ʻO KA ʻEPISETOLE HOʻOLAHA MUA A IOANE 2:3 - Ka Baibala Hemolele

³ Eia ka mea e maopopo ai iā kākou ko kākou ʻike ʻana iā ia, inā e mālama aku ana kākou i kāna mau kauoha.

ʻO KA ʻEPISETOLE HOʻOLAHA MUA A IOANE 2:3 Iomraidhean Croise

KA BUKE O NĀ HALELŪ 119:32

E holo nō wau ma ke ala o kāu mau kauoha; No ka mea, e hoʻomāhuahua mai nō ʻoe i koʻu manaʻo.

KA BUKE O NĀ HALELŪ 119:6

A laila, ʻaʻole au e hilahila, I koʻu nānā pono ʻana i kāu mau kauoha a pau.

KA WĀNANA A ʻISAIA 53:11

E ʻike aku nō ʻo ia i ka hope o ka luhi ʻana o kona ʻuhane, A e ʻoluʻolu ʻo ia; Ma ka ʻike ʻana iā ia, e hoʻāpono nō kaʻu Kauā Hemolele i nā mea he nui, No ka mea, nāna nō e amo i ko lākou hewa.

KA ʻEUANELIO I KĀKAU ʻIA AI E LUKA 6:46

¶ “No ke aha lā ʻoukou i hea mai ai iaʻu, ‘E ka Haku, e ka Haku,’ me ka mālama ʻole i ka mea aʻu e kauoha aku ai?

KA ʻEUANELIO I KĀKAU ʻIA AI E IOANE 14:15

“Inā e aloha mai ʻoukou iaʻu, e mālama ʻoukou i kaʻu mau kauoha.

KA ʻEUANELIO I KĀKAU ʻIA AI E IOANE 15:10

“Inā e mālama ʻoukou i kaʻu mau kauoha, e noho ʻoukou i loko o kuʻu aloha; e like me aʻu i mālama ai i nā kauoha a koʻu Makua, a e noho i loko o kona aloha.

KA ʻEUANELIO I KĀKAU ʻIA AI E IOANE 15:14

“ʻO ʻoukou koʻu mau hoaaloha, ke hana ʻoukou i nā mea aʻu e kauoha nei iā ʻoukou.

KA ʻEUANELIO I KĀKAU ʻIA AI E IOANE 17:3

“Eia ke ola mau loa, i ʻike lākou iā ʻoe i ke Akua ʻoiaʻiʻo hoʻokahi, a iā Iesū ka Mesia, ka Mea āu i hoʻouna mai ai.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:6

No ka mea, ʻo ke Akua nāna i kēnā, “Ka mālamalama e pohā mai no loko mai o ka pouli,” ʻo ia kai hoʻomālamalama mai i loko o ko mākou naʻau, i mālamalama i ʻikea ka nani o ke Akua ma ka maka o Iesū Kristo.

ʻO KA ʻEPISETOLE A PAULO KA LUNAʻŌLELO I KO HEBERA 5:9

A i ka hoʻohemolele ʻia ʻana ona, ua lilo ʻo ia i Ola e ola mau loa ai no ka poʻe a pau i hoʻolohe iā ia.

ʻO KA ʻEPISETOLE HOʻOLAHA MUA A IOANE 2:13

E nā mākua kāne, ke palapala aku nei au iā ʻoukou; no ka mea, ua ʻike aku ʻoukou iā ia mai kinohi mai. Ke palapala aku nei au iā ʻoukou, e nā kānaka uʻi; no ka mea, ua lanakila ʻoukou ma luna o ka hewa. E nā keiki, ke palapala aku nei au iā ʻoukou; no ka mea, ua ʻike ʻoukou i ka Makua.

ʻO KA ʻEPISETOLE HOʻOLAHA MUA A IOANE 3:14

Ke ʻike nei kākou, ua lilo aʻe kākou mai ka make aʻe i ke ola; no ka mea, ke aloha aku nei kākou i nā hoahānau. ʻO ka mea e aloha ʻole ana i kona hoahānau, ke noho nei ʻo ia ma ka make.

ʻO KA ʻEPISETOLE HOʻOLAHA MUA A IOANE 3:19

Ma kēia mea e ʻike ai kākou, no ka ʻoiaʻiʻo kākou, a e hōʻoiaʻiʻo aku kākou i ko kākou mau naʻau i mua ona.

ʻO KA ʻEPISETOLE HOʻOLAHA MUA A IOANE 3:6

ʻO ka mea e noho ana i loko ona, ʻaʻole ia e hana hewa. ʻO ka mea e hana i ka hewa, ʻaʻole ia i nānā aʻe iā ia, ʻaʻole nō hoʻi i ʻike iā ia.

ʻO KA ʻEPISETOLE HOʻOLAHA MUA A IOANE 4:13

No ia mea, ke ʻike nei kākou, ua noho kākou i loko ona, a ʻo ia hoʻi i loko o kākou; no ka mea, ua hāʻawi mai ʻo ia i kona ʻUhane no kākou.

ʻO KA ʻEPISETOLE HOʻOLAHA MUA A IOANE 4:7

¶ E nā punahele, e aloha kākou i kekahi i kekahi; no ka mea, no ke Akua mai ke aloha; ʻo ka mea e aloha aku ana ua hoʻohānau ʻia mai ia e ke Akua, a ua ʻike nō ʻo ia i ke Akua.

ʻO KA ʻEPISETOLE HOʻOLAHA MUA A IOANE 5:19

Ke ʻike nei kākou, no ke Akua kākou, a ʻo ke ao nei a pau, ke moe nei ia i loko o ka hewa.

ʻO KA ʻEPISETOLE HOʻOLAHA MUA A IOANE 5:2

No ia mea, ke ʻike nei nō kākou i ko kākou aloha ʻana i nā keiki a ke Akua, ke aloha aku kākou i ke Akua me ka mālama aku i kāna mau kauoha.

ʻO KA ʻEPISETOLE HOʻOLAHA MUA A IOANE 5:3

No ka mea, eia nō ke aloha o ke Akua, ʻo ka mālama aku i kāna mau kauoha; ʻaʻole hoʻi he mea luhi kāna mau kauoha.

KA HŌʻIKE ʻANA A IOANE KA HAIPULE 12:17

Inaina akula ka deragona i ka wahine, a hele akula ia e kaua me ka poʻe i koe o kāna poʻe keiki, ʻo ka poʻe i mālama i ke kānāwai o ke Akua, a hoʻomau i ka hōʻike ʻana iā Iesū.

KA HŌʻIKE ʻANA A IOANE KA HAIPULE 14:12

Ma ʻaneʻi nō ka hoʻomanawanui ʻana o ka poʻe haipule, ka poʻe mālama i nā kauoha a ke Akua me ka manaʻoʻiʻo iā Iesū.

KA HŌʻIKE ʻANA A IOANE KA HAIPULE 22:14

Pōmaikaʻi ka poʻe mālama i kona mau kānāwai, i hiki ke loaʻa iā lākou ko ka lāʻau o ke ola, i komo aku hoʻi ma nā puka, i loko o ke kūlanakauhale.