ʻO KA ʻEPISETOLE HOʻOLAHA MUA A IOANE 3:17 - Ka Baibala Hemolele

¹⁷ ʻO ka mea i loaʻa iā ia ka waiwai o kēia ao, a ʻike aʻela i ka nele o kona hoahānau, a papani aʻe i kona naʻau iā ia, pehea lā ke aloha o ke Akua e noho ai i loko ona?

ʻO KA ʻEPISETOLE HOʻOLAHA MUA A IOANE 3:17 Iomraidhean Croise

ʻO KA ʻEPISETOLE A PAULO KA LUNAʻŌLELO I KO HEBERA 13:16

Mai hoʻopoina hoʻi i ka hana lokomaikaʻi aku, a me ka manawaleʻa aku; no ka mea, ʻo kā ke Akua mau mōhai ia e ʻoluʻolu nui ai.

ʻO KA ʻEPISETOLE HOʻOLAHA MUA A IOANE 4:20

Inā e ʻōlelo aku kekahi, “Ke aloha aku nei au i ke Akua,” a e hoʻomaʻau aku naʻe ia i kona hoahānau, he mea wahaheʻe ia; no ka mea, ʻo ka mea aloha ʻole i kona hoahānau āna i ʻike maka ai, pehea lā e hiki ai iā ia ke aloha aku i ke Akua āna i ʻike maka ʻole ai?

KA ʻEUANELIO I KĀKAU ʻIA AI E LUKA 3:11

Haʻi maila ʻo ia, ʻī maila iā lākou, “ʻO ka mea nona nā kapa komo ʻelua, e hāʻawi aku ʻo ia i kekahi no ka mea i nele; a pēlā nō e hana aku ai ka mea nāna ka ʻai.”

NĀ ʻŌLELO AKAMAI A SOLOMONA 19:17

ʻO ka mea manawaleʻa aku i ka ʻilihune, hāʻawi aku ʻo ia na Iēhova; A ʻo kāna mea i hāʻawi ai, na kēlā nō e hoʻihoʻi mai iā ia.

ʻO KA ʻEPISETOLE HOʻOLAHA A IAKOBO 2:15

Inā he kapa ʻole ko ke kaikaina paha, ke kaikuahine paha, a i nele hoʻi i ka ʻai i kēlā lā i kēia lā;

NĀ ʻŌLELO AKAMAI A SOLOMONA 28:9

ʻO ka mea hāliu aku i kona pepeiao ʻaʻole hoʻolono i ke kānāwai, E hoʻopailua ʻia kāna pule.

ʻO KA ʻEPISETOLE LUA A PAULO KA LUNAʻŌLELO I KO KORINETO 8:9

No ka mea, ua ʻike nō ʻoukou i ka lokomaikaʻi o ko kākou Haku ʻo Iesū Kristo, ua waiwai ʻo ia, a no ʻoukou i lilo mai ai ia i mea ʻilihune, i waiwai ai hoʻi ʻoukou ma kona ʻilihune.

ʻO KA ʻEPISETOLE HOʻOLAHA MUA A IOANE 5:1

¶ ʻO ka mea i manaʻoʻiʻo ʻo Iesū ka Mesia, na ke Akua ia i hoʻohānau mai; a ʻo ka mea i aloha aku i ka Mea nāna i hoʻohānau mai, ʻo ia ke aloha aku i ka mea i hoʻohānau ʻia mai e ia.

NĀ ʻŌLELO AKAMAI A SOLOMONA 12:10

Manaʻo nō ke kanaka pono i ke ola o kona holoholona; Akā, ʻo ke aloha o ka poʻe hewa, he loko ʻino nō ia.

NĀ ʻŌLELO AKAMAI A SOLOMONA 14:31

ʻO ka mea hoʻokaumaha i ka mea nele, ʻo ia kai hoʻowahāwahā i ka Mea nāna ia i hana; ʻO ka mea mālama aku iā ia, ʻo ia ke aloha i ka mea ʻilihune.

NĀ ʻŌLELO AKAMAI A SOLOMONA 21:13

ʻO ka mea i papani i kona pepeiao i ka uē ʻana o ka mea nele, E hea aku nō ʻo ia, ʻaʻohe mea e hoʻolohe mai.

ʻO KA ʻEPISETOLE HOʻOLAHA A IAKOBO 2:16

a i ʻī aku kekahi o ʻoukou iā lāua, “Ō hele ʻolua me ka pōmaikaʻi, a e hoʻopumahana ʻia,” a e māʻona nō hoʻi; ʻaʻole naʻe ʻoukou e hāʻawi ʻiʻo aku iā lāua i ka mea e pono ai ke kino; he aha lā ka waiwai?