ʻO KA ʻEPISETOLE HOʻOLAHA MUA A IOANE 2:14 - Ka Baibala Hemolele

¹⁴ Ua palapala aku au iā ʻoukou, e nā mākua kāne; no ka mea, ua ʻike ʻoukou iā ia mai kinohi mai. E nā kānaka uʻi, ua palapala aku au iā ʻoukou; no ka mea, ua ikaika nō ʻoukou, ke noho lā nō ka ʻōlelo a ke Akua i loko o ʻoukou, a ua lanakila nō hoʻi ʻoukou ma luna o ka hewa.

ʻO KA ʻEPISETOLE HOʻOLAHA MUA A IOANE 2:14 Iomraidhean Croise

KA BUKE O NĀ HALELŪ 119:11

Ua hūnā nō wau i kāu ʻōlelo i loko o koʻu naʻau, I ʻole au e hana hewa aku iā ʻoe.

KA ʻEUANELIO I KĀKAU ʻIA AI E IOANE 15:7

“Inā e pili mai ʻoukou iaʻu, a e noho kaʻu mau ʻōlelo i loko o ʻoukou, a laila, e nonoi ʻoukou i kā ʻoukou mea e makemake ai, a e hāʻawi ʻia nō ia iā ʻoukou.

KA ʻEUANELIO I KĀKAU ʻIA AI E IOANE 5:38

“ʻAʻole iā ʻoukou kāna ʻōlelo e noho ana i loko o ʻoukou; no ia hoʻi, ʻo ka mea āna i hoʻouna mai ai, ʻaʻole ʻoukou i manaʻoʻiʻo iā ia.

KA ʻEUANELIO I KĀKAU ʻIA AI E IOANE 8:31

¶ A laila ʻōlelo maila ʻo Iesū i ka poʻe Iudaio i manaʻoʻiʻo iā ia, “Inā e hoʻomau ʻoukou ma kaʻu ʻōlelo, a laila he poʻe haumāna ʻiʻo ʻoukou naʻu.

KA ʻEUANELIO I KĀKAU ʻIA AI E IOANE 8:37

“Ua ʻike nō au, he mamo ʻoukou na ʻAberahama; akā, ke ʻimi nei ʻoukou iaʻu e pepehi; no ka mea, ʻaʻole i komo ʻiʻo kaʻu ʻōlelo i loko o ʻoukou.

ʻO KA ʻEPISETOLE A PAULO KA LUNAʻŌLELO I KO ʻEPESO 6:10

¶ Eia hoʻi, e nā hoahānau oʻu, i ikaika ʻoukou ma ka Haku, a ma ka ikaika o kona mana.

ʻO KA ʻEPISETOLE A PAULO KA LUNAʻŌLELO I KO PILIPI 4:13

E hiki nō iaʻu nā mea a pau, ke kōkua mai ʻo Kristo iaʻu.

ʻO KA ʻEPISETOLE A PAULO KA LUNAʻŌLELO I KO KOLOSA 1:11

E hoʻoikaika nui ʻia mai ʻoukou e kona mana nani, i ke kūpaʻa ʻana, a me ke ahonui a me ka ʻoliʻoli;

ʻO KA ʻEPISETOLE A PAULO KA LUNAʻŌLELO I KO KOLOSA 3:16

A e noho lako mai ka ʻōlelo a Kristo i loko o ʻoukou, me ka naʻauao loa; e aʻo ana a e hoʻonaʻauao ana hoʻi kekahi i kekahi i nā halelū, a me nā hīmeni, a me nā mele ma ka ʻUhane, e ʻoli ana i ka Haku me ka maikaʻi i loko o ko ʻoukou naʻau.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:1

¶ ʻO ʻoe hoʻi, e kaʻu keiki, e hoʻoikaika ma ka pono i loko o Kristo Iesū.

ʻO KA ʻEPISETOLE A PAULO KA LUNAʻŌLELO I KO HEBERA 8:10

“Akā, eia ka berita aʻu e hana aku ai me ka ʻohana ʻIseraʻela, Ma hope iho o ua mau lā lā, wahi a Iēhova; E paʻi au i koʻu mau kānāwai ma ko lākou manaʻo, A e kākau iho ia mau mea ma ko lākou naʻau; A e lilo au i Akua no lākou, A e lilo mai lākou i poʻe kānaka noʻu.

ʻO KA ʻEPISETOLE HOʻOLAHA MUA A IOANE 1:1

¶ ʻO ka mea mai kinohi mai, ka mea a mākou i lohe ai, ka mea a ko mākou mau maka i ʻike ai, ka mea a mākou i manaʻo ai, a i lawelawe ai nō hoʻi me ko mākou mau lima, no ka Logou o ke Ola;

ʻO KA ʻEPISETOLE HOʻOLAHA MUA A IOANE 1:10

Inā e ʻōlelo kākou, “ʻAʻole kākou i hana hewa,” ua hoʻolilo kākou iā ia i mea wahaheʻe, ʻaʻole hoʻi kāna ʻōlelo i loko o kākou.

ʻO KA ʻEPISETOLE HOʻOLAHA MUA A IOANE 2:13

E nā mākua kāne, ke palapala aku nei au iā ʻoukou; no ka mea, ua ʻike aku ʻoukou iā ia mai kinohi mai. Ke palapala aku nei au iā ʻoukou, e nā kānaka uʻi; no ka mea, ua lanakila ʻoukou ma luna o ka hewa. E nā keiki, ke palapala aku nei au iā ʻoukou; no ka mea, ua ʻike ʻoukou i ka Makua.

ʻO KA ʻEPISETOLE LUA A IOANE 1:2

no ka ʻoiaʻiʻo e noho ana i loko o kākou, a e mau loa aku nō hoʻi i loko o kākou:

ʻO KA ʻEPISETOLE KOLU A IOANE 1:3

Ua hauʻoli nui nō wau i ka wā i hiki mai ai ʻo ka poʻe hoahānau, a hōʻike mai i ka ʻoiaʻiʻo ou, me kou hele ʻana ma ka ʻoiaʻiʻo.

KA HŌʻIKE ʻANA A IOANE KA HAIPULE 2:3

‘He ahonui kou, a ua hoʻomanawanui nō hoʻi ʻoe ma koʻu inoa, ʻaʻole i paupauaho.

KA HŌʻIKE ʻANA A IOANE KA HAIPULE 2:7

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻo ka mea lanakila, e hāʻawi nō wau iā ia, e ʻai i ko ka lāʻau o ke ola, ka mea ma loko o ka Paradaiso o koʻu Akua.’