ʻO KA ʻEPISETOLE HOʻOLAHA MUA A IOANE 2:18 - Ka Baibala Hemolele

¹⁸ ¶ E nā kamaliʻi ʻuʻuku, eia ka hope o ka manawa. Me ko ʻoukou lohe ʻana i ka hiki ʻana mai o ʻAnikristo, pēlā nō e noho nei nā ʻanikristo he nui; no ia mea, ua ʻike nō kākou ʻo ka hope kēia o ka manawa.

ʻO KA ʻEPISETOLE HOʻOLAHA MUA A IOANE 2:18 Iomraidhean Croise

KA ʻEUANELIO I KĀKAU ʻIA AI E MATAIO 24:11

“E kū mai nō hoʻi nā kāula wahaheʻe he nui loa, a e hoʻopunipuni aku hoʻi lākou i nā kānaka he nui loa.

KA ʻEUANELIO I KĀKAU ʻIA AI E MATAIO 24:24

“No ka mea, e kū aʻe nō nā mesia wahaheʻe, a me nā kāula wahaheʻe, a e hōʻike aku lākou i nā hōʻailona nui, a me nā mea kupanaha; a inā he mea hiki, inā e hoʻopunipuni hoʻi lākou i ka poʻe i wae ʻia.

KA ʻEUANELIO I KĀKAU ʻIA AI E MATAIO 24:5

“No ka mea, he nui nā mea e hele mai ma koʻu inoa, me ka ʻī ʻana mai, ‘ʻO wau nō ka Mesia,’ a he nui nō ka poʻe e hoʻopunipuni ʻia e lākou.

KA ʻEUANELIO I KĀKAU ʻIA AI E MAREKO 13:6

“No ka mea, he nui nā mea e hele mai ana ma koʻu inoa, me ka ʻōlelo mai, ‘ʻO wau nō ia,’ a e alakaʻi hewa ʻia nā mea he nui loa.

KA ʻEUANELIO I KĀKAU ʻIA AI E IOANE 21:5

A laila nīnau maila ʻo Iesū iā lākou, “E nā pōkiʻi, ʻaʻole a ʻoukou wahi iʻa?” ʻĪ akula lākou iā ia, “ʻAʻole.”

ʻO KA ʻEPISETOLE A PAULO KA LUNAʻŌLELO I KO ROMA 13:11

¶ ʻO ia hoʻi, e hoʻomanaʻo ana ʻoukou i ka manawa, eia ka hora e ala ai kākou mai ka hiamoe ʻana; no ka mea, ʻānō ua kokoke aʻe ko kākou ola, i ko ka wā i manaʻoʻiʻo ai kākou.

ʻO KA ʻEPISETOLE A PAULO KA LUNAʻŌLELO I KO ROMA 13:12

Ua ʻaui aʻe nei ka pō, ua kokoke mai hoʻi ke ao; no laila e haʻalele aku kākou i nā hana o ka pouli, a e ʻaʻahu i nā mea kaua no ka mālamalama.

ʻO KA ʻEPISETOLE A PAULO KA LUNAʻŌLELO I KO HEBERA 1:2

ʻo ia kai ʻōlelo hou mai iā kākou i kēia mau lā muli iho nei ma ke Keiki, ka Mea i hoʻolilo ʻia e ia i Haku no nā mea a pau, ma ona lā hoʻi ia i hana ai i ka lani a me ka honua.

ʻO KA ʻEPISETOLE HOʻOLAHA MUA A PETERO 1:20

Ua hoʻonoho ʻia ʻo ia ma mua o ka hoʻokumu ʻana o ke ao nei; akā, ua hōʻike ʻia mai i kēia wā hope no ʻoukou,

ʻO KA ʻEPISETOLE HOʻOLAHA MUA A PETERO 1:5

ka poʻe i mālama ʻia mai e ka mana o ke Akua, ma ka manaʻoʻiʻo, i loaʻa mai ke ola i hoʻomākaukau ʻia no ka hōʻike ʻia mai i ka wā ma hope.

ʻO KA ʻEPISETOLE HOʻOLAHA MUA A PETERO 4:7

¶ Ua kokoke mai nō ka hopena o nā mea a pau; no laila, e kūoʻo ʻoukou, a e kiaʻi ma ka pule.

ʻO KA ʻEPISETOLE HOʻOLAHA ʻALUA A PETERO 2:1

¶ He poʻe kāula wahaheʻe kekahi ma mua i waena o nā kānaka, pēlā nō e hiki mai auaneʻi kekahi poʻe kumu wahaheʻe i waena o ʻoukou, na lākou nō e hōʻike malū mai i nā manaʻo kūʻē, e make ai, e hōʻole ana i ka Haku nāna lākou i kūʻai mai, a e hoʻoili ana i ka make koke ma luna o lākou iho.

ʻO KA ʻEPISETOLE HOʻOLAHA ʻALUA A PETERO 3:3

E ʻike mua ʻoukou i kēia; i nā lā ma hope, e hiki mai ana nō ka poʻe hoʻowahāwahā, hilahila ʻole, a e hele ana nō hoʻi lākou ma muli o ko lākou kuko iho,

ʻO KA ʻEPISETOLE HOʻOLAHA MUA A IOANE 2:22

ʻO wai lā ka mea wahaheʻe ke ʻole ka mea e hōʻole ana, ʻaʻole ʻo Iesū ka Mesia? ʻO ka mea e hōʻole ana i ka Makua a me ke Keiki, ʻo ia nō ke ʻanikristo.

ʻO KA ʻEPISETOLE HOʻOLAHA MUA A IOANE 4:1

¶ E nā punahele, mai manaʻoʻiʻo aku ʻoukou i nā ʻuhane a pau; akā, e hoʻāʻo aku i nā ʻuhane, no ke Akua mai paha, ʻaʻole paha; no ka mea, ua nui nō nā kāula wahaheʻe i hele aku i waena o ke ao nei.

ʻO KA ʻEPISETOLE HOʻOLAHA MUA A IOANE 4:3

ʻO kēlā ʻuhane ʻo kēia ʻuhane e hōʻoiaʻiʻo ʻole ana, ua hiki mai ʻo Iesū Kristo ma ke kino, ʻaʻole no ke Akua kēlā; a ʻo ko ʻAnikristo kēia a ʻoukou i lohe ai e hele mai ana; a eia mai nei i loko o ke ao nei i kēia manawa.

ʻO KA ʻEPISETOLE LUA A IOANE 1:7

No ka mea, ua komo mai i ke ao nei ka poʻe wahaheʻe he nui wale, ʻaʻole lākou i hōʻoiaʻiʻo i ko Iesū Kristo hiki ʻana mai ma ke kino; ʻo ia nō ka wahaheʻe a me ke ʻanikristo.

ʻO KA ʻEPISETOLE HOʻOLAHA A IUDA 1:18

i ko lākou haʻi ʻana mai iā ʻoukou, “I ka hope o ka manawa, e hiki mai ai ka poʻe haʻakei e hele ana ma ko lākou kuko ʻaiā iho.”