ʻO KA ʻEPISETOLE HOʻOLAHA MUA A IOANE 3:12 - Ka Baibala Hemolele

¹² ʻAʻole like me Kaina, na ka mea ʻino nō ʻo ia, a pepehi ihola ia i kona kaikaina a make. No ke aha lā kēlā i pepehi ai iā ia? No ka mea, ua hewa kāna hana iho, a ua pono hoʻi kā kona kaikaina.

ʻO KA ʻEPISETOLE HOʻOLAHA MUA A IOANE 3:12 Iomraidhean Croise

KA BUKE MUA A MOSE, I KAPA ʻIA KINOHI 4:25

¶ ʻIke hou ihola ʻo ʻAdamu i kāna wahine; a hānau maila ia he keiki kāne, a kapa akula i kona inoa ʻo Seta; no ka mea, ua hāʻawi maila ke Akua i ka hua hou naʻu, wahi āna, i pani hakahaka no ʻAbela i pepehi ʻia e Kaina.

KA BUKE ʻALUA A SAMUʻELA 13:22

ʻAʻole i ʻōlelo aku ʻo ʻAbesaloma iā ʻAmenona kona kaikuaʻana i ka pono, ʻaʻole hoʻi i ka hewa; no ka mea, ua inaina aku ʻo ʻAbesaloma iā ʻAmenona, i kona puʻe wale ʻana iā Tamara i kona kaikuahine.

KA BUKE O NĀ HALELŪ 37:12

¶ Kūkākūkā kūʻē ka mea hewa i ka mea pono, A nau ihola me kona mau niho iā ia.

KA BUKE O NĀ HALELŪ 38:20

ʻO ka poʻe hoʻihoʻi i ka hewa no ka pono ua kūʻē mai lākou iaʻu, No koʻu hahai ʻana i ka pono.

NĀ ʻŌLELO AKAMAI A SOLOMONA 27:4

He aloha ʻole ka inaina, he mea make ka huhū, ʻO wai lā hoʻi e hiki ke kū i mua o ka huāhuā?

NĀ ʻŌLELO AKAMAI A SOLOMONA 29:10

ʻO ka poʻe puni koko, inaina aku lākou i ka mea pololei; ʻImi hoʻi ka poʻe hoʻopono i ke ola nona.

NĀ ʻŌLELO AKAMAI A SOLOMONA 29:27

He mea hoʻopailua i ka poʻe pono ke kanaka hoʻopono ʻole; He mea hoʻopailua hoʻi i ka mea hewa, ka mea pololei ma kona ʻaoʻao.

KA ʻEUANELIO I KĀKAU ʻIA AI E MATAIO 13:19

“ʻO kēlā mea kēia mea lohe i ka ʻōlelo no ke aupuni me ka hoʻomaopopo ʻole; a laila, hele mai nō ka mea ʻino, a kāʻili aku ia i ka mea i lūlū ʻia i loko o kona naʻau. ʻO ia ka mea i lūlū ʻia ma kapa alanui.

KA ʻEUANELIO I KĀKAU ʻIA AI E MATAIO 13:38

“ʻO ka mahina ʻai, ʻo ia ke ao nei; ʻo ka hua maikaʻi, ʻo ia nā keiki no ke aupuni; a ʻo ka zīzānia, ʻo ia nā keiki o ka mea ʻino.

KA ʻEUANELIO I KĀKAU ʻIA AI E MATAIO 23:35

“I hoʻokau ʻia ma luna iho o ʻoukou ke koko hala ʻole a pau i hoʻokahe ʻia ma luna o ka honua, mai ke koko o ʻAbela o ke kanaka pono mai, a hiki i ke koko o Zekaria ke keiki a Barakia, a ʻoukou i pepehi ai ma waena o ka luakini a me ke kuahu.

KA ʻEUANELIO I KĀKAU ʻIA AI E MATAIO 27:23

Nīnau akula ke kiaʻāina, “No ke aha? He aha ka hewa āna i hana ai?” A nui loa aʻela kā lākou ʻuā ʻana mai, ʻī mai, “E kaulia ma ke keʻa!”

KA ʻEUANELIO I KĀKAU ʻIA AI E MATAIO 5:37

“Penei ʻoukou e ʻōlelo aku ai, ‘ʻO ka ʻae, he ʻae ia; ʻo ka ʻole, he hōʻole ia:’ a ʻo ka mea ʻoi aku i kēia, no ka ʻino mai ia.

