ʻO KA ʻEPISETOLE HOʻOLAHA MUA A IOANE 3:13 - Ka Baibala Hemolele

¹³ ¶ Mai kāhāhā ʻoukou, e nā hoahānau oʻu, ke hoʻomaʻau mai ko ke ao nei iā ʻoukou.

ʻO KA ʻEPISETOLE HOʻOLAHA MUA A IOANE 3:13 Iomraidhean Croise

NĀ ʻŌLELO AKAMAI A SOLOMONA 29:27

He mea hoʻopailua i ka poʻe pono ke kanaka hoʻopono ʻole; He mea hoʻopailua hoʻi i ka mea hewa, ka mea pololei ma kona ʻaoʻao.

KE KAHUNA 5:8

¶ I kou ʻike ʻana i ka hoʻoluhi ʻia o ka poʻe ʻilihune, a me ka hoʻokahuli ʻana i ka ʻoiaʻiʻo, a me ka pono ma ka ʻāina, mai kāhāhā kou naʻau i kēia; no ka mea, ʻo ka mea kiʻekiʻe o nā mea kiʻekiʻe a pau, ʻo ia ka mea i ʻike mai, a aia hoʻi nā mea kiʻekiʻe ma luna o lākou.

KA ʻEUANELIO I KĀKAU ʻIA AI E MATAIO 10:22

“No koʻu inoa e inaina ʻia mai ai ʻoukou e nā kānaka a pau; akā, ʻo ka mea hoʻomau aku a hiki i ka hopena, e ola ia.

KA ʻEUANELIO I KĀKAU ʻIA AI E MATAIO 24:9

“Ia manawa, e hāʻawi lākou iā ʻoukou e hoʻomāinoino ʻia mai ai, a e pepehi mai lākou iā ʻoukou a make; a e inaina ʻia mai hoʻi ʻoukou e nā lāhui kanaka a pau no koʻu inoa.

KA ʻEUANELIO I KĀKAU ʻIA AI E MAREKO 13:13

“No koʻu inoa e inaina ʻia ai ʻoukou e nā kānaka a pau; akā, ʻo ka mea e hoʻomanawanui a hiki i ka hopena, e ola ia.

KA ʻEUANELIO I KĀKAU ʻIA AI E LUKA 21:17

“A e inaina ʻia mai ʻoukou e nā mea a pau no koʻu inoa.

KA ʻEUANELIO I KĀKAU ʻIA AI E LUKA 6:22

“E pōmaikaʻi ana ʻoukou i ka wā e inaina mai ai nā kānaka iā ʻoukou, a e hoʻokaʻawale ai hoʻi iā ʻoukou, a e hōʻino ai hoʻi, a e kiola aku ai hoʻi i ko ʻoukou mau inoa me he mea ʻino lā, no ke Keiki a ke Kanaka.

KA ʻEUANELIO I KĀKAU ʻIA AI E IOANE 16:2

“E hoʻokuke lākou iā ʻoukou i waho o nā hale hālāwai; a e hiki mai nō ka manawa e manaʻo ʻia ka mea pepehi iā ʻoukou, ua hoʻomaikaʻi aku ia i ke Akua.

KA ʻEUANELIO I KĀKAU ʻIA AI E IOANE 16:33

“Ua ʻōlelo aku au iā ʻoukou i kēia mau mea, i loaʻa ai iā ʻoukou ka maluhia i loko oʻu. I loko o ke ao nei e loaʻa iā ʻoukou ka pōpilikia; akā, e hoʻolana ʻoukou; ua lanakila wau ma luna o ke ao nei.”

KA ʻEUANELIO I KĀKAU ʻIA AI E IOANE 17:14

“Ua hāʻawi aku au iā lākou i kāu ʻōlelo; a ua inaina mai ko ke ao nei iā lākou; no ka mea, ʻaʻole no kēia ao lākou, e like me aʻu hoʻi, ʻaʻole no kēia ao.

KA ʻEUANELIO I KĀKAU ʻIA AI E IOANE 3:7

“Mai kāhāhā kou naʻau i kaʻu i ʻōlelo aku ai iā ʻoe, ‘E pau ʻoukou i ka hānau hou e pono ai.’

KA ʻEUANELIO I KĀKAU ʻIA AI E IOANE 7:7

“ʻAʻole e inaina mai ko ke ao nei iā ʻoukou; ke inaina mai nei nō naʻe lākou iaʻu; no ka mea, ʻo wau ke hōʻike aku no lākou, ua hewa kā lākou hana ʻana.

NĀ ʻOIHANA A KA POʻE LUNAʻŌLELO 3:12

A ʻike maila ʻo Petero, ʻōlelo maila ia i ua poʻe kānaka lā, “E nā kānaka o kā ʻIseraʻela, no ke aha lā i kāhāhā mai ai ko ʻoukou naʻau i kēia mea? No ke aha lā ʻoukou e haka pono mai ai iā māua me he mea lā na māua nō, i ko māua mana, a me ko māua hemolele iho, i hana aku ai iā ia e hele?

ʻO KA ʻEPISETOLE A PAULO KA LUNAʻŌLELO I KO ROMA 8:7

No ka mea, ʻo ka manaʻo ma ke kino, he mea kūʻē i ke Akua; ʻaʻole ia i mālama i ke kānāwai o ke Akua, ʻaʻole loa e hiki.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:12

ʻOiaʻiʻo hoʻi, ʻo ka poʻe a pau e noho haipule ana i loko o Kristo Iesū, e hoʻomaʻau ʻia ana hoʻi lākou.

ʻO KA ʻEPISETOLE HOʻOLAHA A IAKOBO 4:4

E nā kāne moekolohe a me nā wāhine moekolohe, ʻaʻole anei ʻoukou i ʻike, ʻo ka hoʻolauna ʻana me ko ke ao nei, he kūʻē aku ia i ke Akua? ʻO ka mea e makemake e hoʻolauna pū me ko ke ao nei, ua lilo ia i ʻenemi no ke Akua.

KA HŌʻIKE ʻANA A IOANE KA HAIPULE 17:7

ʻĪ maila ka ʻānela iaʻu, “No ke aha lā ʻoe e kāhāhā mai nei? Naʻu nō e haʻi aku iā ʻoe i ka mea huna o ka wahine, a me ka holoholona nāna ia i lawe, ʻehiku hoʻi ona mau poʻo, a he ʻumi pepeiaohao.