ʻO KA ʻEPISETOLE HOʻOLAHA MUA A IOANE 3:22 - Ka Baibala Hemolele

²² ʻO ka mea a kākou e noi aku ai, e loaʻa nō iā kākou nona mai; no ka mea, ke mālama nei kākou i kāna mau kauoha, a ke hana nei nō hoʻi kākou i mua ona i kona mea e makemake ai.

ʻO KA ʻEPISETOLE HOʻOLAHA MUA A IOANE 3:22 Iomraidhean Croise

KA BUKE NO IOBA 22:26

“No ka mea, a laila e hauʻoli ʻoe i ka Mea Mana, A e hoʻāla aʻe i kou maka i ke Akua.

KA BUKE O NĀ HALELŪ 10:17

E Iēhova, ua lohe ʻoe i ka makemake o ka poʻe haʻahaʻa; E hoʻomākaukau ana ʻoe i ko lākou naʻau, E hoʻolohe mai ana nō kou pepeiao;

KA BUKE O NĀ HALELŪ 34:4

¶ Ua ʻimi aku au iā Iēhova a ua hoʻolohe mai ia iaʻu; Ua hoʻopakele mai ʻo ia iaʻu i kaʻu mau mea e makaʻu ai a pau.

KA BUKE O NĀ HALELŪ 50:15

“A e kāhea mai iaʻu i ka lā pōpilikia; A e hoʻopakele au iā ʻoe, a e hoʻonani mai nō hoʻi ʻoe iaʻu.”

NĀ ʻŌLELO AKAMAI A SOLOMONA 15:29

Ua lōʻihi ʻē aku ʻo Iēhova mai ka poʻe hewa aku; Hoʻolohe hoʻi ʻo ia i ka pule a ka poʻe pono.

NĀ ʻŌLELO AKAMAI A SOLOMONA 28:9

ʻO ka mea hāliu aku i kona pepeiao ʻaʻole hoʻolono i ke kānāwai, E hoʻopailua ʻia kāna pule.

KA WĀNANA A ʻISAIA 1:15

“Iā ʻoukou e hohola mai ai i ko ʻoukou mau lima, E hūnā nō wau i koʻu mau maka iā ʻoukou; A iā ʻoukou e hoʻomāhuahua i ka pule, ʻaʻole au e hoʻolohe aku; No ka mea, ua piha ko ʻoukou lima i ke koko.

KA WĀNANA A IEREMIA 33:3

‘E hea mai ʻoe iaʻu, a e ō aku nō wau iā ʻoe, a e hōʻike aku iā ʻoe i nā mea nui a paʻakikī, aʻu i ʻike ʻole ai.’

KA ʻEUANELIO I KĀKAU ʻIA AI E MATAIO 17:5

Iā ia i ʻōlelo aku ai, aia hoʻi, he ao ʻālohilohi i uhi mai iā lākou; a he leo mai loko mai o ke ao i paʻē maila, “ʻO kaʻu Keiki punahele kēia, ka Mea aʻu i ʻoliʻoli loa ai; e hoʻolohe ʻoukou iā ia!”

KA ʻEUANELIO I KĀKAU ʻIA AI E MATAIO 21:22

“ʻO ia hoʻi, ʻo nā mea a pau a ʻoukou e nonoi ai ma ka pule me ka manaʻoʻiʻo, e loaʻa nō ia iā ʻoukou.”

KA ʻEUANELIO I KĀKAU ʻIA AI E MAREKO 11:24

“No ia mea lā, ke ʻōlelo aku nei au iā ʻoukou, ʻo nā mea a pau a ʻoukou e noi aku ai ma kā ʻoukou pule ʻana, e manaʻoʻiʻo ʻoukou i ka loaʻa ʻana, a laila e loaʻa ʻiʻo aku nō iā ʻoukou ia.

KA ʻEUANELIO I KĀKAU ʻIA AI E IOANE 14:13

“A ʻo ka mea a ʻoukou e nonoi ai ma koʻu inoa, ʻo ia kaʻu e hana mai, i hoʻonani ʻia ai ka Makua ma ke Keiki.

KA ʻEUANELIO I KĀKAU ʻIA AI E IOANE 15:10

“Inā e mālama ʻoukou i kaʻu mau kauoha, e noho ʻoukou i loko o kuʻu aloha; e like me aʻu i mālama ai i nā kauoha a koʻu Makua, a e noho i loko o kona aloha.

