ʻO KA ʻEPISETOLE HOʻOLAHA MUA A IOANE 2:12 - Ka Baibala Hemolele

¹² ¶ E nā pōkiʻi, ke palapala aku nei au iā ʻoukou; no ka mea, ua pau ko ʻoukou hewa i ke kala ʻia no kona inoa.

ʻO KA ʻEPISETOLE HOʻOLAHA MUA A IOANE 2:12 Iomraidhean Croise

KA BUKE O NĀ HALELŪ 106:8

Akā, no kona inoa, hoʻōla mai ʻo ia iā lākou, I hōʻike mai ai ʻo ia i kona mana.

KA BUKE O NĀ HALELŪ 25:11

No kou inoa, e Iēhova, e kala mai ai ʻoe i koʻu hewa; No ka mea, he nui nō ia.

KA WĀNANA A IEREMIA 14:7

“E Iēhova, ke hōʻike kūʻē mai nei ko mākou hewa iā mākou; Akā, e hana mai ʻoe no kou inoa iho; No ka mea, ua nui loa ko mākou hoʻi hope ʻana, Ua hana hewa mākou iā ʻoe.

KA ʻEUANELIO I KĀKAU ʻIA AI E LUKA 24:47

a e haʻi ʻia aku hoʻi ka mihi a me ke kala ʻana i ka hala ma kona inoa ma waena o nā lāhui kanaka a pau, e hoʻomaka ana ma Ierusalema.

KA ʻEUANELIO I KĀKAU ʻIA AI E LUKA 5:20

A i kona ʻike ʻana i ko lākou manaʻoʻiʻo, ʻī maila ʻo ia iā ia, “E ke kanaka, ua kala ʻia nā hewa ou.”

NĀ ʻOIHANA A KA POʻE LUNAʻŌLELO 10:43

“Ua hōʻike maopopo mai ka poʻe kāula a pau nona, e loaʻa ke kala ʻana o ka hala ma kona inoa, i ka poʻe a pau i manaʻoʻiʻo iā ia.”

NĀ ʻOIHANA A KA POʻE LUNAʻŌLELO 13:38

“No ia mea, e ʻike pono ʻoukou, e nā kānaka, nā hoahānau, ma ona lā, ua haʻi ʻia aku iā ʻoukou ke kala ʻana o ka hala.

NĀ ʻOIHANA A KA POʻE LUNAʻŌLELO 4:12

“ʻAʻole loa he ola ma loko o ka mea ʻē aʻe; no ka mea, ʻaʻole inoa ʻē aʻe i hāʻawi ʻia mai ma lalo iho o ka lani, i waena o nā kānaka, i mea e ola ai kākou.”

ʻO KA ʻEPISETOLE MUA A PAULO KA LUNAʻŌLELO I KO KORINETO 6:11

A pēlā nō kekahi poʻe o ʻoukou; akā, ua holoi ʻia ʻoukou, ua huikala ʻia, ua hoʻāpono ʻia ma ka inoa o ka Haku ʻo Iesū, a ma ka ʻUhane o ko kākou Akua.

ʻO KA ʻEPISETOLE A PAULO KA LUNAʻŌLELO I KO ʻEPESO 1:7

Nona mai ke ola iā kākou ma kona koko, ke kala ʻana o nā hala, e like me ka lako o kona lokomaikaʻi;

ʻO KA ʻEPISETOLE A PAULO KA LUNAʻŌLELO I KO ʻEPESO 4:32

E lokomaikaʻi ʻoukou i kekahi i kekahi, e aloha aku me ka naʻau, e kala ana hoʻi kekahi i kekahi, e like me kā ke Akua i kala mai ai i ko ʻoukou ma o Kristo lā.

ʻO KA ʻEPISETOLE A PAULO KA LUNAʻŌLELO I KO KOLOSA 1:14

I loko ona ke ola no kākou i kona koko, ʻo ke kala ʻana aʻe o ka hewa.

ʻO KA ʻEPISETOLE HOʻOLAHA MUA A IOANE 1:4

Ke palapala aku nei mākou i kēia mau mea iā ʻoukou, i māhuahua ai ko ʻoukou ʻoliʻoli.

ʻO KA ʻEPISETOLE HOʻOLAHA MUA A IOANE 1:7

Akā, inā i hele kākou ma ka mālamalama e like me ia e noho lā ma ka mālamalama, a laila, ua aloha pū kākou i kekahi i kekahi; a na ke koko o Iesū Kristo ʻo kāna Keiki, e huikala mai iā kākou i ko kākou hewa a pau.

ʻO KA ʻEPISETOLE HOʻOLAHA MUA A IOANE 1:9

Inā e haʻi aku kākou i ko kākou hewa, he ʻoiaʻiʻo mai nō ke Akua a he lokomaikaʻi i ke kala mai i ko kākou hewa, a i ka hoʻomaʻemaʻe mai iā kākou mai nā mea pono ʻole a pau.

ʻO KA ʻEPISETOLE HOʻOLAHA MUA A IOANE 2:1

¶ E aʻu poʻe keiki aloha, ke palapala aku nei au i kēia mau mea iā ʻoukou, i ʻole ai ʻoukou e hana hewa; akā, inā e lawehala kekahi, aia nō ko kākou Mea nāna e ʻuao me ka Makua, ʻo Iesū Kristo ka Mea pono.

ʻO KA ʻEPISETOLE HOʻOLAHA MUA A IOANE 2:21

ʻAʻole au i palapala aku iā ʻoukou no ko ʻoukou ʻike ʻole ʻana i ka ʻoiaʻiʻo; akā, no ko ʻoukou ʻike ʻana, a no ia hoʻi, ʻaʻohe mea wahaheʻe no ka ʻoiaʻiʻo mai.

ʻO KA ʻEPISETOLE HOʻOLAHA MUA A IOANE 2:7

¶ E nā hoahānau, ʻaʻole he kānāwai hou kaʻu e palapala aku nei iā ʻoukou; akā, ʻo ke kānāwai kahiko ka mea i loaʻa iā ʻoukou mai kinohi mai; ʻo ke kānāwai kahiko, ʻo ia ka ʻōlelo a ʻoukou i lohe ai mai kinohi mai.