KA ʻEUANELIO I KĀKAU ʻIA AI E LUKA 11:51

‘Mai ke koko mai o ʻAbela, a hiki i ke koko o Zekaria, ka mea i pepehi ʻia ma waena o ke kuahu a me ka luakini. ʻOiaʻiʻo, ke ʻōlelo aku nei au iā ʻoukou, e hoʻopaʻi ana nō ia ma luna iho o kēia hanauna.’

KA ʻEUANELIO I KĀKAU ʻIA AI E IOANE 10:32

ʻŌlelo maila ʻo Iesū iā lākou, “He nui nā hana maikaʻi aʻu i hōʻike aku ai iā ʻoukou na koʻu Makua; no ka hana hea o ua mau hana lā, e hailuku mai ai ʻoukou iaʻu?”

KA ʻEUANELIO I KĀKAU ʻIA AI E IOANE 8:40

“Akā, ʻānō ke ʻimi nei ʻoukou e pepehi iaʻu, i ke kanaka nāna i haʻi aku iā ʻoukou ka ʻoiaʻiʻo aʻu i lohe ai i ke Akua; ʻaʻole pēlā kā ʻAberahama i hana ai.

KA ʻEUANELIO I KĀKAU ʻIA AI E IOANE 8:41

“Ke hana nei ʻoukou i nā hana a ko ʻoukou makua.” A laila ʻōlelo akula lākou iā ia, “ʻAʻole mākou i hānau ʻia no ka moekolohe; hoʻokahi o mākou Makua, ʻo ke Akua.”

NĀ ʻOIHANA A KA POʻE LUNAʻŌLELO 7:52

“ʻO wai kekahi mea o ka poʻe kāula i hoʻomaʻau ʻole ʻia e ko ʻoukou poʻe kūpuna? Ua pepehi hoʻi lākou i ka poʻe nāna i haʻi mua mai i ka hiki ʻana mai o ka Mea Hemolele, ka mea a ʻoukou i kumakaia iho nei a pepehi ihola.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:14

No ka mea, ua lilo mai ʻoukou, e nā hoahānau, i mau mea hoʻohālike me nā ʻekalesia o ke Akua, ma Iudea, i loko o Kristo Iesū; no ka mea, ua hōʻino ʻia mai hoʻi ʻoukou e ko ka ʻāina o ʻoukou iho, e like me lākou e ka poʻe Iudaio;

ʻO KA ʻEPISETOLE A PAULO KA LUNAʻŌLELO I KO HEBERA 11:4

Ma ka manaʻoʻiʻo i kaumaha aku ai ʻo ʻAbela i ke Akua i ka mōhai maikaʻi aku i ko Kaina, ma laila hoʻi i hoʻāpono ʻia ai ʻo ia he pono, ʻo ia kā ke Akua hōʻike ʻana mai no kona ʻālana; ma laila hoʻi ke ʻōlelo nei ʻo ia ka mea i make.

ʻO KA ʻEPISETOLE A PAULO KA LUNAʻŌLELO I KO HEBERA 12:24

a i ka ʻuao o ka berita hou, iā Iesū, a i ke koko no ka pīpī ʻana, e ʻōlelo ana i nā mea maikaʻi ʻoi aku ma mua o ko ʻAbela.

ʻO KA ʻEPISETOLE HOʻOLAHA MUA A PETERO 4:4

Ke kāhāhā nei nō lākou me ke kūamuamu mai i ko ʻoukou holo pū ʻole ʻana me lākou i ka hoʻomāunauna ʻino.

ʻO KA ʻEPISETOLE HOʻOLAHA MUA A IOANE 3:8

ʻO ka mea e hana ana i ka hewa, no ka diabolō nō ia; no ka mea, ua hana hewa mau ka diabolō, mai kinohi mai. No ia mea, ua hōʻikea mai ke Keiki a ke Akua, i hōkaʻe aku ai ʻo ia i kā ka diabolō hana ʻana.

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.

KA HŌʻIKE ʻANA A IOANE KA HAIPULE 17:6

A ʻike akula au i ua wahine lā, ua ʻona i ke koko o ka poʻe haipule, a me ke koko o ka poʻe hōʻike aku iā Iesū; a i koʻu ʻike ʻana, kāhāhā akula au, me ka manaʻo kāhāhā nui loa.