KA ʻEUANELIO I KĀKAU ʻIA AI E IOANE 15:7

“Inā e pili mai ʻoukou iaʻu, a e noho kaʻu mau ʻōlelo i loko o ʻoukou, a laila, e nonoi ʻoukou i kā ʻoukou mea e makemake ai, a e hāʻawi ʻia nō ia iā ʻoukou.

KA ʻEUANELIO I KĀKAU ʻIA AI E IOANE 6:29

ʻŌlelo maila ʻo Iesū iā lākou, ʻī maila, “Eia ka hana a ke Akua, e manaʻoʻiʻo mai ʻoukou i ka mea āna i hoʻouna mai ai.”

KA ʻEUANELIO I KĀKAU ʻIA AI E IOANE 8:29

“A ʻo ka Mea nāna au i hoʻouna mai ʻo ia pū kekahi me aʻu; ʻaʻole i waiho wale mai ka Makua iaʻu ʻo wau wale nō; no ka mea, ke hana mau nei au i nā mea āna i ʻoluʻolu ai.”

KA ʻEUANELIO I KĀKAU ʻIA AI E IOANE 9:31

“Ua ʻike nō kākou ʻaʻole ke Akua e hoʻolohe mai i ka poʻe hewa; akā, inā e haipule kekahi i ke Akua, a e hana hoʻi i kona makemake, ʻo ia kāna e hoʻolohe mai ai.

NĀ ʻOIHANA A KA POʻE LUNAʻŌLELO 17:30

“Hoʻomanawanui maila ke Akua i nā wā o kēia naʻaupō ʻana; akā, i kēia manawa, ke kauoha mai nei ia i kānaka a pau ma nā wahi a pau loa, e mihi.

NĀ ʻOIHANA A KA POʻE LUNAʻŌLELO 20:21

e hōʻike aku ana i nā Iudaio, a i nā Helene, i ka mihi aku i ke Akua, a me ka manaʻoʻiʻo aku i ka Haku, iā Iesū Kristo.

ʻO KA ʻEPISETOLE A PAULO KA LUNAʻŌLELO I KO PILIPI 4:18

A iaʻu nā mea he nui, a ua lako hoʻi; ua piha au i kā ʻoukou mau mea i loaʻa mai ma o ʻEpaperodito lā, he mea ʻala ʻoluʻolu, he mōhai hōʻoluʻolu, i maliu ʻia mai hoʻi e ke Akua.

ʻO KA ʻEPISETOLE A PAULO KA LUNAʻŌLELO I KO KOLOSA 1:10

i hele ʻoukou ma ka pono o ka Haku, i nā mea a pau i ʻoluʻolu ʻia mai ai, e hua mai ana i ka hua ma nā hana maikaʻi a pau, me ka māhuahua ʻana aʻe o ka ʻike ʻana i ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 13:21

E hoʻomākaukau mai iā ʻoukou no nā hana maikaʻi a pau e hana aku i kona makemake, e hana mai ana ʻo ia i loko o ʻoukou i ka mea pono i mua o kona maka, ma o Iesū Kristo lā; nona ka hoʻonani mau loa ʻia aku i ke ao pau ʻole. ʻĀmene.

ʻO KA ʻEPISETOLE HOʻOLAHA A IAKOBO 1:5

¶ Inā i nele kekahi o ʻoukou i ke akamai, e noi aku ʻo ia i ke Akua i ka Mea i hāʻawi lokomaikaʻi mai no nā mea a pau me ka hōʻino ʻole mai, a e hāʻawi ʻia mai nō ia nona.

ʻO KA ʻEPISETOLE HOʻOLAHA A IAKOBO 4:3

Ke noi nei ʻoukou, me ka loaʻa ʻole; no ka mea, ua noi pono ʻole ʻoukou, i pau ai ia mea ma ko ʻoukou mau kuko.

ʻO KA ʻEPISETOLE HOʻOLAHA A IAKOBO 5:16

E haʻi aku i ko ʻoukou mau hewa kekahi i kekahi, a e pule hoʻi kekahi no kekahi, i pohala ai ʻoukou. ʻO ka pule ikaika a ke kanaka pono e lanakila nui ia.

ʻO KA ʻEPISETOLE HOʻOLAHA MUA A IOANE 2:3

Eia ka mea e maopopo ai iā kākou ko kākou ʻike ʻana iā ia, inā e mālama aku ana kākou i kāna mau kauoha.

ʻO KA ʻEPISETOLE HOʻOLAHA MUA A IOANE 5:14

Eia ka manaʻoʻiʻo o kākou iā ia, inā e nonoi aku kākou i kahi mea e like me kona makemake, e hoʻolohe mai nō ʻo ia iā kākou.