ʻO KA ʻEPISETOLE HOʻOLAHA MUA A IOANE 3:10 - Ka Baibala Hemolele

¹⁰ Ma laila nō i maopopo ai nā keiki a ke Akua, a me ka poʻe keiki na ka diabolō. ʻO ka mea hana ʻole ma ka pono, ʻaʻole ia na ke Akua, ʻaʻole hoʻi ka mea aloha ʻole i kona hoahānau.

ʻO KA ʻEPISETOLE HOʻOLAHA MUA A IOANE 3:10 Iomraidhean Croise

KA BUKE ʻALUA A SAMUʻELA 13:22

ʻAʻole i ʻōlelo aku ʻo ʻAbesaloma iā ʻAmenona kona kaikuaʻana i ka pono, ʻaʻole hoʻi i ka hewa; no ka mea, ua inaina aku ʻo ʻAbesaloma iā ʻAmenona, i kona puʻe wale ʻana iā Tamara i kona kaikuahine.

KA ʻEUANELIO I KĀKAU ʻIA AI E MATAIO 13:38

“ʻO ka mahina ʻai, ʻo ia ke ao nei; ʻo ka hua maikaʻi, ʻo ia nā keiki no ke aupuni; a ʻo ka zīzānia, ʻo ia nā keiki o ka mea ʻino.

KA ʻEUANELIO I KĀKAU ʻIA AI E LUKA 6:35

“Akā, e aloha aku i ko ʻoukou poʻe ʻenemi, e hana maikaʻi aku, a e hāʻawi aku, me ka manaʻo ʻole i ka uku hou ʻia; a laila e nui ka uku no ʻoukou, e lilo hoʻi ʻoukou i mau keiki na ka Mea Kiʻekiʻe Loa; no ka mea, he lokomaikaʻi mai ʻo ia i ka poʻe aloha ʻole, a me ka poʻe hewa.

KA ʻEUANELIO I KĀKAU ʻIA AI E IOANE 1:12

Akā, ʻo ka poʻe i mālama iā ia me ka manaʻoʻiʻo i kona inoa, hāʻawi maila ia i ka pono no lākou e lilo ai i poʻe keiki na ke Akua;

KA ʻEUANELIO I KĀKAU ʻIA AI E IOANE 11:52

ʻaʻole naʻe no ia lāhui kanaka wale nō; akā, i hōʻuluʻulu mai ai hoʻi ia i nā keiki a ke Akua, i noho liʻiliʻi aku ai, i loko o ka hoʻokahi.

KA ʻEUANELIO I KĀKAU ʻIA AI E IOANE 8:44

“Na ko ʻoukou makua ʻoukou na ka diabolō, a makemake nō ʻoukou e hana i nā kuko o ko ʻoukou makua. He pepehi kanaka ia mai ke kumu mai, ʻaʻole ia i kū ma ka ʻoiaʻiʻo; no ka mea, ʻaʻohe ʻoiaʻiʻo i loko ona. Inā ʻōlelo ʻo ia i ka wahaheʻe, ʻōlelo nō ʻo ia i kāna iho; no ka mea, he wahaheʻe ʻo ia, a ʻo ka makua hoʻi ia no ka wahaheʻe.

KA ʻEUANELIO I KĀKAU ʻIA AI E IOANE 8:47

“ʻO ka mea no ke Akua, ʻo ia ke hoʻolohe i kā ke Akua ʻōlelo; ʻaʻole nō ʻoukou e hoʻolohe mai; no ka mea, ʻaʻole no ke Akua ʻoukou.”

NĀ ʻOIHANA A KA POʻE LUNAʻŌLELO 13:10

ʻĪ maila, “Auē ʻoe ka mea i piha i ka wahaheʻe a me ka hewa a pau, he keiki na ka diabolō, he ʻenemi no ka pono a pau, ʻaʻole anei e hoʻōki ʻoe i kou keʻakeʻa ʻana i nā ʻaoʻao pono o ka Haku?

