ʻO KA ʻEPISETOLE HOʻOLAHA MUA A IOANE 4:5 - Ka Baibala Hemolele

⁵ No ke ao nei lākou; no laila i ʻōlelo ai lākou i nā mea o ke ao nei, ke lohe nei hoʻi ko ke ao nei iā lākou.

ʻO KA ʻEPISETOLE HOʻOLAHA MUA A IOANE 4:5 Iomraidhean Croise

KA BUKE O NĀ HALELŪ 17:4

I nā hana a kānaka, no ka ʻōlelo pono mai a kou mau lehelehe, Ua mālama au iaʻu iho i nā ʻaoʻao o ka mea e make ai.

KA WĀNANA A IEREMIA 29:8

“No ka mea, penei ka ʻōlelo ʻana mai a Iēhova o nā kaua, ke Akua o kā ʻIseraʻela, ‘Mai puni ʻoukou i ko ʻoukou mau kāula, a me ko ʻoukou mau kilokilo, nā mea i waenakonu o ʻoukou; mai hoʻolohe hoʻi ʻoukou i ko ʻoukou moeʻuhane a ʻoukou e hoʻomoe ai.

KA WĀNANA A IEREMIA 5:31

“Wānana wahaheʻe mai nā kāula, A ma o lākou lā i noho aliʻi ai nā kāhuna; A ua makemake koʻu poʻe kānaka ia mea; A pehea hoʻi ʻoukou e hana ai i ka hopena o ia mea?

MIKA 2:11

“Inā e hele ke kanaka ma ka makani, a ma ka hoʻopunipuni, A wahaheʻe ʻo ia, i ka ʻī ʻana aʻe, ‘E wānana aku au iā ʻoe no ka waina, a me ka mea inu ʻawaʻawa’; ʻO ia nō ke kāula o kēia poʻe kānaka.

KA ʻEUANELIO I KĀKAU ʻIA AI E LUKA 16:8

“A mahalo ihola ua haku lā i ka puʻukū pono ʻole, no kāna hana akamai ʻana. ʻO ia hoʻi, ua ʻoi aku ke akamai o nā keiki o nēia ao i kā lākou hanauna ma mua o ko nā keiki o ka mālamalama.

KA ʻEUANELIO I KĀKAU ʻIA AI E IOANE 17:14

“Ua hāʻawi aku au iā lākou i kāu ʻōlelo; a ua inaina mai ko ke ao nei iā lākou; no ka mea, ʻaʻole no kēia ao lākou, e like me aʻu hoʻi, ʻaʻole no kēia ao.

KA ʻEUANELIO I KĀKAU ʻIA AI E IOANE 17:16

“ʻAʻole no kēia ao lākou, e like me aʻu hoʻi, ʻaʻole no kēia ao.

KA ʻEUANELIO I KĀKAU ʻIA AI E IOANE 3:31

¶ “ʻO ka mea no luna mai ma luna ia o nā mea a pau; ʻo ka mea no ka honua, no ka honua ia, a no ka honua hoʻi kāna ʻōlelo; ʻo ka mea no ka lani mai, ma luna ia o nā mea a pau.

KA ʻEUANELIO I KĀKAU ʻIA AI E IOANE 8:23

ʻĪ maila ʻo ia iā lākou, “No lalo nei ʻoukou; no luna mai nō wau; no ke ao nei ʻoukou; ʻaʻole wau no ke ao nei.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:3

No ka mea, e hiki mai ana ka manawa e hoʻolohe ʻole ai lākou i ka ʻōlelo pono; akā, me ka pepeiao maneʻo e hāpuku lākou i nā kumu aʻo na lākou ma muli o ko lākou kuko iho.

KA HŌʻIKE ʻANA A IOANE KA HAIPULE 12:9

Kipaku ʻia akula ua deragona nui nei, ʻo ia hoʻi ka moʻo kahiko i kapa ʻia ʻo ka diabolō, a ʻo Sātana, nāna nō i hoʻowalewale mai i ko ke ao nei a pau. Kiola ʻia maila ʻo ia i ka honua, a kiola pū ʻia maila kona poʻe ʻānela.