia. “He aliʻi nō anei ʻoe?” ʻĪ maila ʻo Iesū, “Ke ʻōlelo mai nei ʻoe, he aliʻi wau. No kēia mea i hānau mai ai au, a no ia hoʻi i hele mai ai au i ke ao nei, i hōʻike aku ai au i ka ʻoiaʻiʻo. ʻO ka mea no ka ʻoiaʻiʻo, ʻo ia ke hoʻolohe i koʻu leo.”

KA ʻEUANELIO I KĀKAU ʻIA AI E IOANE 20:21

ʻŌlelo hou akula nō ʻo Iesū iā lākou, “Aloha ʻoukou; e like me ka Makua i hoʻouna mai ai iaʻu, pēlā hoʻi au e hoʻouna aku ai iā ʻoukou.”

KA ʻEUANELIO I KĀKAU ʻIA AI E IOANE 8:19

No ka mea nīnau akula lākou iā ia, “ʻAuhea kou Makua?” ʻĪ maila ʻo Iesū, “ʻAʻole ʻoukou i ʻike iaʻu, ʻaʻole hoʻi i koʻu Makua: inā ua ʻike ʻoukou iaʻu; inā ua ʻike nō hoʻi ʻoukou i koʻu Makua.”

KA ʻEUANELIO I KĀKAU ʻIA AI E IOANE 8:23

ʻĪ maila ʻo ia iā lākou, “No lalo nei ʻoukou; no luna mai nō wau; no ke ao nei ʻoukou; ʻaʻole wau no ke ao nei.

ʻO KA ʻEPISETOLE A PAULO KA LUNAʻŌLELO I KO ROMA 1:1

¶ Na Paulo, na ke kauā a Iesū Kristo i wae ʻia i lunaʻōlelo, a i hoʻokaʻawale ʻia hoʻi no ka ʻeuanelio a ke Akua,

ʻO KA ʻEPISETOLE A PAULO KA LUNAʻŌLELO I KO ROMA 11:8

(e like me ka mea i palapala ʻia, “«Ua hāʻawi mai ke Akua iā lākou i naʻau hiamoe, A me nā maka ʻike ʻole, a me nā pepeiao lohe ʻole,) A hiki i kēia lā».”

ʻO KA ʻEPISETOLE MUA A PAULO KA LUNAʻŌLELO I KO KORINETO 14:37

¶ Inā i manaʻo kekahi o ʻoukou, he kāula paha ia, he mea ʻike i ka mea o ka ʻuhane paha, e pono iā ia ke ʻae mai i ka ʻoiaʻiʻo o ka ʻōlelo aʻu e palapala aku nei, ʻo ke kauoha kēia a ka Haku.

ʻO KA ʻEPISETOLE LUA A PAULO KA LUNAʻŌLELO I KO KORINETO 10:7

Ke nānā nei anei ʻoukou i nā mea ma ka helehelena? A i manaʻo kekahi iā ia iho, ua lilo ia no Kristo, he pono nō e manaʻo hou iā ia iho, me ia i lilo ai no Kristo, pēlā nō hoʻi mākou i lilo ai no Kristo.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:8

me ke ahi e lapalapa ana, e hoʻopaʻi ana i ka make ma luna o ka poʻe ʻike ʻole i ke Akua, a me ka mālama ʻole i ka ʻeuanelio o ko kākou Haku ʻo Iesū Kristo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 4:1

¶ Ke ʻōlelo paka mai nei ka ʻUhane, a i ka manawa ma hope, e haʻalele kekahi poʻe i ka manaʻoʻiʻo, e mālama ana i nā ʻuhane hoʻopunipuni, a me ke aʻo ʻana a nā daimonio;

ʻO KA ʻEPISETOLE HOʻOLAHA ʻALUA A PETERO 3:2

i hoʻomanaʻo ʻoukou i nā ʻōlelo i ʻōlelo ʻia ai ma mua, e ka poʻe kāula hemolele, a me ke kauoha a mākou, a nā lunaʻōlelo a ka Haku, ka Hoʻōla.

ʻO KA ʻEPISETOLE HOʻOLAHA MUA A IOANE 4:1

¶ E nā punahele, mai manaʻoʻiʻo aku ʻoukou i nā ʻuhane a pau; akā, e hoʻāʻo aku i nā ʻuhane, no ke Akua mai paha, ʻaʻole paha; no ka mea, ua nui nō nā kāula wahaheʻe i hele aku i waena o ke ao nei.

ʻO KA ʻEPISETOLE HOʻOLAHA MUA A IOANE 4:4

No ke Akua ʻoukou, e nā pōkiʻi, a ua lanakila ʻoukou ma luna o lākou; no ka mea, ua ʻoi aku ka Mea i loko o ʻoukou i ka mea i loko o ke ao nei.

ʻO KA ʻEPISETOLE HOʻOLAHA MUA A IOANE 4:8

ʻO ka mea e aloha ʻole ana, ʻaʻole ia i ʻike aku i ke Akua; no ka mea, he aloha ke Akua.

ʻO KA ʻEPISETOLE HOʻOLAHA MUA A IOANE 5:19

Ke ʻike nei kākou, no ke Akua kākou, a ʻo ke ao nei a pau, ke moe nei ia i loko o ka hewa.

ʻO KA ʻEPISETOLE HOʻOLAHA A IUDA 1:17

¶ E nā hoalauna, e hoʻomanaʻo ʻoukou i ka ʻōlelo i ʻōlelo mua ʻia mai ai e ka poʻe lunaʻōlelo o ko kākou Haku ʻo Iesū Kristo;