ʻO KA ʻEPISETOLE A PAULO KA LUNAʻŌLELO I KO ROMA 13:8

¶ Mai noho a ʻaiʻē wale i kā kekahi, ʻanoʻai ma ke aloha i kekahi i kekahi; no ka mea, ʻo ka mea i aloha iā haʻi, ʻo ia ke mālama i ke kānāwai.

ʻO KA ʻEPISETOLE A PAULO KA LUNAʻŌLELO I KO ʻEPESO 5:1

¶ No ia hoʻi, e hahai ʻoukou i ke Akua, e like me nā keiki punahele;

ʻO KA ʻEPISETOLE A PAULO KA LUNAʻŌLELO I KO KOLOSA 3:14

A ʻo ke aloha kekahi, ma luna iho o nēia mau mea a pau, ʻo ia ka mea hemolele e paʻa pono ai.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:5

ʻO ka hope o ke kauoha, ʻo ke aloha ia, mai loko mai o ka naʻau maʻemaʻe, a me ka manaʻo maikaʻi, a me ka paulele ʻoiaʻiʻo.

ʻO KA ʻEPISETOLE HOʻOLAHA MUA A IOANE 2:29

Inā i ʻike ʻoukou, he pono ʻo ia, ke ʻike nei nō hoʻi ʻoukou, ua hoʻohānau ʻia mai e ia nā mea a pau e hana ana i ka pono.

ʻO KA ʻEPISETOLE HOʻOLAHA MUA A IOANE 3:1

¶ Eia hoʻi, manomano ke aloha a ka Makua i hāʻawi mai ai iā kākou, i kapa ʻia mai ai kākou he poʻe keiki na ke Akua; no ia mea, ʻaʻole i ʻike mai ko ke ao nei iā kākou; no ka mea, ʻaʻole lākou i ʻike iā ia.

ʻO KA ʻEPISETOLE HOʻOLAHA MUA A IOANE 3:2

E nā punahele, ʻānō lā, he poʻe keiki kākou na ke Akua; akā, ʻo ko kākou ʻano ma hope aku, ʻaʻole ʻikea ia; akā, ke ʻike nei kākou, a i kona wā e ʻikea mai ai, e like auaneʻi kākou me ia; no ka mea, e ʻike kākou iā ia ma kona ʻano maoli.

ʻO KA ʻEPISETOLE HOʻOLAHA MUA A IOANE 4:21

Eia mai kāna kauoha iā kākou, inā e aloha aku kekahi i ke Akua, e aloha aku nō hoʻi ʻo ia i kona hoahānau.

ʻO KA ʻEPISETOLE HOʻOLAHA MUA A IOANE 4:6

No ke Akua kākou; ʻo ka mea i ʻike i ke Akua, ʻo ia ke lohe mai iā mākou; ʻo ka mea, ʻaʻole no ke Akua, ʻaʻole ia i lohe mai iā mākou. Ma ia mea, ua ʻike nō kākou i ka ʻuhane o ka ʻoiaʻiʻo, a me ka ʻuhane o ka wahaheʻe.

ʻO KA ʻEPISETOLE HOʻOLAHA MUA A IOANE 4:8

ʻO ka mea e aloha ʻole ana, ʻaʻole ia i ʻike aku i ke Akua; no ka mea, he aloha ke Akua.

ʻO KA ʻEPISETOLE HOʻOLAHA MUA A IOANE 5:19

Ke ʻike nei kākou, no ke Akua kākou, a ʻo ke ao nei a pau, ke moe nei ia i loko o ka hewa.

ʻO KA ʻEPISETOLE HOʻOLAHA MUA A IOANE 5:2

No ia mea, ke ʻike nei nō kākou i ko kākou aloha ʻana i nā keiki a ke Akua, ke aloha aku kākou i ke Akua me ka mālama aku i kāna mau kauoha.

ʻO KA ʻEPISETOLE KOLU A IOANE 1:11

E ka punahele, mai hoʻomāhuʻi ʻoe i ka hewa; akā, i ka maikaʻi nō. ʻO ka mea hana maikaʻi, no ke Akua nō ia; ʻo ka mea e hana ʻino, ʻaʻole ʻo ia i ʻike i ke Akua.